تجمع ربات البيوت المتفائلات..معا نحو المثالية والسنع يا سنعات"..لشهر صفر

رايقه :

حطي كماده دافيه واشربي دافئ خصوصاً القرفه مره تريح وراح ترتاحين إن شاءلله

وانا عندي كماده رهيبه من غير ماء يعني ماتقولين الله يستر لاتنكب علي

بس سخنيها في المكروويف لمده 2 دقيقه
وحطيها على اي مكان في جسمك وميزتها انها ماتبرد بسرعه
إذا روقت بحط لك صورتها
وانا تقريباً شاريتها ب 100 ريال بس والله تستاهل

أخباركم اليوم.. ان شاء الله الوضع مستقر..

اللي متعجبه من سيول جده تتفرج على الفديو اللي حطيته من يومين..

فيه شرح وافي..

يبين ان المويه اللي بالشوارع نازله من الجبال اللي تحد جده شرق..

يعني مش بس المطر اللي ينزل على الحي.. بل الجبال وما حولها..

تنزل بتروح للبحر..وتلقى البنايات بطريقها..

وفيه مجرى سيل قديم كان يصب بالبحر..

مع عمليات دفن البحر.. دفنو المصب وماكملو المجرى!!!

واصبح مجرى السيل يصب على الاحياء اللي بنيت بالمنطقة المدفونة!!!!!

شفتو عظم المشكلة!!! وسوء التخطيط!!!

حسبي الله ونعم الوكيل..

نسبت وكالة (يو بي آي) للأنباء إلى موقع الكتروني سعودي قوله أمس الخميس إن طائرة عمودية قامت بإجلاء طالبة من الأسرة الحاكمة وتركت بقية الطالبات في كلية دار الحكمة في مدينة جدة.

وذكر الموقع المسمى (حوار وتجديد) أن عددا كبيرا من الطالبات المحتجزات داخل الكلية كان ينتظر تدخل السلطات لإنقاذهن لدى وصول الطائرة العمودية التي قامت بإجلاء الطالبة برفقة رجلي أمن دون أن تكترث ببقية الطالبات.

كما نقلت الوكالة نفسها عن شهود عيان أن عددا من المتشددين أعاقوا عملية الإغاثة التي يقوم بها عدد من شباب جدة بسبب وجود عدد من الشابات على الرغم من الدعوة التي أطلقها الرئيس العام لهيئة الأمر بالمعروف والنهي عن المنكر (الشرطة الدينية) حمين الحمين.

جهود الإغاثة
وقال الشهود إن ما يُطلق عليهم اسم (المحتسبون) دخلوا على خط الإغاثة وبدأ عدد منهم في التجييش ضد أعمال التطوع التي بدأها شباب جدة أمس الخميس، كما قام عدد منهم بإرسال رسائل على الهاتف الجوال إلى مسؤولي غرفة جدة يطالبونهم بإيقاف أعمال الإغاثة ما لم يتم الفصل بين الجنسين ومنع الاختلاط.

ياااانااااااااس..انا اشق ثيابي

نتحمل مين والا مين!!! استغفر الله بس.. من جد نرفزت..

الظروف لها احكام.. اللهم ارنا الحق حقاً وارنا الباطل باطل..

ظهر الخير
انثى حمد لله على سلامة اخت زوجك
والله امس طول اليوم على اللاب ونشوف الاوضاع
صراحة شيء فوق الخيااال
لما نشوفه يصير للامريكان والكفرة نقول هذا غضب الله عليهم
لكن يصير بارض الحرمين الصراحة هذا مش غضب الله ..الا تقصير من البشر موت الذمة والضمير ..
قريت امس كثير عن اسباب الكارثة ..
هذي مشكلتنا العرب في كل مكان مش بس السعودية
حتى لما نتحرك ونبني ونعمر ..نبني بشكل عشوائي وفوضوي وقدام اول مشكلة ينهار كل شيء ..
طيب شن ينقصنا ..
فلوس ؟؟دولنا دول بترول و تقوم على اموالنا ميزانية دول ولو نسحب فلوسنا من بنوكهم اقتصادهم ينهار ..
شباب واعي ومنفتح ومتعلم ؟؟ عاد الجامعات والمعاهد ايش تدرسهم بالضبط ؟؟؟
..
ينقصنا حسن التخطيط والتدبير ..ينقصنا حب الوطن والاحساس بالمسؤولية تجاه ارواح البشر ..
ينقصنا الخوف من رب العالمين ..ينقصنا ضميييير حي وصاااحي ..
نسال الله الا يعاقبنا بما فعل السفهاء عديمي الضمير ...
..
وانا برايي حتى لو قدمت ارواح شهداء وكوارث اقتصادية ..فهذا من اجل ان يضع الله هؤلاء ضعاف النفوس في قفص الاتهام وياخذ الحق مجراه ..ولو ماصارت هالكارثة كان استمروا بالضحك عالشعب والسرقة اكثر واكثر ..
واتمنى من اهل الضحايا والمتضررين ماديا ونفسيا انهم مايرضوا زي العام الذي مضى بالتعويض والمليون !!!
المفروض يقولوا الملايين اللي بتصرفوها على التعويض حسنوا بيها اوضاع البلد الطيب ..عروس البحر ...
حسبنا الله ونعم الوكيل
والله شيء يقهر ..اسلام وعروبة في بعض يا ناس ...لو توكلت علينا امريكا او بريطانيا ايش كان صار فينا ؟؟؟؟

سلام بنات..

الف شكرلكل من سال على بنت خالتي الحمدلله خرجت لكن بعد ايش ؟؟من الساعه 7 الصباح الين 3 الفجر خرجوها خالي وزوجها المسكين ..وهي كنت اتواصل معاها بالجوال بالبدايه كانت عادي ومن بعد الساعه 10تعبت وصارت ماترد ع الجوال تقول جمعوهم في غرقه وعطوهم بطاطين على الساعه 3 قدر خالي ياخذها..الحمدلله على سلامتها تقول كانوا يجيبون طيارات الاخلاء عندنا تقول شفت شي الله لايوريكم.بس مانعين اي احد يصور عشان ماينتشر اخبار؟؟؟

المهم انا اليوم صباحا وصلت جده الحمدلله انا في شمال جده الاوضاع تمام لكن الدمار اللي شفته في طريقي ؟؟ماني قادره انسااة..

المهم حبيت اسلم عليكم واطمنكم والله لايوريكم مكروه في غاالي

السلام عليكم
استاحشتكم هلللللللللللللللبة كلكم انتم وعيالكم واخباركم وحروفكم وخطوطكم وودي اطلع لكم من الشاشة واحضنكم واحدة واحدة
كنت في بيت ماما من يوم الاحد الماضي لان زوجي راح لمدينة ثانية هو اهله لان عندهم حالة وفاة وما قدرت اروح معاه لان المدينة بعيدة وانا ما اقدر اروح بسبب الحمل والتعب في السيارة
رجت بيتي امس المساء وما لقيت وقت اقرا كل الصفحات
من شوي فنحت التجمع وبديت اقرا في اخباركم بس لقيتها تزعل وتضيق الخلق
والله العظيم خنقتني العبرة من خوفي عليكم كلكم حبيباتي مش بس اهل جدة
وكمان من حرقة قلبي وغيضي من المجرمين خاينين الامانة اللي هانت عليهم ارواح البشر حسبي الله ونعم الوكيل

ربي يفرج همكم ويرجع كل غايب لبيته سالم غانم معافى
ويطمن بال كل المشغولين على احبابهم برجعتهم
وينصلح الحال في جدة وماعاد تتكرر هالماساة ابدا في اي دولة عربية مسلمة

مرة استاحشتكم هلبة
والله العظيم اني احبكم هللللللللللبة حبيباتي

السلام عليكم ورحمة الله وبركاته
حبيت اطمنكم الحمد لله رجعوا اخوان على خير كلهم اجويا الكبير مارجع الا ثانى يوم لما دخل عليهم كان حاله عدم والثانى تخيلوا تركت سيارته في الشمال ورجع مشي للبيت واهلى في الرحاب والاخير مارجع الا الساعه 12 باليل والكل راجع مكتئب من الى شافه حبيت اطمنكم اننا بخير الحين محتاجين دعوه اكثر من اي حاجه بجد سار الو ضع ماينسكت عليه ابدا تتخيلوا جده تكون كذا؟؟؟؟؟ والحمدلله على كل حال


استودعكم الله التى لاتضيع ودائعه

كل ما افتح الملف..أحس بالبرد!!!!

ويقشعر جسمي..

جوجو..الخبر ما قصد الهيئة.. قصد افراد متشددة ومتزمته..

بعض العقول تجي عليهم ويسوونها..

على الرغم من الدعوة التي أطلقها الرئيس العام لهيئة الأمر بالمعروف والنهي عن المنكر

هم ما قصرو..بس فيه بعض الناس تفكيرهم ابيض واسود..ما عندهم رمادي ابد..
_________________

جِدة ..أصبحت جَدّه مرقدة بالمستشفى وبحاجه الى علاج..

رايقه وحولي عصافيري;14343614:
وتوره مشكووره على الطريقه طبقتها وضبطت معي وبعدن انتي تقولي اسوي خبز اسهل من الرز بالعكس الرز اسهل ولا تعجنين وتفردين وتحمرين !!!!!!!!!!!

العفو يا حلوة ..


لا الخبز اللي من البقاله :p مع المرقة هههههههههههههههههههههههههه


مو عجن وفرد وتحمير...:lol:

طمنونا عنكم يااهل جده


لازم مايسكتون اهل جده لازم يتعاقب المسؤؤل مصيبه كبيره لو صار زي السنه الماضيه وتحقيق وماادري شو وماشفنا شي ولا سمعنا شي

لازم تعلن اسماء المقصرين على الملا وغرامات ماليه واقالتهم من مناصبهم وتعيين الكفو فقط لمنصب الامانه هذي ارواح بشر وممتلكات ناس حرااااااااااااااااااااام

فيه ناس على قد حالهم تلقين سيارته مسكين تقسيط وتلقينه كمان يشتغل على سيارته وهي مصدر رزقه من يعوضه اللحين مييييييييين ؟؟؟

اتمنى مايسكتون المواطنين اللي فقد اطفاله وش يبي بالمليون اللي فقد زوجته واحبابه وش يبي بالمليون

(( إِنَّا عَرَضْنَا الأَمَانَةَ عَلَى السَّمَاواتِ وَالأرْضِ وَالْجِبَالِ فَأبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الإِنْسَانُ إِنَّهُ كَانَ ظَلُوماً جَهُولاً ))

اين المسؤلين من هذه الايه سبحاااان الله

عندي يوميات كثيره بس المزاج داوون اليوم بسبب االلي شفته

لطفك ياكريم ,,

فعلا يابنات لازم اهل جدة ما يسكتون هالمرة لازم ولابد انهم يتحدوا ويتخذوا موقف قوي تجاه المسؤولين عن هالمهزلة اللي نصير بعد كل ما تهطل الامطار
وزي ما يقول المثل ما يحك ظفرك غير جلدك

فوفو \
كلامك عين الصواب أحنا العرب والمسلمين عندنا قدرات هاااائلة مادياً وعلمياً وقبل كل شي دينياً
بس إذا دخل حب الدنيا في نفوس بعض البشر.. وصار القرش هو كل شي بالنسبة لهم وأنعدم الضمير اللي يخاف الله
صارت البلاوي والمصايب
لكن ما نقول غير حسبنا الله ونعم الوكيل
وعلى فكره التعويضات والملايين كلام فاااضي وا أحد شاف ولا ريال !!!!!!



روووز\
بالنسبة لإخلاء الأميره ما أدري صراحة ..
لكن رجال الهيئة وللأمانة أنا أعرف صاحباتي شخصياً وكلمتهم تقول هم اللي ساعدوهم وطلعوهم من المويه ووزعوهم على بيوتهم في أنصاص الليالي
و أكثر الشباب اللي ينقذ ويساعد في الشوارع وينظم السير هم من الشباب الملتزم
والله شبابنا فيهم خيييييييير المستقيم وغيره لكن حسبنا الله على اللي ما عرفو قيمتهم ولا عزوهم

وهاللي يطلعون الإشاعات والكلام ع الهيئة والملتزمين ، يصيدون في الماء العكر حسبي الله عليهم والله يشل حركتهم أو يهديهم


------------------------------------

والله أوضاع المسلمين تبكي العين وتحرك القلب ,, مصر وضعهم صعب لا تنسونهم من دعائكم واليمن كمان

الله ينصر الإسلام والمسلمييييين

دانة حبوبو تسلمي على سؤالك عني وربي ما يشغل بالك على غالي
وبالنسبة لسؤالك حبيبتي هذه سياسة الغرب واليهود تحديدا
يبوا يضعفوا الشعوب العربية عشان يقدورا يسيطروا عليها بكل سهولة اكثر من ما هم مسيطرين
ربي يرجع للعرب بصيرتهم وقوة وايمانهم ووحدتهم وينصرهم على اعدائهم من الداخل والخارج