CATS_ANGEL;14194874:
ههههههههه يحرق حريشك ما اقواكي لا ما عملت جهد الدكتورة مانعتني اصلا :rolleyes: و بكرا او بعدو لازم روح اعمل الفحوصات لحتى اخدها لدكتورتي يوم السبت و الشغلة فيها سحب دم يا ويلي بعدها ايدي ما طابت من اخر سحب دم :'(
والله يا دودو ما عرفتك رياضية لهالدرجة يعني جوزك نايم و انتي عم تشجعي :| و ما عرفتك لئيمة لهالدرجة دخلك بنت خالك مين بتشجع بهيك مواقف :lol:
اذا الشغلة فيها مشوار على دبي :adore::adore: فأنا اكرر انو ممكن تأجلي الموضوع كمان شوي :D بس يلي فهمتو انو هالسنة ما في طلعات خارجية اذا راحت للسنة الجاي بتكوني حملتي و خلفتي :rolleyes:
و الله خايفو من ميزان يوم السبت لانو اكلي صاير خفيف كتير و بصراحة ما عندي اي شعور اني حامل ما بعرف ليش قولتك في شي صار بهالفترة يا ربي شو مستنية موعدي كل لحظة بلحظتها :(
ايه الفلات كتير رايق وناعم انا قبل ما اجيب تالا كنت متل جوزك ما احب الشغلات يلي متل هيك اما بعد ما صرت اطارد ورا تالا غيرت ليلي متل هيك و فعلا بتحسي براحة غريبة و ياما جوزي كان يحكيلي بلالك من العالي وانا ما ارد الا لما اضطريت ;) و كل واحد الو زوئو المهم يكون عاجبك و مرتاحة في و بس و الكعب العالي للمناسبات و الزيارات الرسمية ما هيك :thumbs_up:
لك تسلميلي لولا تشجعيك ولا كان ما بجرب شغلات جديدة و بدك تضحكي علي نسيت حط زيت بالمرة :rolleyes::rolleyes: ما بعرف كيف نسيت انو متلو متل السباجيتي العادية ^o) خلص للمرة الجاي ان شاء الله :o
الف مبروك الشواية تتهنو فيها يا رب و الشغلات البيتية بضل الها نكهة غير شكل والف صحة وهنا على الستيك هيدي الاكلة تخصص جوزي ما بخليني امد ايدي لازم هو يعملها مع الخلطة السرية تبعتو هههههههههه لهيك ما بنعملها كتير لانو على فضاتو :clock:
هو شوفي حسب التطريز و نوعو يعني في تطريز شغل رسمي او حفلات يلي ما في مجال تلبسي فساتين سهرة و هيك شي يعني حفلات ما بتكون عائلية فهمتي كيف خصوصي اذا كان التطريز بيعطي على لمعة مع الضو او الوانو غريبة متل هيدي تقريبا
او هيدي
اما يلي للطلعات بكون تطريزهم قريب لمتل هيدي
طبعا الاكمام ما حيكونو متل هيك
او متل هيدي
مع اختلاف بالتفصيل من تحت هيدول الكمام بحبهم ما بلبكوكي متل الاكمام العادية و التطريز يلي متل هيك ناعم و حلو
اما هيدي ما حبيتها ابدا وما ممكن البسها
اذا كان عندي مجال بصورلك عبايتين عندي ما بلبسهم كتير الا للضرورة وحدة من الاردن و وحدة من سوق الحميدية و هي قريبة ليلي حكتلك انهن مناسبات للطلعات العادية
بتمنى كون ساعدتك و لا خربطت افكارك بزيادة :confused:
اهلين بحبيبة قلبي كاتي خانم والله اشغلت لظروف خااصة واكيد سورية مو هي اللي شغلتني حبيبة قلبي بس هالشاحن الزفت هو اللي عطلني عنكم
وقلتيلي الدكتورة مانعتكم خخخخخ ظريفة هالدكتورة بتستاهلوا هههه F: متل ماقرات عملتي التحاليل يارب يكون كل شي متل مابدك واحسن والتحاليل تكون تمام وعال العال ياااااارب ولا تنسي تطمنيني ولا تتشائمي تفائلي بالخير تجديه وباذن الله انك والبيبي بخير وعوافي F: وبس تطمني على حالك بتبقي بتهتمي بامور الميزان بعرفك حنونة بقى مارح يهون عليكي البيبي وماتاكلي وقتها صح:thumbs_up:
والله ياكاتي انا مو رياضية بس الشغلة فيها منتخب وطني يعني غصب عني بدي اشجع ولما شفت الكول طاااار عقلي :adore: وبالنسبة للئامة لا لالالا هي صفة اساسية فيني خخخخخ
ومتل ماقلتلك مو لئم والله والعياذ بالله بس انا بحب اعمل بالمثل القائل التكبر على المتكبر حسنة :rolleyes:
واي والله ياماتي فيها روحة دبي اذا ربي يسر هي هالسنة كانت لان زوجي عنده معرض جايتكس بس للاسف لمبارح تبين انو التوقيت مو لصالحي بيكون محمود وشام عندهم مدرسة لسى مو معطلين فاعتقد والله اعلم راحت علي :|
والفلات ياعسولة هو متل ماقلت سابقا للمشي منشان مااكون لفت نظر وخصوصي هنا
ومعنى كلامي انه للسوق للطلعات العادية مو اكتر اما الزيارات عند الناس فاكيد لكل لبسة شي يناسبها :thumbs_up:
ههههههه توقعت انك نسيتي الزيت من كلامك انها طلعتلك روحك يالله مو مشكلة المهم انها كانت طيبة والمرة الجاية اعمليها على دجاج والله بتجنن اكتر .... وفكرك الستيك المنزلي انا عملتوا .... لا لا لا زوجي طبعا هههه هو بحب هيك شغلات وانا بتركوا على راحتو :adore:
ويسلموا على الحلويات الطيبة والله سال لعابي خخخخ والقهوة غير شكل لك ماننحرم منك يااارب
وبخصوص العبايات تؤبشي قلبي يارب شو انك معي خطوة بخطوة ماانحرم منك يااارب
هلأ كل العبايات اللي حطيتيهم مابقدر البسهم بصراحة مابحب هيك تيب ابدااااااا ابدااا ماعندي جرأة وكمان ماعادت عباءة صارت فستان ولا شو رايك ؟
بس هي الاولى اللي خليت صورتها بتجنن كتير حلوة :adore: هلأ هي كريستال بس تخيلي انها تطريز فلسطيني بنفس اماكن الكرستال وتطريز ناعم بتطلع حلوة ؟
لاني شفتها على ممثلة بمسلسل بنات ادم خليجي كتير حبيتها وشوفي هالموديل شو رايك فيه كتير حبيت التطريز رووعة والموديل عجبني انتو شو رايكم شاركونا ....
