لمتنا السورية اهلا وسهلا فيكم لشهر صفر1432

شامة;14392872:
سلام يابنات يا حلوات
مالح رد مفصل حاكم مافي وقت اعذروني
كاتي الله يحميلك تالا ويقويكي نحنا كانت ماما تسقينا المرتكوش وقت وجع الدورة لما كنا بنات كتير منيح وما بيضر بأذن الله
دمشقية الله لا يحرمنا هالطلة مبروك لسورية والله يسرلها اللولب ويرجعلكن هالنت
بنوته الله يهديك على هالعملة هههههههههههمنيح الي سكتلك جوزك
شامية الحمد لله انك وصلتي بيتك بالسلامة والله يخليلك سالم وابو سالم
هند الله يعينك مسكينة زعلتيني والله بس يلا طولي بالك ما بعد الضيق الا الفرج
وشكرا للكل لانهم عم يسالو عني

شامة;14392941:
انا والله لسا ضهري عم يجعني بس باخد المسكن برتاح وبرجع عالتعب والبرد بنوجع بعين الله
اليوم محمد اخد الجلاء الحمد لله منيح كلن جيد جدا وممتاز وشام بكرة بتاخده يارب يكونو علماتها مناح مبارح سيرة الحب يالنجي يخنا واليوم زايد عندي عملت ناحن بطاطا وبيتنجان مقلي
والكبسة موجودة طبعا وشكلها مستمرة

لؤلؤة الشام0;14395915:
مرحبا مع اني عم حس حالي عم احكي مع نفسي
الله يرجعلك النت عسريع يادمشقية ويفضيكي شوي يا سورية وينهي الكبسة من عندك عسريع ياشامة ويهدي ابنك ياشامية مشان ترجعوا تنورا الشات متل العادة
كاتي اين انت مالي ونيس غيرك حاسة
هند الله يفرج همك طولي بالك
شامة مبروك جلاء حمودة وصحة عالاكلات الطيبة وسلامتك على وجع الضهر
انا والله من يوم عجنت المعمول يدي اليسار كانها التهبت اعصابها ما عم اقدر اشتغل فيها شي عم تلمع علي وماعم تساعدني احمل فيها شي

لؤلؤة الشام0;14395942:
مبارح اريج استلمت شهادتها طلعت التانية كتير انقهرنا وهي طول النهار عم تبكي لانها من اول ابتدائي بتطلع الاولى بس يلا وعدت تعوض بالفصل التاني
كنا مبارح معزومين عالفطور غند بنت حماي فقنا من التمانة ورحنا انبسطنا وغيرنا جو والمسا رحنا اتمشينا بسنتر بوينت واشتريت تشيرتات ليوسف وبوط الله يكرمكم وخلص اول يوم اجازة

شامية للعظم;14396801:
الله يسلمك يارب كاتي ويعافيك سالم معي مافي منو يقبر قلبي بس عم يسهرني بالليل آخر نهفاتو أنو ابوه جابلو طابة كبيرة من هدول يلي بيقعد الولد عليهم وبيتنطط طبعا ابني لسا مو خرج هالحركات بس بطبو عليها وبهزلو ياها بيروق ودغري بينام بقى صايرة اذات بدي نيمو بحطو عالطابة وشلونني أنا وماما آآآآآآآخ بتصدقي كأني لسا مبارح ولدت من الأوجاع أول شي العفو من وقت يلي ولد صار عندي بواسير ارتحت عالدوا شوي بلس عم عاني من تشقق شرجي حاليا وفوتتي عالتواليت صايرة كابوس مو بس هي الكابوس الرضاعة كمان كابوس عندي لأنو بعيد عنكن صدري مو متشقق مسلوخ سلخ وفي جنب مشقوق بالنص خليها لله كل يوم بقول بدي جبلو حليب صناعي بس ما بيجي من قلبي يي علي مابدي غشلو معدتو لسا بكير عليه بس عم موت كل رضاعة والله وما خليت شي ما ستخدمتو وكل واحد بيوصفلي دوا شكل الله وكيلك

شامية للعظم;14396829:
الله يسلمك يارب وشغل البيت مع البيبي صاير سرقة بس يناملو شي نص ساعة منشتغل شغلة

CATS_ANGEL;14397880:

لا حبيبتي ما عم تحاكي حالك انا متابعة اول باول بس يا دوب اقرا ردودكن و اطمن عليكن لانو اول مبارح كنت معزومة عند اختي و مبارح معزومة عند اخت زوجي واكيد كانت سلفتي هنيك :D مر اليوم بسلام ما حدا نكد على حدا :lol: اما انا فعزمت اختي و اهلي يوم السبت و عزمت خوات زوجي التنتين و سلفتي يوم الاحد يعني عزومتين ورا بعض :confused:

الف سلامة عليكي كانك حاملة اشي تقيل بسرعة اعمليلها مساج بزيت زيتون او خلي زوجك يعملك اياها ;) و عملتي كمان معمول وانا بعدني عم اشجع حالي لاعملها :D ماشاء الله عنك لا تقولي انا حسدتك بس ضيقة عين :lol:

CATS_ANGEL;14397984:

يا عليي عليها لاروجة ما بتستاهل و الله:( زكرتني لما اخدت نتيجة التوجيهي بكيت بكى يلي ما نجحو ما بكيو متلي لاني اخدت علامة ما توقعتها ابدا وماما لما شافتني فكرتني رسبت :D ان شاء الله بتعوضها الفصل التاني اروجة :thumbs_up:

مبروك مشتريات يوسف يلبسهم بالعافية يا رب:adore:

لؤلؤة الشام0;14398253:

شامية للعظم;14396801:
الله يسلمك يارب كاتي ويعافيك سالم معي مافي منو يقبر قلبي بس عم يسهرني بالليل آخر نهفاتو أنو ابوه جابلو طابة كبيرة من هدول يلي بيقعد الولد عليهم وبيتنطط طبعا ابني لسا مو خرج هالحركات بس بطبو عليها وبهزلو ياها بيروق ودغري بينام بقى صايرة اذات بدي نيمو بحطو عالطابة وشلونني أنا وماما آآآآآآآخ بتصدقي كأني لسا مبارح ولدت من الأوجاع أول شي العفو من وقت يلي ولد صار عندي بواسير ارتحت عالدوا شوي بلس عم عاني من تشقق شرجي حاليا وفوتتي عالتواليت صايرة كابوس مو بس هي الكابوس الرضاعة كمان كابوس عندي لأنو بعيد عنكن صدري مو متشقق مسلوخ سلخ وفي جنب مشقوق بالنص خليها لله كل يوم بقول بدي جبلو حليب صناعي بس ما بيجي من قلبي يي علي مابدي غشلو معدتو لسا بكير عليه بس عم موت كل رضاعة والله وما خليت شي ما ستخدمتو وكل واحد بيوصفلي دوا شكل الله وكيلك

لؤلؤة الشام0;14398265:
شايفة مسكينة حتى انا والله قلتها يلي بيشوفك مكتأبة بيفكرك راسبة مو طالعة التانية وكملها ابوها زعل منها بس بعدين صالحته ووعدته انها تعوض الفصل التاني باقي نطمن على شمشوم بنت شامة ان شاء الله تكون منيحة باختباراتها
الله يبارك فيكي لبس الاولاد الصغار ما بتشبعي منه قد ما اشتريتي الله يحفظلك تالا يارب

شامة;14404327:
من مبارح المطر ما هديت عنا الله يبعت الخير يارب بلشت الساعة سبعة ولليوم ما انقطعت مبارح اجو بنات حماي سهرو عنا وانبسطنا
سيرة الحب مبارح فول مدمس وحمص بطحينة
واليوم عملت سندويش همبرغر وطلع روعة واشتهيت الكل

زهرة المناره;14404379:
مرحبا شامه F:
واحنا كمان الحمد لله المطر ما وقف :thumbs_up:
دايما تكوني مبسوطه يا رب
صحتين على الاكل

CATS_ANGEL;14404258:

هو معو حق ابوها لحتى تتشجع الفصل الجديد و تتنافس على المرتبة الاولى اكيد اروجة ما رح تقصر:thumbs_up:

شامة ما بينت لحتى نتطمن على بنوتتها ان شاء الله بنتطمن عن قريب :!!:

وانا متلك كل ما انزل على السوق بجيب لتالا ولو قطعة خصوصي لبس البنات اشكال الوان ولا الاكسسوارات :confused: لما اشتريت الي بيجاما شفت بيجاما لتالا ومن كتر ما كنت شاريالها ما اشتريتها و ضلت في بالي و اول مبارح حكيت لجوزي يمر لحتى اجيبها و كان مسكر :mad:و لسى في بالي و هاليومين بدي انزل جيبها بإذن الله:rolleyes: