CATS_ANGEL;14319172:
هههههههههه ولا انا ما شفت حالنا و احنا بنخسر مو حلوة بحقي اتفرج على كمان مباراة :lol:
و على قولتك احنا مالنا بالعكس ريحونا و ريحو زواجنا هههههههههههه;)
ايه و الله ما الي على التفتيل بنوب بس خواتي ما قصرو يومها سبحان الله الوحدة بس تتجوز حتى لو طلعت بدون جوزها بتحس اشي ناقص صحيح انبسطت بس بنفس الوقت اهتماماتي راحت لتالا و دور على شي يسليها و على اغراض الها و العاب يعني بتنسي حالك حتى كنت بدي شوية مكياجات فاتو خواتي يشترو و انا قضيتها مع تالا و نسيت اني بدي اغراض اصلا حتى اختي بتسالني ما بدك شي قلتلها نسيت شو بدي :D وما كلفت خاطري فوت المحل حتى :rolleyes:
هو حلو كتير الوحدة تهتم بهالشغلات و فعلا اوقات بس تتفرجي بتنبسطي حتى لو ما اشتريتي و هيدي حالات نادرة عندي اني انزل للفرجة مع انو في جنبي سوق بجنن فيو كل شي و بالعكس يا ريت يكون عندي هالهوس هيدا و فعلا بحسد يلي بقولو قضينا ساعات في السوق و بتلاقي اغراضهن بتجنن لانهن بياخدو وقتهن و هنن عم يشترو و منهن اخت جوزي يا ويلي اغراضها و اغراض بنتها شو بجننو بتحسيها دايما بالسوق و زوقها و الحق يقال حلو كتير;)
خلص ولا يهمك اعطيني لاخر الاسبوع بصورلك العبايات و اليوم نازلة مع جوزي على السوق بصورلك الاغراض يلي بشتريها لحتى تكون حملة التصوير محرزة :thumbs_up:
اليوم جوزي جابلي البردقوش و حكالو كيف اعملو متل البابونج بحط معلقة منو و بصب فوقو مي مغلية و بستنى 10 دقايق و بشربها و متل ما قلتي كاسة الصبح وكاسة المسى بس بدون ميرمية لانو حكالو اذا صدف و صار حمل المرمية ما منيحة يسلمو ايدكي غلبتك معي ما انحرم منك يا رب:adore:
هو لو جوزي بحبها كان زمان اتشجعت و عملتها هو و طبخات الالبان مو صحبة ابدا و بياكل المنسف لانو بيعرفني بشتهي بين فترة و التانية لهيك ما بعملو كتير كمان بدنا نسايرهن :adore:
اما الارنب فعم حاول نسيها و المشكلة في اغنية دايما بتحدرها اسمها عندي ارنب 8o| بدي اتحمل و جيبلها وقتها مع انو برد هالايام حرام احطو بالبلكونة بشوف شو بصير معي
اذا انا ما نضفتو مين بدو ينضفو لحوض السمك 8o| مضطرة يعني شو بدي اعمل و هو مرة بالشهر او الشهرين:thumbs_up:
ايه هاتي صوري لاشوف واخد افكار بعدني ما رجعت عبيت الحوض لانو ما في سمك اصلا اخر سمكة ماتت من فترة مع اني حاطالها مكيف و الجو عندها بجنن :lol: بس ارجع غير الصورة و عبي الحوض بصورلكم اياه مع حملة التصوير يلي بدي اعملها :thumbs_up:
مبارح لغيت فكرة ورق العنب وعملت صينية بطاطا بلحمة طلعت بتجنن و اليوم لفيت ورق عنب و يالنجي :thumbs_up:
اهلين كاتي القمورة اي هيك كل يوم تؤبشي قلبي ضعي بصمتك :D ماننحرم هالطلة
وبخصوص الدوري منيح عن نفسي ارتحت من وجع الاعصاب فظيعة المباريات منيح مالنا بهالقصص:worn_out:
قلتيلي نسيتي شو بدك غراض من المول هههه انا متلك كتيير بتصير معي بس انا بشتري شي وبنسى الشي اللي رحت عشانه خخخخ
والله يخليلك تالا ويخليكي الها وهانيالها على هالام بتجنني والله وماشالله عنك
وماشالله عن اخت زوجك جد في ناس فظيعة بالاسواق وبتعرف تشتري انا لا والله خايبة وغااللبا غالبا بشتري الشي وبندم بعدين هههه لاني كتيير مترددة ويالله عم نستنى تقريرك لنزلة السوق انتي وزوجك وباحرررر الجمر لاشوف الصور يالله مو تعشمينا وبعدين ماتصوريلنا شي هههه
وسامحيني حبيبة قلبي والله كان نفسي اساعدك بالمقادير للمردقوش بس والله دورت كتير ومالقيته بس الحمد لله زوجك سأل العطار وجابلك الخبر اليقين ويارب تلاقي الفايدة والنتيجة المرضية يااارب
وبخصوص الاكل اكيد والله بدنا نسايرهم انا بموووت باكلات اللبن االيوم واخيرا عملت الكوسا بلبن وطلعت بتجننننن وعمل قسم من الكوسايات حشيتهم حشوة اليالنجي ههههه وطلع الطعم بجنن شفتي انتي بكرا يالنجي ورق عنب وانا عملتها بالكوسا تحفففة جربيها شي يوم مابتندمي وهنا وعوافي يارب على الورق العنب واليالنجي
وبخصوص تالا جيبيلها لعبة على شكل ارنب انا اجتها لشام قطة لما كانت صغيرة لعبة طبعا وشكلها والله كانها قطة فروها نااااعم وقضت الغرض بقى جربي واعملي هيك او الله يعينك جيبي الارنب :cool: ونضفي الحوض وياعمري الله يكون بعونك ياااارب
بس زوجي ينضف الحوض بدي صورلك ياه كرمال عيوونك :cool: مابدك اصورلك الببغاء اهئ اهئ صاروا اتنين ياكاتي وخليها على الله واحد سميناه كوكي والتاني سكر هههههه
والله المستعان هدول انا بنضف تحتهم مضطرة بس مو دائما حرام زوجي بنضفهم كل يوم لانو حاببهم كتييير
CATS_ANGEL;14319415:
دودو حبيبتي شو هيدي الاكلة :!!:
ولوووووو كاتي هي حراء باصبعو ماعرفتيها هههههه
ياستي منسلق العدس وبس يستوي منقطع خبز مكعبات ومنخليهم يغلوا مع العدس ومندق كزبرة وتوم ومنحمسهم بزيت زيتون ومنحطهم فوق السابق ومنحطلها عصير التمر الهندي منشان تعطي طعم حامض وطيب وشوية ملح وحمض ليمون وبس منسكيهم ومنزينها على الوجه بخبز محمص وبصل اجنحة محمص وكمان شوي كزبرة خضرا على الوجه بس انا ماحطيتها منشان اولادي وبس ... والطعم تحفففة اصلا هالاكلة محبوبة الجماهير
