تجهيزات حوامل مصر للمولود الجديد والنفاس ... لشهر صفر 1432

فعلا الحمد لله عقبالى لما ربنا يتوب عليا المشكله ان الشقق غليت جدا و انا مش قادرة ادور و علشان شغلى بعيد اشتريت عربية بشوية الفلوس اللى كانت معايا يلا الحمد لله ربنا يسهلها من عندة ويرزقنا بحاجة حلوة

ما انا ماما قريبة منى ربع ساعة 10 دقايق مشى

وعليكم السلام ورحمة الله وبركاته ازيك يا ايمى ومعاذ عامل معاكى ايه النهارده

انا ساكنة فى حلوان وشغلى فى المعادى
وفعلا جربى توديها حضانة هتبق الدنيا بيس واريح وهى ماش اء الله مش صغيرة اوى ولا حاجة
واهو تريحى الحاجة شوية :D

طب كويس انها قريبه منك الحمدد لله فعلا الشقق بقت ناااار يا حبيبى نااااار ربنا يعينا

اكيد لما اولد هودى جوجو حضانة علشان النونو بس انا هوديها بعد البرد ما يخلص يعنى شهر كدة ولا حاجة

فعلا البرد ده فظيييييع
انتوا عارفين انا كمان ماما بتشتغل من زمااان من قبل ما تتجوز وربنا يديها الصحة يارب طلع عنيها معانا والله انا روحت الحضانه وانا عمرى 3 شهور عشان هى تعرف تنزل الشغل
وبتحكيلى كنت افضل اعيط واصرخ وكنت بروح انا واخويا صيف وشتا مفيش حاجه اسمها فى الشتا مفيش دى ههههههههههههه
من الاخر احنا تربية حضانات هههههههههههههههههههههه

انا يا سالى حماتى ساكنة قريب منى اوووووووى وهى عرضت عليا اسيب البيبى عندها لان جوزى الولد الوحيد بتاعها بقا وفرحانة بعيالها فهجرب اسيب البيبى والله لقيتة كويس اوكى مرتحتش حضانةعلى طووووووووول لان امى بعيد عليا جدااااااااا ومينفعش اوديها دة غير انها ست كبيرة فهمانى بس
جووووودى
10 دقايق مش قضية قوليلة يوديها على الاقل لما تطلبى وهةو يرفض هيعرف انك بتعملى حاجة المفروض انة هو الى يعملها فهمانى لانة مع الوقت هيفتكرة حق مكتسب

هههههههههههه انا بردو علشان شغلى بعيد هاخد البيبى معاية بعد ال 3 شهور الاجازة فى حضانه جنبى فى الشغل علشان يكون جنبى و الرضاعة وكدة و بعد ما يكمل 6 شهور اسيه لماما و ان شاء الله اعرف اروح بدرى

عارفة و الله يا ا شرى بس هو بعيد عنكم اكيد مش حاسس بالمجهود اللى بعمله

دلوعة الغالى;14267492:
ازيكم يابنات

زعلانة منكم اوووووووووووى :'( بقالى كام يوم مش بدخل ومفيش اى واحدة سالت عليا

ايمي يا قمر ماتزعليش
والله بتيجي على بالي دايما بس بكون مش قاعده ولما بفتح مش ببقى مركزة من معاذ
اخبارك ايه يا قمر وازي البيبي
كنتي مختفيه فين

بوبا 123;14269004:
انا حبيت طمنكوا انا الحمد لله الصداع خف عنى خااالص عن امس الحمد لله على نعمة الصحة ومبسوطة انى استحملت الالم شوية ربنا يجعلة فى ميزان حسناتنا

شوفو الموضوع دة سبحان الله http://forums.3roos.com/showthread.php?t=588956

الحمدلله يا قمر
يارب دايما كده تكوني كويسه

miramiro;14269168:
ازيك يا ايمى يا حبيبتى عامله ايه
الحمد لله روحت للدكتوره اخيرررررررررررررررا

و قالتلى الحمد لله انا فى الاسبوع الخامس الحمد لله
و شفت نقطه سودا كده قالتلى ده كيس الحمل

وقالتلى تعالى بعد 10 ايام ان شاء الله

وكتبتلى على مثبت حبوب و الفوليك اسيد
وقالتلى الحبوب خديها بالفم او مهبلى

بس انا هاخدها بالفم احسن مش كده :!!::!!::!!::!!:

انتى اخذتى مثبت يا ايمى فى حملك فى جودى؟


وعلى فكره انا بقرا كلامك برتاح اوى اوووووووووووووى الحمد لله
انا مشلاقيه كلامك تبعبر عن احاساسى والله

انتى فعلا نعم الاخت
ربنا يكرمك ياحبيبتى ياااارب
ويجازيكى كل خير
والخير اللى بتعمليه فينا ده يقعدلك كده طول عمرك يارب
بحبك فى الله :L::L::L:


ربنا يطمنك يا ام معاذ ياااااااااااااارب

وانتى طمنتينى على الخياطه دى اوى ربنا يكرمك يااااااارب
كلامك ريحنى كتييييييييير

ربنا يجازيكم خير كلكم يارب

وانا اخيرا روحت للدكتوره الحمد لله
وهى كويسه الحمد لله بس بتتكلم بسرعه شويه
وكتبتلى مثبت و فوليك اسيد معه فيتامين بى

هو لازم اخد المثبت يا جماعه ؟؟؟؟؟؟؟؟؟؟؟؟؟؟

ايوه مكان مطر ورعد وبرق فظيع طول الليل

وربنا يستجيب ليكى يا حبيبتى يارب


ايوه يا ايم ىفاكره كانت ايام
وكنا فعلا ما شاء الله كتيرررررررررررر
مش بنتكلم كلام اد كده هههههههههههه
مش عارفه البنات راحوا فين فى كتير مبقاش بيدخل

انا بتبسط اوى لما الاقى حد من لمه زمان الحلوه ى
وانا كنت حاشره نفسى كده بين الحوامل فاكره :o:o:o

يارب يا ايمى نفضل مع بعض عالطول لغايه ما الاولادنا يكبروا كده ياااه ده احنا نبقى عسل خالص مالص ان شاء الله

ربنا يقومك بالف سلامه يارب وتشربى مغات زى ما انتى عايزه

وفعلا ايمى ربنا يجازيها كل خير ياااااااااااااااارب


هيييييييييييييه
اخيرا ام معاذ راحت للدكتوره الف حمد وشكر لك يارب

و ربنا معاكى يا حبيبتى يارب وان شاء الله خير و اشربى مايه كتيييييييييييييييير

وانا قلت انتى هتقولى بنت فعلا

بس انتى عايزه صحيح بنت و لا ولد؟

ازيك يا ميراااااااااا عامله اييييييييييييه
وكويس انك انتي كمان رحتي للدكتورة واطمنتي الحمدلله

انا الاول كنت عاوزة بنت بس دلوقتي بقى لي كذا شهر عامله حسابي انه ولد فقيت عاوزة ولد هههههههههههههههههه
بس كل اللي يجيبه ربنا كويس المهم انه يبقى صحته كويس وذريه صالحه

ام جودى القمر;14272077:
بنات انا اتخنقت عندى برد والله فظيع جدا ربنا اللى يعلم وكنت عند ماما الاسبوع دة
امبارح روحت بس والله تعبانه خالص فنمت لحد ما جوزى جه قعد يصحينى وانا تعبانه خالص فبقولوا انت مش عارف انى تعبانه خدى بقى عندك الموشح انت دايما نايمة عند مامتك كنت بتنامى اكيد لا كل الستات حوامل مش انت بس و قمت عملتله حاجة ياكلها و انا جريت على السرير كان الموشح التانى بقليله الكفته يقولى لا دى بتتعمل فى الفرن هو انا قادرة استنى الفرن بقى تعبت مش عارفة اعمله اية

سوسو معلش ربنا معاكي بس حاولي تخلصي اللي وراكي
الرجاله مش بيعذرونا خالص بجد
انا مهما اكون تعبانه الاقي جوزي بيطلب مني طلبات رخمه اوي وبيبقى باين عليا اني مضايقه بس من غير كلام واستناه يقول لي خلاص هعمل انا
بس هم مافيش عندهم الحاجات دي
ربنا يهديهم

مدام/اشرى;14272460:
معلش يا ام جودى قوليلى بقا اسمك ها
معلش هما كدة بيبقوا جايين من برة متحفزين لاى حاجة وتلاقية بقا بيقول انا شغال فى البرد وهى نايمة ومدفية
على اساس انهم هم بس الى بيشتغلواا وكل الرجالة عواطلية
انا بقاامبارح انتقمت من جوزى
هههههههههههههههههههههههه
رجعت علية الساعة 3.30 بالليل بس بقا ههههههههههههه صحى مفزوع
هههههههههههههههههههههههههه
بوبا
كلنا دماغنا مش هتعدى من الباب هههههههه

هههههههههههههههههههههههههههههههههههههههههه
يخرب عقلك يا اشري
ده انتي شريرة بجد اوىىىىىىىىىىىىىىى
:lol::lol::lol::lol:

@ green apple @;14272836:
يابنات عندى حمودة جامدة جدااااااااا

غير ان بشرتى جافة اوى وشكلى مبهدل ومعفن كدا

مش عارفة لية كدا :(

حد يقولى,,,,,,,,,,

الحموضه فعلا كلي خس وموز
واسالي الدكتورة على دوا لانها بتبقى صعبه اوي
ربنا معاكي

قـلـب طـفـلـة;14273018:

مساء الخير يا قمرات
انا ان شاء الله اليوم رايحه للدكتوره ادعولي بقى ان الاقي كل حاجه تمام ان شاء الله
واعرف المولود ايه ان شاء الله اول ما اجي ان شاء الله هدخل اطمنكم ياقمرات

بس بجد حلوه حمودة دي ههههههههههههههههه جرين شكلك رقيقه هههههه على فكره الخس ماشاء الله بيخليه الحموضة تروح خالص الخيار مش اوي الخس اجمد كلي كده منه وان شاء الله خير

ازيك يا روكا عامله ايه يا قمر
ابقي طمنينا لما ترجعي من عند الدكتورة

مدام/اشرى;14273579:
ايمى فينك من بدرى
بحبك انا
يا هنايا يا عمرى
بحبك انا

ههههههههههه
اية يا بنتى انتى فين من الصبح

هههههههههههههههههه
عسل يا اشري
انا انهرده جوزو كان اجازه الصبح وطبعا بيصحى من النوم الساعه 2 كده وعاوز الاكل يكون جاهز عشان يتغدى وينزل
فطبعا بصحى بدري اطبخ عشان بنتغدى بدري

ام جودى القمر;14273590:
ايمى كلمتى ايمى و لا نسيتى

هههههههههههههههههههههه
لا نسيت طبعا
بس دلوقتي الوقت مش مناسب على بالليل كده ان شاء الله هتصل بيها

انتو رغايين كده لييييييييييييييييييييييييييه

يلا ربنا يعنا يا بنات و يجعله فى ميزان حسناتنا يا رب و يقدرنا و النونو الجديد يكون قد جوجو كد يا رب قولو امين هههههههههه

انا اللى بشجعهم على الرغى من كتر مغامراتى هههههههههههههه

لا ان شاء الله تكون حماتك احسن من الحضانه
انا عشان ماما بتشتغل وانا جربت الشغل فبصراحة متعقده من الشغل جداااااااااااااااا
لان زمان وانا فى ابتدائى واعدادى كان بيصعب عليا نفسي اوى لما اروح البيت ما الاقيش ماما موجوده وكانت تعلقلى المفتاح فى رقبتى وافتح انا الباب وننام على ماهى تيجى
كنت ببقى حااسه بوحده فظييييعه وافضل اعيط عياااط واقولها يا ماما عشان خاطرى اقعدى معايا
وخصوصا بئه فى ايام الامتحانات يااااااا كنت ببقى محتاجاها بشكل ومش لاقياها
وكنت بزعل اكتر لما صحابى فى المدرسه بفضلوا يحكوا بيعملوا ايه لما يروحوا البيت ويلاقوا مامتهم وتغديهم وبعدين يصحوا تذاكر معاهم
انا الحاجات دى بجد كنت مفتقداها جدا عشان كده قولت مش هشتغل ابداااااااااااا
بس كسرت القاعده واشتغلت فتره قبل الجواز بعدين سبته ما كملتش فيه

هههههههههههههههههههه
ربنا يعينك يا سوسو
امال هتعملي ايه بالاتنين بقى

اية يا قمر البؤس دة ما تعقدنيش انا جوجو كل يوم تقولى رايحة الشغل اقول لها اه تقولى لا يا ماما خليكى

Desly;14273681:
لا ان شاء الله تكون حماتك احسن من الحضانه
انا عشان ماما بتشتغل وانا جربت الشغل فبصراحة متعقده من الشغل جداااااااااااااااا
لان زمان وانا فى ابتدائى واعدادى كان بيصعب عليا نفسي اوى لما اروح البيت ما الاقيش ماما موجوده وكانت تعلقلى المفتاح فى رقبتى وافتح انا الباب وننام على ماهى تيجى
كنت ببقى حااسه بوحده فظييييعه وافضل اعيط عياااط واقولها يا ماما عشان خاطرى اقعدى معايا
وخصوصا بئه فى ايام الامتحانات يااااااا كنت ببقى محتاجاها بشكل ومش لاقياها
وكنت بزعل اكتر لما صحابى فى المدرسه بفضلوا يحكوا بيعملوا ايه لما يروحوا البيت ويلاقوا مامتهم وتغديهم وبعدين يصحوا تذاكر معاهم
انا الحاجات دى بجد كنت مفتقداها جدا عشان كده قولت مش هشتغل ابداااااااااااا
بس كسرت القاعده واشتغلت فتره قبل الجواز بعدين سبته ما كملتش فيه

يا عيني
ايه يا بنتي المعاناه دي :lol::lol::lol:
هو فعلا حاجه صعبه بس هنعمل ايه بقى ولازم الام تعوض ولادها بعد الشغل عن الوقت اللي مش قضيته معاهم عشان كده بيبقى عبء تقيل اوي على الام
ربنا مع كل اللي بيشتغلو
انا كمان مش بحب اشتغل ومش بحب الشغل خااااااااااااااااااااالص

mona sh;14273682:

مساااااااااااااااااااااااااءو عنب ان شاء الله
ازيكم عاملين ايه ؟؟؟

سؤال محرج حبتين تلاته لكل الي عندهم خبره ووالدين قبل كده
بصراحه يابنات من ساعه ماعرفت اني حامل وانا قررت انا وجوزي نبقي اخوات خايفين عالبيبي


بس الحياه بقت صعبه شويه فاهمني:D
اعرف بقي هل السيكو سيكو مضر للبيبي
انا عامله اقول لجوزي نصبر في هدف اسمي هدف اسمي
بص انا خلاص جبت جاز ;)

قولو بقي الموضوع مضر ولا بيس انا الصراحه خايفه يقربلي

:lol::lol::lol::lol:
انتي تحفه يا منى
بصي هو في اول شهرين تلاته الموضوع بيبقى خوف بس
بس عادي يعني ممكن على فترات متباعده بقى وتنجزو بسرعه :lol:

وممكن تسالي الدكتورة بتاعتك برضو
بس الموضوع مش خطر اوي كده لدرجة انكو تبقو اخوات :lol:

ام جودى القمر;14273687:
اية يا قمر البؤس دة ما تعقدنيش انا جوجو كل يوم تقولى رايحة الشغل اقول لها اه تقولى لا يا ماما خليكى

يا حبيبتي
معلش يا سوسو لازم تعوضيها فعلا بعد الشغل
وربنا يعينك ويجعله في ميزان حسناتك

مش بتفكري تسيبي الشغل بعد ما تولدي ;)