تجهيزات حوامل مصر للمولود الجديد والنفاس ... لشهر صفر 1432

ربنا يخليكى يا ام جودى ضهرى زى ما هووووووو الى بيعكننى كل الناس بيقولولى لسسسسة بدرى على وجع الضهر لسة بدرررى طب اعمل اية مش فاهمة

قطقوطة يا وحششششة تعالى ميييييييييييييل

كيتى
ازيييك

ربنا يخليكى يا كيتى واشرى
لية بس مش بتحبى تروحى مش عايزة تطمنى

ادى كمان قطقوطة وام ميزو خلونى بعد ما كنت فرحانة و مشتاقة اعرف نوع البيبى خلونى مش واثقة فى كلام الدكتور اعااااااااااااااااااا

لية كدة يا ام جودى
ايمى وقطقوطة الاتنين الدكاترو قالهلم مش متاكدين يعنى عادى بتحصل قالوا يمكن اة ويمكن لا ودة اصلا حاجة فى علم الغيب والله انا عن نفسى كان نفسى ربنا يدينى صبر لحد مااولد ومعرفش النوع بس الانسان بقا عجووووووول والفضول بجد مش سايبنى فى حاااالى

ام ميزو فرحتلك والله واول ما قولتى نخمن قولت تبقى بنوته ربنا يتم حملك على خير ياررررررررب ويرزقك بالى فى نفسك يارب


كتكوكته ربنا يباركلك يارب على المعلومات المفيدة الى بتجبيهالنا


ام جودى ازيك عامله ايه يارب تكونى بخير وطالما الدكتورة اكدتلك نوع الجنين يبقى ان شاء الله يطلع صح لكن انا الدكتورة بتدينى فى احمالات مش اكتر والى خلانى اجيب لبس من دلوقتى عشان كان فى عندنا سيل


منمن حاضر من عونيا هفتح الميل دلوقتى



كيتى مالك بس مكتئبه ليه معلش هى فترة وهتعدى ان شاء الله ربنا يهونها علينا يارب




بنات عايزة اخد رائيكو فى حاجه انا شفت هنا طقم عبارة عن سلبينج بورت ولحاف وسالوبيت وبافته وتقريبا كان معاه غيار داخلى وشنطنه البيبى وكان الطقم ب متين ريال يعنى حوالى 300 جنيه انا حساه غالى انتو ايه رائيكو ياترى غالى ولا دى الاسعار الى فى مصر بردو

قطقوطة انا اولا لسة ما عرفتش بس لما لقيت كل حد بيعرف بياكد انه تمام النوع مظبوط انا قولت لو الدكتور قالى النوع ااكد انا كمان زيكم هههههههه يلا اللى يجيبه ربنا كويس زى الدكتور ما قالى لما سالته
متهايالى حلوين قوى السعر مش غالى بس اهم حاجة الحاجة حلوة و تستاهل

kitty_kity;14262171:
لا والله ياام جودي ولا روحت ولا ناوية اروح دلوقت على الاقل
لما الاكتئاب يروح :)

الف سلامة عليكي ربنا يشفيكي ويعافيكي

ازيك يا كيتي

خير يا حبيبتى مكتئبة لية

ربنا يسهلك الحال يارب

Dr.Flowers;14257643:
ازيك ياايمى

ومعاذ والبيبى عامليييييييييين ايه

المشكله انى مش عارفه اوصف الاحساس ده حاسه بصرصار بيخربش بطنى هههههههههههه

شوفتى وصف ادق من كده:D

ههههههههههههههههههههه
هو البيبي فعلا بس ف الاول الحركه بتبقى كده بسيطه عشان هو لسه صغنن شوية

ساره افندي;14257669:
طيب ماتملي ازازه صغيره وخليها جانبه او ازاه كبيره في الاوده اللي انتي فيها وصبي ليه بدل ماتروحي وتجي
هيا عايزه تبقا تعود حاولي لما هوا يشرب اشربي انتي كمان

المشكله اني لو حطيت ازازة جنبي معاذ مش هيسيبها ف حالها وبيعرف يفتح الغطا بتاعها وهيقرفني بقى ومش هيسيبها الا لما يوقعها هههههههههههههههه

nanoo99;14257797:
مبرووووووووك ياايمى يارب يارب ياااااااااااااااااااارب تطلع بنوته ولو ولد خير برده
واكتر حاجه فرحتى انك ارتحتى مع الدكتوره الجديده ربنا يتملك على خير

ربنا يكرمك يا نانو يارب
انتي اخبارك ايه وازي البيبي وعمر

@ green apple @;14258280:
ربنا معاكى يا قطقوطة

انتى فى الكم دلوقتى ؟؟؟






الحمد لله اننا اطمنا عليكي يا ايمي

ربنا معاكى واشربى ميا كتيييييييييير علشان فعلا المية اللى بتشربيها بتزود المية اللى حولين البيبي انا سمعت كدا من دكتور

وان شاء الله تكون بنوتة

واهم حاجة انك اطمنتى

ربنا يكرمك يا ساره يارب ويبارك لك ويقومك بالسلامه

ام جودى القمر;14261954:
ازيكم يا بنات عاملين اية
ام ميزو ان شاء الله المرة الجاية تتاكدى من نوع البيبى
انت هتخلينى ما اصدقش الدكتور المرة الجاية بقى بس فى جوجو فالى بنت و اختى جابت 3 بنات و قالها بنت فى كل مرة يعنى مش معقوله هيغلط معاية المرة دى
صحيح انت الدكتورة الاولى مش ورتك فى الشاشة انه ولد و انت اتاكدتى و لا اية

هههههههههههههههههههههه
ليه يا سوسو ده بيكون حسب وضع البيبي هي الدكتوره قالت لي ان البيبي وضعه مش مبين اوي
ان شاء الله الدكتور بتاعك يقول لك ويكون كلامه صح من اول مرة

مدام/اشرى;14261995:
ايمى
مبروك على الدكتورة ويارب تطلع شطورة كدة وتكملى معاها يااااااااارب
اهم حاجة الراحة النفسية والاحتواااء انا بردو الدكتور الاولانى كان كلامة قليييييييل وكان خانقنى ولما روحلتة فى اول شهر مقاليش ولا ملاحظة والله خااالص غير لما اشتكى يكتبلى دوا الدكتور التانى بقا الىانا برحولة دلوفتى تنبيهات تنبيهات وكلى كذا واعملى كذا حتى لما بيكتب فوار مكتوب فى النشرة ممنوع للحوامل بينبهة ويقول هتلاقى مكتوب كذا متخفيش
دة غير انة ولد اختى قبل كدة يعنى الحمد لله
وياااااااااااارب ربنا يكرمك باللى نفسك فية


اما بقا اخبااااارى
انا مخنوقة جداااااااااااااا ومكتئبة كدة وكل شوبة بتخانق مع جوزى كل شوية كل شوية بيقولى بقيتى عصبية وهو كمان بيقابل عصبيتى بعصبية اكتر حاجة قرف والله ويرجع يقول انا مقدر عشان الحمل فين مقدر وفين بتتعصب بجد الواحد مخنوق اخررررر حاجة
وضهرى بردو زى ما هو بيوجعنى
ومش منتظمة فى الكالسيوم والحديد
وبجد ربنا يستررررررررر

ربنا يخليكي يا اشري يا حبي يارب ويقومنا كلنا بالسلامه ياااااااااااارب

وسلامتك من الاكتئاب ومعلش كل الرجاله كده والله
لسه جوزي امبارح بيقول لي امتى بقى الحمل ده يخلص انا زهقت منك هههههههههههههههههههههههه
بجد كلامهم دبش ومش بيراعو ظروف الواحده كده ويقولو لها كلام حلو ويحسسونا انهم مبسوطين ومقدرين تعبنا
هنعمل ايه بقى
ربنا يهديهم
روحي عند مامتك كام يوم وسيبيه :D
انا لولا معايا معاذ والله كنت رحت عند ماما من بدري
بس المشكله ان هناك بقى الدلع كله ومش بقدر عليه ومش بيسمع كلامي وكلهم بيدلعوه

kitty_kity;14262101:
ماشاء الله
ولا حد سأل عني؟؟؟
ازيكم

ازيك يا كيتي عامله ايه يا قمر وايه اخبارك

at2ota;14262555:
ام ميزو فرحتلك والله واول ما قولتى نخمن قولت تبقى بنوته ربنا يتم حملك على خير ياررررررررب ويرزقك بالى فى نفسك يارب


كتكوكته ربنا يباركلك يارب على المعلومات المفيدة الى بتجبيهالنا


ام جودى ازيك عامله ايه يارب تكونى بخير وطالما الدكتورة اكدتلك نوع الجنين يبقى ان شاء الله يطلع صح لكن انا الدكتورة بتدينى فى احمالات مش اكتر والى خلانى اجيب لبس من دلوقتى عشان كان فى عندنا سيل


منمن حاضر من عونيا هفتح الميل دلوقتى



كيتى مالك بس مكتئبه ليه معلش هى فترة وهتعدى ان شاء الله ربنا يهونها علينا يارب




بنات عايزة اخد رائيكو فى حاجه انا شفت هنا طقم عبارة عن سلبينج بورت ولحاف وسالوبيت وبافته وتقريبا كان معاه غيار داخلى وشنطنه البيبى وكان الطقم ب متين ريال يعنى حوالى 300 جنيه انا حساه غالى انتو ايه رائيكو ياترى غالى ولا دى الاسعار الى فى مصر بردو

ربنا يخليكي يا قطقوطه يارب ويقومك بالسلامه

متهيالي السعر كويس بس لو الحاجات دي ماركه وخامتها نضيفه انما لو مش ماركه اعتقد هيبقى غالي

ام ميزو وحشانى يا قمر و الله و ميزو عامل اية انا بنتى تقولى و هيا عند تيتا اللى هيا ماما احنا هنروح اقولها اة تقولى لا احنا قاعدين هنا بتموت فى ماما و فى الجو اللى عندها الحرية و الاولاد و اللعب و الدلع و تعبت منها خلاص

ههههههههههههههههههه ما شاء الله
معاذ برضو كل يوم اول مايصحى من النوم يفتح الدولاب بتاعه وعاوز يلبس ويروح لتيته وطول النهار على كده بقى
بس وانا ماشيه من هناك بيبقى عاوز يمشي
لمجرد التغيير بس
واول ما نيجي البيت من الشارع تحت يقعد يعيط وعاوز يرجع تاني هههههههههههههه

ربنا يهديهم ويخلي لهم تيتاتهم يارب

‏ام جودى القمر, ‏redflowerlovey, ‏kitty_kity+

منورييييييييين

http://forums.3roos.com/showthread.php?t=593828

‏بوبا 123+


بوباااااااااااااااااااااااااااااااااااا

وحشتييييييييييييييييينييييييييييي

بقالى كتييييييييييييييير مش بشوفك

اخبارك اية يا عسلة

بجد وحشتيني ,,, ياااااة بفرح قوى لما اشوف بنات من التجمعات القديمة

طمنيني عليكي وقوليلي اخبارك بسرررررررررررررعة

12مفاجأة بعد الولاده(استعدي لها)

المفاجأة رقم1

قد تشعرين بتقلصات بعد ولادة طفلك بفترة. لكن يعتبر هذا علامة جيدة لأنه يعنى أن الرحم يحاول أن يعود لحجمه الطبيعى. هذه التقلصات قد تظهر على وجه الخصوص أثناء الرضاعة الطبيعية. قد يقوم طبيبك أو الممرضة بعمل تدليك لمنطقة البطن بعد الولادة لمساعدة الرحم على العودة لوضعه الطبيعى. إذا كانت التقلصات شديدة قد يصف لك طبيبك دواء مسكناً

المفاجأة رقم 2

لن تعود بطنك كما كانت فى الحال. فى الواقع إن كثير من الأمهات الجدد تشعرن بالإحباط بسبب شكل بطنهن بعد الولادة أكثر مما كن تشعرن بالإحباط من شكلها أثناء الحمل. رغم فقدانك لبعض الوزن أثناء الولادة وبالرغم من أن بطنك لم تعد منتفخة كما كانت أثناء الحمل إلا أنك لا زلت تبدين وكأنك فى الشهر السادس من الحمل وغالباً ستكون بطنك لازالت رخوة وطرية.




مع تقلصات ما بعد الولادة (خاصة أثناء الرضاعة الطبيعية)، سيتماسك الرحم قليلاً وبالتالى البطن لكن سيستغرق الأمر بعض الوقت قبل أن تستطيعى ارتداء ملابسك التى كنت ترتدينها قبل الحمل. أغلب الأمهات يجدن أنهن تحتجن لعمل بعض التمرينات لاستعادة شكل البطن والوسط، لذلك عند تجهيز شنطة المستشفى، تأكدى من وضع ملابس خروج مناسبة لكى تعودى بها إلى البيت. الملابس التى كنت ترتدينها فى الشهر السادس من الحمل غالباً ستكون مناسبة.

المفاجأة رقم 3

قد تشعرين بألم فى جسمك. كثير من السيدات تقارن ما تشعرن به بعد الولادة الطبيعية بما يشعر به الملاكم بعد مباراة ملاكمة، ولا يجب أن يدعو هذا إلى الدهشة لأن جسمك قد قام بمجهود كبير لكى يخرج هذا المولود الجميل إلى الدنيا. قد تشعرين بألم فى عضلات الساق، فى الظهر، حتى لو لم يلجأ الطبيب لشق العجان قد تشعرين بألم فى منطقة المهبل من أثر الشد الذى حدث فى هذه المنطقة أثناء الولادة. حاولى عمل كمادات على الأماكن التى تؤلمك سواء كمادات ساخنة أو باردة حسب أيهما الذى يشعرك براحة، واطلبى إن أمكن من زوجك أو إحدى صديقاتك أن يدلكا لك ظهرك!

المفاجأة رقم 4

قد يكون مكان الغرز مؤلماً. سواء ولدت ولادة قيصرية أو لجأ الطبيب لشق العجان أثناء الولادة الطبيعية، قد تندهشين من مدى انزعاجك من مكان الغرز. قد تشعرين أحياناً بشد أو أكلان فى مكان الغرز وأحياناً أخرى قد تؤلم. بالنسبة للغرز كنتيجة لشق العجان، جربى وضع كيس مملوء بمكعبات ثلج واجلسى على وسادة طرية. تأكدى من معرفتك بأسلوب العناية بمكان الغرز لتجنب الالتهابات.
المفاجأة رقم 5قد تشعرين برغبة فى البكاء. لقد احتضنت طفلك الغالى وكل شئ يبدو على ما يرام، لكن قد تشعرين أنك غير قادرة على حبس دموعك. ماذا يحدث؟ يتحدث الناس كثيراً عن التقلبات النفسية الخاصة بالحمل، لكن أيضاً خلال مرحلة ما بعد الولادة تكون مسألة الهرمونات غير مستقرة مثلما كانت خلال فترة الحمل.


المفاجأة رقم 5


أيضاً خلال مرحلة ما بعد الولادة تكون أغلب الأمهات لديهن الكثير من الأشياء التى تقمن بها ولا تكن لديهن الفرصة للنوم بشكل كاف أو عمل أى شئ لأنفسهن. العصبية، الغضب، البكاء، الإجهاد، والقلق كلها مشاعر طبيعية قد تستمر لمدة أسبوعين بعد الولادة. أفضل نصيحة هى أن تحصلى على مساندة حقيقية سواء من الأسرة أو حتى من دادة. إذا لم تشعرى بتحسن بعد أسبوعين تقريباً، فربما تكونين مصابة باكتئاب ما بعد الولادة مما قد يستلزم اللجوء لمتخصص

المفاجأة رقم 6

قد لا يكون دخول الحمام سهلاً كما كان من قبل. بالنسبة لبعض الأمهات الجدد قد تمنعهن الأسباب النفسية من دخول الحمام بعد الولادة مباشرةً – كنتيجة لخوفهن من الألم أو بسبب إيجادهن صعوبة فى الجلوس. لكى لا يصبح الإمساك مشكلة (وبالتالى البواسير)، اشربى الكثير من السوائل (التى ستساعد أيضاً فى الرضاعة الطبيعية!) وتناولى فواكه وخضروات طازجة. فى المستشفى، اطلبى من أفراد أسرتك أن يحضروا لك فواكه وتجنبى الأطعمة التى تسبب الإمساك


المفاجأة رقم 7

غالباً ستشعرين بجوع لم تشعرى به من قبل. لأن أغلب الأطباء لا يسمحون بالأكل أثناء الولادة، فربما لا تكونى قد تناولت أى شئ لفترة طويلة غير بعض العصير أو الماء، وبعد المجهود الكبير الذى قمت به أثناء الولادة، قد تشعرين برغبة جارفة إلى الطعام. اطلبى من زوجك وأسرتك أن يحضروا لك أطعمة صحية من الأنواع التى تفضلينها لأن أكل المستشفى قد لا يناسب شهيتك المفتوحة بعد الولادة.

المفاجأة رقم 8


غالباً سيتحجر ثدياك بعد حوالى 3 أيام من الولادة . قد تشعرين أن ثديك حساس، وقد يكون جامداً، منتفخاً، ومؤلماً عندما يبدأ اللبن فى النزول. قد تشعرين أن الرضاعة تعذيب فى الأيام القليلة الأولى لكن إذا صبرت فعادةً تصبح أسهل وبعد ذلك لن تشعرى بأكثر من ثقل فى ثدييك قبل وقت الرضاعة.
عندما يكون ثديك مؤلماً احرصى على إرضاع طفلك من كل ثدى 5 دقائق فقط فى المرة – أى من الثدى الأيمن 5 دقائق ثم من الثدى الأيسر 5 دقائق وهكذا حتى يشبع الطفل. استخدمى كمادات ساخنة أو باردة على ثدييك إذا وجدت أنها تخفف الألم. جففى حلمتى ثدييك بعد كل رضعة وحاولى تعريضهما للهواء بترك ستيان الرضاعة مكشوفاً لبعض الوقت كل يوم.

المفاجأة رقم 9

العرق أثناء الليل هو من أحد الأشياء التى قد تدهش الأمهات الجدد. قد تستيقظين فى منتصف الليل وأنت تتصببين عرقاً دون سبب. ضعى فوطة على وسادتك لكى تمتص العرق حتى تنتهى هذه الظاهرة، فهذه فقط طريقة جسمك للتخلص من السوائل الزائدة.

المفاجأة رقم 10


سيكون هناك كمية كبيرة من الدم. قد تكونين قد توقعت نزول دم أثناء الولادة، لكن كونى مستعدة لنزول الدم لمدة 3 إلى 6 أسابيع بعد الولادة. فى الأيام التى تلى الولادة، غالباً سيكون الدم كثيفاً ولكن سيقل الدم مع مرور الأسبوع الأول، وفى الأسابيع القليلة التالية غالباً سيكون الدم أخف نسبياً. خذى معك إلى المستشفى كمية كافية من الفوط الصحية وأبلغى طبيبك إذا زاد تدفق الدم فجأة بعد أن أصبح أخف.

المفاجأة رقم 11

قد تندهش السيدات اللاتى كن تتمتعن بشعر ثقيل أثناء الحمل بسبب سقوط شعرهن بغزارة فى مرحلة ما بعد الولادة، فالانخفاض المفاجئ فى الهرمونات الذى يحدث بعد الولادة قد يؤدى إلى فقدان كبير فى الشعر.

المفاجأة رقم 12


قد لا تشعرين برابطة فورية مع هذا الكائن الصغير الذى تحتضنينه. إذا كنت قد تعرضت لولادة متعسرة أو إذا لم تكن لديك خبرة بخصوص الأطفال المولودين حديثاً، قد لا تشعرين برابطة قوية مع مولودك منذ اللحظة الأولى. لكن امنحى نفسك وطفلك الوقت لكى تتعارفا، اطلبى المساعدة إذا كنت تحتاجين إليها، وحاولى الاعتناء بنفسك خلال الأيام القليلة الأولى بعد الولادة، وسرعان ما ستجدين أنك قد أصبحت الأم التى كنت تحلمين بها دائماً.

حلو الموضوع يا ايمي

بس قوليلي هى التمارين دى من امتى ؟؟؟

الشهور الاخيرة يعنى ؟؟؟

*Om Mo3az*;14256783:

بس على فكره انا مش حاسه انها بنت ولما اروح بعد اسبوعين ان شاء الله الدكتوره هتقول لي ده ولد :D


واه ان شاء الله لسه عاوزة اجيب كمان كام سالوبيت كده بس هستنى بقى لما اتاكده الاول ان شاء الله

ربنا يا حبيبتي يديكي اللي نفسك فيه و اهو حتى لو ولد يلعب مع معاد و يطلعو عنيكي مع بعض ان شاء الله

انا كمان على فكرة مش حاسة اني حامل في بنت بس اعتقد ان انا اللي عندي هسهس عشان الدكتور قايللي بنت و السونار ال 3d قاللولي بنت و اشترييت بقى فساتين و توك و عشت في البينكات عارفيين بقى لو طلع احساسي صح :mad: حلبس الولد التوك مفيش حل تاني و حجيبله بقى عرايس و حاجات عشان انا اتأقلمت انها بنت خلاص مليش دعوة

ساره افندي;14256986:
ايمي مبررروك وان شاء الله ربنا يديكي اللي نفسك فيه
ومبسوطته اووووي انك ارتحتي للدكتوره
موضوع المياه حصل معايا في اول التاسع بس اليوم اللي قالي مياه قليل ولدت تاني يوم ومكنتش بنزل مايه ولا حاجه
وبردوه زيك مش بشرب مايه وحناق من جوزي علي الموضوع ده انا طبيعتي كده مش بشرب ولو شربت كوبيه علي بعض ممكن ارجع ويجلي مغص وكل ده غلط
صحبتي جالها حصواي من قلت المياه وبردوه زي في المغص
الدكتور قالها تشربي علي الاقل في اليوم ازازه مايه وتتعودي علي شرب المياه كل يوم وتزودي كل يوم المقدار لحد ماتوصلي لشرب ازازه
وفعلا لما ابتدا تزود كل يوم شويه وتشرب متققطع ابتدت معدتها تاخد علي كده وبقيت تشرب مايه كتيرررر واتعودت عليها ده لما بتبقا عندي بتاخد ازازه مايه جنابها وتعد تشرب
وانا ااعد اضحك واقلها الهسوس هيجي من نص ساعه مشربتيش مايه
انا كمان مش بقدر اشرب المغات ولا اشمه ولا اشرب حلبه ولا اشمهااااااا
في حاجه تزود اللبن ومفعولها كويس غير الحلبه؟
كمان مشاكل الرضاعه والحاجات اللي زيها ديه بتتابع مع دكتوره اطفال ولا نسااااا لان معندناش هنا دكتره رضاعه طبيعيه

نفس مشكلة شرب المايه دي عندي من زمان لدرجة ان وشي نفسه نشف من قلة المايه و كان بيجيلي مغص في الكلى كل الكلام ده كان قبل الحمل و فعلا بقيت ماشية بإزازة مايه على طول بدأت بالإزازة لصغيره بتاعت مهجه دي فاكرينها و بعدين الازازة ام جنيه و دلوقتي الازازة الكبيرة مش دايما بكملها بس اهو ساعات و ساعات
بالنسبه بقى للحلبة و المغات فانا كمان مش بحبهم و عمري ما كلت منهم سمعت بقي انهم بيقولو الحلاوة الطحينية كمان زيهم :Dفحعتمد عليها ان شاء الله:D:D و شرب السوايل بقى و لو ساعتها اضطريت حعمل ايه بقى كأني باخد دوا:badly: و امري لله

Dr.Flowers;14257382:
ازيييييييييييييييييكم يابنااااااااااااااااااات

عاملين ايه والنونات عاملين ايييييييييه



استفسار بقى لاصحاب الخبرة

هى حركة البيبى بتتحس ازاى فى الاول ؟؟؟؟؟؟؟؟

انا بقالى يومين عندى احساس غريب اكن حاجه بتزغزغنى او فايبريشن كده جوة بطنى هى دى حركة ولا تهويئات ولا ايه بالظبط

غالبا هي دي حركة البيبي بتبقى اوقات عامله كأن في فقاقيع هوا كده جوه البطن عاملة شبه الغازات بتاعت الفوار و البيبسي:lol::lol:

اهاااااااا يا ساره مش دلوقتي خالص
لما تدخلي ف التاسع ان شاء الله بشوية كده
كمان المشي حلو جدا ف التاسع



رد فلاور ربنا يكرمك يارب
بس ان شاء الله تطلع بنوته يا ستي عشان الحاجات اللي اشتريتها لها
حرام يعني هتلبسي الواد توك ههههههههههههههههههه
طب البنت تلبس سالوبيتات لبني عادي انما الولد يلبس توك هههههههههههههههههههههههههه

ربنا معاكي يارب ويرزقك باللي بتتمنيه

اخييييييييييييييييرا لقيت مصريين انتو فين ياجماعه

انا جديده وحابه ادخل الجروب بتاعكم انا حامل جديد ومتغربه عن بلدي وزهقانه من الغربه وخايفه علي جنيني موسوسه موت انا واشياء من هذا القبيل هل من مجيب :D

mona sh;14263298:
اخييييييييييييييييرا لقيت مصريين انتو فين ياجماعه

انا جديده وحابه ادخل الجروب بتاعكم انا حامل جديد ومتغربه عن بلدي وزهقانه من الغربه وخايفه علي جنيني موسوسه موت انا واشياء من هذا القبيل هل من مجيب :D

المصريين ماليين المنتدى
اهلا بيكي يا منى منورة التجمع يا قمر

وبلاش وسوسة كله خير ان شاء الله وربنا يحفظ جنينك يارب ويقومك بالسلامه

هاااى يا جرينا يا سكر وحشتينى والله كتير انا الحمد لله كويسة كان فى شوية حاجات كدة بس الحمد لله ربنا ستر وانتى عاملة اية ؟؟

عاوزة اقولكم يا بنات انى مصدعة صدااااع فظيع من امبارح ومش قادرة مموتى خالص الدكتور كان كاتبلى على بارامول واخد منة قبل كدة مرة واحدة
بس دلوقتى وانا عند مامتى الصيدلى قالى البارامول والبانادول من نفس العائلة وانا فعلا اتاكدة من كدة بس خايفة علشان قريت على النت انة مش مستحب اول 3 شهور
لو حد عندة فكرة عن البانادول يارررريت يقولى لانى تعبانة اوووى الحمد لله