kitty_kity;14203813:
نازلة فين؟ لسه مش اعرف
حد يعرف فندق كويس ومش غالي كتير؟؟؟
وقريب من اماكن حيوية يعني
ولا اروح فين لما انزل
الدارات حلوة اوي بس غالبا لازم يكون ليكي حد تبع الظباط بردو معرفش ينفع للمدنيين لوحدهم خالص ولا لأ، بس ممكن علي فكرة أنه ممكن ندخل حتي عادي نقعد جوا وندفع تذكرة حتي لو مفيش كارنيه بس كبيات بقي مش واثقة.
kitty_kity;14204136:
انا كمان كنت مبسوطة اوي لما شفت النونو ف السونار
مع اني بعمل سونار كل مرة الا اني ماشفتوش الا مرة واحده هههههههه لما عملت سونار ف المستشفى لما تعبت والزايدة والحوار ده
لان السونار بتاع الدكتورة ضهره ليا
بس جوزي بيقف يتفرج ويبقى يحكيلي بقى ههههههههه
طيب هو مش بينفع الشاشة تتحرك، اصل صاحبتي بردو كانت بتقولي مش بتبقي شايفة حاجة كنت بتضايقلها اوووووي بجد.
semsema_semsemy;14204528:
ان شاء الله حاجات البيبى لبسه يعنى اجيب عدد اد ايه ومن مقاس كام
انا بفكر اجيب 6 من كل حاجه مقاس 0 ل3 شهور و6 تانيين من 4 ل 6
ها كده كويس ولا هيبقى كتير
وعاوزه اعرف الببرونه اعرف ان نوعها كويس ازاى
ولو عاوزه اجيب بامبرز اجيبه من بره ولا من هنا لان بيقولوا اللى بره احسن من اللى فى مصر حونين شويه على بشرة البيبيهات
واحسن نوع ايه
وعاوزه اسم كريم تسلخات كويس
ربنا يوفقك في الامتحانات انتي وباقي البنات، بصي كنت نزلت الليستة بتاعة التجهيزات من كام صفحة اهي تاني:
دول الاساسيات يعني وفيه بقي حاجات تانية ترفيهية وكده
شايات كت مقاس 0-3
شايات نص كم مقاس 0-3
شايات كم مقاس 0-3
بنطلونات داخلية
سالوبيتات بيت وخروج
طواقي وجوانتيات وشرابات
بافيتات
فوط قشط
كوفرتة وبطانية
سليبينج باج أو بورت
بشكير
فوط حجم وسط
مشمع غيار
ببرونة وتيتينة والسلسلة بتاعتها
قصافة او مقص للضوافر
فرشة
حلق طبي
ترمومتر
بامبرز
شامبو وشاور
لوشن
كريم زنك لتغيير الحفاض
وايبس
كحول طبي
قطن
كارسيت او عربية او كاريير
هاتي 6 من كل نوع اه ومتجبيش مقاسين من دلوقتي، هاتي من 0-3 وبس وهايكفي فترة ان شاء الله، بس هي بتفرق حسب الموديل والماركة، في ماركات هتلاقيها اصلا صغيرة فدول يبقي هاتي من 3-6 احسن عشان مش يصغروا بسرعة عليه، لكن لو حجمها حلو هاتي من 0-3
والببرونة تكون النيبلز بتاعتها ابيض مش اصفر وممكن العادية وممكن المقشوطة، بس المقشوطة احسن، ونفس الكلام في التيتنة بردو، وطبعا هتجيبيها اول مقاس عشان متبقاش خرمها واسع علي البيبي ويشرق، وخليكي في البلاستيك بس تكون نوع حلو وماركة مستورد عشان يكون امان ، الزجاج مش عملي اوي، بس لو مش حابة البلاستيك خلاص، الزجاج ممكن يكون ماركات اقل من البلاستيك من ناحية السعر يعني وكده وهايبقي امان بردو بس اشهر حاجة في الزجاج شيكو عشان مش موجود دلوقتي كتير زي الاول، الاغلبية البلاستيك، وعندك ايفنت ونك ونوبي وحاجات كتير حلوة، شوفي حسب امكانياتك انتي.
والبامبرز بقي انتي لازم لازم هايعدي عليكي كذا نوع لغاية ما تستقري علي واحد كويس يناسب البيبي بتاعك واستخدامك، بس فيه انواع عامة كويسة والاغلبية بيشكروا فيها، بس هتلاقي مثلا ما بين كل 100 شخص ممكن 5 يقولوا العكس.
المهم تختاري المقاس المناسب ميكونش صغير ولا كبير عشان مش يسرب وتقفليه مظبوط يبقي من الناحييتن زي بعض نفس المسافة ومتتأخريش في التغيير كتير.
سانيتا بامبي وبامبرز ومولفيكس وكوتشي له انواع كتير واغلب الحفاضات التركي بجد حلوة وسعرها حلو، وبيبي جوي، يعني بس اكتر واحد البنات اجمعت عليه مولفيكس بس غالي شوية
