•• 3 تجمع أمهات نوفمبر 2010 لشهر صفر••

ألم الزمان;14384738:
تسجيل حضور ،،،،،

اخباري بالايام اللي طافت ما تسر عدو ولا حبيب

طبعا اول شئ طحت مريضة خبركم الضيقة ما تسوي سواياها في الواحد

وكملها حمود من اصياحة واللحين لين يصيح يسني وييبس وما ادري من ويش وذابحنه الزكام وكله يفاغص

وبتي تراجع سمعها عدل وشكلها ما استفادت على المضاد وشكلي خلاص بسويها العملية باقرب وقت

ووجع القلب الاكبر سفر زوجي عني واني بالهالظروف وراح يرجع تاريخ 8 ، فكلش نفسيتي زفت كلش

ابغي اطلع اغير جو ،، لكن وين اروح

جحة حمرة;14384396:
السلام عليكم

شخباركم ؟ اني جييييييييييت :lol:

فايروس النفسية شكله مخيم على تجمعنا .. صار ليي كم يوم نفسيتي تعبانة وكلا افكر واهلوس .. حتى الاكل عفته ولو انه مو من طبعي خخخ .. الحمدلله اليوم صرت احسن ..

وردة .. :lol: .. على قولة المصريين جبنا سيرة الأط وجا ينط .. هذاني جيت :lol: .. وعلى طاري الطلعة شوفوا اي يوم لكن قبل تاريخ 18 .. ناوين اذا الله راد نروح المدينة وناخذ مولد النبي هناك >> نذر على رجلي :lol:

عنوب .. الحمدلله على سلامة فطوووم .. خرعتيني يوم كتبتين ان بيسوونها عملية خفت ان فيها شي .. الزيودة شي عادي وعمليتها كلش بسيطة الحمدلله .. والله يثبت الى حماتش ويتمم حملها على خير .. هذي اللي شفناها يوم رحنا شقتش لااا .. :lol:

ام شهد .. :hysterical: حاولي وياه يمكن يرد يتقبله .. اهم شي تحاولين وياه وهو شبعان تقريبا او نص شبعان .. لأن لو جوعان حده مستحيل يتقبله .. ما توقف راسهم الا المرضعة .. جربتها ويه ولدي اذا عطشان حده وابغي اعطيه من عندي يعفس روحه من الصياح .. لكن اذا شبعان اخليه يتسلى شوي بالمص خخخ لحد ما شوي شوي تقبله ولو انه للحين ما توقف راسه الا الصناعي

الم الزمان .. لش فجة .. صلي على النبي واذكري الله .. شكله فايروس النفسية الزفت داير علينا وحدة وحدة ..

زهورة .. خخخ عجل بتروحين مركز مدينة حمد :lol: .. اذا رجعت الدوام اكيد بتصير ليي طلعات الى هناك خخ وبشوفش خخ :D وجان قريب منكم تقدرين تطلعين ترضعين بنتش وترجعين ... :lol:

نور الامل .. شوفي لش حضانة قريبة من بيتكم او قريبة من شغلش .. اعرف وحدة من عالي كانت تجود كم جاهل في بيتهم .. بس ما ادري للحين تجود لو لا .. هي قبل كانت تشتغل في حضانة ..

غصون نضرة :D .. ما ادري ليش احس اني اعرفش .. يعني مو لازم معرفة مباشرة لكن يمكن مارة عليي في مدرسة لو في الجامعة لو في اي مكان خخ ..

حبك حياتي .. ان شاء الله تعوضين السنة الجاية وتروحين بيت جيرانكم وبرهوووم يركض ويلعب وي الجهال وانتين قايمة قاعدة ليه خخ :lol:

تنهدات محامية .. الله يساعدش على السهر وقومة الصبح للجامعة .. انتم السابقون ونحن اللاحقون :lol:

وردة البرية;14385054:
بنات التجمع ان شاءالله

تاريخ 6-2-2011

بوالم يوم سبت

هااا وش رايكم ؟:)

~ بيــاض قلب;14386583:

سلام :)

طليت عليكم جم مرة ورديت قمت ما أرد بس أقرأ وأطلع
ويرد يصير خاطري أرد وياكم وأسولف وأهدر نفسكم عن ولدي :adore:

لينا مكان بينكم أني وولدي لو نمشي؟ :o

وردة البرية;14385130:
ام شهد

ترى عادي الجهال في هالفترة يسوي جذي

علوي بعد اتجي دقات باليومين من احطه على صدري يصرخ ويفزع الدنيا واقعد اهز وادلع وحتى امي واختي شافوني

بس يرد عقب يوم يومين لين كان شبعان نفس ماقالت لش جحة يرد يمص

يعني عااادي

حبك حياتي;14387239:

عليييكم السلاام
حيااش الله خيوو بيناا
افاا عليش لش مكاان :thumbs_up:

وسوولفي وهذري عن ولدش وشاركينا :lol:

بس حطي اسم ولدش وتاريخ الولاادة ;)

حبك حياتي;14354078:

هلاا بقوووووي

شخباار زنووب؟؟
مابسالش عن اخباارش لان اذا زنوب زينة يعني انتين زينة خخخخخ :worn_out:

اتوقع ان الصيدليات يبيعون

وعن الخرااق انصحش بالسااعي :adore:
كان يبي يخرقني يازعم هدية واني توني 20 يوم هههههه

وان الحمال اتمنى من ربي اني ما احمل الا لين كمل ولدي 3 او 4 سنوات عالاقل

لان الحمل الثاني قالو لي احتمال عملية ربط :(

حبك حياتي;14354088:

اللهم صلي على محمد وال محمد

اجننننن زنووب
كبرررت ماشاءالله

الله يخليهاا وتبلغيين فيهاا

اني كل مرة اقول بنزل صور برهوم واتملل :worn_out:

زهورةƸ̵̡Ӝ̵̨̄Ʒ;14354401:

الجواز لازم قبل الذكية:)
و اني مو بس الويكند على طول فيني هياتة سوق صايرة ما اشبع من ثياب بدور
و اني بعد زوجي كلة في الشغل بس اشنقل بدورتي واهاجل من مجمع للثاني:lol:
اخذتين شي؟؟


اني بودي بدور صيدلية جعفر لان عندهم تراكي غير المعروفين و يجننون صغااار
و الحمل لين وديتها الروضة يعني 5 او6 و اذا عليي بعد ابغي اكثر 10 زين:rolleyes: متعبين واجد
بس لين صار قبل حياة الله ما بقول لأ :adore:
كيوتة زنوب الله يخليها ليكم:)



[/CENTER]

زهورةƸ̵̡Ӝ̵̨̄Ʒ;14354576:
بقوي
روحي سنتر بوينت في فستاين كيوووت مع جواربيهم اخذت لبدورة
و في واحد من شفتة تذكرتش معاه جوراب و فية دزاين الشوز من تحت مثل الي تحبينهم لونة ابيض و احمر على ليدي برد هاي مو مخفض و سعرة ب10 زايد قاصر مو متأكدة
و في اكسيسوريز الي في جيان في فساتين كبر بنوناتنا بس صيفيين

عاشقة قلبي;14355049:
هلا امهات
اخباركم؟
بقوووووووووي
ماشاء الله عليها زنوب تجنن
الله يخليها لش ويبلغش فيها يارب
وبالنسبه للحمل اني اتمنى اني احمل ادا صار لولدي تقريبآ سنتين اوثلاث
وكل شيء على كتبة الله

اليوم اشوف ولدي صار احسن لأني عودت رجعت الى نان
البارحه استغربت من ولدي نام لي يمكن الساعه 2 الفجر الى الساعه 12 الظهر
وهادي اول مره تصير بدون مايقعد يصيح يمبى حليب
لكن يوم اقعد عورني قلبي ان ولدي نايم 10 ساعات متواصله ولاشرب نقطة حليب وعلى طول جهزت له المرضعه وعطيته اياها

أحبك والقمر يشهد;14355526:
شخباااااااركم بنااااات

وحشتوووني

شخباركم كلكم؟؟؟؟

حبك حياتي - الحمدلله ع سلامة زوجش .. وتقبل الله منه الزيارة ان شاء الله :)
بقووي - Happy b.day F: ... بس انتين شهر 1 سنة 86 لو 87 وقدموش سنة ؟ :celebrate:

رد رووز - حاالي مثل حاالش بالضبط ... كلللش خاطري في طلعة من زماااان ما اطلع طلعة حلييوة .. ما اطلع الا للضروريات واكون طوول الوقت احاتي البنوتة... لانها اذا صاحت ما تسكت بسهولة ، وبعد اني ما احب اعطيها مرضعة ... مع ان هي عادي تشربها بس ما اعطيها اياها كله اخاف تتعود عليها وتنجف على صدري ....
ما لينا الا نصبر لما يكبروون شوي ... :cool: اني اقول اذا صارت 4 شهوور ان شاء الله باخذ راحتي ف الطلعة وياها لان بتكون خلاص انشالت من الفراش فالطلعة وياها اسهل .. وبيكون الجو استعدل بعد ... :thumbs_up:

بسالكم ... لو بغيت اشتري شفاطة يدوية .. ويش احسن نوعية؟ ومن وين احصلها ؟ وبكم اسعارهم تقريبا ؟؟؟ والحليب بعد ما اشفطه يظل لحد جم صالح للشرب وما يخترب ؟ ههه :lol:

ايي وبعد بقوليكم ... رحت هالمرة مذركير باخذ جالوسية وشفت وحدة ماركة Garco عجبتني واااجد صايرة مثل الكرسي المعلق ...وفيه العاب فوق تدور فيهم موسيقى ... وفيه حبات نضغط عليهم ويهتز الكرسي برووحه .. ونقدر نسرع الهزة او نخففها .... عجبني وااااجد بس تحيرت اخذه لو اخذ العاديين الا ف الارض مسدوحين واحنا نهزهم ....
هذيك سعرها 55 دينار ........قال ليي الا هناك ان تصلح نستخدمها الى عمر سنة .... فقلت يعني بستفيد منها ،،، ويش رايكم ؟؟؟؟:celebrate:

اني رحت مذركير فرع السقية كنت ابي اشتري ثياب كشخات حق فطومة :D ... بس صراحة ما شفت شي بهرني وعجبني واجد... اشياء عادية الا هناك .... وين احصل اشيائات كشخة وحليوة؟؟؟ قلت بروح فرع مجمع الواحة كأن ذيك الايام شف عندهم اشيا حلووة ...

وابي اشتري بعد قبعة صووف مثل مالات الكبار شوي ... الا صايرين جدي





احصل قد بتي ؟؟؟؟؟ وفي ووين ؟؟؟؟؟

امممم .. وعن الخراق ... الساعي زين يعني ف الخراق ؟
اني كنت حاطة ف بالي بوديها صيدلية بس ما ادري اي صيدلية .... والحين يوم قلتون عن الساعي ، مادري بعد يمكن اوديها عنده بما ان عندها فايل هناك ...

اني حاطة ف بالي بوديها اذا كملت 3 شهوور .... لكن من اذكر صيحتها شلوون كانت يوم التطعيم على عمري .. احزب من الخراق واخاف يعورها بعد وتقعد تصيح واجد .... :biggrin:

الوافـية;14357568:
مـرحبـااا شعب

شخبااااركم

وحشتوووني حدكم

ماذكر بالضبط وش قريت ... بس المهم اني حليت الواجب

حبك حياتي الحمدلله على سلامه الرجل وقرة عينش

عنووب حبيبتي استهدي بالله ومثل ما قالت لش حبك اقري قرآن ولا نزلي قعدي ويا بيت عمش شووي

زهوورة جان نمتين وشبعتين روحش وتالي همتين ويا بدووره هههههههه الهيامه ما تنعاف

عشووق ما يشوف شر السيد

تنهدات شحوالش وشحووال حماده ويش فيش يابووي تكتبين كلمه وتشردين

بقوووي .. شخبااارش وشخبااار القمره .. ماشاء الله عليهااا كبرت الله يخليها وبالغه فيها عرووسه ان شاء الله
وضحكني السؤاال بقووه على طوول جا في بالي ما صدقنا على الله نولد نرد نحمل مرة ثانيه خخخخ .. لو عليي اني 4 لو 5 سنين زين يكوون حسون كبر ويفهم ومافي اشكال اجيب صغنون <<< بس خايفه من غدره الرجل لانه كله يقول خاطره بعد في بنيه << التعب مو عليه لنه خخخخخخ

جحة وورده وام شهد والم واحبك ورد روز وصفاء ونور الامل وغصوون شخباااااااااركم كلكم ان شاء الله ما نسيت احد

..صفاء..;14357781:

سلااام

شحوالكم زينين

اني زينة والفطم بعد زينه

زهقانه ومستمله ولا يعه جبدي وادري ويش اسوي:badly:

بقوي زنوب تجنن الله يحفظها لش وتجوفينها عروس ياارب:)

وعن سؤالش مال الحمل احنا نفكر اذا كملت فطوم 3 سنين ان شاء الله بس مايندرى الله ويش كاتب

ام شهد11;14357789:
السلام عليكم

شخباركم بنااات

بقايا سؤالش عن الحمال يعور القلب هههههههه اني عن نفسي خلاص ما ابغي الحمد لله رب العالمين
حبك تستاهلين سلامه زوجش .
عنوب طلعي غيري جو .. اكره شي اذا النفسيه تصير داون
الوافيه هلا خلف جبدي شخبارش انتين واخبار حسون

عنوب;14358379:
سلااام

اني على طول قناة القرآن اللي فيها بيت الله مباشر تشتغل

خصوصا في الليل ما ابند التلفزيون

واليوم طلعت وندمت

لانه فطوم ما سوت سوايا فيني


بقووي اني صادتني عقدة من الولااادة استغفر الله لو على كيفي ما بي ولا اعتراض على نعمته بس صدق فيني عقدة نفسية

وعلى الله اذا حملت الحمدلله واذا ما حملت بعد الحمدلله

نور الأمل 1986;14361360:
بقوي تجنن زنوب الصلاة على النبي بخطبها لحمود إذا ما عليش أمر وبالنسبة للبطاقة الذكية لازم الجواز أول خيو بعدين البطاقة احين احنا سوينا الجوزا يبرز يوم الثلاثاء وبالنسبة لسؤالش بصارحة ساعات يصير خاطري أحمل لان توحشني حركة الجاهل خخخ بس احنا مقررين إذا كمل حمود ثلاث سنوات