تجمع حوامل وامهات قطر لشهر صفر لعام 1432ه؛ يناير 2011م

قطرية H
مبروك حبيبتي الله ينقلج لي تمامه

بنات ريلي مطنقر علي ؛ شسوي؟ عيزت أبي أراضيه ما يبي يرضى ؛ زعلان عشان الخميس قلت له بداوم وما رقدت في الليل وما قدرت أقوم ؛ يقول ليش تقصين علي وتقولين بتداومين ؛ ولين الحين زعلان شسوي فيه؟ أحس السبب سخيف ومب عارفه شلون أراضيه.

ليلة حب :

امم ، اذا ما يضايقج سوالي،
عدم ريحتج للدوام ،، سببتيله مشكله شلون ،، لانج قلتي كلام ومانفذتيه بس؟؟
ولا شي ثاني ،يعني انتي سببتيله مشكله " عطلتيه عن الشغل- تعب وهو يقعدج -كنسل مشوار -" مثلا ؟؟

قطرية اتش
مبرووووووووووووك حبيبتي
والله يثبته لج وينقله بالعافية

بدوووور
حياااااااتي مشكووووورة ع السؤال
فديتج ابد المفروض اليوم يسووون له العملية
عشان يبطونها بس خلوها باجر ...
وهاليومين كله مبسطة في الطواري
مسكين حبيبي حرارته مرتفعه وترجيع
وحاله عند الله علمها ..

خاطري اجرب اسوي بودنيغ ،،

رووح قطر:

مايشوف شر فديته، والله يحفظه ان شالله يسون له العمليه ويفتك
باذن الله ، وانتي الله يصبرج ويقويج ،، ماتشوفون شر يالغاليه..

مرررحبااا كروووشات وماااميز

شخباااركم؟؟

رووووح
مااايشوووف شر عبوووودي عوووور قلبي ياااربي انا كان واايد يطلع لي دمل وكنت اشوووف الموووت بعيني من الالم ولازم يفتحوونه لي واايد كنت اتعب حبيبي هوو يااهل الله يعيينه يااارب وترا الحراره اتجي له من هالدمل طمنينا عليه

امممم عطووني العاب وبرامج انزلها عالايباد وابي قران اشغله حق اليهال

Gina
هو الي مضايقه أن قلت بروح وما رحت ؛ يمكن لأن إذا أنا ما رحت يقوم متأخر حق الشغل بس إذا بيوصلني يقوم مبكر ؛ ماعرف مب راضي يكلمني ؛ وأنا قلت يمكن عشان حملتي الأولي تنسيت في الدوام وكنت من مستشفى لين مستشفى أدور إجازات مرضيه عشان ما أداوم ؛ وكان معصب علي ذاك الوقت وحاط في باله أن الوضع نفس الشي الحين ؛ ماعرف محتارة.

اممم ، مادري تقدرين تعتذرين له ، وتقولين له اسفة اني خربت عليك نومك وثاني مرة راح اتاكد عدل قبل لاقولك اذا باروح الدوام ولا لا ، لازم يحس انج حاسة انج غلطانه ولا تقولينله هاي سبب سخيف ولا شي ، لازم يحس انج حاسه فيه عدل ،ومعتذرتله ع الازعاج ،
استفسري منه اذا في شي ثاني حاب بقوله لج او شي مب عاجبه ،
عاد كل رجال له مفتاح ، اللي بيكلمج اذا انتي متعدله عدل عدل، واللي تدزينله مسج ،،
واللي يمشي بكوب كابتشينو ،، وهني تقدرين تكلمينه ،، انتي ادرى بزوجج ،،
المهم لو سالفة النساة والمستشفى هي اللي مظايقته حطي لها حل من الحين ، فكري ، شلون بتنظمين اجازاتج وريحيه من الحين ،،

بس قولي كلمتج وخلاص ،، أغلب الريايل مايحبون الكلام الوايد ، الاعتذار المختصر المفيد يرضيهم ،،

صباااااااااااااح الفل

قطرية : الف مبروووووووووووووووووووووك حبيبتي والله يثبته ان شاءالله وينقله لتمامه

مساء الخير....
اليوم ساعتين تقريبا وانا ادور بارك كيوتل كللللل باركاتهم محدوده تعبت نفسيا صافه واااايد بعيد....

بنات اليوم متضاااايقه حدي اول شي الدوره جاتني وايد وايد وايد مبجر المفروض مب الحين وغير هاي كان في خاطري احمل :(
وريلي بعد يبيني احمل بس مادري احس انا احب اكون حامل مع انه النساه كلش مو شي بس يمكن لني احن ابي بنت:( مادري شلون بيمر اليوم وهل اتوقعون اروح حق دكتورتي عشان تشوف ليش الدوره مجدمه تقريبا 5 ايام.!!!!

بنات قتلكم ولدي طالعتله شعره بيضه والله ماعرف اتصرف معاه وايد يعصب ويصرخ علي جدام اهل ريلي احاول اهديه مب راضي تعبت معاه امس ريلي يقولي شوفيه ليه معصب قتله انا مالي شور على ولدك اذا اهلك بيدخلون احتريت لنه وايد احس من كثر تدخلهم اخترب الولد علي ماعرف شلون اتعامل معاه كللللش :(

بنات ابي اخذ اي فون بس مادري افكر بالقديم الي اهو 3جي اس لحسه اخف من الجديد شرايكم؟؟؟
وعن اليلاك بيري اي احسن واحد اتوقعون انا عندي البولد القديم تهقون 9780 احسن واحد من الجداد؟؟

الي تعرف في البنيان والي مسويه بيتها والبيبان بشكل اخص او تعرف احد مسوي بيبان البيت الداخليه ووايد زينه تقولي من وين لني ببتدي ادور مع ريلي وافتك منهم وبعدين قررت انه المكيفات كل شهر بنشتري 3 او 4 لنه ماشالله وايد يكلفون اذا مره وحده كلهم وغير جي يبيلنا تقريبا 30 مكيف حق البيت تخيلوا...قلت باخذ قرض بس ريلي ماعجبته الفكره يقولي مابي تحطين دين عليج بنجمع احسن من القرض شرايكم

قطريه اتش مبروك الحمل حبيبتي والله يوصلج لي تمامه:)

فجورة
ثانكيو حبيبتي بمره ان شالله خصوصا انه قريب البيت وان ششالله احصل شي حلو

فجور :
هذي البرامج اللي عندي :
حصن المسلم
alQuran
Athkar
Islamic cal
Find Mecca



هتان :
بدلي اللبنة بالجبن او البيض و ممكن تاكلين كورن فليكس مع حليب لو فات مرة في الاسبوع ..


ريوقي كان بيضة مقلية بمسحة زيت و جبن و شاي أحمر
و غداي بيكون ربيان مطبوخ مع الخضراوات

نور الحلوة. في ابل ستور في ووااايد أشياء حلووة لليهال خصوصا تعليم الانجلش. و الاعداد و الحروف و الارقااام. كتبي بالانجلش toddler counting letters. Shapes.

توني الحين اشوف برنامج اسمه حفظ القرآن للأطفال شكله حلووو بس انه مب فري

اللــه يبــآرك فيــكم بنــات ,, وعقبــال كـل من تتمنــى ,, :)

صديقآت حملي في خلودي يلا شدو حيلكم خخخخخ

السلام عليكم
شخباركم ؟؟