تجمع حوامل وامهات قطر لشهر صفر لعام 1432ه؛ يناير 2011م

مساكم الله بالخير

لولوة الدوحة .. شوفي دكتور عصام في عيادة المدينة اللي عند سوق العلي واااايد ممتاز بصراحة .. هو مسويلي العصب من فترة في البداية سويته عند دكتور عبدالمجيد عيادته كانت في الوكرة وعقب فترة دق علي ضرسي مرة ثانية مثل ماقلتي تحسين كـأنها كهربا شعور يضايق وايد ورحت عند عصام فتح الحشوة من جديد وقالي انه الدكتور الأولي حاط حشوةومب معالج العصب وسواه لي وماشاء الله من ذاك الوقت ما اشتكيت من ضرسي الحمد لله ..

كاميليا .. يعطيج ألف عافية حبيبتي وايد حلوة طريقة النقاط أنا على حسبتي اطلعت لي 19 نقطة من ناحية الوزن والعمر والنشاط بس ماعرفت أحسب النقاط بالنسبة للأكل يعني كم نقطة مسموح لي في اليوم الواحد ؟؟

تفاحة .. أنا مخدة الرضاعة خذتها من بيبي شوب ولقيت عندهم واااايد مخدات وأشكال وألوان يمكن ألحين مخلصة عشان التنزيلات تأكدي روحي فرعهم في سنتر بوينت ولا جسر الجيدة ولا السيتي وشوفي واذا مالقيتي انتظري عقب التنزيلات أكيد بيجيبون ..أنا استخدمتها للرضاعة مريحة بصراحة ..

اليوم تغديت سمك مشوي وتبولة والمغرب شربت حليب زنجبيل وتعشيت توست مع بيض مسلوق وشاي أحمر وكلت موزة وشويةعنب وحبتين فراولة .. ماشربت ماي إلا كوب واحد وما سويت رياضة اليوم ..
بنات اذا تبون أحسن نوع سكر للرجيم استخدموا تروبيكانا سكر مستخلص من الذرة وايد زين أحسن من كل الأنواع أنصحتني به الدكتورة يوم كان عندي سكر حمل وقالت لي يصلح بعد للرجيم ..