21 مرة نقول يا تري بتعملي الأكله ازاي ؟ مبدعات مصر القمرات لشهر صفر 1432

DodyCat;14209924:
حلوة قوى المجد فى اوج دى ههههههههههههه
على فكرة صوص الكراميل روعه انا عملت كيك التمر دى بالصوص وبقيت مشهورة بيها وحمايا بيحبها جداااااااا

تماااااااااام يبقى حلو قوي اعمليها
بس لو بقيتي مشهورة يبقى كده هتعمليها لجوزك ومش هيبقى في تجديد صح ولا ايه ;)
لا استني بقى اخترعلك حاجة كده ههههههههههههه
طيب اعملي البسبوسة دي بتاعة شيمو
اعملي تشيز كيك بالبسكويت دلوقتي على بالليل يكون سقع كويس في التلاجة وقعد 4 ساعات بالقليل
او اعملي تشوكليت كيك سهلة كيكة شوكولاتة عادية وخلال الكيكة في الفرن الصوص على النار يتعمل .. تك تك خلصتي ههههههههههه
اعملي حلاوة دقيق (سد الحنك) ههههههههههههههههههههه عشان كفاية قوي كده انا ورايا شغل :lol:

بيرق أمل;14209948:
تماااااااااام يبقى حلو قوي اعمليها
بس لو بقيتي مشهورة يبقى كده هتعمليها لجوزك ومش هيبقى في تجديد صح ولا ايه ;)
لا استني بقى اخترعلك حاجة كده ههههههههههههه
طيب اعملي البسبوسة دي بتاعة شيمو
اعملي تشيز كيك بالبسكويت دلوقتي على بالليل يكون سقع كويس في التلاجة وقعد 4 ساعات بالقليل
او اعملي تشوكليت كيك سهلة كيكة شوكولاتة عادية وخلال الكيكة في الفرن الصوص على النار يتعمل .. تك تك خلصتي ههههههههههه
اعملي حلاوة دقيق (سد الحنك) ههههههههههههههههههههه عشان كفاية قوي كده انا ورايا شغل :lol:

انتى اتلغبطى بينا ههههههههههههههههههههههه
مش انا اللى عايزة اعمل حاجه حلوة

DodyCat;14209966:
انتى اتلغبطى بينا ههههههههههههههههههههههه
مش انا اللى عايزة اعمل حاجه حلوة

هههههههههههههههههههههههههههه معلش اصلي برد بسرعة

@زهرة دبلانة@;14207566:
على فكره انا رحبت بيكى وقبل مااعرف انك زوجة اخو طمطم كمان;):lol:
تسلم ايديكى


ام سيمو بجد جامده التورتةشكلها حلو اوووى
طعمها حلو للى مبيحبوش الجيلى ولا عادى ؟

مش دى يا مدموازيل:lol:

بيرق أمل;14209948:
تماااااااااام يبقى حلو قوي اعمليها
بس لو بقيتي مشهورة يبقى كده هتعمليها لجوزك ومش هيبقى في تجديد صح ولا ايه ;)
لا استني بقى اخترعلك حاجة كده ههههههههههههه
طيب اعملي البسبوسة دي بتاعة شيمو
اعملي تشيز كيك بالبسكويت دلوقتي على بالليل يكون سقع كويس في التلاجة وقعد 4 ساعات بالقليل
او اعملي تشوكليت كيك سهلة كيكة شوكولاتة عادية وخلال الكيكة في الفرن الصوص على النار يتعمل .. تك تك خلصتي ههههههههههه
اعملي حلاوة دقيق (سد الحنك) ههههههههههههههههههههه عشان كفاية قوي كده انا ورايا شغل :lol:

انا بموت فى سد الحنك جدا:study:

عاوزه طريقة الرز بالجمبرى بسرعه عشان اقوم اعمل الغدا

صباح الخير يا بنات بقلكم ايه دى يقترح عليا غدا كدا

انا عند بوفتيك متبلاه من امبارح بس مش عارفه اعمل جمبه ايه

امبارح عملت بوفتيك ومكرونه

أم ياسين العسل;14210051:
صباح الخير يا بنات بقلكم ايه دى يقترح عليا غدا كدا

انا عند بوفتيك متبلاه من امبارح بس مش عارفه اعمل جمبه ايه

امبارح عملت بوفتيك ومكرونه

أعمليه شاورما او فتة شاورما

او بودي
انتي بتعملي التمر علي النار في كيكه االتمر صح
طيب مش المايه كده تقل عن الكوبايه
انا بحس انها سايحه شويه يمكن لو عملت زيك كده الميه تقل وتطلع مظبوطه اكتر

أم ياسين العسل;14210051:
صباح الخير يا بنات بقلكم ايه دى يقترح عليا غدا كدا

انا عند بوفتيك متبلاه من امبارح بس مش عارفه اعمل جمبه ايه

امبارح عملت بوفتيك ومكرونه

اعملى معاه رز بالمكسرات والقرفه

OM SIMO;14207088:
ازيكم يا بنات
من غير كلام كتير

كيكه الجيلى اكشن تانى مرة

تسلم ايدك ياقمر وتم التقييم

sweetgirl2011;14208003:

ميرسى لذوقك وترحيبك بيا

اكيد تقصدي بنوتة تانية
انا زوجي كمان معندوش اخوات بنات ذكور فقط ههههههههه:lol:

عشاءنا اليوم
بيتزا بسطرمة

بيتزا سوسيس

وبعدها بيبيسى وميراند تفاح

تسلم ايدك ياقمر وتم التقييم:thumbs_up:

أم ياسين العسل;14210051:
صباح الخير يا بنات بقلكم ايه دى يقترح عليا غدا كدا

انا عند بوفتيك متبلاه من امبارح بس مش عارفه اعمل جمبه ايه

امبارح عملت بوفتيك ومكرونه

واحشاني قووووووووووووووووووووووووووووووووووووووي
اعمليه على صينية بطاطس هيبقى جميييل
او اعمليه نفس طريقة ورقة اللحمة اللي انتي بتعمليها بس بالبوفتيك
او اعملي بوفتيك محشي بسلة وجزر وجبنة وسويه في الفرن عشان يبقى خفيف او اقليه شبه الكوردن بلو كده
لو عندك شوية كرنب ولا ورق عنب احشيهم بسرعة وحطي البوفتيك في الحلة من تحت

ام زوما;14210061:
او بودي
انتي بتعملي التمر علي النار في كيكه االتمر صح
طيب مش المايه كده تقل عن الكوبايه
انا بحس انها سايحه شويه يمكن لو عملت زيك كده الميه تقل وتطلع مظبوطه اكتر

وضحي السؤال اكتر يا ام زوما عشان انا عندي خلفية عن الموضوع ده عشان عملتها انا وام بودي في وقت واحد
بعد اذنها طبعا دي استاااااااااااذتي F:

بسبس بسبس بقولك ايه

انت زماااااان كنتي قولتي على طريقة كده لصوص الشيكولاتة بالكاكاو فقط
بس فيها بيض تقريبا
انا باعملها من غير بيض بس عايزة اجرب ام بيض دي عشان اللون يفتح حبة وترمي معايا
قوليلي ازاي

السلام عليكم
فراشه الايمان يا قمر
ممكن لما اعمل الاكلير احط فى العجينه زبده بدل الزيت

ftft70;14210135:
السلام عليكم
فراشه الايمان يا قمر
ممكن لما اعمل الاكلير احط فى العجينه زبده بدل الزيت

لا ياقمر مينفعش زبده

اعمليها وانتى مطمنه :thumbs_up:متخافيش مش هيبان اصلا فى الطعم لازيت ولا زبده;)

فراشة الإيمان;14210189:
لا ياقمر مينفعش زبده

اعمليها وانتى مطمنه :thumbs_up:متخافيش مش هيبان اصلا فى الطعم لازيت ولا زبده;)

انا شفت فى ناس كتيير عاملينه بزبده بس بصراحه بتاعك شكله عاجبنى ;)

احشيه احسن كاستر ولا كريم شانتى

ftft70;14210242:
احشيه احسن كاستر ولا كريم شانتى

احشية كاستر بيمسك نفسه عن الكريم شانتيه
او احشيه كريم باستري

وادمجي المشاركة بتاعتك يا قمر بلاش تبقى مشاركتين ورى بعض مدام تقدري تعدلي وتبقى مشاركة واحدة
عشان الموضوع ميزيدش صفحاته :adore:

ftft70;14210257:
معلش و الشيكولاته السايحه اعملها ازاى؟؟؟؟؟؟

هقوووووووووووووووووولك بس بشرط متكتبيش كل مشاركة كده لوحدها لما تفتكري حاجة اعملي تعديل وزودي
تعالي يا فتفت اعضك في ايدك اعملك ساعة ههههههههههههههههههههه :lol:
هتجيبي الشيكولاتة الخام تكون ربع وتحطي عليها حوالي معلقتين كبار زبدة وسيبيها تسيح على حمام بخار مية
ممكن تضيفي معاها كريمة لباني او انا سعات باحط القشطة بتاعة اللبن لحد ما كله يسيح حوالي معلقة برضه

فراشه فى بيتها;14210269:
نور ردى عليا ازاى الرز بالجمبرى يا نااااس

حاااااااااااااضر يا قلبي معلش انا مخدتش بالي
استني ادورلك عليها في الصفحات القدييييييييييمة وهاجيبهالك هنا في نفس المشاركة اعملك بيها تعديل ماشي

نور ردى عليا ازاى الرز بالجمبرى يا نااااس

لو كنت عاوزه اعمل شيكولاته بالكاكاو اعملها ازاى

فراشة الإيمان;14210189:
لا ياقمر مينفعش زبده

اعمليها وانتى مطمنه :thumbs_up:متخافيش مش هيبان اصلا فى الطعم لازيت ولا زبده;)

فراشتى انا بعمله بزبده وبيبقى حلو ايه وجهة نظرك؟؟

اللى عايزة تعمل حاجه حلوة لجوزها باين سويت مش فاكره اسمك هههههههه اعملى رز باللبن وانتى مغمضه واسهل وجميل ف الشتا وزينيه بالقرفه باى قالب قلب عندك هيبقى طعم وروعه بجد ومش بياخد وقت احنا ادمناه خلاص مع ان ماكانش ليا فيه خالص
والبيبسى هههههههههه ربنا يصرف عنكم اى سوء ويسعدكم


ام جودى لا دى مش بنتى ياقمر بنتى احلى من كده :worn_out:اسحبيها :lol: القرد ف عين امه غزاااال هههههههههههههههه

طمطم الرز بجمبرى بطريقة نور حلو اوى هيعجبك

بصي هقولك الكمية على كباتين ونص رز
بتجيبي بصلاية كبيرة قوي تبشريها ، وتدقي (فصين توم بحتة قرن فلفل بشوية ملح وكمون وشطة) وتبشري طماطمياة، والجمبري على جمب رشي عليه شوية ملح بفلفل اسمر بكمون حبة نونو
هتحطي الزيت بتاعك بتاع كمية الرز يكون حلو كده
نزلي فيه الجمبري ورشة فلفل اسمر وملح وافضلي شوحي فيه لحد ما يبقى لونه اورانج طلعيه بقى من الزيت على ورق مناديل
حطي بقى على نفس الزيت البصل وشوحيه لحد ما يتحرق ويكون فاضله دقيقة يعني نزلي التوم اللي دقيتيه بنص كمية الجمبري بشوية فلفل اسمر حلوين وتفضلي تقلبي لحد ما تلاقي لون التوم بقى دهبي كده تروحي تبصي عليه بقى اللي هقولك عليه
تجيبي كباية مية فاضية حطي فيها الطماطماية اللي بشرتيها ومعلقة صلصة واملي نصها مية تبقى نص كباية يعني وطشي بيها البصلة وخليها تتسبك لما المية تنشف خااالص حطي بقى المية بتاعة الرز بتاعك عادي واضبطي الملح ولما يغلي نزلي الرز
وقبل ما تطفي على الرز كده بخمس دقايق حطي باقي الجمبري الي فاضل وقلبي الرز كله وسيبيه 5 دقايق وطفي عليه
وكلي احلىىىىىىىىىىىىىىى رز بجد

انا بقى عندى سؤال جامد كان واحد جايبلنا كرتونة تمر عايزة اعرف استخداماته ونوعولى ارجوكم لان انا طلعت كتير هدايا بس لسه برده فيه
غير كيكة التمر انا دايما بعملها

أم ياسين العسل;14206762:
انا عايزه اقلكم حاجه بس ياريت متزعلوش منى

بجد يا بنات الموضوع بقى مش مرتب نهائى ومشاركات كتير بتبقى مزوده الموضوع اوى

الواد ينام على صفحه 5 يصحى على صفحة 45

طيب تفتكروا يعنى هنقعد نتفرج على 40 صفحه ؟؟؟

مابقيتش عارفه اتابعوا بصراحه نهائى لان مفيش وقت للكلام دا

من فضلكم لو دا ميزعلكوش يعنى نحاول ان اللى تكتب سؤال مثلا فى مشاركه وبعدها تقول رأيها فى اكل البنات فى مشاركه طيب ليه هو كتر صفحات وخلاص؟؟ يا حبيبتى اعملى اقتباس متعدد ولمى كل كلامك فى مشاركه واحده عشان اولا نشوفها اكتر وفى نفس الوقت اسهل
انا شايفه ان اللى كنا خايفين منه حصل وان الموضوع بقى فى كلام كتير فى النص وبقى شات فى وسط الاكلات

متزعلوش من كلامى بس فعلا على رغم انى بدخل كتير بس كل ما ادخل الموضوع والاقى فى 40 و 50 صفحه والله نفسى بتتسد واقول والله مانا شايفه ولا قاريه

انا معاكى فعلا يا جميل وانا فعلا بعمل كده كتير
ولما بفتكر حاجه بزودها على المشاركه بتاعتى وخلاص

OM SIMO;14207088:
ازيكم يا بنات
من غير كلام كتير

كيكه الجيلى اكشن تانى مرة

ماشاء الله تسلم ايدك حلوه قوى
كنت لسه هسالك على الطريقه بس شفتك قولتيها في الصفحات اللى ورا ان شاء الله هحربها اواقولك

دموع اشتياقي;14207404:
السلام عليكم ازيكم يا بنات

عندي كوسه كتير وعايزه طريقه حفظها في الفريزر

اضم صوتى لصوتك عايزه طريقه كويسه لحفظ الكوسه في التلاجه

ftft70;14210281:
لو كنت عاوزه اعمل شيكولاته بالكاكاو اعملها ازاى

بصي يا جميل انا بعمل طريقه وبتدى معايا صوص حلو
نص كوبايه سكر وربع كوبايه زيت ومعلقتين كاكاو خام ونص كوبايه مايه وباكو نيدو وفي الخلاط بس دى بتدى كوبايه صوص تقريبا لو عايزه اكتر هتوزدى الكميات طبعا وبس كده