صبحكمـ الله بـ الخير .,
أخباركمـ ؟!..
|||
سكون النفس;14192589:
سلام
بسألكم عن محلات وكل وحده ترد على اللي تعرفه ضروووري
1) محل يبيع ورد صناعي حليوو ( م.حمد.. جد علي.. بو كوارة)
2) اي احسن حق حفاف عروس فاتنة الخليج لو الاطراف الناعمة؟؟
3) ابي صالون حق حلاوة وبدكير ومنكير ويكون اوكي في هالشغلتين (م.حمد.. جد علي.. بو كوارة)
4) اي احسن الحلاوة ولا الشمع؟؟
سـ 2) عني أنا شخصياً أفضل حفاف صالون (فاتنة الخليج) / سوق واقف
هـ الصالون تقريباً تخصصهمـ الأول بس : حفاف
وعندهم ما شاء الله فوق الـ 10 حفافات ,
بس للأمانة مب كل وحدة فنانة وشاطرة
فـ لا تقطين روحج عند أي وحدة
عندج : دتي , سوميا , شهزلان , رقيـة , آلسي , تندو , ليكـا
هذيلا صج , صج
حفافهم رووووووووعـة
وأنا حالياً مثبتة عند (دتي)
حواجبي وايد عريضة وتصيدهم بقوة
وساعات أضعفهم بعد وهم تصيدهم .,
ومجربة الجاينيز عند / شهزلان
فـ إذا بتروحين قولي لهم عروس وأختاري وحدة من هذيلا
وصي عليها وقولي لها شنهو تبين بـ الضبط
وبتبـدع فيج :thumbs_up:
سـ 4)
الحلاوة نوعين
الشيرة , الواكس
الشيرة طبعاً معروفـة وفي منها المصرية (إلي تنشال باليد) والسايحة , إلي تنشال بالورق
والواكس إلي هو = شمع
عني أنا شخصياً
بشرتي وايد تتحـسس من الشيرة مااااا أشدها أبد
لو أشيل بشيرة بشرتي تسوي حمرة وكلها حب , مآآآآآآسـاة
بس متعودة الحين على الواكس سواءً العادي أو الفروت
يناسب جسمي أزيد
فـ يعني خيه كل وحدة وجسمها شنهو متعود عليه ;)
|||
persian_moi;14193111:
بنات بليز اللي تتأكد من نكتار هاليومين تخبرنا صار خاطري اشتري من عندهم طق العروس
واذا مو موجود في البحرين وين نحصله في السعودية؟
عروسات وين ناويين تصبغون شعوركم؟ للحين ماثبت على شي اول مرة بصبغه ووايد احاتي ابي مكان اهم شي صبغته مب قوية وتطيح الشعر .. بليز بنات نصحوني في مكان مضمون من هالناحية مابي الصبغ يدمّر شعري ومو مهم السعر .. وبعد سؤال اذا صبغت شعري درجات البني المتوسط للغامج هل لازم اصبغ حواجبي؟؟
نكتار كان له فرعين هني .,
كبينـة صغيرونة في (مجمع البحرين) , ومحل في (بوكواره)
وحالياً البنات يقولون إن الإثنيـن تسكروا ,
فـ تلاقينه في السعوديـة :thumbs_up:
|||
AL'MaNaMeA;14193786:
سلام بنات مادري اهني المكان الصح لسؤالي او لا
ابغي أسوي فيشيل في وين تنصحوني أسوي وبجم الأسعار ومعلومات أكثر عن الفيشيل رحم الله والديكم
الفيشيـل هو تنظيف البشرة بسكرابات وماسكات وبخار ,
مع كريمات مغذية وهـ السوالف
ينظف البشرة ويرطبها ,
أسعاره عادةً من 22 إلى 35 تقريباً
يعتمد على الصالون وعلى نوعية بشرتج
لا تروحين أي مكان , في صالونات متخصصـة فيه
مثلاً :
- بروفايل / العدلية
- جاك ديسانج / العدلية
- بودي لاين / سار
- الجوزاء / الرفاع
|||
عمر الحزن ما يدوم;14195464:
بنات تنصحوني اروح صالون أشرقت مكياج عبير الرويعي وشعر نوال او لا ؟؟؟
او أبقى على رايي صالون ايلاف ؟؟؟
ساعدوني ... وصالون اشرقت وين صاير؟؟؟ لان ابي مكان قريب للاستيديو سكوب .. السلمانية
صبعا صالون ايلاف اقرب الى سكوب ..
ويوم شفت الصور وايد عجبني شغلهم :!!: تحيرت اغير او لا ؟؟؟؟
شكرا
حبيبتـي .,
عبير الرويعي & نوال الضاري
إنتقلوا حالياً إلى ( مركز صابرين كمال ) في الرفاع
إذا حق عادي أنصحج بقوة ,
إذا حق عروس
إيلاف بيكون الخيار الأنسب .. والأقرب لـ (سكوب) السلمانيـة
|||
قلبي للحب;14195656:
بنوتات ياحلوين
عطوني آرائكم بالصالات التالية ورتبوهم لي من الاحلى والاكشخ للاخس والادمر
- صالة الغدير
- صالة ناريمان
- صالة الأنوار
- صالة أمواج المسباح
- صالة المتروك
وشكرا
واذا في صالات احلى وبنفس اسعار ذلين خبروني
الحفلة لانها بتكون عائلية!
حفلة عائلية يعني 100 إلى 300 شخص فقط , صح ؟!..
أنصحج وبقوة بـ (المتروك) / الدراز
تشيل تقريباً 250 إلى 300 شخص , يعني حدها تناسب لعائليـة
ومرتبة وزوينـة ونظيـفة وايد
خالتي حجزتها لزواجها .. لأنها بتسوي حفل زواج عائلي
بـ 250 دينار , وليلة إجازة بعد :thumbs_up:
( الأنوار , المسباح ) مو بس أستبعديهم إلا حطي عليهم أكس حمرة كبيـرة حدهااااا :thumbs_down:
ناريمان .,
زوينـة ولا بآس فيها
بس ما فيها ممر زفة خير شر
فيها ممر قصير وايد وعلى شكل L
الغدير .,
بـ 450 تقريباً ,
ومثل ستايل صالة / الهدى
ما تسوى
وخصوصاً إنها أجباري .. إسلامي
وهي وسيعة وكبيرة يعني تشيل 400 شخص
وإنتي تبين شي صغير ومجكنمـ لـ عائليـة :D
|||
Bent Alm7roos;14196493:
بنوتات ابي اسالكم ابي محل يسووي ليي بااقهه حلووه ولطيفه في حدود يعني 35 دينار
بس تكوون جريب لييي اخذها على طريجي وانا رايحه للميك اب عند ابتسام كمال
ابي محل جريب من مناك انا طالعه من الرونق رايحه البسيتين ابي محل جذي يضبظ لي الباقه ويكون على طريقي
سوري على الأكالة وأنتضر ردودكم :adore:
عندج (الزنبقة) / المحرق
بتكون على دربج ;)
|||
أم كشكوش;14196495:
آمممم أخيرا وبعد طول عناء ومشقة
لقيت فستان خطوبة عجبني
عند أم حسين
المهم عاد ,, خبرتني إن عندها باقات بعد
بس الكاتالوج ما كان موجود فقالت لي اروح لها مرة ثانية
عاد قلت بسألكم
في أحد اهني سوى مِن قبل باقة عندهم؟؟! وشلون باقاتهم؟؟!
لاني كنت مفكرة اروح مزاهير .. بس ماادري احين شلون
وشيء ثاني بعد
ممكن تدلوني وين يصير صالون وصال
للعلم ترا اهم انتقلوا مكان جديد بس قريب مِن مكانهم السابق
فاللي يعرف وينهم بالضبط ياليت يخبرني
أبي اروح احجز للملجة وافتك من هالشغلة
اللي تكلموا عن محل نكتار
شوقتووووني عدل إني اروحه
ياليت تخبروني وينه بالضبط اللي يعرف !!
أو خبروني عن محل ثاني اقدر آخذ منه لوشنات وجدي
,,,
بخصوص (أم حسين)
فـ باقاتها من محل أسمه / المروج
وهو في نفس المجمع .. مجمع الهاشمي
تقدرين تلقين نظرة على باقاتهم
إذا عجبوج .. توكلي على الله
ما عجبوج , مب شرط تاخذين الباقة :hysterical:
|||
وصــايــف;14198298:
اليوم رحت تسوقت
بما اني غرامي عطور جيفنشي
اخذت لي عطرين منهم
اول واحد اي دي تواليت اسمه eaudemiselle
والثاني ABSOLUTELY IRRESISTIBLE وهو ايدي برفيوم
طبعا حلوين ما يحتاج اتكلم عنهم اول واحد مسوي ضجة في المنتديات الكويتية الكل يتحجى عنه
والثاني عجبني واخذته الا اختي ضحكتني تقول لي هذا مهند معطيه سمر هدية في المسلسل التركي هههههههههه العشق الممنوع وطلع بعد مسوي ضجة هالايام بسبة هالشئ
ورحت مثل ما خبرتني ماريا بيت الازياء
انا مسوية مفاجأة حق انسانة عزيزة هدية ومن ضمنها سويت لها فوطة رحت اشتريت فوطة كبيرة لونها بطيخي حلو ووديتها بيت الازياء وخليت يكتبون عليها بخط زوين لا كبير ولا صغير على جنب كلام لها كلفني تقريبا الكتابة 5 دينار بدون سعر الفوطة طبعا الكتابة تطريز بلون اسود كان بامكاني اختار اي لون بس فضلت الاسود بيطلع حلو مع البطيخي
ان شاء الله تعجبها الهدية لاني حبيت تكون شئ مميز و سبشل ومو مكرر
تدرين إن فكرتج تهبـل :adore:
صج إنه شي سمبل و بسيط وايد ومب مكلف
بـــــــــس ,
له آثر معنوي كبير ,
حبيت الفكرة جداً
وعليها بآلف عافية صديقتج
يصير أبوق الفكرة :p
وأين يقع (بيت الأزياء) ؟!..
