في بيت أبوي;14317234:
الله يعافيج حبيبتي بصراحه انت تدخلين القلب وما اسأل عن شئ الا افدتيني تسلمين حبيبتي على دعواتك الطيبة :)
أنا الشوق;14317298:
بنات أحد منكم جرب جهاز تثبيت الكرستال؟؟؟ شرايكم فيه؟
syh;14316360:
خيوو موو إن ما تسوين تسريحه ،، بس سشوار ما أحس فن على عروس ..
يعني تخيلي تكونين أبسط من المعازيم:!!:
عندي صديقتي في زواجها لزمت تسوووي شي ناعم
بس مو استشوار عاد
وسوته لها الي عدلتها شي كللللش بسيط وناااااعم وفي نفس الوقت حلووو
رفعته شوي من قدام محل القصه بطريقه ناعمه
وخلت لها نفخه بسيييطه في شعرها من ورى حتى تعطي حجم وبطريقه مادري شلون خلت شعرها على جنب وثبتت لها الطرحه
طلعت رووووعه ونعوووميي
انصحش اذا تحبين الناعم سوي شي جذي بسيط .. :adore:
وبخصوص صالة المتروك أجارها 250 دينار ،، سعرها زين
حجزتها لزواجي باعتبار الخطوبه كانت مكلفه :$:
أنا الشوق;14317025:
عادي تسوين شعرج اللي تبينه
هاذي عرسج وكيفج انتي
اختي يوم عرسها سوت شعرها ويفي وكامل مبطل والقذله على صوب وحطت لها ورده في شعرها وكانت طرحتها خليجيه مادري اسبانيه
وبنت جيراننا شعرها كان قصير فوق الكتف بعد خلته مفلول ومسويينه لها على برا والقذله على صوب طبعا خخخخخخخ وطرحتها الفرنسيه القصيره
في بيت أبوي;14317072:
مشكورة حبيبتي وما قصرتي ودعوتك افرحتني
شفاء الروح;14317918:يعني الأغلبية رأيهم إن الفكرة الثانية بتكون أفضل . .
كنت في البداية مو حابة ألبس لبسين واغربل روحي بس بعدين قلت حلات الجلوة تكون بفستان شعبي وشفت موديل ثوب نشل عجيب حده وصار خاطري أفصل لي واحد نفسه . .
إن شاء الله نثبت على هذي الفكرة ما تصير تطورات ثانية بعد تخلينا نغير رأينا
أشكركم بنات على مساعدتكم لي وحدة وحدة بدون ذكر اسماء والله يوفقكم ويسعدكم إن شاء الله ويتمم لكم على خير
شفاء الروح;14317934:بنات أكثرو من الصدقات لدفع البلا عن نفسكم وأعماركم لو بنص ربية يومياً حتى يتمم الله لكم على خير
والله يدفع البلا عنكم وعنا وعن جميع المؤمنين والمؤمنات ويحفظكم إن شاء الله من كل شر وسوء
شفاء الروح;14317970:بخصوص إلي سألت عن صالة المتروك
توني متصلة فيه من يومين استفسر عن الأسعار
وقال لي إن سعر الصالة 250 دينار - ما يفرق السعر عن ليلة الإجازة + شاملة مسرح + دجى + خدمة فلبينيتين + قهوة شاي + كلينكس
إذا بغيتين بوفيه تحسب قيمة البوفية لكل شخص وتبدأ الأسعار من 1.200 أو 1.500 للشخص حتى ما ادري جم وتضرب في العدد إذا حبيتين تقدرين تتأكدين وتسألينه بنفسج ونسيت أسأله البوفيه مالهم تبع اي مطعم
وعندج بعد إذا حبيتين صالة العقيلة تبع ماتم مدينة عيسى سعرها 180 دينار بدون ديجي إذا حبيتين
بس بيكون كراسي وطاولات وفي كراسي إضافية إذا زادو عدد المعازيم وفي بعد حق مسرح بس ما عندي فكرة هل المسرح شامل كرسي العروسين أو لازم بروحهم
وبالإمكان إضافة الشاي وتوفير مضيفات + بإمكان توفير بارسلات أو بوفيه إذا حبيتين من كرامي أو المدوب أو على حسب اختيارج وديجي ولكن كل شي بسعره
اتمنى أكون افدتج والله يوفق الجميع
persian_moi;14313882:
يعني تحبين المكياج الناعم
اقترح لج بنات ماك في صالون ميك اب آرت في سند عندج معصومة - رجاء - نجاة - حنان
بالنسبة للشعر الصالون اللي مجابله مركز ابتسام السويدي عندج سميرة الشكر للشعر
وبعد عندج للشعر الرونق في مبناهم اليديد في سند كلش جريب لهم بعد واقترح وحيدة - فتحية - بدرية
بس اختي الاهم من كل ذي لازم تجوفين شغلهم قبل ما تحجزين لاتعتمدين على آراء غيرج يمكن الشي اللي يعجبنا مايعجبج الناس أذاق في النهاية
~ هتامي ~;14318710:
يااعرب ادري غربلتكم بس شاسوي مالي غيركم :)
قولوا لي شنو في مطاعم اوكي يسوون بوفيهات ويعني بسعر حلوو
وابي بعد مطاعم اووكي تسووي عيش ؟
روحي وروحكـ;14310073:بنااات عندي سؤال محرج شوي
على حسبتي انهـ يوم عرسي الدورة بتنزل
وأنا مابيها تنزل لنها تذبحني تكسرني وخبركمـ عروس لازمـ أكون عال العال والنفسية حلوة
واليوم الثاني من العرس بسافر يعني صج صج لوية وأنا أبي أستانس
قلت يا إني آخذ حبوب أوقفها وأنا وايد كارهة هالخيار لنهـ سمعت انهـ يأثر على الحمل بعدين وأنا جربتهـ مرة وحدة من 5 سنين حق العمرة ولما نزلت علي عقب شلختني
وسمعت بعد انهـ في حبوب أو شي ينزلها قبل موعدها عندكمـ فكرة عن هالموضوع..؟
فيدوني اللهـ يخليكمـ
Um A7mdy87;14314085:بنات عرسي تأجل
ولد خالتي امسوي حادث واللحين في العنايه المركزه :(
ادعووووله ...
حلم شيلي اسمي من قائمة الزواج