persian_moi;14299959:
مشكورين للي ردو علي عن الاكستنشن وصالون صابرين كمال
بصراحة بنات العروس تلوع جبدها لين تقعد تدقق على كلشي ونفسيتها تتعب .. الحين سكوب تصويرهم حلو بس تقولون هني فيديو مالهم فاشل .. الوحدة ماتعرف شتسوي عشان حفلتها تطلع مضبوطة.. المشكلة دفعت العربون وماظن بيرجعون لي وهم اصلا نحيسين قالو لي لو بدون فيديو الالبوم يطلع وايد اغلى من الباكج .. شنو تنصحوني بنات :'( تعبت الشقة وشهر العسل من صوب والحفلة من صوب ثاني .. تعرفون ساعات احس اني ندمت انه سويت حفلة .. وكنسلت سالفة الجلوة من بالي نهائيا لانه كلش كلش ماعندي وقت ولا نفسية اتحمل شي اكثر!! هالايام صايرة حساسة بزيادة اقل كلمة من خطيبي اقعد اصيح واكسر الدنيا والسبب الحفلة .. والله بنات اليوم جافتني وحدة مو جايفتها من شهر بس تخيلو تقولي ويهج ضعفان ومتغيرة .. شكلي لي يوم الحفلة بخلص ههههه
لو بتقعدين تركزين على كل صغيرة وكبيرة
ما بيجي يوم العرس إلا إنتي خلاص أعصابج تلفانـة :(
وحلاوة العروس موردة وبشوشة ,
هاي نفسه يزيد من جمالج وهيبتـج :o
والله أني كنت مثل حالج بـ الضبط
يوم التجهيزات ما قصرت
وضعـفت بـ شكل ماله داعي :confused:
وحتى لمن تصير مناسبات عندنا , أراكض وأشيل وأحط
على قلة الفايدة
بـ النهاية كل شي بيمشي سواء تعبت نفسي ولا ما تعبتها هههههه :p
وفي الحفلة كل التعب إلي تعبته ما ينذكر أبد
أهمـ شي أنا واثقة من قراراتي وقنوعة :thumbs_up:
زبدة كلامي
خلج إنسانة قنوعة
ولا تاخذين وايد على القيل والقال
أحنا هني نسولف ونقول
بس تآكدي إن كلامنا ماهو إلا ربع من الواقع :D
وثلاثة أرباع الواقع مختلف كليـاً
ومثل ما في 10 عرايس تجاربهم في شي معين فاشلة .. فشل ذريع
في 10 عرايس بـ المقابل تجاربهم روعـة وأحلى من سابقيها
لا تتعبين نفسج على شي ما يسوى
وتفتحين لنفسج قائمة خيارات متشبركة
شي شايفتنه وحابتنه خلج عليه
وماله داعي تشيلين وتحطين فيه
من حقج عروس تحاتين كل صغيرة وكبيرة
بس حبوبة
صحتج وراحتج النفسية أهمـ
وخلج إيزززززززززززززززززي وكووووووووووول , :rolleyes:
لأنه كل شي بيمشي مثل ما تبينه وأفضل .. بإذن الله سبحانه
:)
|||
smilly;14300222:
بناااات
ابي اروح صالون رحمة حق حمام مغربي
عادي بس اروح عشان احجز حق حمام مغربي بدون مااسوي اليوم ؟؟
عشان مرة ثانية اروح في وقت معين وسيدة للحمام المغربي
ماابي انتظر ؟؟
شنو رايكم
إذا ناوية تروحين لـ باكج
روحي دفعي وحجزي ,
إذا ناوية تروحين جلسة وحدة
الحجز بـ التلفون كفااااايـة
وعادةً حزة الضحى و الظهريـة المكان فاضي وما فيه لود
عندج العصرية والمغرب , هني وايد لود
فـ حجز التلفون كفايـة
يغنيج عن الروحة :thumbs_up:
|||
ع ـذبة المشاعر;14300259:
مشكورة حلووم عالرد
انزين سميره الشكر اذا قلت لها ميزانيتي للتسريحه 30 تسوي لي على طلبي ؟؟
لاني باخذ الاكستنشن وياي ..
**
اليوم تحركت واخيراً على موضوع الجلوة :lol: << برود مو طبيعي
المهم كل اللي سويته اتصلت في عايشه المؤيد :p
وقالوا لي سعرها تغير من 60 الى 100 دينار . وتأمين 20 .. ليش ؟ لانه جددوها يازعم
فبحاول اروح اجوفها خلال يومين
وصاله الزنج بعد يقولون حلوة وواسعه ومثل نظام عايشه المؤيد كراسي حوالين الصاله واجارها بـ 150 .. فبجوف اللي تعجبني وبحجزها
**
عاد المشكله مو هني
المشكله اني للحين ما حددت تاريخ :lol: احس ماعرف احدد تاريخ هههه
جفت تواريخ قائمة البنات ولقطت تاريخ 3-3 وعجبني .. :rolleyes: شكلي بسوي في تاريخ 3-3
إنتي تقولين إنج بتلبسين ساري
وتبين تسريحة فخمة وثابتـة
وعادةً إذا تسريحة فيها شغل , لازم بتطلع عليج غالية حتى لو بـ إكستنشن من عندج
أنا لمن رحت شفت شغلها ,
كانت مسويه لـ بنت ويفي كامل مفتوح وكانت مركبة لها إكستنشن من عندها بـ الإضافة إلى الحشوات
وشعر البنت مبين عليه ضعيف وقصير
بس كانت تشتغل لها ع الإكستنشـن .. وكان الشعر موصل لقريب نهاية الظهر
ما شاء الله مبدئياً كان شي راقي ومرتب
تقول إنه بـ 35 ,
لو البنت جابت الإكستنشن و الحشوات من عندها كان بـ 25
وكان في صورة لتسريحة عروس من شغلها ما شاء الله كانت فخم وايد وروعـة
فـ حبيت شغلها عموماً
صج بروفشنال وعارفة شـ قاعدة تسوي
أممممممـ تذكرت شي ما ,
إنتي مو مرة مدحتي شغل كوافيرة سمها " وردة / أم فراس " من عالي
ترى هذي بعد شايفة شغلها
ما شاء الله مرتب وكشوخي واااااااااااايد
تسوي للعروس بـ 30 , 40 .. بـ الإكستنشن والحشوات
وعندج بعد .,
" أميرة العريبي " من توبلي
هذي سابقاً
أفضل كوافيرة في العفراء
الحين تشتغل بروحها
همـ هذي بعد ممتازة
وكل أبوهمـ قريبيـن لـ شريفة فولاذ
أو ,
كـ خيار آخر وأخير >> بسج يا حلوم :worn_out:
عندج الكوافيرة (تيجي) في صالون / إيلاف .. الزنج , قريب من منطقتكمـ
هذي بعد شفت شغلها , روعـــــــــــة
والبنات يمدحونها في شغل تساريح الظفاير , والهندي ورعة عليه شي مدخل فيه ظفاير
تسوي العروس بـ 40 , 50
همـ بعد مناسبة
يعني عندج خيارات واااااااااااااااااااااااايد :D
|||
ام ليال91;14300690:
صالون اشرقت عندهم الاختراع ان نستأجر الاكستنشن من عندهم ؟
لان الي عندي اسود .. وبصبغ شعري يعني لازم بحتاج اكستنشن بلون شعري..
ويوم العرس بكون الاكستنشن من عندهم .. فما يسوى اشتري $$
سالفة الإيجار ما تصير إلا للشعر الطبيعي .,
وهي مب إيجار بما معناه إنما تآمين
شفتها بس بـ صالون سلوى & العفراء
ولا أدري إذا أكو صالونات ثانية تسويها أو لا :confused:
|||
بحرينيه وكلي فخر;14300802:
بنات
شنو صبغات الشعر الى دارجه هالايام
ابي اصبغ شعري بس متحيره اى لون ووين اصبغه
من تجاربكم وين تنصحون
هلا والله .,
من زمان مالج بيان
لج وحشة
شلونج ؟...
الألوان إلي أشوفها دارجة وأغلبية الفنانات هابين فيها
الألوان الغوامج
وخصوصاً عندج : الجوكليت ودرجاتـه
أحس الحين وايد يميلون للألوان الناجرال الطبيعيـة :thumbs_up:
لأنها صج أحلى
عندج صالونات :
- إيفا , السهلة
- أصيلة , الرفاع
- زمردة , العدلية
- الرونق , سند
- Choo , الرفاع
