صبحكمـ الله بـ الخير .,
أخباركمـ ؟!..
يا ربي أعراض نزلة البرد , باديـة فيني حده مب وقته :hysterical:
|||
liberty river;14283006:
:) بنات شخباركم
تعرفون من الي يمكيج نور الشيخ الي في هلا بحرين ؟؟
مثل ما خبروج البنات .,
إيمان & فاطمة ماك .. الصالون بـ العدلية
أسمه أعتقد / ذا ريد ستار كاربت
|||
بحرينية أصيــلة;14283483:
:-o بس اني مامبي سموكي
والعمل اروح وين؟؟
الرونق مكياجهم مو ذاك الزود
وش اسوي؟؟
عادي جداً .,
من قلة الصالونات عندنا
كل ماكيرة تقولج الزود عندي ;)
شنهو ستايلج بـ الضبط ؟. كمـ الميزانية ؟. أي منطقة أفضل بـ النسبة لج :D
|||
عصفووورة الجنة;14284140:
اختي حلم .. بغيت ملف تجهيز العروس من اسماء الصالونات وارقامهم وارقام الحنايات والملايات ومن تجهيزات العروس
وارقام الصالات وارقام الدي جي ومشكوووووورة وما تقصرين اختي
أبوي دزيتي لي ع الخاص تطلبينـه .. بدون الإيميل
شلون ادزه لج ؟!..
يا ليت حبايبي أي وحدة تبيه تكتفي بس تدز لي إيملها وبيوصلها
بدون إيميل عذروني , :thumbs_down:
|||
بحرينية أصيــلة;14284452:
عروس ملجة :) ,, احب المكياج الناعم ,, مامبي ثقيل ,, بس بنفس الوقت امبيه يكون زاهي
وبعد في بالي انه ما يزيد عن 25 دينار
معصومة ماك او نجاة ماك ,, وين يصير صالونهم ,, اكيد في سند؟؟ كأنّي مرة قريت انه في العدلية :| ؟؟
’,
وشكرا خيوه على الرد F:
’,
في امان الله
الميزانية إلي مخليتها .,
بـ الأساس ما تتوفر في صالون (إيلاف) >> إختيارج الأول
لأن يحطون للعادي من 35 وما فوق
بنات ماك مثل الشي 30 أو 35 وما فوق
بما إن الميزانية 25 .,
أنصحج بـ قوة بـ
(مركز صابرين كمال) في الرفاع
المكياج / ياسمين أو عبير الرويعي
الشعر / نوال الضاري
أولاً يحطون مكياج من 20 وما فوق , يعني زين لميزانيتج
وثاني شي ستايلهم في المكياج النعومــــــي الهادىء ,
:thumbs_up:
والشعر .. شغل نوال جداً , جداً روعة وممتاز
;)
|||
تراجي ام الزين كله;14284323:
عووووووودي
ههههههههههه حدي صايره لخبطيشن الله يستر
بنات اليوم
حفلتنه في المرجان موفنبك
بخصوص هالقاعه بنات جم تكلف؟؟
ما شاء الله .. تبارك الرحمن
ربي يسعدها ويوفقها ويهنيها
ويتممـ لها زواجها على خير
أحب هـ اللون ستايل العروس :adore:
ثاانكس ع التقرير يا الحلوة
عقبالج وعقبال كل العزابيـة يا رب ,
|||
دهـن العـود;14285851:
بكتب لكم تقرير عرس اليوم
في قاعة المؤتمرات الكبرى لفندق الخليج
بس عاد خلصت هذرتي
عن العرس تعبت
بروح ارقد
:096:
ما شاء الله , تبارك الرحمن
من وصفج عودي باين إن الزواج كان جداً فخم وراقـي
ربي يسعدهم ويوفقهم ويهنيهم إن شاء الله
بـ الرفاه والبنين
وأحب أنا هـ اللون الكل يكون كاشخ :lol:
ثاانكس ع التقرير .. دائماً حلوة
عقبال كل العزابيـة
F:
|||
في بيت أبوي;14285980:
بنات بسألكم حق مكياج ناعم وحلو في صالون نجلاء تنصحون بمن؟ لاني ما اعرفهم حابه اجربهم
ميك آب ناعم + صالون نجلاء
أسمحي لي ما تركب موليـه
س سؤال .,
إنتي قط مرة شايفة شغلهمـ ؟!.. :hysterical:
خيه هـ الصالون ما عندهم شي أسمه نعومي خير شر
إلا لين بو 5 أو 7 .. وبعد على دفاشة
ستايلهم خليجي ثقيل الأوفر
نصيحة لا تحجزين عمياني , شوفي الشغل أول
وسبق وكتبت بـ التفصيل الممل عن ستايل هـ الصالون من قبل
أنا أسمع أسمه يروح بالي على طول لصفة الألوان والجلتر و و و .. :lol:
|||
في بيت أبوي;14286030:
وبالنسبة لصالون وصال غيروا مكانهم ؟
ما تغير وايد .,
هذا هو في " جد علي "
اللهم الحين صار قريب من صالة المرجان + مقابل مخابز (البستاني)
وخالتي تقول مكانهم الجديد أفضل وأحلى بـ وايد :thumbs_up:
|||
فاتي سفن;14286042:
;) على قوله الي في برنامج عرب قوت تالينت
:-#بوسه كبيره حضن كبير :oمع احترامي للماكيره
الا وهو مكياجها بنظري خليجي اوفر :o يعني احسها خبابه <<=== :badly:
:'(انا جفت لها اخر مره عروس :lol:اخس من هالميك اب بالف مره :-oماساه يعني صدقني <<--- :thumbs_up: بس يعتمد على اختلاف الاذواق واكيد مو الكل بيحبه او مابيحبه :study:
بس انا حبيت ابدي راي بصرآآآحه :thumbs_up: حلو العروس تكون ناعمه بزهوه بس مش هيك ميك اب بيخرع كتير :confused:الله يساعد الريايل :I: اتخيل يصير هيك <<--- :-o:sick::badly::struggle::cool:
:p;)<<<==== حلم تستاهلين التقيم كفايه انج حطيتي هالتقرير بس :hysterical:ميزآآنج معاند !!
في الختام حبيت اعتذر عن اي مشاركه كان ردي فيها قاسي
بس هذا طبعي انا ابدي راي بكل صراحه مايهمني من يكون
لو تكون ارقى واكشخ واحسن واحلى واكبر ماكيره ;);)
:'(مشكلة فيني مااحب اجامل او اقول حلووو :celebrate:
سوري تحدثت وايد السمووحه يعني !! :-#
شوفي حبيبتـي .,
أكو مثل يقول
( لولا إختلاف الأذواق لـ بارت السلع )
لو ما أذواقنا مختلفة
كان ماكو ولا ماكيرة من هـ الماكيرات المشهوريـن , قدرت تنجـح
لأن بـ إختصار كل وحدة لها فانز وكستمر ,
أنا من النوع إلي ما يعجبني أبد الشغل الثقيل الأوفر .. إلي يشوه جمال الوحدة ويخفي ملامحها
وفي نفس الوقت مب حلوة العروس
تحط لها بودرة وكحلة و روج .. وتسميه ميك آب
زوجها يبي يشوفها ليلة العرس إنسانة ثانيـة , ومختلفة
مب تصير وحش ههههه لا
بس تكون جميلة ومحلوة من الميك آب
رآيي بـ الضبط مثل رآي الأخت / دهن العود
مثال ثاني يقول
" خير الأمور أوسطهـا " :thumbs_up:
وأنا في المكياج ذوقي وســـــط
بـ صراحة ما اتخيل نفسي حاطة شي ناعم كلش لدرجة أني مب متغيرة والمعازيم بالحفلة أفضل مني
وحتى بالصور مكياجي ما يبين
ولا متخيلة أني لوحة رسم , مصبغـة بـ الألوان
فـ يا حبيبتي ,
يمكن إنتي تحبين الشي الناعم بزودة , في غيرج ما يحبه
ويمكن أنا أحب الوسط إنتي ما تحبينه
وهكـــــــذا
تستمر الحياة هههههههههه
بس عادي أبوي
أحنا هني ناخذ ونعطي
ونبدي رآينـا
فـ محد ياخذها بـ حساسية أو زعل
إنما حبيت أتناقش معاج .. وأوصل لج وجهة نظري
مثل ما وصلتي لي وجهة نظرج
:D
|||
في بيت أبوي;14286253:
ندم السنين الله يتمم لج على خير وحبيت اسألج وين يصير نكتار في السعودية؟
أقرب شي .,
فينسيـا مول / الخبر
