•¦¦•

لو سمحتو يابنات انا جديدة فى المنتدى وكنت عايزة اعرف اسعار قماش الستاير ايه

اهلا بيكى ياقمر وانا كمان بضم صوتى لصوتك وعايزين نعرف اسعار الستااااااااااااااااااااااااااااير

لوسمحتو ياجماعة حد يرد عليا ضرورى

مهندسة موون;14279618:
ايوة ياقمر والله انت زوقك زى زوقى بالظبط بس عاوزة اعرف استايل السراير دة الى هو المرتبة بتبقى طالعة فوق السرير يارب تفهمونى لية اسم ولا ايه ولا على حسب ما بتفرج واختار انا عارفة ان دى اوض النوم المودرن بس عاوزة اعرف اسمة ايه يارب تفيدونى ؟

بصي هم بيقولوا عليه " السرير المرتبة ساقطة "
:D
و حتى لما كنت في مول دمياط استخخدم الكلمة دي لما كان بيقولنا الأوضة نظامها إيه

مش فاكرة مين كانت بتسأل على باديهات سيلفي و كارينا
بصي يا ستي الأسعار اللي شوفتها في وسط البلد انهرده
العادي كارينا 60 و سلفي 55
اللي بكباسين من تحت كارينا 75 و مختش بالي سيلفي فيه زيه و للا لأ

برايد يا ميرو
معلش شوفت فرع واحد ليانسن بس كانت رجلي هتعلقني على باب المطبخ لو كنت مشيت خطوة زيادة
مشيت مشي انهرده
أنا بعشق المشي للمشاوير و كده لكن بقالي كتير مش بمشي أصلاً فحاسة بحالة كساح
نزلت عند الإسعاف
خدتها لحد ميدان الأوبرا
و خدت شارع عبد الخالق ثروت لحد طلعت حرب خدته مرة رايح و نص جاي
و منه على قصر النيل بس كان المغرب بيأذن مدخلتش فيه جامد و مشيت لحد موقف عبد المنعم رياض
- يا قلبي أنا مشيت كل ده ؟؟؟ -
:!!::!!::confused::confused::!!::!!:
:|
رجلي حالياً عاملين كده :hysterical::hysterical::worn_out::worn_out:
بس كان مشوار ممتع و محبط في نفس الوقت
مش لاقيه حاجة عاجباني نهااااااااااائي
و اللي عاجبني فستانين للفرح
واحد تقفيله مش حلو
و التاني غالي أوي
و عجبني شكل فستان سواريه عليا لكن مش هينفعني عشان شغله فوق و هيضايق الطرحة و أنا طرحتي طويلة و هاعملها برضه في كتب الكتاب و الفرح إن شاء الله

ادعولي بقى عشان بكرة إن شاء الله نازلة أكمل قصر النيل
و هاروح شهاب و جامعة الدول بإذن الله أتفرج هناك برضه

و أخييييييييراً جبت مجله حجاب فاشون اللي بتاع الجرايد كل مرة يقولي مش جاتلي مش جاتلي
و جبت مجلة عبايتي بجد حرقت دمممممممممي
متستاهلش جنيه واحد من تمنها و كل مواضيعها تقريباً ناسخينها من على النت كوبي بيست و مش كاتبين حتى انها مش بتاعتهم
حرامية من الآخر يعني
خصوصاً إن المواضيع دي أنا كنت قراياها و كمان باعتاها لصاحباتي على الميل
بجد حرقت دمي
و جبت مجلة " فلة " " مجلة كل فتاة عربية "
- على فكرة أنا مفيش طفل أعيل مني عشان محدش يُصعق مني بعد كده -
و جبت ناشيونال جيوجرافيك
تححححفة المجلة
و العدد بتاع ديسمبر معاه هدية سي دي عن الديناصورات اللي أنا بعشقها أساساً فطبعاً المجلة أخدتها يعني انتو بتهزروا ؟؟

آه صحيح
و اكتشفت إني كنت ملخبطة الدنيا بين شارع قصر النيل و القصر العيني
- كالمعتاد يعني كل مرة أعملها لحد ما أنزل بنفسي و أوصل و أكتشف الخطأ الشنيع و أرجع تاني -
ده النص بتاع طلعت حرب بتاع الجاي
:D :D :D :D

المهم بقى يا اخواتي
عايزة أتيليهات شغلها حلللووووو في الأفراح
يعني أجيبلها صورة يطلع هو
غير عماد اللي شطح في العالي
- شوفتوا أنقح من كده ... نازلة تتفرج على الفساتين و برضه مصممة على التفصيل -
:D
دماغي عجيبة
بس أنا مش مقتنعة إني هلاقي اللي في دماغي
خصوصاً إن في فستانين للكتاب و للفرح عاجبني فبقارن الي أشوفه بيهم و طبعاً بتوعي بيكسبوا
عشان كده بقى اللي تعرف تقوووووووووول
بدل ما أعمل فيها زي المراتب اللي كنت بقول عليها فوق دي
هاااااااا
:p:p:p:p:p:p:p:p:p:p:p:p

[BACKGROUND="70 #336666"]

soshe;14278941:
أه أه أه حصلى مصيبة يا بنات ربنا مايوريها الحد وبجد ضميرى مأنبنى ومش عارفة أنام ولا أتصرف ئولى أحنا اخطأنا فى كده ول لأ ههكلكوا اليوم من أولو أمبارح كنا متفئين مع خطيبى عشان ننزل نجيب الشبكة بس الصبح الساعة 1ونصف تمام وأنا بلبس أنا وماما خطيبى أتصل بيه ئالى هاتى خاتم الفتحة معاكى عشان نجيب عليه أسورة ئلتلو ماشى بفتح الدرج ألى فيه الدهب بتاعى لائيت كل دهبى مش موجود والعلب كلها فاضية

يا لهوووووووووووي
قدر الله وما شاء فعل
ياحبيبتي ربنا يعوضك باحسن منهم يااااااااااارب
وسيبي الشرطة هي تعمل شغلها وهما هيعرفوا
بس خليكي عارفة ان اللي يعمل حاجة مرة يعملها مليووووون مرة
انا مش بظن سوء فيهم ولا حاجة...بس هما ليهم سابقة
ومبرووووووووووووك عليكي الشبكة ياقمر مستنين صورتها

mo2;14280234:


بنات عايز اشتري قميص يوم الفرح شكل ده اجده في جويا ولا فين

جاااااااااااااااااااااامد...شوفته في محل في شارع شهاب كان ب 890 جنية
قلت انا بقي اليوم ده هقعد من غير هدووم اصلاااا :lol::lol::lol: :o:o:o

مشمشة.;14280787:
[BACKGROUND="70 #FF99CC"]اذيكم يااابنات

اية الاخبار

انا متوترة جداااااااااااااااااا النهاردة

انا خلصت قررت اعمل عفشى عمولة بينى وبينكم مش عارفة عشان انا عايزة اعمل عمولة ولا عند فى حماتى

نسيت اولكم صحيح اخر اخبار حماتى

اتصلت بيا امبارح

انا اول اما شفت رقمها قولت اكيد متصلة تصالحنى

اتاريها
عرفت انى هعمل العفش عمولة

سمعتنى احلى كلالالالالالالالالالالالالالالام

قالتلى حسبى الله ونعم الوكيل فيكى

حوالى 3 مرات

[/BACKGROUND]

ان شاء الله ياقمر السفرة تطلع حلوووووة...ومبروووووووووك مقدما علي العفش
بس بصراحة حماتك كده زودتها اوووووووي :mad::mad::mad:

بهانة;14281331:

حبيبتي الشغل ده سوري
في في جويا حاجات شبة ده, بس مفيهاش الشغل ده و طبعا مش بالشياكه دي
لكن ده بالظبط موجود غاااالي جدا
عموما انا شفته في كذا محل و استغليته قوي
سعره كان مبالغ فيه
يعني كان ب 580 و ب 700 و ب 1300 و الله و محدش يضحك
عموما هو موجود
في محل في لانجيري مش فاكره اسمه بس موجود
لازق في بلاتينيوم مول (شارع شهاب في المهندسين)
و في كذا موديل سوري كده موجودين في سيتي مول الهرم قصاد مستشفي الهرم و المحلين هما واحد في الدور الأرضي و ليدي سيكرت في الدور الأول

هههههههههههههه...انا كمان روحت هناك واتصدمت من السعر
بس هو بصراحة جاااااامد وشيك مووووووووووت
بقول عليه لماما قولتلها انا لو اتجننت وجيبته مش هقلعه اللي بطلوع الرووح.. :o:o
.هههههه:lol::lol:

دلوعة الغالى;14281520:
ازيكم يااحلى عرايس مصر

انا كنت فى راجز امبارح ولقيت السيل بدا اول يوم امبارح قولت اقولكم لو عايزين تشتروا لبس

فيييييين راجز ؟؟

ام سوكا;14281743:
لو سمحتو يابنات انا جديدة فى المنتدى وكنت عايزة اعرف اسعار قماش الستاير ايه

منورة ياام سوكا.وان شاء الله بنات كتييييييير هيفيدوكي في الموضوع ده
اجيب كام كوباية للشاي ؟؟ يعني كام مج كام كوباية كده يعني بالتفصيل
[/BACKGROUND]

مشمشة
إن شاء الله يا جميلة ربنا يكرمك و الأوضة تطلع أحلى من أي تخيل يا رب إن شاء الله
و سيبك منها
بتتلككلك
فكك منها و ظبطي أمورك مع خطيبك و ربنا يصلحلكو الحال يا رب

أنا القميص ده شوفته عند محلات كتير بتوع لانجريهات
بس أنا أمووووووووووووووت و مبعرفش أدخلها أبدااااااااً
خصوصاً إني غالباً تحركاتي ببقى لوحدي
فمش بجرؤ أدخلها بطولي كده
يا خلاثي
باكتفث يا ناث باكتفث
:D

الستاير بقى على حسب الخامة بتاعتها
شيفون و للا البراقع و للا إيه بالظبط ؟؟؟
و أنا عموماً أعرف إن متر الشيفون في حدود العشرين أو حاجة و عشرين جنيه على ما أذكر

مسااااااااااااااااااااااااااااااا الجمال والفل والهنا يا كل الانسات والمدمات اللي هنا
عوااااااااااااااااااااااااااااااااااااااااف عليكم
ازيكم انهارده
ليه مشاركه في السريع كده سوال مهم

انا بكره باذن الله هنزل اتفرج على النجف والاباليك
احمد قالي ابوه هيجي اخر الاسبوع عشان نشتري الحاجه والكهرباي يظبط اماكنها
وقالي نجيب اباجورتين لاوضه النوم وطبق كده
وفي فوانيس شكلها روش كده للطرقه نجيب 2 شبه بعض
ونجفه للصاله ونجفه للصالون واربع اباليك للصالون
وقالي بلاش اباليك عند السفره وقلتله فكره المرايه اللي فوق السفره
قالي كفايه المرايه اللي هتبقى عن الباب بتاعه الكونسول ومش بحب الرميات الكتير
خلى الحاجات دي لما ارجع نشوفها سوا خلينا في الاساسيات
فايه رايكم في حكايه 4 اباليك للصالون
بيقول 2 قصاد 2
وهجيب حاجه للبلوكنه برضه بدل ما اكسر واعمل اسبوتات
وكل اللي هجيبه كلاسيك
ممكن تدخلها في كام الحاجات دي
بلس طبعا المحلات بكره في درب البرابره بتفتح من الساعه كام عشان عاوزه اروح في اول اليوم بدري


ومين عسوله عاوزه تفرج على النجف والاباليك تنزل معايا بكره
انا هروح بدري عشان اروح بدري
يعني عامله حسابي نخلص المشوار على اربعه بالكتير
عشان لسه هروح لبتاع المطبخ
قولتوا ايه جابوني على سوالي
واللي عاوزه تحي تقلي برضه ونتقابل في محطه مترو العتبه يا شطار
وانا بتكلم جد مش هزار
وحجايلكم تاني اكون قريت اللي فاتني
فاصل ونواصل


فتكم بعافيه

ليه يابنات كده حرام عليكم انا اتصدمت كنتم تقولولي واحد واحده يارتني ما سائلتش وانا اول جاحه شفتها علي النت من ساعتها وانا بدور في كل محل ادخله وكل شويه اوريه لاختي ولماما واقولها انا عايز حاجه زي ده ده انا لما شفت قميص ب300 قولت حرام عليه علي العموم انا ممكن احول افصله يمكن يكون ارخص شويه بس كنت عايز اسائل القي نوعه القماش ده فين

عروستي عروستي
هتنزلي بكرة الساعة كام ؟؟؟؟
أنا بكرة نازلة عشان ألف على الفساتين و لو ينفع هاخد منها بريك و أنزل معاك لإني برضه عايزة الحوار ده
- أينعم أنا مش مترجمة يعني إيه أباليك بس ممكن نفهم بكرة -
:D
هتنزلي امتى ؟؟
و أنا كمان باتكلم بجد
^ـ^

mo2;14283203:

ليه يابنات كده حرام عليكم انا اتصدمت كنتم تقولولي واحد واحده يارتني ما سائلتش وانا اول جاحه شفتها علي النت من ساعتها وانا بدور في كل محل ادخله وكل شويه اوريه لاختي ولماما واقولها انا عايز حاجه زي ده ده انا لما شفت قميص ب300 قولت حرام عليه علي العموم انا ممكن احول افصله يمكن يكون ارخص شويه بس كنت عايز اسائل القي نوعه القماش ده فين

شوفت زيه في ممر الكونتيننتال في شارع 26 يوليو
هو قريب جداااااا من ميدان العتبة و في مطلع للمترو يطلعك على شارع 26 يوليو على طول
اتنين قاعدين على أوله بتوع قماش و كده و شوفت انهرده حاجة شبه التطريز ده بس ملون و حسب بقى
في تطريز كتير و خفيف و كبير و هادي صغير
عيشي حياتك يعني
و بيتهيألي ممكن تلاقي برضه في الأزهر

اييييييييية العسل ده ماشاء الله شكلهم عسول اوي ربنا يهنيكي بيهم عقبال ام اتفرشيهم في بيتك يا قمر




[/CENTER][/QUOTE]
بجد حلو ربنا يجبرخاطرك مش عارفه ليه انا مش حاسه كده مع انه لما اشترته كان عجبني وقولت اشتري بدل مفرش السرير بس لما عرفت انه صين اتعقدت اصل انا عندي عقده من الصين بعيد عنك حتي الاطباق الصين لسه مجبتهاش
بنات كنت عايز اعرف هى حاجات المطبخ ده موجوده فين هو انا لسه بدرى علي المطبخ وعلي العفش عموما دلوقتي بس عايز اعرف هو لازم يكون نجار معين اللي بيعمل الحاجات ده ولا اي نجار وكمان اناسمعت انه احسن انا اللي اشتريها وفي بنوته هنا قالت كده كمان بس هي في منها انواع يعني ماركات وهل النجار بيعمل ليها حساب تاني غير حساب المطبخ العادي
انا طبعا مش هعمل كل الافكار ده انا عملها على حسب مساحة وشكل المطبخ








حد شاف رفوف زي ده

وكمان حد شاف مطبقيه شبه ده فين وبكام



كمان حد شاف حاجه زي ده للحمام ولو حد عنده افكار تانيه يقولي

روزين ياقمر
طبعا واحشاني يا سوسي انت يا جامد
من كلامك فهمت انك عاوزه تنزل سوق غزه او الغوريه
تنوريا ياقمر
وطبعا يوم ما هتنزلي هشوفك ان شاء الله
مانتى اكيد ليكي قر ايب في كايرو
ههههههههههههههههههههه
وحشاني يا موزتي



رشا هانم

ياعم يا بتاع المنصوره
ايه ياعم الشغل الجامد ده
الجروب بسم الله ماشاء الله يجنن

الجيربات هوسه
فعلا الفضي لما بيتطعن مع الابيض بيبقى جبار
غيرتي فكري خالص كنت بفكر في وردات اللي زي البلدي وورق اخضر
بس شغلك جميل اوي يا رشا
عاوزه اتجوز بكره بقى
هههههههههههههه
وانا لما رحت القاعه كانو حاطين سنتر بيس بس فيه زي ميه ملونه
ممكن احط فيها حركات ذي اللي انتى عاملاها على الجروب
ولا اقولك
لما تجي تشوفيها باذن الله اختاري معاكي نعمل ايه يليق مع الجيرب والورد والجيسبت بوك وكله

وياااااااااااااارب احضر فرحك على عم عماد وازغرطلكم لحد ما نفسي يتقطع

دلوعة الغالى;14281520:
ازيكم يااحلى عرايس مصر

انا كنت فى راجز امبارح ولقيت السيل بدا اول يوم امبارح قولت اقولكم لو عايزين تشتروا لبس

راجز بتاع المعادي يا ايمي اللي عند المترو
طب الاسعار عامله ازاي
انا عارفه راجز

كليوباتراا;14281804:
اهلا بيكى ياقمر وانا كمان بضم صوتى لصوتك وعايزين نعرف اسعار الستااااااااااااااااااااااااااااير

كيلوبترا شفت على الجروب يابت كميله ماشاء الله يا موزه
وعودا حميدا
متقطعيش الجوابات بقى تعالي على طول

غلباوية صغننة;14283210:
عروستي عروستي
هتنزلي بكرة الساعة كام ؟؟؟؟
أنا بكرة نازلة عشان ألف على الفساتين و لو ينفع هاخد منها بريك و أنزل معاك لإني برضه عايزة الحوار ده
- أينعم أنا مش مترجمة يعني إيه أباليك بس ممكن نفهم بكرة -
:D
هتنزلي امتى ؟؟
و أنا كمان باتكلم بجد
^ـ^

غلباويه ياقمر اخيرا زست
الاباليك دي اللي بتتعلق على الحطيه في الصالون
هبقى اوريهالك بكره يا موزه
بس هتجي بجد ولا اي كلام
وانا كمان عاوزه الف واتفرج على الفساتين
ممكن نعمل يوم للنجف والاباجورات وكده
ويوم للفاستين
وانا معاكي يا قمر
هبعتلك رقمي على الخاص حالا بالا
بس هتجي بجد ولا خلعوووووووووووووون



سوال المخالفه بحق وحقيقي

عاوزه اجيب بوتات حلوه اد 3 كده اجيب منين محل يكون عامل سيل وحلو وقريب من المعادي

مشمشة.;14280787:
[BACKGROUND="70 #FF99CC"]اذيكم يااابنات

اية الاخبار

انا متوترة جداااااااااااااااااا النهاردة

انا خلصت قررت اعمل عفشى عمولة بينى وبينكم مش عارفة عشان انا عايزة اعمل عمولة ولا عند فى حماتى

عشان تبقا تعرف تهددنى بعد كدة

ابس انا مش اديت لنفسى فرصة انى الف واختار حاجة جاهزة


لانهم كانوا مسربعينى عايزنى انزل يوم اشترى العفش كلة

فققرت اعمل عمولة لانى مش بعرف اشترى بالطريقة دى

المهم النجار جايلى النهاردة الساعة 6

مش قادرة اقولكم انا اعصابى تعبانة اززاى زى مااكون راحة الامتحان بالظبط

ركبى حاساة فيها هواء مش اقدرة اقف

بطنى بتوجعنى

خااااااااااايفة جدااااا

للسفرة مش تطلع زى ماانا عايزة

ويشمتوة فيا

وكمان خطيبى مش راضى يجى

مع انة هيبقا فى شقتنا

بيقولى خلى مامتك واخويكى هما اللى يتفقوا مع الراجل

خااااااايفة جدااا

وكمان مش راضى يختار معايا السفرة بيقولى اعملى اللى انتى عايزاة

جسمى كلة بيترعش والله مش عارفة لية كل دة

طب لو الاوضة طلعت وحشة هعمل اية

حاساة انها هتتطلع وحشة عشان خطيبى مش راضى عن الموضوع دة

نسيت اولكم صحيح اخر اخبار حماتى

اتصلت بيا امبارح

انا اول اما شفت رقمها قولت اكيد متصلة تصالحنى

اتاريها





















عرفت انى هعمل العفش عمولة

سمعتنى احلى كلالالالالالالالالالالالالالالام

قالتلى حسبى الله ونعم الوكيل فيكى

حوالى 3 مرات

وقالتلى مش عارفة مصلختك اية ف انك تاجلى الجواز

مش عايزة تتجوزى لية

وقفلت ف وشى السماعة

وقالتلى ربنا مش هيسامحك

وانا فضلت اضحككككككككككككككككككككككككككككككككككككككككككك

حاستها اتجننت ياعينى

وقعدت تغلط ف خطيبى عشان موافقنى انى اعمل عمولة

وقالتلى لو قولتلية انى كلمتك مش هعرفة ولا هعرفك

وطخ السماعة فى وشى

خطيبى اتكلم معايا فى انة مامتة ضغطة علية جاااااااااااامد عايزة تجوزة بسرعة مش عارفة لية فهو مضايق وحاسسة انة غريب فى بيتة

فمرضتش بقااا ازود اللى هو فية

المهم الكل يدعيلى ان السفرة بتاعتى تطلع حلوووووووووووووووووووووووةة

سؤال المخالفة: عايزة اجيب مفرش سرير مش يكون فى تطريز كتير القى فين

[/BACKGROUND]

لأ أنا بجد عايزة آجي
فشوفي انتي هتنزلي امتى عشان أظبط أموري و أقابلك في المترو إن شاء الله

و البوتات شوفت محلات في 26 يوليو البوتات أسعارها معقولة
مش الـ 200 لكل واحد و الحوارات اللي تجيب سكتة قلبية دي
:D
قريب من مطلع المترو

بنات تيامو فييين؟؟؟؟؟؟؟؟؟؟؟
انا اه مش متابعه اوي بس لاحظت انها مش بتشاارك
طمنوني عليها بليز


و سؤال الحلقه
حد يعرف اخبار اسعار الدهب ايه النظام هتنزل ولا هتعلى ؟هيا نزلت شويه صغننين

miss_mony2;14268751:

مايرضش اقوله يا سيدي ما ردش اعمله ايييييييييييية واخرها قفل الموبايل سيبته قد ساعة ورجعت رنيت وبعت له رساله وقلت له لو ما ردتش هموت نفسي وطبعا هو عارفني منخوليا واعملها قام يا حبه عيني اتصل علي طووووووول قالي يا