الرئيسية ركن العروس تجهيزات و استفسارات العروس •¦¦•

•¦¦•

حلمـ ., 04-01-2011 1,838 رد 38,360 مشاهدة
ي
يارب فرح قلبي
عروس رائعة
15-01-2011 | 02:22 AM
رودي حبيبتي
هرد عليكي بحاجة واحدة بس
الواحد بيتعرف وقت الشدة..وطبعا انتي شوفتي عمل ايه معاكي وقت شدتك ربنا ما يكتبها علي حد ااامين...ويحميكي من كل شر
فيعني مينفعش نستحمله شوية وهو مضايق وهو مخنوق....هو مش لما باباكي بيكون مضايق لفترة ..مين يعني اللي بطلع عليه كل اللي الضيق..طبعا مامتك ست الكل..بس هي عارفة انو بيعمل كده لانو عندو اللي ييضايقو مش علشان حبوا ليها قل ..فهمتي ياحبي....متزعليش منو...وابدأي انتي وصالحية واتكلمي معاه ودلعيه..ده حبيبك وخطيبك وان شاء الله جوزك ..ربنا يخليكوا لبعض ياااارب[BACKGROUND="70 #336666"]
nemo nemo;14221058:


انا شفت حاجه زى كده وزى اللى مشموشه حطاها بالظبط فى تيوليب اللى فى سيتى ستارز


حبيبتي ....هي فروع تيوليب كلها فيها نفس الحاجات..اصل سيتي ستارز ده بعيد عليا..ومش ينفع اروح مدينة نصر لوحدي مش بعرف اصلاا
د.نورا;14221131:

بنات بقولكوا ايه
هو انا لو ف كتب كتابي اللي هو هيكون يوم الحنة - قولوا امين ان شاء الله :D -
عاوزين عندنا ف البيت يعملوا وليمة للناس وكدا
الافضل ايه ؟ نجيب اكل جاهز من اي مطعم ولا نجيب حاجتنا ونجيب طباخ يطبخ ف البيت وكدا ؟
ايهما احسن و بيكون فيه فرق تكلفة ولا ايه ؟

بصي حبيبتي انا رايي هاتي من برة احسن وكمان مش هيتعبكم في حاجة...هو طبعا الطباخ في البيت هو اللي هيعمل كل حاجة..بس علي اقل تقدير مامتك كل شوية لازم تشرف عليه..فكده هي هتتعطل عن الناس الموجودة..فهمتنيني...فا الاحسن والأريح انك تجيبه جاهز..وربنا يتمم علي خير ياقمر

]QUOTE=dodda2;14221296]
مشموشة: طبق فاكهة واحد كفاية
وربنا ينجح خطيبك وتتجوزوا قريب إن شاء الله
F:F:


[/QUOTE]
ميرسي ياحبي ..وربنا يسمع منك ياارب
أدعولي بالدعوة اللي في التوقيع
معلش يا بنات انا بطلب منكم كتير انكو تدعولي بالدعوة اللي في التوقيع...بس لان نجاحو متوقف عليه جوازنا كلو
يعني باباه لما جه البيت قالها كده صراحة قدامنا كلنا انا مش هعملك اي حاجة ومش موافق علي اي حاجة غير لما تنجح :mad::mad::'(:'(
ادعو بقي علشان الامتحانات لمدة 10 أيام
ياااااااااااااااارب تنجح ياحبيبي

[/BACKGROUND]
m
meramia
عروس مبدعة
15-01-2011 | 03:20 AM
السلام عليكم ورحمه الله وبركاته

جويرية المسلمة
ميارميا يا سكر
عندي ليك كام سؤال

ياحبيبي دا إنتي بس تأمري
هو الأبيض العادي المصري دة بيكون خامته إية مش فاهمة ... أقول للراجل المصري العادي :D
بيكون شبه الكارينا العادي بالظبط
قولي للراجل عايزه بدي كارينا المصري
هو ب 25جنيه
ويفضل تجيبي منه إللي بيتقفل من تحت ده
عشان مايكلكعش
والتل كمان هاتيه بيتقفل من تحت برضه
والنمرسي دة مكانه فين بقى ..؟؟
وهو البدي فري سايز ولا في منه مقاسات ؟؟
وهل بشتريه سادة وأطرزه انا تطريزة قريبة من الفستان ولا بشتريه مطرز جاهز ..؟؟؟
تحسي إني بحقق معاك مش بستفسر :D
حقق ياعم ولا يهمك هههههههههههه
ياقمر أنا تحت أمرك
النمرسي إللي أعرفه عارفه العتبه
فيها شارع إسمه الموسكي إسألي إي حد هيدلك عليه قريب جدا من محطه مترو العتبه
إدخلي بقي شارع الموسكي ده وإمشي فيه في وشك لحد ماتقربي من أخره
علي الناحيه الشمال هتلاقيه
محل صغنون كده
وبرضه إسألي بس هتلاقي كل الناس عارفاه
طيب واحدة واحدة كدة علشان أفهم
دلوقتي الفستان مجسم من عند منطقة الصدر والخصر ... وبييجي من عند نهاية الخصر ويتنفش
أنا بقى عايزة أستر دراعاتي وخصري ... وكمان وشي هبقى عايزة أغطيه علشان الميك آب
متهيألي لو عملت خمار ونقاب هيبقى شكل الكاب .. مش كدة ولا انا فاهمة غلط


بصي ياقمر
الخمار هو الجزء رقم 2
إعمليه أبيض
وشايفه فتحه الراس كبيره بحيث تبين البندانه إللي تحتها إللي هيا رقم 1
أنا عملتلك عليها دايره عشان تفهمي

بتقوليلي إيه الفرق بينه وبين الكاب
الكاب بيبقي عالي كده من علي الكتفين ومن علي الراس عشان مش يبوظ التسريحه
وبيبقي شكله مش ظريف
لكن الخمار شكله هادي ومش هيبقي متلاحظ من بعيد
فاهماني

والشال بقي أحسن
مجرد هتحطيه علي كتفك
فهيداري كل حاجه
وشكله عادي جدا في السواريهات والفساتين بصفه عامه
والفرق أن ده مش هتحطيه علي راسك أصلا
ولو عامله سبانش لفي حاجه مؤقته علي رقبتك برضه مع الشال فاهماني

زي ده بس هتقفليه بإيدك علي صدرك شويه


أو زي ده بس هاتيه تقيل شويه



ربنا يبارك فيك يا توتة
عقبالك يا جميلة :)


سلمى 16;14216313:
اهلا اهلا بحبايبى الحلوين عاملين ايه ؟؟
وحشوتنى قوى والله يا بنات نودى F: نورماF: لوكا F:د.مسلمة F:مكرونة F: دارين F: اشرى F: مرمر F: وزه محمد F:مشمشة F: مشمشة تامرF:نانو F: زهرة برية F: مودة F: عروس 24 F: قلب مادو F: ميرمريا F: اموره فلة كله كله
بنات سؤال بليز اجيب برطمانات زجاج قد ايه انا جبت 4 كفاية ولا اجيب تانى؟؟؟
[/ QUOTE]
سوسوووووووووو
وحشتيني ياقمر
مش بتبقي معانا ليه علطول

والبطرمانات مش فاهمه برطمانات إيه
توابل ولا مخلل وصلصه وكده ولا إيه
[QUOTE=.. Hopes;14217057]شوفتوا المطر يابنااات
السما بتنزل تللج
كل اللي عنده دعوة يدعيها
قولولي يابنات بقا
البدي التل الطبقتين بيتلبس تحتيه بادي كارينا خفيف ولا بيتلبس لوحده

المطر ده أكتر حاجه بعشقها في الدنيا
يااااااااه أحلي حاجه إني صحيت علي صوته النهارده
وخرجت إتمشيت مع إمام بعد ماخلص
يااه الدنيا ريحتها جمييييله

والبدي لاااااااااااازم لااازم لااااااازم
تلبسي تحتيه بدي كارينا
قصدي بدي أبيض مش لازم ماركه كارينا يعني
فاهمه
لأنه مهما كان كذا طبقه بيبقي شفاف
وكده يبقي مش حجاب خاالص
جسمك هيبان
شوفتها كتير وبيبقي شكله مش حلو
ولازم البدي إللي تحت يكون بكم مش كت ولا نص كم
lasposadelnilo;14217650:

انا اهووووووووووووو يا مراميه
وانتى كمان وحشاني يابت يا منمنمه
انا بس زي ما حكتيلكم فوق كنت مع العزال بتاع الشركه
هههههههههههههههههههههه
وفرشنا شقه العروسه الجديده
اللي عاوز ينورني يجلي في الشركه بقى برج عاليا كورنيش النيل المعادي
الدور ال 18
هههههههههههه
قبل السحاب ب 3 اد

ربنا يكون في عونك ياقمر
بس شكل جو الشغل عندك حلو قوييي
بحب المكان اللي يبقي عامل زي العيله كده
ومبروك المكان الجديد
علي الأقل إترحمتي من مشوار المعادي مدينه نصر إللي كان هادد حيلك ده
مبروك ياقمر
وأمانه عليكي لو لمستي السحاب هاتيلي حته
:D:D
rody&s;14219743:
انا متدايقه اوى وزهقانه الوقت مش بيعدى ومش لاقيه حد اتكلم معاه من يوم التلات وانا وخطيبى مش بنكلم بعض خالص وقبلها كنا كل ما نكلم بعض لازم يتخانق معايا ونقفل واحنا زعلانين وانا مش بحب المشاكل لكن بقيت بحس انها الاوكسجين بالنسبه له المشكله ان قبل شهرين من دلوقتى كان كويس معايا اوووووووووووووووووى ايام ما كنت بعمل العمليه والله وكنت بسمع منه احلى كلام كلام عمرى ما سمعته منه ولا هسمع تانى ده الاكيد هو بس علشان حس ان الموضوع خطير وممكن اروح منه كان كده لكن فى العادى مشاعره جامده اوى ده حتى ايامها كان بينام قدام الاوضه على الارض علشان ميسبنيش انا وماما لوحدنا فى المستشفى وكنت اقول اه بس القيه جاى جرى بيقولى سلامتك ويشوف ايه اللى تعبنى ويعمل كل اللى فى وسعه علشان يريحنى هو اللى كان بيشلنى لما احب اقوم من السرير علشان ماما مكنتش بتقدر تشلنى اول ما فوقت من البنج لقيه اعد جنبى وبيعيط والله العظيم وقالى قومى بقى قومى وخليكى معايا كل ده كانه كان حلم ودلوقتى بقى واحد تانى كأن الدكتور وهو بيستئصل معدتى استأصل معاه حبه ليا وحنيته عليه المصيبه انى مقدرش اسيبه كده دا احنا بقلنا 7 سنين بنحب بعض يبقى حرام ده ولا حلال
انا اسفه رغيت كتير بس مش عارفه اعمل ايه استحملونى

سؤال : انا جبت 2 برطمان زجاج واحد 5 لتر وواحد 3 لتر اجيب تانى ولا كده كفايه؟؟؟؟؟؟؟؟؟

ياااااااااااااااااااااااااااه
ماشاء الله تبارك الله والله أكبر
يابنتي طبعا مش هقول أكتر من إللي الكل أجمع عليه هنا
الراجل ده تشيليه جوا عنيكي
بس عارفه
حاسه بيكي مووووووووووووووت
أصل إمام كده
عارفه كويس قوي إن معدنه بجد أصيل
لكن من كتر المشاكل والخناق
بنسي ده خالص
وعارفه اللي بينسينا هو الشيطان
صدقيني
حاولي تغلبيه وتبقي عارفه جواكي قد إيه هو كويس
والف مليون سلامه عليكي ياحبيبي
وبرضه بطرمانات إيه إللي بتتكلموا عليها دي

لو المكرونه والتوابل وكده
أنا جايبه سته
بس ده غير طقم الفخار والطقم الدوار
وطقم للشاي والبن والسكر والكاكو المشروبات يعني
Bride to Be 2;14220589:
ممكن تدعولي با بنات حاسه اني مخنوقه و مش عايزه اكلم حد مش عارفه ليه :(
الي عايزه فساتين سورايه جديده و موديلات كتيييييييييييييييير و ب 250 شراء و الي فيه شغل و كتير ب 350 يقولي


ليه ياقمر بس
يلا يابنات كلنا نقول
لا إله إلا أنت سبحانك إني كنت من الظالمين
أعوذ بالله من الشيطان الرجيم
وأنا عايزه فساتين
من اللي بتقولي عليهم دول
إيه الحكايه
MARMORA_A;14221501:
[U][B][U][B][COLOR=#ff6633][SIZE=2]يااااااااااابنات عاوزة اخد رأيكم فى موضوع مهم
فعلا انا محتارة جدا
انا ان شاء الله هتجوز فى شهر 7 ادعولى ربنا يكملى على خير يااااااااااااااااااااارب ويهدى الحال:(
دلوقتى خطيبى بيقولى حددى هتعملى ايه لانها هتبقى مسؤليتك
هتروحى الكوافير ونطلع على استوديو بره
الوقت هيكون قليل اووووووى ولما نروح فى القاعه
ومش معقول ندفع 15 الف على نص ساعه ولا حاجة
اعمل ايه :'(:'(:'(:'(:'(
اروح استوديو النقابة وخلاص:mad::(:'(:'(
والله بجد زهقااااااااانة اووووووووووى ومكتئبة جدااااااااا
سؤال المخالفه بتاع الملايات^o)
[/B][/U][/B][/U][/COLOR][/SIZE]

ياحبيبتي محتاره ليه بس
أنا مش فاهمه مين إللي قاللك بس لازم تدخلي القاعه الساعه 11
يابنتي إعملي حسابك تخلصي الكوافير علي 4 ولا 5
والتصوير قولي ياخد ساعه يبقي تروحي القاعه علي 6 ولا 7
هتقولي مفيش كوافير بيخلص بدري
طبعا لأ
روحيلهم إنتي بس بدري قوييييييييي عشان تحجزي مكان ويشتغلوا معاكي من الأول
وتفهميهم إنك لازم تخرجي زي ما قولتلك 4 ولا 6 مثلا
فاهمه
إللي أقصده إن الوقت إللي هتبدأي فيه
بإيدك إنتي
ماتزعليش نفسك خااالص
وهيبقي أحلي فرح بإذن الله

وسؤال المخالفه
ياه فكرتيني بعلوم القمر
ربنا يطمننا عليها
المهم ياجميل هاتي 12 ملايه
ونوعي مابين الساده والمشجر


سؤال بقي هااااااام جدا ومش عايزه تطنيش

دلوقتي أنا جبت لإمام هديه ذكري ميلاده
جبتله ساعه أورينت أصلي
بس جميله قوي يابنات جبتها ب 560
المهم عاتيزه أعمله مفاجأه
عايزه نخرج سوا وأخليه يوديني مكان علي النيل
أو في جنينه
المهم يكون فيه هواء أو ميه
فاهمين
وأكون متفقه معاهم يجيبولنا تورتايه أنا وهو بس
فهمتوني ولا لأ
وأعملهاله مفاجأه
إيه رأيكم
وألاقي فين مكان زي ده وبكام
بليييييييز إللي تعرف تقوللي
h
hasby_raby_77
عروس متألقة
15-01-2011 | 04:17 AM
قلب مادو;14215881:
[BACKGROUND="70 #FFFF00"]

السيل هنا لسه منزلش بس سيتى ستارز بينزل بدرى شوية والحمدلله الحاجة ساقعه جابت مفعول معاكى مش كنتى تعزمى:lol:



اه والله يا بنتى اتخضيت ويا سلاااااام صندوق كانز عشانك يا قمرر
طب هو انهو محلات بالظبط اللى بتنزل سيل فى سيتى ستارز اللى نروحلها وما نصدمش:woo: ياريت البنات يدونا خبرة
د
د.نورا
عروس جديدة
15-01-2011 | 04:27 AM


شكرا للبنوتات اللي ردو عليا ف موضوع الوليمة دا وان شاء الله احاول اشوف حد كويس ونضيف يعملنا الاكل جاهز

بقولكوا ايه ؟

هو انا لو هعمل حنتي ان شاء الله ف البيت - البس فستان شكله ايه ؟ يعني يبقى سيمبل مش منفوش ولا منفوش نص نص ولا منفوش اوي ؟ :p

والبنات بتوع طنطا .. العسولات اللي ردوا على جويريتي ف موضوع اتيليهات الفساتين دا

عاوزة اسألهم على حاجة

هو لو هشتري فستان الفرح من هناك .. هيكلف ف حدود كام كدا ؟

وهل فيه اماكن ممكن الاقي فيها فساتين محجبات - يعني متقفلة جاهز - ؟

وسؤال كمان .. هو طرحة الفرح واختيارها بيكون لما اروح الاتيليه اختار اللي انا عوزاه ولا لازم ابقى متفقة مع الكوافيرة قبلها على اللي انا عوزاه واشتري على اساسه ؟
h
hasby_raby_77
عروس متألقة
15-01-2011 | 04:48 AM
rody&s;14219743:
انا متدايقه اوى وزهقانه الوقت مش بيعدى ومش لاقيه حد اتكلم معاه من يوم التلات وانا وخطيبى مش بنكلم بعض خالص وقبلها كنا كل ما نكلم بعض لازم يتخانق معايا ونقفل واحنا زعلانين وانا مش بحب المشاكل لكن بقيت بحس انها الاوكسجين بالنسبه له المشكله ان قبل شهرين من دلوقتى كان كويس معايا اوووووووووووووووووى ايام ما كنت بعمل العمليه والله وكنت بسمع منه احلى كلام كلام عمرى ما سمعته منه ولا هسمع تانى ده الاكيد هو بس علشان حس ان الموضوع خطير وممكن اروح منه كان كده لكن فى العادى مشاعره جامده اوى ده حتى ايامها كان بينام قدام الاوضه على الارض علشان ميسبنيش انا وماما لوحدنا فى المستشفى وكنت اقول اه بس القيه جاى جرى بيقولى سلامتك ويشوف ايه اللى تعبنى ويعمل كل اللى فى وسعه علشان يريحنى هو اللى كان بيشلنى لما احب اقوم من السرير علشان ماما مكنتش بتقدر تشلنى اول ما فوقت من البنج لقيه اعد جنبى وبيعيط والله العظيم وقالى قومى بقى قومى وخليكى معايا كل ده كانه كان حلم ودلوقتى بقى واحد تانى كأن الدكتور وهو بيستئصل معدتى استأصل معاه حبه ليا وحنيته عليه المصيبه انى مقدرش اسيبه كده دا احنا بقلنا 7 سنين بنحب بعض يبقى حرام ده ولا حلال
انا اسفه رغيت كتير بس مش عارفه اعمل ايه استحملونى

سؤال : انا جبت 2 برطمان زجاج واحد 5 لتر وواحد 3 لتر اجيب تانى ولا كده كفايه؟؟؟؟؟؟؟؟؟


ربنا ياااااااااااااارب يهديه ليكى ويهديكى ليه ويجمع ما بينكما فى الخير

هو البرطمانات دى لايه بالظبط
ي
يارب فرح قلبي
عروس رائعة
15-01-2011 | 05:11 AM
[BACKGROUND="70 #339999"]يا بنات حد يوصفلي راكز اللي في المنيل ..ضرورررري
وادعولي بالدعوة اللي في التوقيع
علشان لو نجح اعزمكم علي الفرح بتكلم بجد علي فكرة والله ..
لان كده ابوه مش هيبقي عنده حجة يا إما هعمل فيه حاجة حمايا ده:mad::mad::mad:

[/BACKGROUND]
M
MARMORA_A
عروس برونزية
15-01-2011 | 10:26 AM
miss cat;14221588:

ممكن بقى اعرف لما انزل اتفرج على فساتين الزفاف اروح فييييييييييييييييييييين


[U][B][U][B][COLOR=#ff6633]انا كتبت المشاركة لجويرية من حوالى 5 او 6 صفحات
[/B][/U][/B][/U][/COLOR][U][B][U][B][COLOR=#ff6633]بصى ياجومر
عندك دوران النادى كله حجات تحفه جداااااااااااا واسعارها حلوة بس مووووووتى معاهم فى الفيصال;);)
افتكر منهم ويدنج وموناليزا

وكمان فى فى البورصه وشارع المديرية بس مش حلوين اوووووى يعنى:D

فى اتيليه صلاح السعدنى فى شارع حسان بن ثابت
وكمان فايف ستارز هناك برضه قدام حبايب اسألى عليهم[/B][/U][/B][/U][/COLOR]


كمان امريكانا فى شارع محب فوق محل وركرز


فى كمان امريكانا فى شارع المتحف قدام المدينة الجامعيه
وفى امريكانا جنب كوافير ندى المصرى فى شارع النادى برضه


واى خدماااااااااااااات انتى تنورى F:F:
[U][B][U][B][COLOR=#ff6633]
[/B][/U][/B][/U][/COLOR]
Bride to Be 2;14221701:
الف مبروك مقدما؟
انتي اسمك مروه و لا اميره؟ شكلك مروة زيي
هو مين الي قال ان الافراح في الصيف بتبدأ 11



مروة برضه يامروة :)
الله يبارك فيكى ياحبيبتى
انا معاكى ان الافراح بتبدى 8 او 9 بس احنا عندنا العروسة مش بتدخل قبل 10 او 11
انا اخو خطيبى داخل القاعه 11 ونص ومراته ولا راحت الكوافير ولا حتى استوديو;)
امال بقى انا هعمل ايه؟؟؟؟؟؟
كمان الصور فيها مش عجبانى بالمرة:'(:'(
والمشكلة ان مثلا الكوافير والا ستوديو بيبقوا كثير اوووووووووى دى اختى كانت حوالى 12 عروسة معاها:badly:
meramia;14222137:

ياحبيبتي محتاره ليه بس
أنا مش فاهمه مين إللي قاللك بس لازم تدخلي القاعه الساعه 11

يعنى ياميراميا اروح القاعه مش الاقى حد هناك:badly::badly::badly: غير قرايبى واهلى وممكن يتأخروا كمان
هو دى النظام هنا
وهو بيقولى احنا هنكتب فى الكرت 8 وبقوله مهو كل الناس بتكتب 8 وبيروحوا 10 او 11
لدرجة ان احنا نفسنا لما بنروح افراح فى الصيف بنروح متأخر:(:(

د.نورا;14222465:

هو لو هشتري فستان الفرح من هناك .. هيكلف ف حدود كام كدا ؟

وهل فيه اماكن ممكن الاقي فيها فساتين محجبات - يعني متقفلة جاهز - ؟

وسؤال كمان .. هو طرحة الفرح واختيارها بيكون لما اروح الاتيليه اختار اللي انا عوزاه ولا لازم ابقى متفقة مع الكوافيرة قبلها على اللي انا عوزاه واشتري على اساسه ؟

تكلفة الفستان ممكن من اول 1500 وانتى طالعه

والتقفيله جاهزة دى حقيقى مشفتهاش انا نزلت كام مرة بس من فترة لفرح اختى وقرايبى بس كل اللى اشوفه اما كب او حمالات او كت


فى الكوافير عندنا هنا بتقولك مثلا هاتيلى متر تول ابيض ومتر سيلفر مثلا
بتقول هاتى التل بس والطرحة بتكون من عندها


مدايقة اووووووووووووى ومش عارفة افكر:(:'(:'(


سؤال الملايات متنسوش ياجماعه؟
احسن الانواع واعرفها ازاى واجيب كام واحدة
e
esraa_ali
عروس متألقة
15-01-2011 | 12:57 PM
معلش ممكن حد يقولى لما انزل قصر النيل انا معرفش غير العبد هههههههه طفاسة بقا معرفش غيره فمحلات السواريه اللى بتقولولى عليها قريبة منه ؟؟ يعنى اوصفولى بالظبط
h
hoba bodyyy
عروس رائعة
15-01-2011 | 02:05 PM
صباح الخير يا بنات وحشتونى كلكم يارب اكرمنا كلنا ياريت يا بنات تدعوا الدنيا كانت لسه بتمطر من شويه وامبارح لما كنت فى شقتى كانت بتمطر تلج بجد انا وقفت فى البلكونه وقعدت العب بيه وخطيبى يقولى هتعيى ادخلى اقوله لا قام داخل جايبنى من هدومى ههههههههههه وقام واقف هوه :D

مشمشه ايه يا شوشو فينك من يوم الخميس يا حبيبتى طمنينا عيكى يارب تبقى تمام ويكون الموضوع عدى على خير

سوسو وحشتينى يا قمر عامله ايه النهارده يارب يكون كله كله تمام

رشا كوكو عامله ايه يا رور وحشتينى

فله & نودى & نوووجى كل البنات يارب تبقوا تمام

red rosee الطقم اللى لونه اخضر والطقم اللى فيه غصن شكلهم عسول اوى

رودى يا حبيبتى بصى هما عندهم وقت بيبقوا فيه مش مستحملين حد ولا بيبقوا زى مااحنا متعودين عليهم استحميله وان شاء الله كله يعدى

قلب مادو عامله ايه يا حبيبتى يارب تبقى تمام

سؤال اجيب لحافين ولا لحاف واحد ؟؟

أ
أم حلا القمر
عروس ماسية
15-01-2011 | 03:47 PM
رودي بجد قلت امتي اخلص قراية الصفحات علشان ارد عليكي يا جمييييييييل بئة الراجل ينام علي الارض ويبكي علشانك وانتي تعملي كده يا بت اجي اقرصك من خدودك علي فكرة الراجل دموعه مش بتنزل بسهولة الا اذا لو فعلا بيحب وهو مش بيحبك لالالالالالالالا ده بيمووووووووت فيكي حرام بجد تخسرية عارفة انا كنت بعامل خطيبي بقسوة وكنا زي الزفت مع بعض الفترة اللي فاتت بس لما غيرت معاملتي معاه والله الحمد لله بئينا كويسين مع بعض اه بنتخانق بس مش كتير زي الاول عارفة بردوا انا بعد اخر مشكلة اية اللي خلاني اكمل معاه انه قال لبابا وماما وهو بردوا بيبكي انكم لو ما جوزتونيش مني اللي هي انا طبعا ااااا هههههههههه مش هتجوز ابدا عمري كله تخيلي بئة كل الكلام ده وهو بيبكي يعني مشاعرهم بجد وعلي فكرة الرجاله بتفتكر لنا بالذات لما يكونوا مخنوقين بنعاملهم ازاي خليكي واقفه معاه معلش والله هما كمان اللي فيهم مكفيهم


في اطباق فاكهه بس مش الكبيرة دي لاء الصغيرة اجيب منها اد اية يعني لما اقدم الفاكهه ولا احطهم في اطباق الاركوبال او الصيني ينفع ؟
d
dr.doby
عروس مشرقة
15-01-2011 | 04:17 PM
ازيكم يا بنات وحشتوووونى اوى اوى بجد ومحدش سأل عنى خالص الفترة اللى فاتت:( انا كنت تعبانة ومخنوقة كتير يلا الحمد لله ادعولى ربنا يعيننى فى اللى فاضلى
وعيزة اسألكو كام سؤال كده اول حاجة التلاجة احسن نوع كريازى ولا شارب ولا وايت ويل ولا ال جى؟

الغسالة ايديال زانوسى ولا ال جى ولا اريستون؟

البوتجاز عايزاه80*60 يونيفرسال ولا تكنوجاز ولا ايه ؟

السخان الكهربا ايه رأيكو اوليمبيك ولا اريستون؟

المكنسةوالمكواة والفرن الكهربا ايه برضه ؟والتليفزيون ال سى دى ال جى ولا سامسونج ولا سونى؟

وكمان اجيب كام طقم خروج شتوى انا جبت تلاته اجيب اد ايه تانى

معلش اسئلتى كتيربس انا بقالى كتير مش بدخل وبعوض;)
ز
زهرة نورما
عروس مشرقة
15-01-2011 | 04:24 PM
السلام عليكم ورحمة الله وبركاته

اخبار الجميع اية يا ترى يا هل ترى
مشمششششششة خضتينى على فكرة عليكى البنات ردوا عليكى الصح شوفى خطيبك بهدوء وبدون خناق هيعمل وبقول اية لو مفيش رد فعل قولى لمامتك لان حماتك مالهاش حق انها تقولك كدة ودة مش تقويم بس جميل ان كل واحد يبقى حاطط حدود يمشى عليها ورد فعلها من كلامك انا مش فاهماه بس مالهاش اى حق فيه ولازم يكون ليكى موقف باحترام وبهدوء وبأدب ودة مش عيب بصراحة وربنا يصلحلك الاحوال وابقى طمنينا بالله عليكى

روودى ماشاء الله خطيبك بيحبك وانتى بنفسك شاهدة شوفى اية اللى مضايقة اكيد فيه حاجة جواه متغير علشانها بهدوء حاولى تقربى منه وابتدى انتى واحدة واحدة هتلاقيه جاى وهتفهمى فيه اية

برااايد المفارش الروول ان فت منها نوعين فى تقاطع بورسعيد عند جامع البنات محلات اسمها المنى وعثمان بس المنى كويس
فيه الصينى والاندونيسى الصينى زفت الندونبسى بقى عندك المذهب وكدة دة الررول ب80 او حاولى تنزليه ل75 اما السادة منه ب60 جنيه والروول الواحد بيبقى 20 متر

كل البنااااات وحشتووونى اووووى سلامى لنوجى وهوبا وساسسووو

سسؤال بقى دلوفتى ان فستان كتب الكتاب شيفون عايزة اعمل اى حاجة بحيث مبقاش لابسة بادى اعمل اية
وهل البادى التل اللى عند النمرسى ينفع وفيه منه الوان غير الابيض ولا ابيض للزفاف بسس ياريت تجاوبونى بسرعة علشان الموضوع دة مضايقنى اوووى ومعنديش وقت؟؟؟؟؟؟؟؟؟؟؟؟ظظ

م
مشمشة.
تاجرة
15-01-2011 | 04:29 PM
اذيك يابنات

شكرا لكل بنوتة سالت عليا ودعيتلى

الموضوع لسة زى ماهو انا كلمتة بعد الشغل زى ماقولتلكم واتفاجئت برد فعلة

يقولى انتى السبب فى كدة

مش عاجبك اى حااجة خالص

اقولة مامتك قالت كذا يقولى مليش دعوة باللى هى قاليتة اكيد كانت متنرفزة

حسيت انة بيدافع عن مامتة اووووى

مش عارفة اعمل اية

قولتلة بص انا هعملها عمووولة واللى انت عاوزة اعملة
وقفلت معاة ومش كلمتىة تاانى



MshMosha;14213257:
[BACKGROUND="70 #339999"]
لا حول ولاقوة الا بالله
يا حبيبتي ان شاء الله الامور تهدي وتتصلح...
انتي اول ما خطيبك يخلص الشغل كلميه علطوول افهمي منو فيه ايه..وليهمامته قالت كده
فقهميه برضو انك منزلتيش لانك نفسك يبقي معاكي وانتو بتلفو وشوة كلاام من النوع
متقوليش بقي مكسلة ولا زهقانة..لألألألأ اتكلمي بالراحة كده واهدي
بس لحد ما يخلص شغل صلي ركعتين واقراي صورة يس بنية ان ربنا يصلح الامور ويهدي اللي حصل..وان شاء الله نسمع خبر حلووووووووو ان المشكلة اتحلت...ربنا يكملك علي خير ياحبي وميجيبش وحش ابداااااااااااا
سؤال مخالفة:-
اجيب كام طبق للفاكهة؟؟؟ بس عايزة اشكال حلوةةة...
اصل انا من النوع انا لو شكل الطبق مش عاجبني مش باكل:thumbs_down:
علي راي عادل امام:- قرفت اوووي اووووووووي اووووووووووووووووي :lol::lol:

[/BACKGROUND]



لا ياحببيتى انا مش بنزل عشان عايزاة معايا ولا حاااجة

دة كان زمااان

انا بس مش لقية حد انزل معااااة

هنزل لوحدى
meramia;14214799:
/SIZE

لا يابنتي ما تتخضيش
ده شغل حماوات
وواضح إن حماتك
ربنا يعينك عليها
ربنا يسترها معاكي ويكفيكي شرها يااارب
إفهمي من خطيبك بشويش
بس من غير ماتحسسيه إنك بتشتكي
إحكيله وإفهمي

وبالله عليكي تطمنينا



انا خلاص والله زهقت منها ومن قرفها استحملتها كتير بس انا خلاص مش هتعامل معاها تانى
جويرية المسلمة;14215095:
مشمشة يا سكر .... انا رايي تحكي لحد كبير وعاقل و بتثقي ف رأيه .... غير بابا وماما علشان ميضايقوش والجو يتكهرب والموضوع يكبر لو كان صغير

واتكلمي بردة مع خطيبك .... بس خليه يتعود منك على الهدوء في المناقشة دايما وبلاش تتعصبي عليه ... صدقيني وعن تجربة الهدوء بيحل المشاكل بسرعة جدااااااااااااااااا ... اسألي مجرب والله

وبالراحة كدة افهمي منه ... وعرفيه بلباقة وذوق إنه مينفعش والدته تتكلم باللهجة دية ...

أنا والله مش بقومك عليها ولا عليه ... أنا زي ما قولتلك فهميه بذوق وهدوء .....

بس عموما ف حياتك كلها يا مشمش مينفعش تبقى عصبية وطبعك وحشة ... وف نفس الوقت متكونيش غلبانة أوي ولينة كدة .... خلي ليك وضع بين الناس باعتدال وتواضع

أنا عارفة إني بتكلم كلام عام أوي بس يارب يكون قصدي وصل لك

وابقي طمنينا يا سكر :)



شكرا ليكى يااااااااااااقمر معنديش حد اتكلم معاة كل قريبى فى البلد

monna vision;14219573:
ازيك يا مشمشة القاعات اعتقد ان فيه احنا عندنا هنا فى اسكندرية ممكن تعملى حاجة كويسة اوى ب 6 الاف فاكيد عندك فى يعنى كمان صاحبتى عملت خطوبتها بالفين ونص :D اه بجد بس القاعه نونو وكان فى عرض بس القاعه شيييك بس صغيرة فاكيد ان شاء الله تلاقى ب6 قاعه حلوة




مشمشة
ايه يا بنتى بعد الشر سيبك من الكلام بتاع حماتك تلاقيها كانت متنرفزة ولا حاجة ان شاء الله تنزلى وتختارى اللى انتى عايزاه ومفيش حاجة وحشة تحصل









وتتنرفز عليا لية ان شاء الله


شكرا ليكى ياااقمر

وخلاص مبقا ش فيها قاعة

dodda2;14219592:


مشمشة استهدى بالله كده وربنا هيسهلك
واتكلمى مع خطيبك بهدوء
وبإذن الله كل حاجة هتتحل
F: متقلقيش F:




شكرا ليكى ياااقمر

hoba bodyyy;14224405:

مشمشه ايه يا شوشو فينك من يوم الخميس يا حبيبتى طمنينا عيكى يارب تبقى تمام ويكون الموضوع عدى على خير






انا هناااا او ياهوبى والموضوع زى ماااهو وانا مش هعديها على خير

ومش هنفذ كلمها وهعملها عمولى عند فيها وفية

وتخلص وقت ماتخلص

ياما كل واحد يروح لحالة زى ماهى عايزة

وكمان بشكر

nemo nemo

miss_mony
مش عارفة اطنش خاااالص يامنى

وكمان سلمى 16
شكرا ليكوا ياقمرات
بنات كنت عايزة اعرف مول دمياط اللى فى مدينة نصر اروحة اززاى من رمسيس وبيبقا فاتح يوم الاحد ولا لا
سؤال المخالفة:اجيب كاام سكينة
B
Bride to Be 2
عروس نشيطة
15-01-2011 | 04:59 PM
زهرة نورما ان شاء الله اروح اشوف المفارش
و بالنسبه لتقفيل الفستان ممكن تعمليله بوليرو و في ناس بتقفله بكم واسع شيفون بس بيلبسه تحته كارينا برضو بس بيبقي حلو و في تقفيله شفتها بيقفلوه بستان بيبقي كأنك لابسه بلوزه تحته انا مش عارفه اشرح قوي بس بيبقي شكله حلو بذات الكم الشيفون الواسع كنت في كتب كتاب قريب و فستان العروسه كان شيفون و عامله الكوم ده كان شكله حلو قوي

مشمشه استعيذي بالله من الشيطان و انتي لو عملتي عموله تبقي بتعندي نفسك قبل ما بتعنديهم و بعدين الراجل بيقولك انا ماليش دعوه بالي هي قالته و بيني و بينك الحموات في مواضيع الموبيليا دي بيعملوا حاجات غريبه , استهدي بالله كده و حاولي تنزلي تشوفي و فهميه ان مافيش حد تنزلي معاه و ادلعي عليه قوليله اهون عليك انزل لوحدي و هي الحاجات دي مش لينا احنا الاتنين و لازم نشوفها مع بعض براحه كده عشان تكسبيه في صفك ربنا يعديها علي خير ان شاء الله
s
saso2sls
عروس مشاركة
15-01-2011 | 05:06 PM
مشمشه مول دمياط فاتح يوم الاحد
و جيبى شنطة سكاكين و فيها سطور و رولتين كياس سودا و انت عارفه ليه:cool:
s
saso2sls
عروس مشاركة
15-01-2011 | 05:18 PM
dr.doby;14225258:
مازيكم يا بنات وحشتوووونى اوى اوى بجد ومحدش سأل عنى خالص الفترة اللى فاتت:( انا كنت تعبانة ومخنوقة كتير يلا الحمد لله ادعولى ربنا يعيننى فى اللى فاضلى
وعيزة اسألكو كام سؤال كده اول حاجة التلاجة احسن نوع كريازى ولا شارب ولا وايت ويل ولا ال جى؟

الغسالة ايديال زانوسى ولا ال جى ولا اريستون؟

البوتجاز عايزاه80*60 يونيفرسال ولا تكنوجاز ولا ايه ؟

السخان الكهربا ايه رأيكو اوليمبيك ولا اريستون؟

المكنسةوالمكواة والفرن الكهربا ايه برضه ؟والتليفزيون ال سى دى ال جى ولا سامسونج ولا سونى؟

وكمان اجيب كام طقم خروج شتوى انا جبت تلاته اجيب اد ايه تانى

معلش اسئلتى كتيربس انا بقالى كتير ش بدخل وبعوض;)

كل انواع التلاجات اللى انت قلتيها جميله بس هى بتفرق ع الاحجام و الاسعار لكن كلهم بيشتغلوا حلو اوى
الغساله طبعا اريستون ده احسن نوع بس اغلى نوع و بعدين ال جى
البوتجاز انا اختار التكنوجاز احسن من اليونيفرسال بس اسالى ع الضامن و مده الضمان فى كل ماركه
السخان الاريستون برضه جميل فى الغاز و الكهرباء
المكنسه فى واحده كانت حطه صوره المكنسه البرميال و 2500 وات قالت عليها جميله و انا سالت عليها ايدوا انها حلوه اوى فى الاستعمال و فى نوع تانى اللى هو المكنسه البطه و بتكون 1600 وات جيبى الحاجه الكورى زى دايو و عندك ناشيونال برضه حلوه و فيليبس
الفرن هاتى النوع التركى من شارع عبد العزيز
التليفزيون السامسونج و بعدين السونى و بعدين ال جى فى الجوده و قارنى فى المميزات اللى موجوده فى كل تليفزيون عشان تختارى صح و تدفعى و انت مطمنه

اللبس الشتوى بيتحدد ع انت حاتجوزى امتى لو فى الشتا ده جيبى تانى لى فى الصيف كفايه كده لان البنت جسمها بيتغير بعد الجواز و الموضه كمان بتتغير
ويا رب اكون افيدتك:adore:
L
Love You 7abibi
عروس مشرقة
15-01-2011 | 06:41 PM
أنا يا بنات متضايقة أوي عشان مشموشة يارب يفك ضيقتك و يعملك اللي فية الخير بس اهم حاجة أمسكي انتي أعصابك ومش تغلطي فية ولا في مامتة ويارب يسهلنا أومورنا كلنااا

سؤال يا بنات ضروري انا عايزة أعرف أسعار الاقمشة بتاعة الصالونات و النتريهات ياريت اللي لف في الموضوع دة يفيدني يعني انا هعمل ركنة مودرن دي قماشها بيكون اسمة اية و بكام تقريبا بس يكون حاجة شيك و كمان الصالون في قماشة بحبها أوي بتكون بتكب كدة زي الساتان شوية في منها سادة و منقوش ياتري قماش صالون شيك و النوعية دي يكون في حدود كام المتر؟؟؟ ياريت اللي نزلو يلفوا علي قماشات يقولولنا خبرتهم و اية الاماكن الحلوة ؟؟؟؟
B
Bride to Be 2
عروس نشيطة
15-01-2011 | 07:04 PM
الركنه تتعمل قماش برينت شوب بيبقي مشجر و الماتشنج بتاعه مقلم يا اما كتان بيبقي ساده و الماتشنج فيه تشجيره قطيفه او في قطيفه بتبقي مشجره و مقلمه منها فيها , بس للاسف معرفش اسعار و احسن مكان الازهر

هو ينفع انزل لينك لمنتدي تاني هنا و لا ممنوع؟؟؟

هو سبينس في ميك اب زي كارفور و هايبر و لا لأ؟؟؟؟؟
م
مهندسة موون
عروس متألقة
15-01-2011 | 07:32 PM
مشمشة.;14225341:
اذيك يابنات

شكرا لكل بنوتة سالت عليا ودعيتلى

الموضوع لسة زى ماهو انا كلمتة بعد الشغل زى ماقولتلكم واتفاجئت برد فعلة

يقولى انتى السبب فى كدة

مش عاجبك اى حااجة خالص

اقولة مامتك قالت كذا يقولى مليش دعوة باللى هى قاليتة اكيد كانت متنرفزة

حسيت انة بيدافع عن مامتة اووووى

مش عارفة اعمل اية

قولتلة بص انا هعملها عمووولة واللى انت عاوزة اعملة
وقفلت معاة ومش كلمتىة تاانى






لا ياحببيتى انا مش بنزل عشان عايزاة معايا ولا حاااجة

دة كان زمااان

انا بس مش لقية حد انزل معااااة

هنزل لوحدى



انا خلاص والله زهقت منها ومن قرفها استحملتها كتير بس انا خلاص مش هتعامل معاها تانى



شكرا ليكى يااااااااااااقمر معنديش حد اتكلم معاة كل قريبى فى البلد




وتتنرفز عليا لية ان شاء الله


شكرا ليكى ياااقمر

وخلاص مبقا ش فيها قاعة



شكرا ليكى ياااقمر


انا هناااا او ياهوبى والموضوع زى ماااهو وانا مش هعديها على خير

ومش هنفذ كلمها وهعملها عمولى عند فيها وفية

وتخلص وقت ماتخلص

ياما كل واحد يروح لحالة زى ماهى عايزة

وكمان بشكر

nemo nemo

miss_mony
مش عارفة اطنش خاااالص يامنى

وكمان سلمى 16
شكرا ليكوا ياقمرات
بنات كنت عايزة اعرف مول دمياط اللى فى مدينة نصر اروحة اززاى من رمسيس وبيبقا فاتح يوم الاحد ولا لا
سؤال المخالفة:اجيب كاام سكينة



بصى ياقمر انا شفت شنطة سكاكين فى حمام التلات جميلة قوى وواحدة صحبتى اشترتها كمان الراجل كان بيقول ب 210 اخدناها منة ب 160 وهى جميلة قوى واحسن حاجة عجبتنى فيها انها فيها كل حاجة مقص الخضروات ومقص السمك ومقص الفراخ وفيها سكاكين كتيرة تانية طبعا وفيها الساطور :woo: بس خلى بالك فى منها نوعين نوع حلو ونوع تانى اى كلام بس الاتنين شبة بعض قوى قوى قوى تقريبا اختلاف ماركات بقى ولا ايه مش عارفة

وانتى اصلا فى رمسيس عامة هتلاقى مكيروباصات كتيرة قوى بتروح مدينة نصر عادى مش هعرف اقولك تقفى فين بالظبط بس اسالى هناك

وانا ما اعرفش مشكلتك اية بالظبط بس لفتنى كلمة العند دى بجد بلاش ياقمر كل حاجة بالهداوة وبعدين دة خطيبك حبيبك الى هيبقى جوزك عمر الامور بينكم ما هتتحل بالعند فية بالعكس انتى بس اقعدى معاة واتكلمى معاة بشويش كدة وادلعى علية شوية وكل حاجة هتتحل ان شاء الله

عاوزة اعرف بقى اصلى قريت اخر صفحتين بس اية المفارش الى بتتكلموا عنها دى الى بتتباع بالرول وبتتفرش فين بالظبط ؟
B
Bride to Be 2
عروس نشيطة
15-01-2011 | 07:44 PM
المفارش دي عشان تتفرش في المطبخ و الدولاب و في ناس بتفرشها في النيش و البوفيه
في منها نوع مصري بيبقي بلاستيك و بيتسبت بدبابيس المكتب و في نوع تاني هي اصلا مش مفارش هي بتتلزق علي الحيطان او علي الخشب ده طبعا مش محتاج دبابيس و لا حاجه و البنوتات بيقولوا انه بيتباع في شارع بورسعيد عند جامع البنات

و ياريت الي تلاقي القطع الي بتتحط تحت كل طبق تقول فين و ازاي و امتي عشان انا دايخه عليها و كل مسأل حد يقولي دي انقرضت مع اني متأكده انها موجوده و في واحد ناصح قالي اشتري المفرش المشمع و قصيه حتت بس حاسه ان شكله جيبقي مسخره و عتيق قوي :) و الله اعلم
X