الرئيسية ركن العروس تجهيزات و استفسارات العروس •¦¦•

•¦¦•

حلمـ ., 04-01-2011 1,838 رد 38,360 مشاهدة
ي
يارب فرح قلبي
عروس رائعة
12-01-2011 | 06:49 AM
[BACKGROUND="70 #339999"]
meramia;14200225:
يااااااااااااااااااااااه
مش مصدقه نفسي
أقري 60 صفحه وإنتم لسه هنا
الحمد لله
دا أنا كنت حاسه اني بقالي سنين مش معاكم
قولت إيه بقيي
هرجع ألاقيكم عينتم منادي ينادي علي في شوارع النت
بس الحمد لله ولااااااااا حد قلق عليا
مفيش غير طبعا موده ونوجي ووروزين
مع إننا يمكن ماإتكلمناش تقريبا خالص
بس قلقت بجد وبعتتلي علي الفيس
بجد ميرسي قوي ياقمر
أنا بقي عدي عليا الكام يوم اللي فاتوا دول
سبحان اللي خرجني منهم بعقلي ومن غير عاهه نفسيه ولا حاجه
حصل حاجات كتييييييييييير
بس الحاجه المشتركه فيهم
كانت العياط ثم العياط ثم العياط
أنا اول إمبارح ببص في المرايه حسيت إني مش بقي عندي رموش
والله إتقهرت أنا أصلا أحلي حاجه فيا عنيا
قولت لنفسي خلاااااص هي بايظه بايظه
المهم في الأخر لقيت مالوش لازمه ده بقي
وصعب علي الراجل
قررت ماأفكرش خااااااااااااااااااااااااااالص
اه ونسيت اقولكم
من ضمن اللي حصل
قلعتله الدبله
كنت هكسر ترابيزه الصالون وأنا برزعها والله هههههههههه

سيبتها علي الله بقي

اللي إتفقنا عليه إننا هنعمل الفرح في جنينه البيت بتاعهم

وهظبطه علي مزاجي بقي
قولت لنفسي كأنا أجرت جنينه بره بالظبط

زبعدين هنخرج أنا وهو وبابا وماما وأخواتي

ونسهر بره
وهنا نطرح سؤال ف غايه الأهميه بقي
حد يقوللي بالتفاصيل وبشويش كده
الأماكن اللي ينفع نسهر فيها وطبعا هكون بفستان الفرح
عايزه سهره شييك ورومانسيه جداااا
وياريت تكون سفينه في النيل
أو ماشابه بقي
والأسعار بالله عليكم
أنا إمام سابلي الفرح والسهره دي
كل ده بقيت مسأوله عنه دلوقتي
عايز يسمع أماكن وأسعار وبس
كل حد عارف حاجه ولا عنده فكره تقوللي بقي ماشي

والخروجه طبعا مش هعرف أجي
مع إني كان نفسي أبقي معاكم قويييي
بس لما نتقابل 4.5
هنلف إمتي وهروح إمتي
وأنا لسه هيبقي قدامي سفر ساعه ونص
روحوا إنتوا بقي وإبقوا إحكولي
واللي تعرف تصور حاجه يبقي قشطه

مستنيه تقاريركم

موده إبعتيلي رقمك علي الخاص واحشاني قوي ونفسي أسمع صوتك

عشان ابقي في السليم هسأل سؤال مخالفه برضه
اللي خاف سلم يأختشي

هو فيه ساعات أورجينال زي سيكو و كاسيو و أورينت ب 200 و 300 جنيه
ولا دول تقليد
أنا عمري ماجبت بالأسعار دي
دايما مفيش أقل من 500
وده أقل سعر

عايزاكم تساعدوني يابنات
علي الله تطنشوني
والله هزعل منك حته زعله

حمدلله علي السلامة انتي وصلتي
ده انا تقريبا قريت موضوعات المنتدي كلها وكل شوية ابص عليكي الاقيكي لسه مكتبتيش رد
اقول لسه تايهة في بحور الصفحات وموصلتش معلش يابنتي تلاقي عينيك تعبتك
وكمان الف سلامة عليكي من العياااط ياقمر متعيطيش علشان خاطري
الواحد اللي فيه مكفيه مش هتكملي علي نفسك بالعياط..ادعي ربنا انو يريح بالك ويهدي قلبك ياااااااارب وبالراحة علي نفسك وعلي الراجل لاحسن الرجالة دول شكلهم هيطلعو كل اللي بنعملو فيهم علينا بعد الجواز...ههههههه
بصي بقي ده علي حسب الميزانية بتاعتك..يعني انتي عاملة حسابك علي كام للفرد
لان في بعض البواخر في النيل بصرااحة تحفةةةةةةةة
انا مدخلتش غير السرايا فقدر اقولك انها رائعةةةةةةةةةةةة
بس الفرد مش فاكرة بكام كان ب 100 وحاجة
لو تعرفي اللينك بتاع المكياج عايزااااااااه ضرورررررري

[/BACKGROUND]
k
kitty_kity
مشرفة سابقة
12-01-2011 | 08:12 AM
Love You 7abibi;14197353:
طب يا جميل هما بيعملوا تحليل دم كدة وخلاص ولا بيظهروا فية اية يعني فيروس سي وايدز و كدة ولا تحليل دم لية علاقة بالانجاب بس انا مش فاهمة

تحليل Rh ده هو تحليل للاجسام الموجودة على كرات الدم الحمراء
هو مالوش علاقة بالانجاب مباشرة بس كل الحكاية ان لو الام طلعت سالب والاب موجب بتاخد حقنة وهي بتولد او لو اتنقل لها دم او اي حاجه كدا

لو عايزة تعملي تحاليل فيروسات اعمليها ف معمل محترم بره المستشفيات دي لأن الكشف الطبي ده سلطة
h
hoba bodyyy
عروس رائعة
12-01-2011 | 11:07 AM
صباح الخير يا بناااااااااااات عاملين ايه كلكم النهارده يارب كلكوا يبقى فى التمام

ندخل على المفيد

بسم الله الرحمن الرحيم




مشمشه يا عينى على المسائى يا عينى والله يكون فى عون العيال وان شاء الله مش هتصححى بس قوليلى انتى بتدرسى ايه انا ليا واحده صاحبتى مدرسه حاسب الى واسمها شيماء برده ههههههههههه


زهوره صباح الخير يا قمر بصى يا حبيبتى المحل اسمه موزع للنساجون الشرقيون وانا كنت هناك امبارح لو انتى جايه من ناحيه المحكمه الدستوريه تفضلى ماشيه لاخر الشارع وتعدى الطريق وتمشى يمين متدخليش فى اى شارع جانبى فهمانى وبعد كده هتلاقى سوبر ماركت اسمه اولاد عمر هو الشارع ده هتمشى فيه بعد دارى على طول هتلاقى المحل اللى بقولك عليه وانا كنت هناك امبارح سألته على مشايات للمطبخ وجميله ماشاء الله قالى ب 27 جنيه اللى فيها شعر ب 40 جنيه وكان فى واحده طويله كانت 2م*160 قالى تعمل 165 جنيه والصغيره بتاعتها 160*60 تقريبا تعمل 70 جنيه عنده حاجات لذيذه اوى




ميراميه حمدلله على السلامه يا ميرا انا كمان والله يا بنتى خطوبتى كانت بتتفركش من قريب والبنات هنا حضروا اللى انا كنت فيه بس الحمد لله عدت على خير وان شاء الله انتى كمان كل امورك تتظبط بصى بالنسبه للفرح حلو اوى الفكره دى ولو هتسهروا بره هيبقى فى باخره عندك بواخر على النيل حلوه اوى نيل سيتى والدهبيه والحاجات دى كلها ممكن تجيبى الرقم من الدليل وتسأليهم الحجز بكام




مرموره حااااااااااااااااضر هعقل مع انى والله مكنتش غلطانه بس عنيا حاضر والله يبارك فيكى


مونى على فكره الفستان ده عاجبنى مووووت لما شوفته على المنتدى التانى بقاله فتره عندى وفعلا شيك وسعره مش غالى ربنا يهنيكى


ساسووووووووووووووو انتى فين يا بنتى اختفيتى امبارح فجأه كده ليه قلقتينى عليكى


رشا كوكى وحشانى يا قمر والله


مشموشه حلو اوى ماشاء الله الطقم بتاعك ممكن تقوليلى الطقم بتاع الجيلى بكام ؟؟


سؤال يا بنااات اجيب جواكت جلد ولا شمواه انهى الاقيم ؟؟
b
banana z3lana
عروس مبدعة
12-01-2011 | 11:56 AM
miss_mony2;14193591:


دينا ((بنانه زعلانة)) وحشاني موووووووووت يا قمر




و انتي كمان و الله
انا مكنتش بدخل خالص
اصل الحاله كل شويه عماله تتشحور
قلت اعد ساكته احسن ما اطق
بس الحمد لله كل شويه بيدوني امل في الحياه صحيح بياخدوه تاني بس مش مهم
اهو انا اليومين دول معايا امل لما اغيب اعرفي انهم خدوا امل و ادوني صابر;)

lasposadelnilo;14193929:
بصي يا قمر انا جبت الاجهزه كالتالي
تلاجه سامسونج 15.6 قدم وكان عامله 2300 وطبعا كوري تقفيل بلد تانيه كده بس هي كلها مستورده مبيتعملش فيها اي حاجه هنا
وغساله وايت بوينت بضمان العبد فول اوتوماتيك كانت عامله 2200
وبوتاجاز تكنو جاز خمسه شغله 50 في 80 وده كان ب 1600 تقريبا
الاسعار دي كلها في شهر 7
التلاجات الاحسن وايت ويل بس غاليه
عشان كده عندك ال lg والسامسونج الاتنين كوري ونضاف اوي
وماماتي جابت ال lg 18 قدم قبل رمضان بيوم ب 2900 وبقالها معانا من رمضان وماشاء الله تحفه بجد وهخلي اختى الاصغر منى تتكول وتجيب lg
الفرق برضه بيم lg وسمسونج ان lg موجود ليها توكيل هنا بتاعها في المعادي لكن سامسونج ف منصور شيفورليه هوا اللي واخد التوكيل وربنا يستر بس عموما هي كل الكلام عنها كويس وانها كوري بس طبعا مجربتهاش لسه عشان هتجوز لسه في الصيف ان شاء الله
والبوتاجاز ماما عندا تكنو جاز من 12 سنه وزي الفل والببنات هنا شكروا فيه
الغساله خفت من بتاعه ايديال زانوسي عشان بقت ضمان اولمبك مش العبد فجبت وايت بوينت
ورجعت بعدها قلت يارتني جبت غساله lg برضه هي حلوه وفي منها السيلفر وتبقى هي والتلاجه زي بعض
واي استفستار انا تحت النظر يا قمر



ربنا يخليكي ليا يا مظبطاني
عامله ايه
وحشاني يا عروستنا الايطالي
ربنا يا سيتي يخلص تارك من حماكي و حمايا في نفس ذات الوقت



miss_mony2;14194012:
فساتين الزفاف





رقم(3)






رقم(4)






وده اللي هلبسه في الحنه ان شاء الله بس بردوا هفصله







رقم(3)







ولو فيه احلي ممكن تعرضولي صور الله يخليكم الموضوع ده جه فجأة وزنقني اوووووووووي عمركم شوفتوا عروسة تجهز في فستانها قبل الفرح ب 9 اشهر ههههههههه خير يمكن يارب يكون قبل كده ادعولي ربنا يتمم لي علي خير يارب




انا سبتلك ارقام الحاجات اللي عجبتني
بس صور مش عندي حاجه علي الجهاز



hoba bodyyy;14194197:








اهين ثم اهين ثم اهين ثم اه علي هذا الفستان
حلو اوي


بنات الا صحيح هيا كلاسيك و نانو منزلوش صور فساتينهم اللي عملوها عند الراجل ؟؟؟



kitty_kity;14195459:
ازيكم يابنات

kitty_kity;14195459:


عاملين ايه


كيتي زميلة الكفاح وحشاني اوي
و علشان مش هتعرفيني علشان انا غيرت اسمي انا عاشقه الرحمن دينا




بيريتان;14197452:
مساء الخير يابنات انتـــــــــــــــــــــــــــو :thumbs_up:


بيريتان;14197452:




- هو المفروض اجيب طاقم صوانى التقديم للنيش و كم للمطبخ؟




- هل الستائر اللى فوق سرير غرفة النوم "التاج"موضة ولا ايه؟؟





- وانا عايزة اعمل سراير غرفة الاطفال لونها موف يبقى اعمل لون الحائط باى لون !!!




السؤال الاول لا اعلم
السؤال التاني انا مش بحبها غير للكلاسيك اوي و تبقي سيمبل
السؤال الثالث اعملي الحيطه اوف وايت او موف فاتح جدا او ابيض و ممكن تدخلي معاهم موف غامق في حيطه واحده
و الله اعلم


وزه وزتي وزوزتي
زهره نورما زهرتي زهورتي
علشان القافيه حكمت
الف مبروك عليكوا يا بنات
و لو حد تاني حدد اي حاجه مبروك عليه اصل انا مش قريت كل اللي فاتني


b
banana z3lana
عروس مبدعة
12-01-2011 | 12:05 PM
عسولة عمرو;14197827:
F:وحــــــــــــــــــــشـــــــــــــــــــــــــتونىF:
بتدعولى ولا لا ياوحشين نفسى ارغى معاكوا زى الاول كلها 10 ايام وارجعلكوا

و انتي كمان وحشانا قوي
طبعا بندعيلك
يلا ذكري علشان تيجي تنورينا تاني


Love You 7abibi;14197889:
ممكن يا بنات تردوا عليا في الديكور محتاجة رأيكوا
أجيب كام ملاية لللاوضة الاضافية؟


لو انتي هتحطي فيها سريرين اطفال و مش هتستعملوها دلوقتي غير لو حد جه بات عندكوا يعني
ممكن تجيبي لكل سرير طقمين مثلا او 3

Bride to Be 2;14198601:

بنانا زعلانه تقريبا كانت بتسأل علي المطابخ الي في غمره حلوه و بتبدأ من 500 ل 1000 حسب ما بتختاري و الخشب القوايم زان و الباقي كونتر و في كل الموديلات و لو عايزه حاجه معينه يعملهالك انا عملته عند حسن مراد





هما قالولي امبارح الزان بيبدأ من 600 او 650 او 700 حسب الجوده
و ده للمتر الطولي يعني 700 للمتر اللي قوف و 700 للمتر اللي تحت
هوا ده نفس حسابك؟
و حسن مراد ده غير مراد؟؟؟؟
و لو ممكن تقوليلي المطبخ كلو اتكلف كام للكام متر و في فصال و لا لا ؟؟؟


flower20009;14198602:
ازيكو وحشتونى اوووووووووووووووووووووووووووووى
بصوا يابنات انا عامله العقد دا لصحبتى هى قالتلى اعملى على زوقك الونين دول
فقولولى رايكو بصراحه اوكى





وحشتينا يا فلور فين ايامك تقاريرك الجامده
انا عاشقه الرحمن دينا سابقاً

دودو1;14198764:


بنات عايزة اعرف ايه احسن نوع غساله وبوتجاز ؟؟؟



اضم صوتي لصوتك
بس اقري من كام صفحه كده في كذا بنوته ردت عليا في نفس السؤال
يمكن تستفادي

[/CENTER]
ع
عسولة عمرو
عروس مبدعة
12-01-2011 | 12:05 PM
ايه ياعيااااااااااااااال انتوا نسيتونى ولا ايه مدش خالص رد على مشاركتى !!!!!!!!!!!
اجيب كام رووووووب شتوى؟؟
b
banana z3lana
عروس مبدعة
12-01-2011 | 12:08 PM
عسولة عمرو;14201813:
ايه ياعيااااااااااااااال انتوا نسيتونى ولا ايه مدش خالص رد على مشاركتى !!!!!!!!!!!
اجيب كام رووووووب شتوى؟؟


يا بنتي روب ايه بس روحي ذاكري

2 كفايه
3 كتير

hopes وحشاني
ز
زهرة نورما
عروس مشرقة
12-01-2011 | 12:14 PM
صباح الخيرات يا بنات يا قمرات يا منورات

ساااااااسو حبيبه قلبى وحشتينى يا موزة والله يبارك فيكى وعقبااااالك وبعيد عن الغصب والاقتدار دة انتى تنورى يا موزتى
هوباااااا اين انتى اليووووووووم والا انا اللى جاية بدرى
زهورة ميرسى بسكى يا حبى وعقباللك
بت يا مرمورةةة عقبالك يااااااارب واشوفك عروسة حلوة كدة








بيريتان;14197452:
مساء الخير يابنات انتـــــــــــــــــــــــــــو :thumbs_up:




- هو المفروض اجيب طاقم صوانى التقديم للنيش و كم للمطبخ؟


- هل الستائر اللى فوق سرير غرفة النوم "التاج"موضة ولا ايه؟؟



- وانا عايزة اعمل سراير غرفة الاطفال لونها موف يبقى اعمل لون الحائط باى لون !!!


هاتى 2 للنيش واحدة وسط وواحدة كبيرة قيمين اووى
وللمطبخ هاتى واحدة صغيرة استنلس وواحدة كبيرة استنلس وهاتى واحدة وسط بلاستيك شيك او الحاجات اللى طالعة دى
باقى الاسئلة مش عارفة بقى
.. Hopes;14197585:
انا لسه مخلصه الموال ده من 10 ايام تقريبا
بصوا يابنانيت

هما بياخدو 55 جنيه للتحاليل ليكي وليه .. يعني 110
واللي بيتعمل صورة دم اللي هي بتاعة نسبة الهيموجولوبين وعدد كرات الدم الحمرا وكده .. عشان الانيميا يعني .. وبيعملوا كمان تحليل سكر وRH
بس كده وهي عينة دم واحده
بعد كده بتدفعوا 80 جنيه لكل فرد (قال يعني دكتور هيكشف عليكو بجد بقا) وبتدخلوا لدكتور يسألكم شوية اسئلة انتو قرايب في امراض وراثيه في العيله طولك كام ووزنك كام وبس كده
وفي الاخر بتروحي لدكتور تالت هيقعد يقول شوية رغي مالهوش لزمة كده وان ايام التبويض بتبقي من كذا لكذا والمفروض متمنعوش حمل في اول الجواز وألف مبروك ويختملكوا الشهادات ويديهالكوا


امممم انا مخدوش منى كل دة انا خدوا منى 80 بس انتى اول واحدة اشوفها تدفع 55 زيادة
والاجرائات تقريبا واحدة
عسولة عمرو;14197827:
F:وحــــــــــــــــــــشـــــــــــــــــــــــــتونىF:
بتدعولى ولا لا ياوحشين نفسى ارغى معاكوا زى الاول كلها 10 ايام وارجعلكوا

نفسى اعرف اخباركوا واحده واحده بس المذاكره بقى وجبروتها:mad::mad:
اجيب كام روب شتوى؟؟؟؟؟؟؟


عسلاااااايه وحشتينى وحشتينى شدى حيلك وخلصى وارجعى بقى وبالتوفيق ان شاء الله
وممكن واحد وممكن تجيبى الكويس 2 ومتجبيش اكتر من كدة



Bride to Be 2;14198986:
القوالب السيليكون عند ابو النيل ب حاجه و تلاتين




طيب يا هوبس طمنتيني :) بس ايه لزمتها بقي اصلا عشان ياخدوا فلوس و خلاص , سؤال بقي هي بتتعمل في اي مستشفي حكومي و لا في مستشفيات معينه؟





و سؤال كمان هو تموين البيت و اللحوم و الدواجن و الكلام ده مين بيجيبه العروسه و لا العريس و لا الاتنين , انا سمعت انه علي العروسه





لازم جهة حكومية علشان ختم النسر
مستشفيات او عيادات بتاعة تنظيم الاسرة دى لو عارفاها



تموين البيت عندنا وعند كل الناس اللى عرفتهم فى حياتى بصراحة على العروووووووووسة زوقيا منه او من اهلة لو عايزين يجيبوا حاجة دة بيته وبيت ابنهم يعنى بس هو على العروسة ومتستهونيش بيه مكلف وعايز ميزانية خااااااصة



meramia;14199725:
السلام عليكم ورحمه الله وبركاته

meramia;14199725:



إزيكم يابنات
وحشتوني قوييي قوي
أخباركم إيه
يارب تكونوا كلكم بخير يااارب





حبيبتى انتى كمان وحشتينا اوووى
بصى بالنسبة للفرح حلو اوى موضوع الجنينة وانتى وشطارتك من تظبطيه يبقى احلى من اى مكان اوبن اير ويا سلام بقى لو فيه شجر وبتاع ممكن تحطى فى الشجر فروع اللمبات اللى بينور ويطفى دة طيب والله انتى ممكن تبدعى فيه
وبخصوص السهرة انتى ممككن لو اعدادكو قليلة تحجزى فى باخرة نضيفة عندك نايل فيرو
او السرايا
وممكن تحجزى ترابيزة عشاء فى اى اوتيل فايف ستارز وتنزل وجبات وسوفت درينك تكونى مختاراه من قبلها ودافعة فلوسة كمان ومظبطة معاهم دة ينزل امتى ودة ينزل امتى وكدة وربنا يتمملك كل حاجة احسن ما انتى عايزة


MshMosha;14199848:
[BACKGROUND="70 #339999"]
يابنات ممكن تقولولي انهي نوع برفانات من دول احسن( جيورداني جولد الدهبي ولا الفضي) وايه رايكم لو تستخدم يوم الفرح..بعد ما نروح يعني..ولا مش حلوة ؟؟؟ ونستخدمها هي ولا سليبر
انا بصراحة بحب سليبر بس مجربتش جيورادني ابداا
قولولي بقي علشان نازلة بكرة اشتري حاجات من اورفيلام..حد عايزني اسألو علي حاجة

[/BACKGROUND]


لو بتحبى البرفانات التقيلة هاتى الجولد هو مدى على برفانات خليجى بس اهدا منهم شوية
لو بتحبى الهادى يبقى هاتى الوايت
انا عن نفسى بميل للجولد لانى بحب البرفانات التقيلة
اما بخصوص الفرح حطى حاجة ثابتة وتكون مميزة وياريت هو اللى يختارلك تحطى اية سيبى زوقها لية هو يعنى ساعتها


مشمشة تامر;14199888:
حبيباتي القمرات انا مفتقداكم جدا جدا و مش عارفة اعيش من غيركم بس هانت فات الكتير ما بقى إلا القليل هخلص يوم 26/1/2011 ان شاء الله :'(


مشمشة تامر;14199888:




بصوا بقى يا قمرات انا دلواتى عندنا غسالة هاف اوتوماتيك توشيبا العربي 7 ك بقالها بتاع 6 سنين بس بقالها فترة كل ما اغسل و اعصر العصارة تطلع لون اصفر في الهدوم دة من اية دة يا قمرات ؟؟؟

ثانيا سؤال


ايه احسن انواع الكريستلات للكاسات و الفازات و البونبونيرات بس غير البوهيمي انا عرفاه البوهيمي في احسن منه جودة ؟؟؟؟؟؟؟؟؟؟؟؟؟




بتاع تصليح الغسالات يقولك بس هى شكلها كدة حاجة ليها علاقة بالصدأ والله اعلم


اما انواع الكريستالات فطبعا اقوى حاجة البوهيمى بس بالله عليكى الاصلى لان فيه ناس معتقدة البوهيمى رخيص لمجرد انه فيه منه تقليد لكن البوهيمى الاصلى لسه شايفة بونبونيرة عجبتنى اووى كدة عاملة 900 تقريبا وحجمها مش كبير
والملون فيه اغلى من السادة


ع
عسولة عمرو
عروس مبدعة
12-01-2011 | 12:14 PM
ربنا يخليكى يابنانه انا طبعا ما بسألش عن الرووووووب دا سؤال مخالفه هو ده وقته بس انا زعلت لما لقيت محدش عبرنى كده
اجيب بردو كام رووب؟؟؟ ههههههههه
b
banana z3lana
عروس مبدعة
12-01-2011 | 12:29 PM
MARMORA_A;14198833:


بنانة زعلانة
الرابط دى هيفيدك ياجومر
http://forums.3roos.com/showthread.php?p=14166185#post14166185


اولا انا موت من الضحك علي جومر دي
و اللينك تحفه
بس الراجل مرضيش يخليني اقيمك
قالي هوا كلو مرموره مرموره معندكيش غير مرموره طيب مفيش تقييم

meramia;14199725:
السلام عليكم ورحمه الله وبركاته

معرفش بقي إذاكان فيه حد سأل عليا ولا لأ
أجيب كام شوز وكام شنطه

ميرا وحشتيني اوي
انا كمان كنت متوقفه عن الحياه و مكنتش بدخل

جيبي الالوان الاساسيه
اسود و بني و ابيض و بيج و جينز او كحلي
و ممكن رمادي
و لون تاني او اتنين دلع بقي و طرقعة

meramia;14200225:
بس الحاجه المشتركه فيهم
كانت العياط ثم العياط ثم العياط

والخروجه طبعا مش هعرف أجي


هو فيه ساعات أورجينال زي سيكو و كاسيو و أورينت ب 200 و 300 جنيه
ولا دول تقليد
أنا عمري ماجبت بالأسعار دي
دايما مفيش أقل من 500
وده أقل سعر



العياط ده شئ مشترك عندنا جميعا
هدي نفسك كده و استعيني بالله

ايه ده في خروجه و محدش يقولي
مين رايح فين امتي
بلييز خدوني معكم

هوا في سعات سايكو في العتبة ب 200 و 250 و كاسيو
بس مش عارفه دول اصلي و لا ايه
*
** مودة **
عروس متألقة
12-01-2011 | 12:31 PM
F:السلام عليكم ورحمة الله وبركاتهF:

صباح الورد F::083:
احدثكم من بيتنا الكائن في اول الهرم عند نصر الدين :D:D:D


عسولة عمرو F:
ومريمية F:
وبنانا F:
ومشمشة تامرF:

منورين والنور غِلِي :D:D:L:

عسولة عمرو والله ربنا يعلم بدعي لك على طول عشان عارفه ان عندك امتحانات انت ومشمشة تامر والبنات كلهم:L:F:



مريمية
حمد الله ع السلامةF: وأنا زعلت منك لما قلت إنك ضيعتي رقمي
كده خلاص يامعلم جيم اوفر :clock::cool:


مشموشة
شكرا لردك ياقمرF:
وبرفان جيورداني الفضي خفيف ولايت عن الدهبي تقيل شوية .


ساسو F:
أنا عارفه البتاع بتاعة البسكويت
(( مش عارفه اسمها ايه :D ))
المهم انا عارفه اللي انت تقصديها الستانلس اللي عامله زى الطلمبة لازم تستخدمي ايدك الاتنين عشان تنزلي البسكوت دي عندي منها اتنين :thumbs_down:
إنما اللي مشموشة منزله صورتها دي بلاستيك وبتشتغل أسهل بضغطة زِر واحدة
حلوة زر دي :lol::lol::lol:




Bride to Be 2;14198601:
سؤال : هو اللانجيري بيتكوي و لا ايه و اكويه بالبخار و لا بفودره و لا ايه؟ , و كمان اكيد مش حلبس الاندرات و البراهات من غير ما اغسلها اغسلها امتي بقي لاني غالبا حسافر تاني يوم الفرح اغسلها ف بيتنا هنا قبل ما اوديها شقتي و لا اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



اغسليها عندك في بيت والدك بشاور جيل واشطفيها كويس وبعدين حطيها تاني في الأكياس ولا من شاف ولا من دري :cool:
وبرافو عليكِ انك من أنصار الغسيل بجد :thumbs_up::thumbs_up::thumbs_up::thumbs_up:
عشان الموضوع ده اتكلمنا فيه ياما ،، جدعة يا برايد:thumbs_up::L:F:




.. Hopes;14198779:
هههههههههههههههههههههههههههه
علي فكرة ياقمر غالبا نتايج التحاليل دي بتبقي مضروبة
احنا عندنا صيدليه وانا كنت بقف فيها كتييير ومامتي وبابتي صيادله اصلا وبعرف اقرا التحاليل والحاجات دي
لما اخدنا النتايج انا وخطيبي ببص فيها لقيتها عك جداااا
انا كنت عامله قبلها علطول تحليل دم وRH وطلع الهيموجلوبين عندي الحمدلله 13 وشوية والRH طالع سالب
لقيت في نتيجة التحليل بتاعي الRH موجب ونسبة الهيموجلوبين 12 .. ببص في النتيجه بتاعة خطيبي لقيت الارقام هي هي:lol:
واصلا مش فاهمه ليه بيعملوا للرجالة RH !!!
الRh ده اصلا عبارة عن حاجه في فصيلة دم الأم لو هي سالب والجنين موجب ممكن يحصل اجهاض .. يعملوا للراجل RH ليه بقا !!! لا تعليق يعني

فنصيحتي ليكي ياقمر متاخديش علي الكلام اللي في النتايج بتاعة الشهاده دي
ده غير اصلا اصلا انهم مش هيدوكي النتايج هههههههههههههههههههههه
هو انتي بس هتروحي تاخديها من المعمل توديها مكتب راغبي الزواج وهياخدوها منك ومش هتشوفيها تاني ابدا :lol:
بيعملوا للاب ار اتش لانه لو سالب يبقى الطفل هيبقى سالب والام مش هتحتاج الحقنة
لانه الطفل لو ابوه او امه موجب يبقى موجب
لو الاتنين سالب هيبقى سالب





د.نورا;14199763:
تعليقا بس ياهوبس ياحبيبتي على حكاية هما بيعملوا rh للراجل ليه
دا عشان لو الام طلعت سالب وزوجها موجب -- فاحتمالية اصابة الجنين بمشاكل بتبقى موجودة انما لو الزوج طلع سالب زي زوجته فمفيش اي مشاكل هتحصل خااااااااااالص ;)




ياهوبز ود نورا
أنا تهت منكم خالص في الموضوع ده
مش فاهمة أى حاجة بصراحة :-#:-#:-#



Bride to Be 2;14198986:




و سؤال كمان هو تموين البيت و اللحوم و الدواجن و الكلام ده مين بيجيبه العروسه و لا العريس و لا الاتنين , انا سمعت انه علي العروسه




المفروض انه ع العريس لانه الراجل8o|8o|8o|
انما لو كان كده ومش هيشتري حاجة يبقى القسمة بالعدل 8o|8o|8o|
ده لوحده ممكن يكلف بتاع خمسميت جنيه يالهوي:hysterical::hysterical::hysterical:



مشمشة تامر;14199888:

بصوا بقى يا قمرات انا دلواتى عندنا غسالة هاف اوتوماتيك توشيبا العربي 7 ك بقالها بتاع 6 سنين بس بقالها فترة كل ما اغسل و اعصر العصارة تطلع لون اصفر في الهدوم دة من اية دة يا قمرات ؟؟؟


اوعي تكون العصارة صدت من جوة;) ؟؟؟؟؟



مش هغيب راجعة تاني أمر عليكم
كل واحد يبص ف ورقته :study:
s
saso_m
عروس مبدعة
12-01-2011 | 12:31 PM
صباح النور وحشتونى ياحلوين

فينك ياتيامو مش باينة ليه ياموززززة
ومريمية ازيك ياحبيبتى وحشتينى


MARMORA_A;14195635:


[COLOR=black]ساسو
بت ياهبلة انتى;)
بتقلع الفستان فى الحمام:lol::lol::lol::lol: طيب ازاى هههههههههههههههههههههههههههههههههه افرض الحمام ضيق مثلا ودى فى معظم شقق اليومين دول هههههه


ههههههههههههه انا معرفش يامووزززززززززة
اصل انا متجوزتش قبل كده بس حاسة انى لو اتكسفت
هاجرى ع الحمام مع ان حمامى مفيش اصغر منه
يا اما ازقه بره الاوضة واقفل على نفسي الباب
ع العموم ياناصحة قوليلى بقى انتى هتعملى
ايييييييييييييييييييييه


سؤال على ماقسم
اجيب اطباق استاليس ولا لا انا مش حباهم خاااالص:(
انا عارفة انكم هتستغربوا

[/COLOR]



انا مش عارفة هى ماما جابتلى
طبقين استانلس وانا برضه مش حاباهم
لو للتسخين هاتيلك طاسة تيفال صغيرة
خليها للتسخين





MshMosha;14195939:
[BACKGROUND="70 #339999"]
ااااه يابنات انا مخنوووووووووووقة اوووووووووووي....حاسة اني قرفااااااااانة جداااا
وغالبا بعد الحالة دي بتحصلي حاجة مش حلووةةة...وقلب المؤمن دليلو..وربنا يسترر

لا ربنا يستر وان شاء الله خير


وكمان عايزة المكان اللي بيبع التحف او الفازات؟؟ مش فاكرة انتو قالتو حارة اليهود ولا درب البرابرة
[/BACKGROUND]






حارة اليهود هوصفهالك انتى تدخلى
الموسكى التانى وتمشى لحد ما تلاقى
راجل بتاع عصير ع اليمين تدخلى المدخل
الى ادامه ع الشمال هى دى حارة اليهود
واحسن المحلات مول محمد رشدى فى
اولها وبعده على نفس الصف صفوت تريدنج



مشمشة.;14196619:
بناااااااااااااااات عايزة اشترى شواااااااااااااااااااااية اجيبه بوتجاز ولا كهرباء


هاتى الى بتتحط ع البوتجاز
انا عندى الكهربا وندمانة حاسة
انها هتبقى مكلفة اووووى
وخصوصا انى بحب المشوى

فرد تشـــــــــــــــــــــى محدش جربة




انا برضه عمالة ادور فى المنتدى
التانى عن حد جربه
وزهرة برية سعيدة كلمت مدام
حنان خبيرة التشى بس حسيت
انه غالى اووووووى
وبرضه بفكر فى الكيراتين وراسلت الشركة
وبعتتلى ارقام المستوردين وكلمت واحد
لو عايزة التفاصيل اقولهالك


بنات هى موكواة فليبس اللى عليها العرض فى سبينس نوعها حلو ولا اية






احنا عندنا المكواه من زماااااااااان
وحلوة اوووووى بس معرفش بيقولو
دلوقتى انها صينى






بيريتان;14197452:
مساء الخير يابنات انتـــــــــــــــــــــــــــو :thumbs_up:




- هو المفروض اجيب طاقم صوانى التقديم للنيش و كم للمطبخ؟


طقم استيل للنيش وللمطبخ ممكن تجيبى
طقم او فرادنى
وكمان لازم صنية كبيرة للعشاء



- هل الستائر اللى فوق سرير غرفة النوم "التاج"موضة ولا ايه؟؟


هو مش موضة بس شكله رقيق
بس عارفة ايه مشكلته بيلم
تراااااااااااااب كتير



- وانا عايزة اعمل سراير غرفة الاطفال لونها موف يبقى اعمل لون الحائط باى لون !!!







انا مش فاهمة يعنى انتى
عايزة خشب السرير نفسه ابيض
فى موف مثلا
طب انتى ممكن تعملى الاوضة

على شكل موجة موف فى روز
او موف فى اصفر







عسولة عمرو;14197827:
F:وحــــــــــــــــــــشـــــــــــــــــــــــــتونىF:
بتدعولى ولا لا ياوحشين نفسى ارغى معاكوا زى الاول كلها 10 ايام وارجعلكوا

نفسى اعرف اخباركوا واحده واحده بس المذاكره بقى وجبروتها:mad::mad:
اجيب كام روب شتوى؟؟؟؟؟؟؟




انتى كمان وحشتينا موووووووووووووت
ربنا يوفقك فى الامتحانات وتعدى على خير

وروب واحد كفاية



Bride to Be 2;14198601:



سؤال : هو اللانجيري بيتكوي و لا ايه و اكويه بالبخار و لا بفودره و لا ايه؟ , و كمان اكيد مش حلبس الاندرات و البراهات من غير ما اغسلها اغسلها امتي بقي لاني غالبا حسافر تاني يوم الفرح اغسلها ف بيتنا هنا قبل ما اوديها شقتي و لا اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



اللانجيري بيتكوى عارفة عندنا فى
مكواه فليبس العادية درجة
اقل من الواحد مكتوب عليها
ستان وشيفون
دى ماما قالتلى يوم الفرش
هنكوى بيها اللانجيرى
h
hoba bodyyy
عروس رائعة
12-01-2011 | 12:40 PM
عسولة عمرو;14201873:
ربنا يخليكى يابنانه انا طبعا ما بسألش عن الرووووووب دا سؤال مخالفه هو ده وقته بس انا زعلت لما لقيت محدش عبرنى كده
اجيب بردو كام رووب؟؟؟ ههههههههه
















عسوله وحشتينا والله يا قمر ربنا يعينك ويقويكى على الامتحانات انا لما كتبت مشاركتىمأخدتش بالى انتى عارفه الواحد على الصبح بيبقى لسه نايم هههههههههه وروحى ذاكرى يالا يا بنوته F:

زهورتى حبيبه قلبى كوووووووووكى انا هنا وسألت عليكى والله لما جيت الصبح وقولت انك وحشانى كمان ههههههههههه انتى يا حبيبتى قوليلى عامله ايه ولو محتاجه حاجه قوليلى وانا انزل انا وسوسو ننزل معاكى والله ربنايهديلك الحال يا حبيبتى



بنانا زعلانه هههههههههه والله انا كمان عاجبننى اوى وقولت لماما افصله قالتلى حرام عليكى تكلفى فستان مش هتلبسيه غير مره انتى اولى بالفلوس ولسه محتاره والله


سؤال يا بنااات اجيب جواكت جلد ولا شمواه انهى الاقيم ؟؟
s
saso_m
عروس مبدعة
12-01-2011 | 01:17 PM
زهرة نورما
ياسكر
انا طبعا شبطت وممكن اجى فرحك
عشان اشوفك ياعروسة




flower20009;14198602:
ازيكو وحشتونى اوووووووووووووووووووووووووووووى

بصوا يابنات انا عامله العقد دا لصحبتى هى قالتلى اعملى على زوقك الونين دول
فقولولى رايكو بصراحه اوكى


ماشاء الله رقيق اووووى تسلم ايدك

ها؟؟


وعشان المخالفه اجيب كام بشكير ؟؟هههههههههههههههه



2 وكفاية اووووى انتى اكيد عندك طقم البرنس







Bride to Be 2;14198986:

و سؤال كمان هو تموين البيت و اللحوم و الدواجن و الكلام ده مين بيجيبه العروسه و لا العريس و لا الاتنين , انا سمعت انه علي العروسه





الحاجات دى على العروسة بس انا خطيبى
قالى انه هيزود برضه مجمدات والحاجات الجاهزة
الى بتبقى فى الفريزر زى البرجر والشاورما
بس الجبن بقى والعصاير والشكولاته
والجاتوه على العريس اصلا



meramia;14199725:
السلام عليكم ورحمه الله وبركاته

إزيكم يابنات
وحشتوني قوييي قوي
أخباركم إيه
يارب تكونوا كلكم بخير يااارب
معرفش بقي إذاكان فيه حد سأل عليا ولا لأ

انا والله من غير ما اعرف انك شاركتى
سالت عليكى والله بجد وحشانى
اوووووووووووووووووووووووووى

أجيب كام شوز وكام شنطه



على حسب لبسك بس 4 شوزات و4 شنط
معقول لو مش هتشتغلى
بالنسبة بقى لموضوع الفرح فى الجنينة حلو
اوووى وانا صاحبتى يوم فرحها راحت سهرت
فى باخرة اسمها الفرعونية والفرد كان ب 150
بس العشاء والبروجرام كان حلو واحتفلو بيهم
فيه باخرة كمان فى قصر النيل اسمها تقريبا
نايل كريستال مش فاكرة اووووى
بنت خالتى سهرت فيها وخلوهم غنوا لبعض وقدمولهم تورتاية صغيرة


MshMosha;14199848:
[BACKGROUND="70 #339999"]
يابنات ممكن تقولولي انهي نوع برفانات من دول احسن( جيورداني جولد الدهبي ولا الفضي) وايه رايكم لو تستخدم يوم الفرح..بعد ما نروح يعني..ولا مش حلوة ؟؟؟ ونستخدمها هي ولا سليبر

السليبر الصراحة هادية اوووى حاساه متنفعش
لاول يوم انتى عايزة حاجة كده مثيرة وقوية نوعا ما
خليكى فى جيوردانى جولد او رير جولد وسوريال من افون
انا عن نفسي مقررة سوريال تحفة اخر 3 حاجات



انا بصراحة بحب سليبر بس مجربتش جيورادني ابداا
قولولي بقي علشان نازلة بكرة اشتري حاجات من اورفيلام..حد عايزني اسألو علي حاجة

[/BACKGROUND]



انا شفت الحاجات دى عند الراجل
الى انتى وصفتيه بالصدفة وانا ماشية
وعجبتنى اووووى ربنا يهنيكى بيهم وكالعادة معرفتش اقيمك الراجل بتاع الميزان قالى
فوت علينا بكره
ويارب ياحبيبتى ربنا يحققلك الى بتتمنيه
ويتقبل دعوتك الى فى التوقيع هبص
عليها وادعيلك زيها بالظبط

hoba bodyyy;14201384:


ساسووووووووووووووو انتى فين يا بنتى اختفيتى امبارح فجأه كده ليه قلقتينى عليكى

معلشى ياحبيبة قلبى بس حوده فأجانى وجه خدنى بالعربية وتحت الشغل عندى مفيش ركنة خاااااااااااالص
وهو بيتخنق من الزحمة لدرجة ان اغلب خروجتنا بتبقى كعابى

سؤال يا بنااات اجيب جواكت جلد ولا شمواه انهى الاقيم ؟؟




مش عارفة والله ياهبه الموضة ايه
بقالى كتير مجبتش لبس بس الشمواه
غلس فى تنضيفه كنت جايبة لحوده
جاكت بساله امبارح عليه
قالى ده بااااااظ خالص مع انى صرفت
اد تمنه مرتين عند الدراى كلين





** مودة **;14201985:
.



ساسو F:
أنا عارفه البتاع بتاعة البسكويت
(( مش عارفه اسمها ايه :D ))
المهم انا عارفه اللي انت تقصديها الستانلس اللي عامله زى الطلمبة لازم تستخدمي ايدك الاتنين عشان تنزلي البسكوت دي عندي منها اتنين :thumbs_down:
إنما اللي مشموشة منزله صورتها دي بلاستيك وبتشتغل أسهل بضغطة زِر واحدة
حلوة زر دي :lol::lol::lol:







اغسليها عندك في بيت والدك بشاور جيل واشطفيها كويس وبعدين حطيها تاني في الأكياس ولا من شاف ولا من دري :cool:
وبرافو عليكِ انك من أنصار الغسيل بجد :thumbs_up::thumbs_up::thumbs_up::thumbs_up:
عشان الموضوع ده اتكلمنا فيه ياما ،، جدعة يا برايد:thumbs_up::L:F:









مش هغيب راجعة تاني أمر عليكم
كل واحد يبص ف ورقته :study:




ههههههههههههههه
ايه يابت ياموده ياسكر انتى
امبارح كنتى وزيرة التعليم والنهارده
بتراقبى
انتى لازم تاذى العيال وخلاص
انتى عاملة ايه مع خطيبك يامووزززة
انا كده فهمت الفرق بين البتاعة دى
والاستانلس الى عندى
محمود جابهالى مع انى مش
شاطرة فى البسكويت والبيتى فور
مش عارفة هعمل بيها ايه
ممكن بقى اتعلم من النت
عشان هو حاطط امل كبير
عليا والا مكنش جابها
[/CENTER]
ب
بهانة
عروس نشيطة
12-01-2011 | 02:21 PM
زهورة..;14198982:


بنات محدش رد عليا هل فيه بوتاجازات فيه فرن من فوق ؟؟؟؟؟؟[/CENTER]


تقصدي البوتجاز اللي هو قطعتين منفصلتين و بيبقى زي اللي مع الشيفات كده في برامجهم
الفرن بيبقوا مشعلقينه فوق كده و عيون البوتجاز تحت

اه يا حبيبتي انا شوفته في كذا حته

و بيبيعوا كل جزء لوحده

و غالي شويتين تلاته عن سعر البوتجاز الطبيعي
تقريبا القطعتين ب 5 او اكتر







MshMosha;14197239:
[BACKGROUND="70 #339999"]








ودي للكريم كراميل..او الجيلي او اي حاجة برضو :D




وده طقم قهوة




[/BACKGROUND]


حاجتك شيك جدا
و بالذات طقم القهوه
انا حاسة بس ان بتاع الكريم كاراميل ده صغير شويه كان عايز حجمه يتضرب في تلاته
تتهني بيهم يا رب

meramia;14200225:

هو فيه ساعات أورجينال زي سيكو و كاسيو و أورينت ب 200 و 300 جنيه
ولا دول تقليد
أنا عمري ماجبت بالأسعار دي
دايما مفيش أقل من 500
وده أقل سعر



في كا سيو اكيد في التلتميات انا كنت جايباها و بقالها 4 عايزه بس يا دوب دلؤتي الحجر يتغير
و متهيئلي مرة شوفت اورينت ب 400 الا حاجه

و معظم اورينت في رينج الربعمياات خمسمياااات

بس انتي متخاطريش علشان ممكن يبيعوهالك بسعر الأصلي على انها اصلي

انتي روحي توكيل كل ماركة و اشتري منه
و اتأكدي من الضمااااااااااااااااان و لو لقدر الله في حالة الصيانه
هيعملوا ايه
هيبدلولك الحاجه فعلا و لا بيستهبلوا و يخلوكي تدفعي حاجه
زي سواتش مثلا
في الضمان بتدفعي فلوس

فكرة السهره حلوه
اسرتك الناس اللي فعلا تحبلك الخير حوليكي و شوية هيصه و خلاص
ربنا يوفقك
و عموما Le PACHA
في الجزيره تحفه بس يمكن غالية شويه العشاء فيها 200 وحاجه او 300 مش فاكرة بالظبط

بس تحفه


د.نورا;14199770:

هي ايه المكنسة البطة والبرميل دول ؟

البطه بتبقى عاملة زي البطه نايمه على الأرض و دي اللي منتشره اكتر و انا جبتها سانيو
البرميل بقى في رأيي احسن علشان بتقف كده زي البرميل فبتاخد مساحه اقل
المساحه الأقل دي بتبقى 30 سنتي مثلا ولا حاجه:lol:
بس هي مش منتشرة كتير
للأسف معنديش صور ليها



مشمشة تامر;14199888:


ثانيا سؤال

ايه احسن انواع الكريستلات للكاسات و الفازات و البونبونيرات بس غير البوهيمي انا عرفاه البوهيمي في احسن منه جودة ؟؟؟؟؟؟؟؟؟؟؟؟؟



كجودة او نقاء الكريستال احسن نوع في السوق البوهيمي و هو فعلا اغلاهم سعر على قد مانا شوفت يعني مرة طقم كاسات 6 قطع ب 980 لحلوح

كان تحفه اه بس يعني مش لدرجة ان الكاس الواحد يبقى ب 160 جنيه

كان موجود في محل استقبال اللي في جامعة الدول بالظبط قصاد شارع شهاب بس على الناحيه التانيه
و في فرع لإستقبال في سيتي ستارز

الفكرة مش في كده

الفكرة ان اشكال البوهيمي مش بتعجبني قوي رغم ان خامته اعلى كريستال
لكن بيعجبني نوع كريستال فرنسي انا شايفة موديلاته اشكالها تحفه و اسمه
crystal d'arques

وفي نوع تركي برضه موديلاتح حلوه قوي
اسمه
kcd

و اقل كريستال جودة و شكلة في نفس الوقت حلو هو ال
rcr

وده ايطالي

b
banana z3lana
عروس مبدعة
12-01-2011 | 02:30 PM
بنات ممكن سؤال لولبي

هوا انتوا لما بتحبوا تشتروا اجهزة كهربائيه
بتجيبوها منين

بي تك و لا سبينس و لا بتشوقوا التوكيل فين و بتروحوا و لا عمر افندي

انا مش عارفع الصراحه
و لا بتنزلوا عبد العزيز كده عند اي محل يجي قصادكوا تشتروا من هنا تلاجه و الراجل اللي بعده غساله و الشارع اللي قبل قبليهم عن الناصيه بوتجاز و لا ايه اللي بيحصل ؟؟؟

معلش هوا سؤال اهبل بس انا مش عارفه خصوصا اننا ممكن نقسط
فخايفه لان عبد العزيز بكمبيالات فمش عارفه الصراحه

افيدوني افادكم الله
h
hoba bodyyy
عروس رائعة
12-01-2011 | 02:47 PM
banana z3lana;14202726:
بنات ممكن سؤال لولبي

هوا انتوا لما بتحبوا تشتروا اجهزة كهربائيه
بتجيبوها منين

بي تك و لا سبينس و لا بتشوقوا التوكيل فين و بتروحوا و لا عمر افندي

انا مش عارفع الصراحه
و لا بتنزلوا عبد العزيز كده عند اي محل يجي قصادكوا تشتروا من هنا تلاجه و الراجل اللي بعده غساله و الشارع اللي قبل قبليهم عن الناصيه بوتجاز و لا ايه اللي بيحصل ؟؟؟

معلش هوا سؤال اهبل بس انا مش عارفه خصوصا اننا ممكن نقسط
فخايفه لان عبد العزيز بكمبيالات فمش عارفه الصراحه

افيدوني افادكم الله





































بصى يا بنانا يا قمر انا لما جيت اشترى الاجهزه بتاعتى نزلت التوكيل جبته منهم وهو كان محل فى عبد العزيز وانا كلمت كل شركه وتأكدت انه واخد التوكيل بتاعهم واشتريت كل الاجهزه من عنده وروحت اخدتها من المخزن وقبل ما يحملوها على العربيه طلبت انى اشوف كل حاجه لما جيت افتح التتلاجه الراجل قالى صعبه قولتله لو مشوفتهاش مش هاخدها وهرجعلكوا قام فاتحهالى كلها هو بس مكنش قادر يشيل العلبه ويحطها تانى لانها ليله والحمد لله الحاجه مفيهاش اى خدش بسيط والحمد لله

عند الدفع بقه بصى لو انتى او خطيبك معاكوا كريدت كارد ممكن تشتروا بيها انا خطيبى لما جيه يجيب الاجهزه معانا فيزا اصلا جاب الحاجه بيها والبنك بيخصم كل شهر على حسب الاتفاق ومكتبناش اى كمبياله لان المحل اخد الفلوس كامله اما لو معندكوش وهتدفعوا القسط متهيألى انهم بياخدوا حد كضامن لو اللى ببشترىمش معاه مرتب ثابت ولو معاه هتكتبى كمبياله حسب ما هتتفقوا تدفعوا قد ايه كل شهر وكل اما قسط بيخلص بتتقطع بس بصراحه انا بخاف من الموضوع ده لانه ممكن لا قدر الله يصورها وينصب عليككوا بس انا مش عارفه المفروض الاصل اللى بتدفعوا بيه ولا صوره الكمبياله لانه انا درسن انه المفروض كل اما واحده بتخلص يا بتقطعيها يا بتكتبى خالص يارب اكون افادتك

اه صحيح بالنسبه لكارفور وهايبر اسعارهم اغلى من العادى انا تلاجتى كان فى فرق حوالى 400 جنيه وانا اولى بيهم طبعا بحس انهم حراميه انا جبت من عندهم الميكروويف بس وسبينس وبى تك مش عارفه والله البنات يقولولك
غ
غلباوية صغننة
عروس متألقة
12-01-2011 | 02:53 PM
هو هايبر فعلاً غالي على فكرة مش رخيص نهاااااائي
سبينس اللي كل اللي أعرفهم - منهم عروسة - بتقولي أرخص ماركت كبير
بس مش جربنا منه حاجة
لسه فاتح جنبنا فلسه هنتشرف بيه
:D

مرمورة
إن شاء الله الفرح يبقى جميل
و ربنا يفرحك دايماً يا رب

مفيش عندي سؤال حالياً
و معرفش ليه دماغي مقفلة
للمخالفة
منين أجيب مفارش السفرة المودرن - اللي هي مش بتغطي كل الترابيزة ؟؟؟
كان ليها اسم غريب كده مش فاكرة
:D
ب
بهانة
عروس نشيطة
12-01-2011 | 02:54 PM
banana z3lana;14202726:
بنات ممكن سؤال لولبي

هوا انتوا لما بتحبوا تشتروا اجهزة كهربائيه
بتجيبوها منين

بي تك و لا سبينس و لا بتشوقوا التوكيل فين و بتروحوا و لا عمر افندي



مبلاش موضوع الكمبيالات ده

انا رأيي لو هتقسطي روحي الأماكن الكبيره و شوفي نظامهم ايه في التقسيط
كارفور, هايبر وان مثلا او سبينيس


رغم انهم بيغللوا
بي تك مثلا بيغللي حبتين

بس هما هيبقوا مضمونين في التقسيط اكتر

لكن لو هتشتري مره واحده يبقى احسن تشتري كل حاجه من توكيلها علشان الضماااااااااان

مش عايزه اقلقك بس مرة كنت في مركاتو و لقيت ست بتتخانق معاهم علشان اشترت حاجه براون و باظت على طول فالراجل بتاع مركاتو كان بيقولها انا منفذ بيع بس و روحي التوكيل

اعتقد ان الحاجه لما تكون من التوكيل بتبقى اضمن ضمانها و اعرفي منهم شروطهم ايه بالظبط

انا بخاف قوي من المحلات التياري اللي في عبدالعزيز علشان فكرة الفرز الأول و التاني اللي بيقولوا عليها دي

و موضوع الكمبيالات ده يقلق فتجنبية

انا عموما لسه مجبتش اجهزتي و ان شاء الله هجيبها قبل الفرح على طول و ان شاء الله ناوية اجيب كل حاجه من توكيلها و استخدمها على طول علشان الحق مدة الضمااااااااااان

و البنويت يفيدوكي برضو
s
soshe
عروس مبدعة
12-01-2011 | 03:01 PM
MshMosha;14199848:
[BACKGROUND="70 #339999"]
ميرسي ياعمري ..بصي يعني مش عارفة حاليا..لسه هفكرلو في فكرة..اصل انا مش بقتنع ان الحاجة لازم يكون ليها استخدام واحد بس..يعني مثلا الاطباق مش بس بناكل فيها..لألأ ممكن نكسرها او نرميها علي بعض :lol::lol:..بهزر طبعااااااااااا
اول ماتجيلي فكرة هقولك علي طوووووووووول
هو انتي Soshe اللي علي جروب بنات عرووس؟؟؟

ادعيلي بقي بالدعوة اللي في التوقيع زي ما وعدتي انك هتدعيلنا :L:

ربنا يخليكي ياقلبي مووووووووووووواه

[/BACKGROUND]
لا والله يا مشموشة بس نفسى أنضم للجروب فى الفيس بس مش عارفة بعت رسالة لسمسم مردتش وربنا ينجحلك خطيبك يارب

meramia;14200225:


حبيبتى عاملة أيه والله أنا معرفش حاجة على ألى بتسألى عليه بس السفينة الفرعونية دى حلوة أوى أختى راحتها فى كتب الكتاب بس غالية وية وكان فيها رقاصه خخخخخخخخخ:062::062::062::015::015::015:
[QUOTE=banana z3lana;14202726] يا بنات ضرورى لو سمحتو ليه الباديهات الكارينا عندى بتبهت على الهدوم وبتبوظها أنا عندى بدى بنى لما بعرق بيبهت على التنيك ألى فوقيه ومش عارفة أعمل أيه أشترى واحد تانى نوع أيه عشان ميبهتش جبت كارينا وفيجا والأتنين بيبهتوا بس البنى بس مش الأسود مش عارفة ليه
X