*miso*;14154980:
هوبز يا حبيبتي مبروك الحجز ربنا يتمم لك على خير و يسعدك يا حبيبة قلبي :L:
و إن شاء الله يطلع الفستان جميل عليكي
بما ان استايل فستانك عاجبني فغالبا ذوقك زي ذوقي :rolleyes:
قوليلي انتي لفيتي تدوري ع الفستان شوية قبل ما تحجزي بتاعك
يا ترى فين الاماكن اللي فيها الاستايل دا و رنجاتها كام ؟
و السؤال لكل البنات كمان
انا نزلت مدينة نصر عباس العقاد كلللله ونزلت النعام جنب البيت
بصراحه الحاجات في مدينة نصر معجبتنيش خااالص وأسعارها مأفوره
في النعام هنا في حاجات عجبتني نص نص - مش واو يعني وتحفه - بس كانت كلها جيبونة سلك وانا ضدها تماما عشان انا لخمه لوحدي :lol:
في فستان شوفته في اتيليه في النعام عجبني يعني نقدر نقول 80 % وكنت هاخده لو ينفع تتفك الجيبونه السلك وجيت ساعتها سألت البنات هنا وقالولي لو اتفكت واتركب جيبونة تل مش هيبقي مظبوط
noogy;14155028:
هوبس الفستان ما شاء الله جميل اوى
هو هييجي امتى ان شاء الله
وازاى دفعتوا بالكريدت كارد يعنى عملتوا واحدة مخصوص ولا كانت من الاول معاكم
اصل انا نفسي اعرف ازاى اشترى من على النت يعني ينفع اروح لشركة شحن ادفعلها وهى اللى تجيبهالى ولا ايه
وياترى فى فعلا فيزا مخصوص للشرا من على النت ولا ايه
ياريت يا بنات اللى تعرف تقول
اه صحيح يا هوبا يا قمر النادى اخباره ايه عجبك اصل انا ماروحتهوش غير مرتين وكان من كذا سنة
والاسعار اخبارها ايه
بصي هو الفستان متوقع ان شاء الله انه ييجي يوم 22 او 23 يناير .. بما اننا عاملين الكونفيرميشن بتاعة الدفع يوم 3 وهو بياخد 15 يوم تفصيل و4 شحن خاص
والكريدت كارد كان معانا من الاول يعني .. انتي بتدخلي علي موقع البنك بتاعك ومعاكي رقم الكريدت كارد بتاعك وبتطلبي تحويل مبلغ كذا لحساب فلان او الشركه الفلانيه يعني بعد ماتوصل بيبعتلك confirmation انها وصلت خلاص واحنا هنبتدي شغل
اعتقد انهم عندهم فكرة انك تدفعي لشركة الشحن دي او انك يكون عندك حساب في البنك من غير كريدت كارد وتروحي تعملي تحويل فلوس علي الحساب بتاعهم
النادي بقا ياستي هو يعني كويس نوعا ما .. زي مستوي قاعات دار المشاة (اللي انا بحسها اصلا مستهلكه اوي :lol:)
تعليقاتي بقا علي النادي عشان اللي تحب تحطه في خططها
هو النادي فيه 3 قاعات .. قاعتين تحت وقاعة فوق
القاعة اللي فوق احسنهم تقريبا من ناحية الاضاءة والارضيات معموله باركيه بس فيها عواميد في النص حوالي 4 عواميد او 6 مش فاكره للناس اللي مش بتحب العواميد في وسط القاعه
والقاعه مستطيله بابها في طرف ضلع كبير من المستطيل والكوشه جنب الباب
يعني باختصار في ركن هيبقي بعيييد ومش شايفه الكوشة
القاعتين اللي تحت شفت واحده منهم بس ودي اللي حجزتها الحمدلله
الارضيات معمولة رخام (مش وحش اوي يعني بس شكله مش جديد اوي برضو )
الحيطان زيها زي اللي فوق معمولة خشب ونضيفه الحمدلله
الاضاءه حلوة بس اللي فوق عجبتني اكتر في توزيع الاضاءة
القاعه مربعه تقريبا والترابيزات متقسمه علي ناحيتين يمين وشمال وفي ممر في النص ومفيهاش عواميد في نص القاعه
الملاحظ بقا في كل القاعات .. ان الكسوة بتاعة الترابيزات رااائعه بس بتاعة الكراسي هلكانه شوية والكوشات بتاعتهم مش أد كده
والحجز بتاعة القاعة دي كله 8500
150 فرد بوفيه هاي تي و زفه وكوشة وكل حاجه
اي حد عنده اي سؤال انا هنا يعني :cool:
MshMosha;14155235:
هو مش كلو بيتعلق طبعاا..شوية بيتعلقوا والباقي بيكون في درج ال Dresser
بس انا بصراحة مش مع فكرة ان مامة العريس تشوف حاجاتي الشخصية ابدااااااااااااا لان دي حاجة خاصة
هههههههههههههههه
انا مش مع الفكرة دي برضو بس هتعملي ايه يعني لو مامة العريس جت معاكي في الفرش وعاوزة تشوف:lol:
