•¦¦•

نرجس الشرق;14140808:

دلوعة انوشي شكرا ع الرد
بس انا مازلت الصورة مش واضحة عندي
مثلا اندير مكسرات و طرف شوكلاطة و حلوة و مستكة
شن رايكن
انا ما نبيش انبالغ بصراحة بندير حاجة حلوة
و بسيطة
يعني اول مرة عصير و شوكلاطة
بعدها 3 اشكال حلويات
و كباتشينو
و بعدها عشاء و سلاطة و ممكن شكلين موالح
و بعدها طبعا يبدا التهيس و انديروا التوزيبعات
شن رايكن
و التوزيعات انفكر انديرهن بروحي
بس بنشيك ع الحاجات اليس فيهن جوا
لاني شفت طريقة و عجبتني
معلش بنات اكدلي
انتعبكن معايا

رد مخالفه لنرجوسه,,,,,,

التوزيعات ممكن يكون فيهن مكسرات بروحهن,,,ووحدة فيها مستكه وحلوة وطرف شكلاطة واللوبان والسواك بروحهن يعنى 3 حاجات..

هذه توزيعات لمة مراة خويا ,,,

هذه فيها شكلاطه وحلوة ومستكه,,,,






وهذا اللوبان والسواااااااااااااك,,,,

اكيد كل وحده دايره مفكره مليانه وفيها الاحتياجات يعني من تجاربكم تشاركو بالي درتوه والي مزال يبي دوران

نرجس الشرق;14149859:

الرد الثاني

اه انسيت ما حكيتش ع شنطة الكوفير ....
هضكي اليوم يوم عالمي تقعدي ع نار ياربي ازعمك كيف نطلع كيف حيكون اطلعني بدري او خري و التلفونات يرنن بس سبحانة الله ع قصاد النية كل شي يمشي حلو و ربي يسهل الامور من عنده
المهم خوذي يا حنة شوية النصائح هذين :
محفظتك الي فيها الفلوس و نقالك راك تسهي عليهن هذين في يدك خليهن و خلي المرافقه امفتحه عيونها الي معاك لانه في ناس استغفرالله يسرقوا عيني عينك فيعني حافظي و ما تامنيش
2- خوذي حذاء الفيلو
2- صندوق حذاء فارغ فيه من جوا اكسسوارات الفيلو و التاج عشان ما يقعدنش ضايعات في الشنطة و تب
ي ادوري هضا في الشنطة في مكان معروف .و بالمرة تكوني محافظة انهن مش حينخدشن او يتكسرن ..
3-الملابس الداخليه ابتاع الفيلو
4- كريمة الجسم و بودرة الجسم
5-الفرشة و المعجون و اللبان
6- فلوس احتياط ما تندريش شن ينقصك فجاة او يصير معاك
7-عطرك و بدي لوشن اي حاجة انتي تستعملي فيه للتعطير و تحسي روحك تريحي لريحته
8-عصائر بس ما تكتريش منهن واجد لانك تقعدي بتخشي للحمام و راهو كوفير و حمامه ايخشله العالم كله
9- ما تنسيش الممه(الاكل) عشان اتقوي بها لانه يوم طويل و سهرة صباحي كيف ما يقولوا
10-الفيلو و البرنوس خلي حد من هلك ايجيبه لك قولي قبل ساعتين يعني مثلا ايجبه لك الساعه 06:00 او 06:30 عشان ما يقعدش مطوح في دار العروس لانه احيانا ايكون في عرايس و زباين و يخشن و يطلعن علي هالدار و مرات وحدة تعفسلك عليه او يتمرمد و انا هضا الي شفته فخليه في الحوش و بعدين ايجيبوه لك في الكوفير خير
11-المونيكير راك تنسيه في عروس نست ما جابتش و قعدت هك لولا انا عطيته لها فركزي في الموضوع
12- الشنطة هذي خلي فيها الحاجات الخاصة بالكوفير بس لا اكثرلا اقل عشان ما تقعدش عصيدة و زحمة و تنسي حاجة ..
13- الحاجة الي تحوليها تاخذها المرافقة طول و تحطها في شنطتك الخاصة عشان ما تنسيهش في الكوفير ...
انا دوتي واجدة و نركز حتي ع التفاصيل الصغيرة بس كله عشان تفطنن و تمشي ليلتكن حلوة ...بالهناء للجميع ...

حلوة ردك ونصايحك الصراحة رووووووووووعة . خلاصة تجربة عروس بجديات .شكرا حبيبة عاالاهتمام . هما هادم اللى كنت اندور فيهم .


سؤال المخالفة ل حلا الحلوة

حلا 2011;14152818:
رد مخالفه :
خيطت قفطان ايهبببببببل وعند وحده مش معروفه جبتلها صوره من النت دارتلي زيها بالضببببببببببببط
هذه الصوره من النت غير مش مظلله ومانعرفش انظلل والقفطان زيه بالضبط ومن فوق كله كريستال انا حسيته بناتي وسامبل

ما شاء الله حلا قفطانك حلو . واكيد القالب غالب .

كم كلفك ما بين قماش وخياطة ..ووياريت تفاصيل عليها الخياطة .

حلو قفطانك ماشاء ا

دلوعة بيشو;14154209:
جواب المخالفة
يا اخت رجاء انتي في نظرك هدا ديكور سنتر هكي اسعارها
بصراحة فعلا كلام مدام غادة صح المكان صغير والديكور مايناسبش سنتر لادونا لو تشوفي ديكوره السنتر في ايطاليا مافيش مجال للمقارنة
معقولة ادافعي بالطريقة هادي انى قولت هدا مكان تاني اللي تحكي عليه اسعاره متاع سنتر على مستوى وعلى فكرة الضبافة متاع القهوة والشاي الناس ماتدويش بيها
لان في هلبا مزينات يقدمو فالضيافة واولهم مزين نور في شارع النصر مزين عادي لكن ناس بشوشة ووترحب ومايبطلوش من الكبتشينو والكافي
يعني الواحد يقيم على حاجات اهم من هكي
انتي ماشوفتيش الا لادونا شوفي سنتر ميس الريم في النوفليين شوفي ديكورهم وشوفي اللي يشتغلو عندها كلهم فلبيينيات
وفعلا مكان ولااروع لكن للاسف هو مش كوافير يعني ماعندهمش شعر ومكياج

السلام عليكم يا بنات
و الله شكلي ادمنت الموقع اللي بعتتلتي اللينك بتاعه صديقة و ما كنتش متحمستله بس لقيته مفيد اكتر من الفيس بوك
بالنسبة للا دونا انا فرحانة بيه ليش
اولا انا شعري صرفت عليه جلسات عند اوباجي من فترة اول ما فتح
و بالامارة كان عندهم دكتور اسمه علاء مصري اقسم بالله الجلسة
غير البنج اللي قبل الابر اللي كنت نضرب فيهم عنده على اساس
علاج ب 30 دينار من غير ان كل جلسة 300 دينار يعني المجموع 330 + لازم نشري منه ادوية و شامبوات و خلافه ب700 دينار و النتيجة شنو؟؟؟؟
دماااااااااار للشعر و الله شعري ولى رقييق و عندي تحسس حتى من الصبغة
و مرت خوي حرقولها وجهها مسكينة بالتقشير للان تعاني من اتاره
وطبعا درت كل اللي نقدر عليه باش نرجع شعري من غير فايدة ليين حصلنا اقامة بسبب عمل زوجي في باريس و بديت نعالج و توا لما نزلت طرابلس مشيت لفرع لادونا طووووول والله لقيت نفس الشي بس بأسعار اقل من النص و اكتر من الربع بشويه + انهم يزيدوا على
باريس في خلطات من المغرب مش عادية عطت شعري لمعة و قوة
مرت خوي دارت جلسة تنظيف قبل ما تخش عال التبييض ب 60 دينار بس بالله وين في مكان يدير فيشيل ب 60 قولولي عليه باش نزوره المرة الجاية
عندهم المكياج السمبل ب40 و التقيل ب60 و انتو تعرفو الماركات كلها فرنسية يعني بالحق حسيت فيه ظلم شوية
و صاحبة المكان قاعدة تبني في مكان اكبر حسب قولها و حيكون [ألأأحواض السباحة معليش حتى في باريس ماعندهمش موضوع الاحواض عندهم جاكوزي و ساونا و هادا وجه الضيف
انا فرحانة بيكم لاني في غربة ونبي ديما نحسكم خوات و صاحبات

Ghado;14158468:

بالنسبة للمركز هو نفسه الي تتكلمي عليه ..

و شخصياً تكلمت عن تجربتي الشخصية معاه .. متفلسفتش و لا حكيت على تجارب ناس تانية أو جبت كلام عالمسموع ... و كتبت نتيجة تجربتي و ملاحظتي على المركز بالصفحة الخاصة بيهم على الفايس بووك ...

و لو تقبلوا ملاحظاتي بصدر رحب و روح معنوية .. فهادي حاجة كويسة

و لو كانوا من الناس الي ماتتقبلش النقد و يتصور انه الناس تعطي ملاحظاتها بناء عن حسد و حقد أو من ناحية سلبية .. و يعلقوا و يوصفوهم بالناس المريضة على صفحات الفيسبووك بـــالـــsick minds
فهادي مشكلتهم

لكن أني بنكتب رأيي الشخصي .. و الي هو

انه أول ما صارت الدعاية للمركز .. حطوا صور المركز بفرنسا و لما سألت على الأسعار الي تعتبر نسبياً غالية شوية بالنسبة لمستوى المعيشة في ليبيا .. قلت عادي

و لما زرتهم لقيت المركز عبارة عن 3 حجرات فقط .. ريسبشن و صالون الانتظار و مكان السشوار كله في غرفو واحدة ... و غرفة صغيرووونة فيها 2 أسرة يفصلهم ستار واحد للمكياج و واحد لجلسات البشرة .. و الصالة الصغيرة الي تربطهم للشعر و الصبغة و كرسي غسل الشعر .. و مافيش أي برايفيسي .. و لا محافظة على المواعيد للأسف
أني ماشية لمراكز تجميل بناية كااااملة مش 3 حجرات

انتي قلتي انه أغلى حاجة الماسكات الي 120 دينار
و أني نقولك انك غالطة
الأسعار أغلى من هكي
و الكلام مش زي الدفع
و الحاجات الفري الي تتحصلي عليها بعد ما تدفعي 1000 دينار.. حسب ما هما فادوني شخصياً .. مرة نايل بوليش (10 دينار) و مرة سشوار للشعر ( 20دينار) يعني حاجات بسيطة..

هو كان كبسولة صغيروووونة لتحت العين تكلف 40 دينار
مساج الأحجار الساخنة 200دينار!!!
فالباقي قداش بيكلف؟؟؟؟

و بالنسبة لموضوع الحجز .. حتى لادونا ليبيا لما حجزت عندهم دفعت فلوس.. لانه الحجز بالفلوس..
و النظافة شرط أساسي يعني مش بريفلج و لا حاجة استثنائية..

و في النهاية بنقول كلمة:

يعني يا نوافقوا و نقولوا انه أسعارهم مش غالية يا اما نكونوا Sick Minds خلينا ناس مريضة خير....

اختي غادة
كيف الحال؟
بالنسبة للاسعار نزلوها حتى في موقع افراح ليبيا اللي اكيد تعرفيه
و الله اللي دفعته في كل مرة درت جلسة شعر 40 دينار و مشت معاي مرت خوي و دارت جلسة تنظيف ب 60 و اخدت موعد جلسة كيراتين و ما دفعتش ولا حاجة و سألنا على جلسة التبييض و طلعت ب 120 و ما طلبوش مقدم بالحق ما عنديش مصلحة الا اني شفت حاجة و بعيني و بنقول اللي شفته
و الله فيه بنوتة من الجامعة دارت جلسة وقف تساقط شعرب 60 و دارولها سيشوار مجاني يعني تحسي انهم ناس دوق مش حاسبنها بالسحتوت زي ما يقولو
و صاحبة المكان ماشاءالله بشرتها و شعرها يعني يحسسوسك بالمصداقية

مش غير يبيعوا و خلاص
وفي النهاية زي ما قلتي ادواق الحكاية
و السيك مايند و الفيس بوك و الله مجرد كلام فاضي انا اعطيني
نحصل فايدتي وفي مكان محترم يناسب وضعي الاجتماعي
مش مخلطة الحكاية
نتمنى للجميع التوفيق و باش نعاونوا بعضنا على المعلومة المفيدة ديما

هدية أنوشى ليا فى بداااااااية 2011...:adore::adore::adore:

وعطر تانى أسمه lush درت سيرش فى القوقل ومالقيتاش توا نصوره وانحطه...

ملوكة مبروووووووووووووك مشتريات زى العاددة حلوة ربي يهنيك .
دلوعة انوشي ربي يخليكم لبعض.
غادة وانا استحشتتتتتتتتتتك عاالاخر .وميزانك رافض التقييم بس بجد انت ورعوسة كفيتوا ووفيتوا





حبيت تشاركونى بمشترياتى البسيطة .
فتحت دولابي وصوؤت كم حاجة هكى عاالسريع . وانا ماصوتهم من قبل لانى لقطته كل حاجة بروحها .


بكاريج قهوة ماركة الشريف
تلاتة مع بعض +الحامل.F:







وبرارريد شاى ماركة الشريف تلاتة احجامF:










وهدا طفم فناجين شاى او كبتشينو . استعرته ;);););)قصدي خديته:cool::cool::cool:قصدي اختطفته من مخزن اختى هو عادى بس في حوشنا عندنا منه من زمان وفاضل فيه بس فنجان واحد وانا متعلقة بيه هلببببببببببببببببةF:








ولو تتفكروا انا واخدة كيسان شاى كريستال 24 قطعة والقيت هادم عمليات خديت 12


وهادم 6 حافظات مرش لقيتهم رخاص المهم قلت ناخدهم نحط فيهم الاعشاب والتوابل في الدولاب زى النعناع والزعتر واللزى منواF:





وهادم سوابت للخبزة عجبني الكريستال اللى فيهمF:






وهادى زوووووووووووووووووووم انF:










وهادى مكنسة وبالة زى امتاعات ملوكة الورديات. ولانى قررت ان ثيم مطبخي احمر F:





وهادم سلالات .يبوا تعديلات . ياريت تساعدونى كيف نعدلهم ونخليهم حلوات . وهما للتفريش بنحط فيهم الميك اب وبضاعة الحمام.......ليه ولياF:












وهادم اصحان صغيرات خديت 12. قلت للحلويات في جمعة ناس متلا يبدوا كل شخص يحط في صحنه . او مكسرات.F:






وهادى ووووووووووواضحة ست البيت لاغنى عنها ابداF:








وهادم مفارش للسفر لو فرضا كانت فيها قعدة عربية وسفرة هديكا الليبية المدورة حلو منظرها باالمفرش .F:

دلوعه انوشي تسلمي عالرد ياحلوة
روح مبروك جديدك
رد مخالفه لروح:
اول شئ عيونك الحلوات
القفطان كلفني480 كامل
القماش خديته من المسلاتي والكريستال من الدغري والمسلاتي
هي خدت يد عامله خياطه بس190
بس بجد كنت رااااااااااااااضيه عليه وعجبني هلبه والخياطه مش معروفه هلبه يعني في جهتنا ولو تبي اي تفاصيل عليها ممكن نبعتلك عالياهو

شكرا حلا عللى الرد


لللأفادة

وهدا الازرق لعيون حيو

جووووواب مخالفه

انوشي العطر اول عندي منه حلوووو
ربي يحفظكم لي بعض وينهيكم

روح الوليد
مشكوره حبوبه علي الثيم والمزيان رفض التقيمم
ومشاء الله عليك حتي مفرش السفره وخديته ذكرتني بيه والله

بنسبه سلالات كنت منزله كم صوره ع لابتوبي ليهم لليوم تفريش نحاول ندير بحث في قوقل بالك نحصلهم من تاني

رد مخالفة لملوكة وروح الوليد
الف مبروك على مشترياتكم وتبيدوهم بالهني ويارب نفرحو بيكم

سؤال المخالفة
بالنسبة لمركز ميس الريم ممكن نعته وين بالضبط وشن رايكم في خدماتهم ؟ وشن خدماتهم بالضبط ؟

بنات تفضلوا موضوعي الحصري وشغل الماما وهديتنا لبنت خالو الله ينوضها بالسلامة
http://forums.3roos.com/showthread.p...9#post14166249

أفكار بسيطه ل روح الوليد

بصارحه لي عندي قبل احلي من هكي بس محصلتهمش

ممكن كم صوره تفيدك









شوفي سبات كيف مغلف من داخل بي ستان




عجبني تنسيق الورد ممكن يجي ع جنب سله

سؤال للمخالفة
حابة نقرا اجزاء التجهيزات القديمة والي فيهم صور العرايس زي بيسا وغولة وديامموند ... ونصائح البنات القديمة
ممكن تفيدوني بروابط الاجزاء او تقولولي اي وحداهم اهمهم ... وشكرا

سؤال مخالفة 2
نبي كدا محل او مكان يأجروا او يبيعوا في فيلـــــــــــــــــوات كبــــــــــــــــــــــــــــــــــــار
في طرابلس

جواب مخالفه
بري لفاطمه وان شاااااااااااااء الله يعجبك شئ

جواب مخالفة ملوكة تقريبا جزء 5و6 و7

جواب المخالفة ل عيون فيكي
بخصوص مركز ميس الريم لطب التجميلي

يوجد بالمركز نخبة من الأطباء المتخصصين من
العناصر الوطنية و الزائرة وهو مزود بأحدث الأجهزة المستخدمة لعلاج الوجه والجسم دون تدخل جراحي
أولا:علاج الوجه:-
1- علاج لحب الشباب. بواسطة spm +sonocare
2- علاج ضد التجاعيد. بواسطة spm +sonocare
3- علاج الذقن المزدوج. بواسطة spm +sonocare
4- علاج لشد وتقشير الوجه. بواسطة spm +sonocare
5- علاج للبشرة الذهنية. بواسطة spm +sonocare
6- علاج تورم منطقة العينين. بواسطة spm +sonocare
7- علاج البشرة الجافة. بواسطة sonocare .
8- علاج لتجديد خلايا البشرة. بواسطة spm +sonocare
9- علاج لشد الوجه وزيادة نظارة البشرة بواسطة (mesocare )
ثانيا: علاج الجسم:-
علاج لشد الصدر بواسطة (spm +sonocare )
علاج لشد و تنحيف المؤخرة والإرداف.(spm+sonocare)
علاج منطقة البطن والجوانب (spm +sonocare )
علاج لتحسين الدورة الدموية وتنشيط الجهاز الليمفاوي بواسطة (slide styler )
علاج لمشاكل الجهاز الهضمي بواسطة (slide styler )
استعمال Body wrapping لتنحيف وشد الجسم وتنشيط الجهاز الليمفاوي
ثالثا: العلاج بواسطة الليزر:-
1- لإزالة الشعر.
2- لتجديد البشرة وإزالة التجاعيد.
3- لعلاج البقع البنية
4- لتغذية البشرة وزيادة نظارتها.
5- لعلاج الشعيرات الدموية الصغيرة.
6- لحب الشباب.
7- لعلاج احمرار الوجه.
8- لعلاج الوحمات في الوجه والجسم.
رابعا: جهاز التقشير الماسي:-
.الوجه:-
علاج لحب الشباب .
علاج التجاعيد.
علاج لتقشير الوجه وتجديد البشرة.
علاج مسامات الوجه.
علاج لأثار الجروح في الوجه.
.الجسم:-
علاج لأثار الجروح في الجسم.
علاج الخطوط البيضاء.
علاج لتقشير منطقة المرفق والركبة.

خامسا: أجهزة أخرى:-
جهاز (Med contoure ) لشفط الدهون وشد الجسم دون تدخل جراحي.
جهاز (proslimelt ) لإزالة الدهون وشد الجسم بالموجات الفوق صوتية.
علاج لتبييض الأسنان .
تعبئة الشفاه والوجه بالفيلر.
تعبئة الشفاه بدون حقن.
.علاج التجاعيد وزيادة نظارة الوجه بواسطة mesogun .
ـ علاج لتساقط الشعر بواسطة mes gun (علاج التعلبة .تغدية الشعر . بعض حالات الصلع ويمنع تساقط الشعر )
Relax massage.
hot massage
paraffin لليدين والقدمين
لإزالة الشعر بواسطة الشمع

العنوان
النوفليين –قرب جامع الشيخ