•¦¦•

رد مخالف:

تقصدي لادي مليون يعني امتع النسائي ؟؟ ولا تسالي ع الرجالي ؟ ون مليون ؟؟


لادي مليون انا شريت منه والحق ريحته حلووووووووووووووووووة
انا عجبني هلبااااااااااااااااااااا
انحسه يستاهل

مشترياتي اليوم


جاكيت فرو








شنطه عجبتين في المحل وقت روحت ماعجبتني

هي لونها موف داكن بس في الصوره متغير لونها






وهذا حديده وسلسله تعليقه اسم سموحي




شموع





وهذا طاقم عشاء حصلته معروض يومها صورته
تعرفوا صدمه شريته بي 1000 وشي توه مديرن عرض بي 350 درهم بس :woo:








وبس

روزة اكرم;14320350:
بنات مسااااااكم فل
سؤال المخالفة ؟؟؟ انا بإدن الله عرسي فى شهر 9 او 10 بالكثير فنتمني نكمل حاجاتي توا قبل الصيف بعدين صعب الطلوع فى الحرارة اللي عندنا مش عارفة انا باش نبدا ؟؟
اشريت الفترة اللي فاتت 3 بيجامات وشوية ملابس داخلية خيطة كاب عندي زوز كنادر واخديت زوز ورغانات ومفارش من المعرض الهندي اللي داروه الفترة اللي فاتت
فامش عارفة باش نبدا انا عندي الفيلو متع ماما نبي نغيره عاجبني موت قاعدة ماشبحتش حد كويس يديرهولي ونبي نشري زوز قفاطين ومش عارفة كروتي نديرهم انا او نشريهم واتيات وروب الدخول ونبي الحوايج اليومية ووووووو ههههههههههههه قولولي باش نبدأأأأأأأأأأأأأأأأ؟؟؟؟؟؟؟؟؟؟؟؟؟؟

اهلين بيك حبيبتى ومرحبتين بيك معانا ...ويارب يكملك على خير ...
بخصوص موعد عرسك انى راىئ مازال عندك وقت ماتلخبطيش روحك هلبة ...
يعنى بخصوص الحوايج ...
ماتكتريش هالفترة يعنى لان مازال هلبة على عرسك يعنى حايطلعو موضات تانية ومرات تندمى على القديم ..
فانصيحتى ليك كالاتى :
موضوع لحوايج خليه اخر شئ ...االا بعض الضرورياات اللى هى ماتتغيرش موضتهااا
-من الملابس الداخلية ......والشخاشير ...يعنى انت تعرفى بروحك الحاجات اللى مش محتاجات موضة ...هلبة
-وحتى ارواب الحمام ليك وللعريس وحاجات الحمام وانى حاطة اهم الحاجات فى موضوع لية ابحثى عليه واقريه بلكى يفيدك ...
-والارواب مع انه مرات يطلعوا حاجات حلوة تانية وتكون احلى بس ممكن تضمنى روب الدخول واللزم منه يعنى مش حايكلف فى الشكل روب الدخول ...
وممكن ملابس الحوش زى البيجامات والتوت وقفاطين الحوش ...العادية تقدرى حتى هما تشرى حاجات انت تحبيهم ...
وهذا انى انضم صوتى مع عروسة ليبيا حبيبة الكل واختنا اللى مانستغنوش على نصائحهااا ...تنصح ان الملابس مانكتروش منها والا انكوموهااا وبعدين نندمو...وبعدين هى لو دخلت حاضيف نصائحها ان شاء الله

بعدين بخصوص بتاتك امتاااع الحوووش يعنى الديكورات والمفاارش وهذو الاشياء ...
انى انقول ابدى بشوى بشوى وابدى
-بحجرة النوم وكمليهااا
-وحمام حجرة نومك حشى الساامعين ...وبعدين
-الكوجينة وبعدهااا
-غرفة الجلوس وبعدين
-حماام الضيوف ...وماتربكيش روحك شدى بالحاجة بالحاجة ...هذا اريح شئ ..ويارب انكون ساعدتك ولو بالشئ البسيط ...
وتفضلى اسئلى اى شئ يخطر ببالك وماتتردى والبنااات مش حايقصرو ولا انا ...فى ان انقدمو اى شئ تساااعد كل وحدة فينااا ...
يلا ياابنااات تساابقو على اكتسااب الاجر حتى ربى يسهل زواجكم ويسر اموركم ويفرج كرباتكم ...

حبايب ماما;14323110:
السلام عليكم ورحمة الله
منورات عرايس بلادي
سؤوال المخالفة / لمصراتيه لشرقاوي- لاني شوفته في الصور متع موضوع السلال اللي علي الشكماجة - او اي واحدة جربت برفان ون ميلون -باكوروبان.تقييمكم ليه ؟؟ وهل يستاهل الدعاية اللي واخدها والا ضياع فلوس وخلاص .

قصدك ليدى ماليونLady Million من باكو ربان النسائي لــــــــ2010 هو
عطر (أو دو بيرفيوم )صيفى ..وهالماركة انى مستعملة منهاا قبل paco rabanne

ultraviolet summer pop
وهذه تهبل حتى هي...ننصحك بيهااا

خودى وانت مغمضة ومش خسارة اى قرش اتحطيى فيهااا ...
وانى والله خديت نصيحة وحدة من البناويت اللى هنى فى ليدى ماليون ويارب يجعله فى ميزان حسناتهااا ...ويارب ينولهااا فى اللى بالهااا اللهم امين
تعرفى يهبل واى حد يشمه يسالنى عليه ...وانى اعتمدته من روائحى ...وحاساته غير يعنى مش عارفة لما انحطه انحس روحى مرتاحة ...وهذه اول شيشة نستعملهاا ...

سؤال مخالفة
يوم 14 2 يا بنات الموسم ؟؟؟

اختي احلام حلوة امورة حاجاتك هللللللللبة وبالدات الشنطة والجاكيت الفرو
سؤال المخالفة امنين واخدتيهم ؟؟؟؟؟؟؟؟؟؟؟؟

روزة اكرم;14325076:
اختي احلام حلوة امورة حاجاتك هللللللللبة وبالدات الشنطة والجاكيت الفرو
سؤال المخالفة امنين واخدتيهم ؟؟؟؟؟؟؟؟؟؟؟؟

جواب مخالفة .. بعد ادن حيوووو
من دبي مشترياتها

حياتي بدونك سلطه;14322544:
فيكي نبي صورة الكانون اللي قلتي عليه من دار الرند تقريبا و درتي زيه

ياريت اتوريني شكله نبي ناخد فكرة منه

رد مخالفة لسلطة

حبيبة والله ماعندي منه الكانون لكن تقريبا في حوش عزوزتي فيه منه باذن الله اول مانمشي ادي نبعتلك الصورة وبالله عليك فكريني لو اتاخرت عليك لان شيرتي مدهوبة هلبة وننسي

روزة اكرم;14320350:
بنات مسااااااكم فل
سؤال المخالفة ؟؟؟ انا بإدن الله عرسي فى شهر 9 او 10 بالكثير فنتمني نكمل حاجاتي توا قبل الصيف بعدين صعب الطلوع فى الحرارة اللي عندنا مش عارفة انا باش نبدا ؟؟
اشريت الفترة اللي فاتت 3 بيجامات وشوية ملابس داخلية خيطة كاب عندي زوز كنادر واخديت زوز ورغانات ومفارش من المعرض الهندي اللي داروه الفترة اللي فاتت
فامش عارفة باش نبدا انا عندي الفيلو متع ماما نبي نغيره عاجبني موت قاعدة ماشبحتش حد كويس يديرهولي ونبي نشري زوز قفاطين ومش عارفة كروتي نديرهم انا او نشريهم واتيات وروب الدخول ونبي الحوايج اليومية ووووووو ههههههههههههه قولولي باش نبدأأأأأأأأأأأأأأأأ؟؟؟؟؟؟؟؟؟؟؟؟؟؟

رد مخالفة
ربي يكمل عليك ويهنيك
بما ان عرسك حبيبة في شهر تسعة او عشرة يعني جايك الشتي وماعندكش فرصة تشري لبس شتوي الا توا..
فحاولي تاخدي الاساسي في لبس الشتي وحتساعدك التخفيضات اللي بتبدا في اللبس الشتوي ..
-خودي بالطو اسود ولا ابيض بش تلبسيه في الشتي بدل العبايات
-وخودي جاكت سودة و اي الوان تانية تقدري عليهم لانك حتلقيهم في الشتي
-خودي بوت اسود وقهوي نحسهم ضروريات ويمشو مع هلبة حاجات
-قيمي كام فانيليا صوف عمليات تلقيهم وموضتهم ماتتغيرش هلبة
-كام توتة شتوية لانك فترة عرسك مرات يكون لبس الشتي قاعد مانزلش
ولبس الحوش تقدري تاخدي حاجات كيوت واتدفي في نفس الوقت وتلبسيها مع ميني جيب ولا بنطلون
هذا اللي تاخديه توا مدام شتي واستغلي فرصة التخفيضات في المحلات الكبيرة بش تاخدي اكتر حاجات باقل مبلغ
ونصيحة خودي الحاجات اللي موضتها ماتطيحش واللي ممكن تعيش فترة بش تستفيدي بيها بعدين
وبعدين تبدي بالضروري
-واول حاجة روب الدخول ومستلزماته وارواب النوم مش ضروري تكتري المهم اشري بتنوع وقيسي قبل ماتشري ومش ضروري تاخديهم غاليات لانه مافيش فرق هلبة والراجل مش حيهمه سعرها المهم كيف تطلع عليك
والكاب الحمدلله خديتيه
خودي عباية للطلعة وعباية عملية تلقيها بعدين حتي لو ماكنتيش تطلعي بعباية

اربعة تاييرات نحسهم كافيين وتقدري لكل تايير تركبي حاجة تانية متلا بلوزة نازكة فيبدا كل تيير يلتبس بشكلين
وبما انك بتاخدي زوز قفاطين خودي واحد كبير متاع محضر وواحد عادي لان القفاطين الكبار مش في كل مناسبة تقدري تلبسيهم
وتقدري تاخدي من قفاطين السهرة اللي يكونوا للركبة وماشيات مع الجسم يخصروا الجسم ويعطوه شكل انوثوي هادم ينفعو وتلقيهم في هلبة مناسبات ويعطو شكل حلو للجسم

الشناطي متاع السهرة خودي الالوان الرئيسية يعني الاسود والفضي والدهبي وبعدين لو عجباتك حاجة وعندك لشن تلبسيها اشريها المهم تكوني ضمنتي الضروري
والشوز نفس الشي اشري الرئيسيات وماتشريش اي شوز لمجرد انه عجبك لازم يكون عندك شن تلبسي معاه
واللبس الصيفي لما يجي وقته خوديه المهم ماتكتريش وحاولي كل لبسة تكون كاملة بوشاحها ولوازمها بش تكوني مرتبة وعارفة شن عندك
وبعدين لوازم الحوش
اليرغانات خلاص مافيش داعي تزيدي خودي اغطية السرير والمخاد وغيار ليهم وبطانية ومفارش وكام اكسسوار وتكوني خديتي الاساسي متاع دار النوم
بعدين الحمام تبي طقم فوط وارواب حمام ليك وللعريس واي حاجة تكون من ضروريات الحمام عندك
واحتياجات المطبخ تقدري تاخدي اطقم تقديم للضيوف متاع شاهي وقهوة وعصير ومتارد وسفر ومفارش ليهم وطفم كوشيك عملي ومتاع ضيوف
هذا اللي حاضرني توا
وانتي شوفي شن الضروري اللي ممكن تحتاجيه وسجليه بش ماتنسي شي لما بتشري..
ونصيحة مش لازم تكتري ولا تضغطي على روحك وتبالغي في الشري..صدقيني وعن تجربة لما تكتري حاجات تديريلك فوضي في حوشك بعدين وتحوسي فيها خودي اللي تحتاجيه بس وبعد ماتتزوجي لو استحقيتي حاجة تقدري تشريها لان الاسواق مش حتسكر وديمة حتنزل حاجات جديدة وربي يكمل عليك وان شاء الله نكون فدتك حتي شوية

جواب مخالف لـــ فيكى ...
صحيتى اختى الله عليك الله .....والله انسجمت فى اللى كتبتيه سلس ومرتب..وحبيتــــــــــــــــــــــــــــــــــــــــــــــــــــــــــــــــــــــ
سؤال مخالف لــــــــــ للكل :
احسن عطر شتوى درجة اولى طبعا نسائى ...نبى اكبر قدر من البناويت يجاوبونى ...يعنى على شنو يتفق اغلبكم ...

مصراتية لشرقاوى;14325922:
جواب مخالف لـــ فيكى ...
صحيتى اختى الله عليك الله .....والله انسجمت فى اللى كتبتيه سلس ومرتب..وحبيتــــــــــــــــــــــــــــــــــــــــــــــــــــــــــــــــــــــ
سؤال مخالف لــــــــــ للكل :
احسن عطر شتوى درجة اولى طبعا نسائى ...نبى اكبر قدر من البناويت يجاوبونى ...يعنى على شنو يتفق اغلبكم ...

رد مخالفة لاحلي مصراتية
مشكورة حبيبة على رأيك ومنك نتعلمو كيف تحبي تفيدي البنات وتردي باكبر قدر من المعلومات وربي يوفقك ويعطيك على قيس نيتك ويشفي الوالدة ويفرحها بيك

بالنسبة للعطور الشتوية او التقيلة زي مانعتبر فيها اللي تكون ريحتها قوية ومؤثرة
افضل عطر عندي
Versace Crystal Noir
هذا الصراحة روعة واني عجبني هلبة وطبعا اكيد فيه ناس حيقولو عليه مش حلو لان حاسة الشم تختلف من شخص لشخص
وعندك غيرلان انسولانس حتي هو تقدري تعتبريه شتوي مع انه مش تقيل هلبة
وهو من عطوري المفضلة
وحتي ديور اديكت حلو هادم اللي خطرو عليا وكان اتفكرت حاجة تانية تو نقولك

جواب المخالفة افضل عطر شتوي

سؤال مخالف لـــــــ مورينااا ...
حبيبتى جربته بلاى هذااااا لقيت هلبة يشكرو فيه مع انى عجبنى شكله بس ماشميتش ريحته ...زعمة ريحته مميزة وزى شنو يعنى على فواكه مثلا او ورود انتى شنوو اتقولى عليه ...

جواب المخالفة
اني طبعا عن تجربة خوذيه وعيونك مغمضات ريحته مانقدرش كيف نوصفهالك حاجة راقية هلبة وثابت واعتمدته بإذن الله عطر ليلة فرحي
بس خوذي بالك لازم تاخذيه اصلي اني جابهولي خطيبي هدية

على فكرة يا مصراتية فيه اثنين عطر بلاي للمرأة واحد وردي (بلاي العادي ) و البنفسجي الغامق اللي حطيتلك صورته (بلاي انتنس) خوذي اللي في الصورة

جواب مخالف لمصراتية ..
حتي انا مع فيكي ومورينا
انسولانس وريبلاي يقتلووووووووووووو
وانا في رحلتي الاخيرة شريت منهم
بجد حلوووات

سؤالين للمخالفة :-
امتي الموسم الميلود السنة هادي ؟؟؟

والسؤال التاني ... انا عندي كدا ريحة عربية وفرنساوية
داستهم وقاعدين مسكرين غير الي جوني هدايا في البيان
ومن خطيبي ..
لو خليتهم مسكرين لمدة طويلة بالحق معاش يعطوا نفس القوة
؟؟؟

ملكة في مملكته;14329636:
سؤالين للمخالفة :-
امتي الموسم الميلود السنة هادي ؟؟؟

والسؤال التاني ... انا عندي كدا ريحة عربية وفرنساوية
داستهم وقاعدين مسكرين غير الي جوني هدايا في البيان
ومن خطيبي ..
لو خليتهم مسكرين لمدة طويلة بالحق معاش يعطوا نفس القوة
؟؟؟

رد مخالفة لملوكة
بالنسبة للميلود ماعنديش فكرة
وبالنسبة للروائح حسب نعرف انهم يعيشو عادي مدام مسكرات وفيه اللي يقولو احسن لما يقدموا ..المهم مسكرات ..وانتي جربي افتحي واحدة وشوفي اذا ريحيتها قعدت ولا اتنحت..واني عندي عطر مفتوح وليه حوالي سنة ونص وقاعد زي ماهو

مصراتية لشرقاوى;14324293:
قصدك ليدى ماليونLady Million من باكو ربان النسائي لــــــــ2010 هو
عطر (أو دو بيرفيوم )صيفى ..وهالماركة انى مستعملة منهاا قبل paco rabanne

ultraviolet summer pop
وهذه تهبل حتى هي...ننصحك بيهااا

خودى وانت مغمضة ومش خسارة اى قرش اتحطيى فيهااا ...
وانى والله خديت نصيحة وحدة من البناويت اللى هنى فى ليدى ماليون ويارب يجعله فى ميزان حسناتهااا ...ويارب ينولهااا فى اللى بالهااا اللهم امين
تعرفى يهبل واى حد يشمه يسالنى عليه ...وانى اعتمدته من روائحى ...وحاساته غير يعنى مش عارفة لما انحطه انحس روحى مرتاحة ...وهذه اول شيشة نستعملهاا ...

/////////////////////////////////////////////

جواب مخالفة؛؛ الله يبارك فيك
ويحفظ لك اميمتك وجوابك شافي كافي وافي.

سؤوال مخالفة ،،، ممكن لو نصبغ شعري وفيه شوية شيب من داخل ما يبانش توة يزيد يهيج الشيب ويزحف للامام ؟؟؟؟؟؟؟؟؟!!!!!!!!!!!!

جواب مخالفه

عطر بلاي روعه مورينا وانتي مغمضه عيونك خديه

ملوكه عطور كيف قالت فيكي الو بوكس العطر مفتوح يفضل مكان مظلم




مشترياتي اليوم





زوم

حسيتها تطلع ع جاكيت ابيض قصير مره حطتيه فيكي تتذكريه اكيد







الوان متغيره ببسب موبايل