بس اكتفيت من ضرب زوجي لنورعيني بنتنا فكروا معااي

هلا حبيبتي
الله يعين اكثر الاباء يحسبو ان الضرب تربية

عشان كذا حاولي توفرين لة كتب عن التربية
ومنشورات عن العنف الاسري وان الضرب بداية للعنف الاسري
عشان يتاثر ويترك هالعادة السيئة
وبعدين يمكن زوجك فية اعصاب او قولون عصبي
لان اللي يعاني من هالاشياء مايسيطر على نفسة لاتفة الاسباب حتى لوكان اللي قدامه بيبي وسوى شي ينرفزة ممكن يمد ايده

انا ما بعاتب ولا بستنكر الامر


اللي بكتبه نصيحه وحدة بس ..


وقت اللي يكون في مرحله العصبية وبيمد يده على البنت اذكري الله بصوت عالي اشوي او حتى خفيف بحيث يكون يسمعه

او حتى قولي اللهم صلى على محمد وال محمد

حاولي تكررينها كل مرة يكون فيها معصب


شوفي بعدها اكيييد راح يهدا اشوي اشوي لين ما تختفي العصبيه ...

وبعدها راح يتعود انه يمسك اعصابه ...

مسكينه توها عن ضرب ماتفهم اصلا حرام
بعضهم يدهم اكبر منهم مايعرفون بكلام حلو حق طفل يعني ابوك او امك ضربوك لما كنت نفس عمرها فرضا ضربه قويه عباله مايأثر

اذا سوواها مره ثانيه زعلي منه

محبة الرشاقة;14130773:
لا حول الله يارب فعلا مشكلة كبيرة بس احكيلك عن واحدة كانت تعاني زيك لما شافت زوجها هيك صارت اغلب الاوقات ماتتطلع معاة خافت على ابنها منو بس كمان هاد موحل لازم تقعدي معاة وتتفاهموا واذا ابوها يموتها يعني لازم يعرف انها لسة جاهلة ماتفهم لية انضربت وربي يسر امرك

:thumbs_up: اوافق الأخت في رايها ، اقعدي وياه جلسة صراحة في وقت المهم انه يكون فيه رااايق ، وفهميه انها صغيييرة جدا وماتفهم ان اللي تسويه يعصبه وغير هذا حاولي تفهمينه انه يقدر شوي شوي يكسب الطفلة بالحوار والكلمة الحلوة ، أحسن ما تخاف منه وهذا مو في صالحه ولا صالحها ، الضرب ابدا ما كان اسلوب للتربية ولطفلة عمرها سنة وثلاث شهور :!!::-#:woo::confused::| ، الله يهديه انشاالله ويصير اهدأ عليها وعليك بعد ;)

حرام والله ساعات الرجال يفقدون اعصابهم بس مو لهالدرجه

انا مره ولدي عصب ابوة وبالغلط دزاه وطاح بس عقب تأسف وقعد يصيح ندم وماظل شي العاب في السوق اشتراهم له بس عشان يراضيه هههههههههههه

الله يهديه لج قولي له ان الضرب حرام والي يضرب طفل لازم يدفع كفاره عن هذا الشي وفيه جمعيات ترفض هذا الشي وتاخذ حقوق الاطفال بكل سهوله

فعلا يحقلك تزعلين حتى لوكان أبوهامايعطيه الحق يضربها
الضرب أدب موحلا على كل وقت الله يصبرقلبك

الله يهديه .. ويحنن قلبه عليها .. ويسخره لكم ..

شوفي حبيبتي .. انا متأكدة مليووووون بالمية ان زوجك فيه شي ضاغط على نفسيته .. لأن مستحيل استحالة تامة أب يمد يده على طفله الا ان فيه غضب مكبوت وقاعد يفرغه على عياله ..!!! يمكن ضغط شغل .. او حالة مادية .. أو أي سبب ثاني ..!!

انتي حاولي تجلسين معه لحالكم .. " بدون البنت " .. واسأليه اول شي عن حاله وعن نفسيته وكيف شغله ماشي ولا فيه مشاكل .. اذا عرفتي سبب العصبية الزايدة عنده بتقدرين ان شاءالله تكملين معه اسلوب تغييره ..

بعدها .. اجلسي معه بغرفة النوم وبنتك نايمة حطيها بينكم .. وخليه يلمس شعرها ويلمس وجهها .. واذا حسيتي انه يطالعها بحنيّة .. وقتها قولي له : ترضى أحد بيوم من الأيام يضرب بنتك على وجهها ويشد شعرها ويخليها تبكي بكاء قوي ؟.!!!!!!

هو اكيد بيستغرب سؤالك .. وقولي له .. ابيك تعاهدني من اليوم ورايح انك ما تضربها .. ولو حصل وضربتها عليك عهد مثلاً " تحطي حصالة وكل ما مرة يضربها يحط فيها عشرة ريال أو عشرين " هالطريقة مجربة وناجحة مية بالمية استعمليها كعقاب له وهو ان شاءالله مع الوقت بيمل وبيحاول يدرب نفسه انه يمسك اعصابه

وانتي حاولي قد ما تقدرين الوقت اللي يكون فيه زوجك معصب او راجع من دوامه او مشغول بتلفزيون او أي شي ثاني بعدّي بنتك عنه .. اشغليها بأي شي ثاني .. ولو بكت حاولي تسكتيها بأي طريقة ثانية ..

هذا اللي عندي وان شاءالله تنحل هالمشكلة ..

والله انا مثلك بالضبط .. زوجي جاله وقت يضرب ولدي على وجهه ولا على يده بقوووووه والله تصير يده حمررررراء .. وطبعاً غير البكاء اللي يعور القلب .. انا اتخذت معه موقف حاآآآآآآزم وقوووووي .. بالأول اذا ضربه يقول لي اتركيه لا تكلمينه لا تشيلينه .. بعدين صرت أطنشه .. وأروح اشيل ولدي واحاول انه يسكت عن البكاء .. وأزعل عليه .. لدرجة اني ما أكلم زوجي .. لحد ما أخذ درس قوي .. والحين الحمدلله .. صار يمسك نفسه عن الضرب ..

والله مشكلة ان البنت تكبر على ضربها .. صعب والله .. بتتعقد نفسيتها وتصير ثقتها بنفسها مهزوزة .. واذا كبرت أكثر وأكثر تصير خوافة .. ولاسمح الله يصير عندها وسواس .....!!!

الحقي على بنتك .. وعالجي المشكلة الحين قبل ما تزيد .....!!!

حراااام

تدرين اني العكس

اذا امد ايدي واضرب حمود لو حسون ابوهم يزفني زف ويقول ليي اذا مره ثانيه شفتش تضربين واحد منهم بكسر ايدش

زووجي يعصب اذا يشوفني اضربهم يقول ليي هدلين جهال مايفهمون انتين الا تفهمين

الله يهديه ويحنن قلبة على الطفله
هاي وديعه عندة وامااااااانه
ان شاء الله يصونها في صغرها عشان تبرة في كبرة

والله مصدومه
الله يكون بعونك
لا تسكتين له وتفاهمي معه
هذي طفله

حرااام بصراحة شي يقهههههههر سنة و3 شهور وكف بالوجه طيب لو كبرت شويه ويش راح يسوي الاطفال يبدا شقاوتهم صح بعمر سنتين..
اول شي كثر الضرب بالشكل اللي توصفيه يسبب الغباء والبول اللارادي في الكبر وشخصية ضعيفة والخ

واذا زعل خليه يزعل وخذي موقف صااارم ومع الوقت بيمسك نفسه وانا متاكدة انتي قد سمعتيه محاضرات بانه لا يضربها بس مافاد والحل وااااحد اول ما يعصب تأخذي بنتك وتبعديها عنه ..

مدررري عندي كلام كثييير بس مقهورررة الله يهديه..

الله يكون في العون
بس حاولي تتفاهمين معاه بأسلوب حلوو وصلي له معلومة
انه الكف على الوجه يسبب الغباء مع مروور الوقت وهذي دراسة مثبته

وانه يأثر على شخصية الطفل ويخلي يصير انطوائي في المستقبل وخصوصا اذا كان يضربها قدام الناس
وثانيا سنة و3 شهور ماتفهم شي ولا تفهم شصاير حواليها

الله يساعدها المسكينة ويساعدش والله يهدي زوجش

الصراحه البنت مرة صغيرة
بس برضوا حااولي ما تضغطي على الموضوع
بعدين راح يصير يعاندك بيها
لانه الرجال عقولهم صغيرة

والله ما دري وش اقول
ما اقول الا الله يهديه ويعينج يا رب

واني افتكر البنت كبيرة الا طلعت صغيرة
الله يكون بعونك
بس حرام مسكينه كسرت خاطري بعدهي طفلة
ماقول الا الله يهدية يارب

لو كان زوجي لاشتكيت الشرطه عليه

بيييييييييه

حرااااام صغيرة البنت..

وقفي في وجهه إذا أمها ما دافعت عنها من اللي بدافع عنها..!!!

وش هالأبوو؟؟!!!!

بيتسبب لها بعقد لها أول ما لها تالي..

مسكينه هالطفله البريئه والله كسرت خاطري الله يكون بعونش ويهدي ابوها

سمعتي عن عقوق الأبناء لآباءهم ؟؟ مكثر ما سمعنا وشفنا مسلسلات

بس اللي مهملينه هو عقوق الآباء لأبناءهم وهاذي اثم آخر ياليت الناس يدرون فيه

اللي يضرب واللي يسمي ولده بإسم مو حلو ويخلي الطفل يتعقد الين يكبر

وبعدين سنة وثلاث شهور,.. اي تربية بيربي طفلة عمرها سنة وثلاث شهور

بريئة ما تعرف تعبر ولا تتكلم عن اللي مزعلها واللي في خاطرها

والله اليهال كتلة مشاعر ويغصون بالألم وداخلهم ينجرح بس فرقهم عنا انهم ما يعرفون يتكلمون ....!!!!

هاذي آمانة باجر الله سبحانه وتعالى يحاسبه عليها

هو ولا انتي ولا اي احد يملك ضناه

احنا ما نملك عيالنا احنا مؤتمنين عليهم

نربيهم أحسن تربية ونجعلهم ناس ينفعون أنفسهم وأمتهم

انتي لج دور يا أختي انج توقفين هالمهزلة...

آنة أكثر شي يقهرني واكرهه بحياتي اللي يضربون عيالهم.. ياربي اشلون يهون عليهم؟؟ لو هم غلطانين اسمهم يهال

الياهل له كرامة

اسفة على الاطالة

انقهرت !!!!!!!!!!!!!!!!!!!!