زوجي يطلع كثير ويتركني قاعدة لحالي :( كيف أخليه يقعد معي والله أكتأبت :"(

حبيبتي انا نفس حالتك يجي من الدوام وينام ويطلع ولا اشوفه الا وقت العشاء يتعشى ويمشي تدلعت لبست بكيت مافيه فايده من جد تعبت والله

إذا زوجك من النوع اللي يحب يطلع فمابتقدري تغيري من طبيعته شيء

ولكن تقدري تقللي من هالطبيعه واستغليها لصالحك

حاولي تكوني السباقه لأنك تطلعي وياه

وأنتي اللي حددي جدول الطلعه قبل لاهو يحدد طلعته

لكن في نفس الوقت خلي له وقت يطلع بروحه مع اصحابه

وإذا طول في طلعته ارسلي له رساله عالجوال تكون كلماتها فيها شوق

وهو من نفسه بيحس وبيرجع بدري

وماانصحش تكلميه مباشرهً فقط أرسلي له رسايل وهو بيحس أكيد

ومره ومرتين بتلاقيه قلل طلعاته ويمكن قطعها بعد


والله يوفقك مع زوجك

غاليتي لدي حل الا وهو

اشغلي نفسك باشياء ثانيه ادرسي او زوري اصدقائك وكوني صداقات

الرجل زي الطفل اذا طنشتيه قليل يرجع لك واذا مانفعت معك هذه الطريقه

سوي اكلات غريبه ولذيذه لان الوصول الى قلب الرجل معدته

قد ربما لايرتاح من اكل البيت فيروح ياكل خارج ولا في المطاعم

ادخلي المطبخ وشوفي العضوات مابيقصرو بطبخاتهم كلميه قولي له اليوم سويت اكله لذيذه وحابه انك تتذوقها وغلقي الهاتف

راح يفكر ويفكر وجري للبيت غيري استايل غرفه النوم خليها كثر رومانسيه

العبي معه شطرنج او كروت او اي لعبه اشغليه باشياء دائما يحب يسويها مع اصدقائه

اساليه ايش تسيوي مع اصدقائك خذي افكار وسويها معاه حتى يحس ان الاشياء الي يسويها مع اصدقائه يقدر يسويها معاك
كوني له ام وخت وزوجه حنونه

الله يوفقك ويسعدك يارب ويحنن قلبه عليك اياك من ببيت اهلك لا والف لا لان الرجل اذا انجرح مره لايمكن شفاؤه وخصوصا اذا انجرح من اهلك لانه كل مايشوف وجهك يتذكر الاهانه

لاتفكري بترك البيت

تبينه يقعد عندج على طول !!
يبا هذا رجال اكيد بيطلع فكري فيها شوي :)

الله يكون بعونك

ما عندي حل لمشكلتج ان شاااء البنات يعطوونج الحل

للاسف ما عندي حل .... لانه نفس المعاناه واخس بعد .... الله يجيب العواقب سليمه ان شاء الله على قولت اخوانا المصريين

الله يزين الامور ان شاء الله