التجمع الثالث لحوامل يونيو (6) 2011 بإذن الله تعالى

صباحكم عسل وقطشة ياكروشات

اخباكم واخبار البيبي


طفوف الحمدالله على سلامتش، والحمدالله انها املاح مو حصى بالكلى
ومبروك معرفه جنس البيبي واهيه اول بنوته بالتجمع يلا دوري لها خطاب من الحين من الكروشات :p

ثلج حمدالله على سلامة زوجش، وانشاالله يقدم امتحاناته بالتوفيق بالمرة الثانيه

ابتهال البيبي نشيط مثل نشاط بيبيي ،انا بعد وايد يتحرك ويتشقلب

توما انا بعد موعد السونار يوم الاحد في النعيم ساعه 6، انشاالله الدكتورة تكون طيوبة وتقول لي شنو جنس البيبي

العهد، روز ، ام لنوني، ام فطوم، بنت سبتمبر، زهر الرمال ، قمر فاضل، نيغار، زخت مطر، عطر انفاسه، اخباركم كلكم واخبار البيبيات؟


انا عن التجهيزات اشتريت كم قطعه، انشاالله في الويكند بصورهم وبوريكم اياهم
انا ابغي بس سله للبيبي، اما اللي يجون طقم مايعجبوني

انا شفت موضوع بالمنتدى فيه قائمة بالامور المهمه للبيبي ولام ، وانشاالله بتبعها على حسب حاجتي للاغراض؟

السرير والكبت افكر اسويهم تفضيل وبكونون عندي بالشقة، بس بعد قلت بروح السعودية هل الشهر بشوف اول وبعدين بقرر

والسلة وكبت بسيط لبيت ابوي، لفتره النفاس ولبعدين علشان يكون عندي كل شئ احتياط هناك

التوزيعات افكر اسويهم هل الفتره علشان لااشغل نفسي فيهم بعدين، انشاالله احصل شئ سعره حلو وبسيط
انا امي تبغيني اسوي للاطفال ولاكبار
قلت في فكري الاطفال الحين متعلقين بالسبونج بوب، قلت بشتري اقلام ودفتر نوت على الشخصية،وبغلفهم تغليف ناعم
اما للكبار قلت بشتري ميداليات للمفاتيح و ابوكت موبايل ،طبعا بنوع بين النوعين وبغلفهم تغليف ناعم
وغير اللي عمتي قالت بتسويهم

اشرايكم انتوا، انا من راي انهم اشياء عمليه وتستخدم

مرحبا بنات كيفكن؟؟؟

احنا الحمدلله بخير بس امس البيبي ماقصرت فيني ترفس عدل "اخدت صيغه التانيث من رجلي يبي بنت"هههههههه
والغريب في الموضوع احط يدي احس برفساتها ولما رجلي يجي يحط يده توقف؟؟؟ سالسالفا؟؟؟ شكلها من الحين تخاف من البابا

مافي جديد غير هالاشياء

الي رجع رجلها الحمدلله على سلامته

الي عرفت انها حامل ببنت مبرووك خيتي وعقبال مايجي دورنا

ثلج ونار ولكم باااك

بنت الروضه هلا اختي احنا الحمدلله خبرينا عن حالج


خواتي من الي قالت انها تحس ان في شي بيطلع منها؟؟؟ وانها ولدت في السابع المره الي فاتت وخايفه هالمره؟؟؟؟؟
ياريت تخبرينا عن حالج


بنات انا صاير انسى بدرجه مو طبيعيه والكل لاحظ علي ما ادري شنو فيني خايفه يجيني زهايمر على صغر؟؟!!

F:F:صبااااااااااااااااااح الوردF:F:F:
على كل الحواااااااااامل بدون تخصيص ...........لأن كلكم غاليين:oمشتاقه لكم حييييييييييل
معليش بنقطع هالكم يوم عنكم أهلي بيجوني من المدينهواخواتي مع بزارينهم وهذا احلى شي:D
أحاول اشوفكم ثاني فففففففففففديتكم:L:

خخخخخخ ثلج و نار اني احس الحمل سوى فيني زهايمر مبكر:lol:
بنت الروضة وايد من وقت بتبدين التوزيعات نطري عليهم لنهاية السادس.. ابتدي خلصي شغلات البيبي كامل و بعدين تفرغي للتوزيعات لانها تكلف:$:

اني تقريبا خلصت شغلات البيبي بس باقي ثياب طلعة بشتري قطعتين فقط للطلعة يعني جان اللهم صارت مناسبة او حق تصوير لانه الياهل كله ملفوف.. ما شريت لحين لانه ماعرف شنو ببطني انشالله بكرة اعرف في الموعد.
و مفارش البيبي الي يجي طقم بوصي عند وحدة يعني شايلة لهم على صوب من ذاك الشهر بس الخيابة و ما تسوي:worn_out:
الكبت هم شايلتله فلوس بس بعد ما رحت وصيت و هاي صورة الكبت الي بسويه

بس مو ابيض مثل لون هذا السرير




و بعد قماطات و دشاديش للياهل طقم باخذ من المعرض اليوم و خلاص اخلص شغلات البوبو:thumbs_up:

ابتهاااال الروح

هلا وغلااا كيفيك اشتقنالج و لا تطولين علينا مرة ثانية
وننتظر صور تجهيزاتك

طفوف

الحمد الله على سلامتك ياقلبي
ومبرووووك البنوته
قلللوووووووش وأخيرا صار عندنا بنوته في التجمع

ثلج ونار

الحمد لله على سلامة زوجك والله صدق حاجه تخوف الله كان بعونك

وتسلمين الله يعافيك وننتظرك انت بعد تحطين الصور

بنت الروضة

إحنا بخير الحمد لله
وننتظر تجهيزاتك

فكرتك حلوة....أنا افكر اوزع شي ينوكل

زخت مطر

مو بس النسيان طاغي حتى التفهي

ام فاطمة هي اللي كان عندها المشكلة وهي غائبة الحين عسى المانع خير

نسمة حب

الحمد لله على سلامة اهلك

العهد

شخبارج حبيبتي

نيغااار

ان شاء الله تبشرينا بكرة بجنس البيبي

وننتظر صور التجهيزات

مساء الخير كروشات

مبروك طفوف معرفة البيبي والحمد لله على سلامتك

اخباركم الباقي

انا رحت اليوم للالتراساوند وقهرتني الدكتورة قالت مايبين

مع اني اعرف انها تشوف بس تقول يبان بالسابع

طلعت مقهورة وجيت بس الحمد لله قالت بخير

حبوبة زماني

الله بالسااااابع

عاد أنا اقول اذا رحت للدكتورة أكيد بتقول لي هالمرة

الله يستر كان ما تطلع لي حجج أنا بعد

خواتي..
وين ام فاطمه؟؟
شخبارها؟؟؟
الله يتمم عليها على خير يارب
والله احاتيها!!!!!!!!!!!!

هلوو بنات شخباركم ان شاء الله بخير

بنات احس بالم اسفل البطن والرجل والظهر كأن الم الدورة سويت سيرج في قوقل طلع ان طبيعي في الخامس تصير هالآلام لان الرحم يتوسع انتون بعد صادكم جذي لو بس اني الله يخليكم ردو لأني بعد بكرة مسافرة وبتكون الرحلة طويلة 7 ساعات في الطائرة ونوعا ما خايفة ؟

قمر فاضل

هلا وغلا غبتي عنا كثير :cool:

بخصوص الآلام والله أنا تجيني الآلام فجأة وتروح بسرعة وخاصة اسفل البطن صدق نفس الدورة

بس ما تطول الكثير و ماتجيني مرات كثيرة :|


وان شاء الله مافيه الا الخير .... تروحين وترجعون بالسلااامة :thumbs_up:

بس ماقلتي لنا وين ؟ ;)

قمر فاضل;14372343:
هلوو بنات شخباركم ان شاء الله بخير

بنات احس بالم اسفل البطن والرجل والظهر كأن الم الدورة سويت سيرج في قوقل طلع ان طبيعي في الخامس تصير هالآلام لان الرحم يتوسع انتون بعد صادكم جذي لو بس اني الله يخليكم ردو لأني بعد بكرة مسافرة وبتكون الرحلة طويلة 7 ساعات في الطائرة ونوعا ما خايفة ؟

قمر فاضل
اانا بعد تجيني هالالام ومثل ماقالوا البنات جدا طبيعيه

حطي بالج على عمرج وانشاالله توصلين بالسلامه انتي والبيبي

هلا حبوبه مشكوره والله يتمم عليج وعلينا اجمعين شر مايجيك يارب وشكرا على المعلومات يعطيك الف عافيه
وترى قمر مكتوبه في القائمه بس بالعربي وكتبتيها بالانجليزي فصار مكرر اسمها مرتين بس لان هي حاطه مو متاكده :)

هلا نسمة حب شخبارج انا والله تعبانه بس داخله اطمنكم عني
ماتشوفين شر الم الظهر والبطن والرجلين هذا بداية التعب بس تاكدي يمكن معك نقص بالكالسيوم وسلامتكم من كل شر
هلا روبي شخبارج ان شاء الله تمام والله يسهل يارب على الجميع

هلا ام لنوني شخبارج الله يسلمك يارب
هلا روز حلوين عليها بالعافيه البيبي ان شاء الله يتهنى فيهم وتلبسيه لين يقطعهم بالف عافيه روز الولاده مو نفس اللي يعطونج
ناس يبكرون قبل بشهر وناس يولدون بس اول يوم من التاسع يعني شوفي انتي والبيبي متى قرر بيطلع مراح ينتظرك هههه

هلا قمر مبروك تاكدتي ان ولد وعقبال مايكون بحظنج يارب ومشكوره عن السؤال عني
هلا توما شخبارج وعقبال ماتعرفين جنس البيبي نقعوش نقعه الله يغربلهم كريهين اذا يسون هالحركات
هلا بنت سبتمبر مشكوره حبيبتي على السؤال شخبارج وشو عامله
هلا بنت الروضه شخبارج ماعليه علشان تحسين بحركته وتطمنين بس شكله شقي لان انا بنتي كذي
وطلعت اول 6 شهور هاديه بس حبيت ويلي صارت كل الشطانه فيها ويوم مشت عاد شيصيدها
هلا العهد ماتشوفين شر يارب الله يسهل علينا ويتمم حملنا يارب
هلا عطر انفاسه مبروك دخولك السادس وان شاء الله تتاكدين والحمد لله على سلامة
زوجك والحركه انا ماحس كل يوم وحتى ان حسيت جدا جدا خفيفه
روبي مبروك دخولك السادس

هلا هذيان جسد كيفج وشخبارج ؟ اي اللي يطلع من الصدر عادي البعض يطلع منهم انا ماطلع لا بنتي ولا هالحين
بس بنت عمي واختي يقولون يطلع منهم وبالنسبه لالم الورك الله يكون في عونج معاناة الكل انا قالو نقص كالسيوم
وصحيح بس ابلع اخف

هلا وغلا زهرة الرمال شخبارج شكراعلى السؤال
هلا وغلا طفوف واخيرا طلعت بنت بالتجمع وكسرت القاعده الف الف مبرووووووووووك معرفة جنس البيبي
هلا وغلا ثلج ونار الحمد لله على سلامة زوجك
هلا وغلا زخت مطر ايه انا اللي ولدت بس مو بالسابع انفتح الرحم بالسابع وولدت بالثامن
والنسيان طبيعي مع الحمل والرضاعه بس من اقول لزوجي يقول كل شيء قطيتوه بالحمل يؤ بعد هذا الصج بس مايصدقون لانهم ماجربو ههههه
هلا هاجر بي بي سيسي مشكوره حبيبتي على السؤال انا جيت وراح اخبركم شنوخلاني مادخل
انتي شخبارج
هلا قمر فاضل كيف احوالج وشو عامله وماعليه هذا طبيعي بس ريحي نفسج اوكي

اما عني انا من جد ككنت تعبانه وحسيت ان روحي بتطلع
كاني ماكله سم يومين ترجيع مايظل ببكني شيء طبعا العدوه جات لي من بنتي
كانت ترجع والحين انتقل لي وماقدر احس معدتي بتطلع من شدة الالم وبطني يعورني
مااكل ولا شيء ونفس الشيء ارجع تعبت هلكت رحت المستشفى عطوني ابره بالعظل
وحبوب ومازلت على حالي بس دخلت اقرا اخباركم واطمنكم عني لان ماقدر اصبر عنكم
وصح صورتني الدكتوره وقالت لي كل شيء واكي وورتني البيبي يحلوة احس مبين ملامحه رغم انه اسود وابيض
لكن شفة اذونه وانفه على جنب يشابه انف فطومه
وكان خاطري اسالها بنت لو ولد لان شفتها نزلت عند الاعضاء وصارت تبتسم
بس ماقدرت انطق واقول لها شنو فيني لان وصلت عندي برجع قمت وركيض رجعت ويوم رجعت لها
قلت روحي الضماد يعطوج ابره وحبوب من الصيدلي وماسالت قلت بسال بموعدي نصبر وان شاء تاكد لي يارب

طفوف;14367222:
مرحبا تختوخات
من زمان عنكم شخباركم وحدة وحدة
اشغلت شوي
و ترقدت لي في المستشفى 3 أيام بسبب زيادة الاملاح و ألم قاتل في الكلى لأني ما اتوب عن الشيبسات و كانوا شاكين انه عندي حصى في الكلى بس الحمد الله بس املاح .... و كانت الحالة مقرفة لأن المستشفى فل و ما فيه غرف خاصة يعني ما خذيت راحتي كلش في هالجم يوم الغرفة ضيقة لدرجة انه ما في مكان حق زوار نهائيا ما في الا مكان لكرسي واحد بالغصب قررررررررف
و آخر قبل لا أترخص كان لازم أسوي الترى ساوند علشان يشيكون ع البيبي
طلبت من الدكتورة تقول لي اذا ولد أو بنت رفضت و قالت لأن أحيانا يكون فيه أخطاء و يجون الناس يهاوشون قلت لها أوكي
بعدين ظلت فترة تحوس بالجهاز و أنا ميتة خوف ع بالي في شي بعدين إلا تقول و هي متنرفزة : وايد حركية مو قادرة أشوف شي !
و ابتسمت و عرفت انه زل لسانها تداركت الموضوع الا تقول اقصد يعني حركية أو حركي
قلت لها حددي موقفج دكتورة الحين حركية لو حركي ؟؟؟
الا تسأل شنو عندج في البيت
قلت لها عندي ولد
قالت أوكي عيل هذي بنت :)
من قالت لي بنت نسيت كل قرف المستشفى و التعب اللي كنت فيه
الحمدالله

الحمدلله على السلااامة .. :( انى هاليومين آلم خواصر عدل واحس بحراره باالابوال اتهقين املاح ؟!! قلت بروح اليوم السلمانيه بس احززززب من الطوارئ ..
ومبرووووكـــ معرفة جنس البيبي .. الله يجيبها بالسلامة وتفرحين بشوفتها باحضانش ..