التجمع الثالث لحوامل يونيو (6) 2011 بإذن الله تعالى

مساء الخيرات حوامل

الله يعطيكم الخير ويهون عليكم كل اللي دعا لبنت خالي

ماتشوفين شر ام فاطمة الله يسلمك من كل شر

اشوفكم على خير

ام فآآطمة;14201852:
هلا امهات مارديت على احد لان الحين تعبانه

بس اصير احسن برد على الكل

من جلست وانا ارجع وجسمي ينفض

وكنت بروح بكره المستشفى رحت اليوم

والله انحرجت رجعت بالسياره وتملت عباتي وغطوتي

وريحتي صارت ويع

طبعا قلت للدكتوره عن الم الورك قالت نقص كالسيوم وعطتني حبوب

وقلت لها اني ماخذ حبوب حديد ولا فوليك لان انسى او ماتحمل معدتي

قامت وصفت لي حبوب صايرين داخل كبسوله نص شفاف والنص الثاني اخضر

وداخلهم حبيبات صفراا وبنيه طبعا هذا المستشفى على حساب شغل زوجي موحكومي الحكومي عطوني حبوب الفوليك لحالهم والحديد لحال ولونه احمر

اي وسالتها قلت لها الجنين ماحس يتحرك قالت اول مره يمكن قلت لهالا عندي بنت

ولما صورت سالتهااذا زين او لا قالت ان شاء الله راح يكون زين صراحه خوفتتني ماقالت الحمد لله كويس ولا شيء ولا سمعتني النبض

طلع الحكومي احسن منهم قهرتني ويوم سالت عن الجنس طنشت وشنها ماتسمع قلت لها مو باين يعني قالت اي مو باين

بس انا شاكه في كلانها يمكن شافت بنت ومابغت تقول لي لان انا قلت لها عندي بنت بعضهم يخافون ان نزعل مع ان انا عندي عادي

بس قلت خلها شكلها مالها نفس كلش وقلت بنتظر موعدي بربيع الحكومي صراحه الدكتوره زينه وقالت لي ببنتي انا فيني بنت من الخامس

بس هالمره مغيرين النظام لازم كل 3 شهور

اف هذرت واجد عليكم يالله اخليكم حدي تعبانه وفوق هذا كلها بنتي مطفشتني

سلام عليكم

شخباركم

ادري تكلمتون علي هههههه توما وام فطوم مابعلمكم خلكم بفضولكم خخخخخ بغربلكم عقب جم شهر بقول لكم اخاف احد يعرفني هني لان انا اشترك بنفس الاسم في اكثر من منتدى ومابي اقول

بس ام فطوووم مو شرط بنت حتى لو ولد بستاانس اكيد المهم الصحة والعافية والخلقه التامة
ويوم سالتني الدكتورة قلت لها اذا ولد بيكون اخ وسند لولدي وبستانس فيه اكيد واذا بنت انا بستانس اكثر وحده ههههه
الحمدلله كلهم نعمة

بس انا كان عندي فضول اعرف لان اكثر من مرة يصادف اني اروح السوق واروح صوب ملابس البيبيات مااااعرف اشتري ههه كأني اول مرة احمل لووول
فقلت لازم اعرف عشان اعرف اتسوق على الاقل.. وتصدقين في ثيااب اولاد واايد عجبوني على اياام ولدي ماذكر حصلت حلوين جذي هههه

حبوبة الله يعوض على بنت خالتك وانشالله ماتمر هالسنة الا وهي حاامل

هااجر مو تو الناس على الالتراساوند انتي الحين بالاسبوع ال17 يعني عادي بعد اسبوع او 2 يبين جنس البيبي في دكاترة شطار من وقت يعرفون انا بولدي اول موعد رحته كنت بالاسبوع ال17 وكنت مسوية التراساوند بنفس الموعد وقالت لي ولد من اول موعد يعني رحت..

وهالمرة بعد انا في الاسبوع 18 ورحت موعدي الاول الصبح ورحت الالتراساوند العصر وقالوا لي الجنس بس بعد عناااااااء ههه حتى لحين اشك لان من حطت الجهاز تقول لي يصلي ساااجد ههه قلت لها عجل شيخ ولدنا من الحين هههه وبعدين خلتني اكح وااايد عشان يتحرك وتشوف الجنس هههه وتقول لزوجي مو تفكر انا اتكلم بصفه مذكر لانه ولد لا لانه جنين ههههه
كانت حلوة الدكتورة

ونسيت اقول لهم عن الم الورك والنومة على الظهررر ماقدر شكلي بروح الصيدلية اخذ لي كالسيوم يمكن ينفعني

ام فطووم انا بعد قلت للدكتورة وغيرت لي حبوب الحديد وعطتني نفس الكبسولات الي وصفتيهم اسمهم فوليكرون وشربت وعادي ماشوف عفسوني مثل الحديد وهذول حديد وفوليك اسيد مع بعض فانا مادري الحين اوقف الفوليك اسيد والا اخذه بعد وياه؟؟؟ انا ماشربته من عطوني هالكبسولات

بنااات حلوين بنت الروضة وتوماا وهاجر ونوار وطفووف وزهرر الرمال وروبيي وابتهااال مممم بعد من انشالله مانسيت احد
شخباركم شمسووين

مبررررروك للي عرفو جنس البيبي

ام لنوني شخباررج

والله يبارك فيج ويسهل علينا وعليج

هلا بنوتات

عندي سؤال..
مشترية صبغ اظافر و ابي استعمله بس ماما تقول مو زين للحامل؟؟؟
صح هالمعلومة و لا بس الماما تخوفني

هههه والله كل شي خوفونا منه في هالحمل

مايسوى علينا ههههههه

انا مادري ماقط سمعت يا نيغاار


طفوووف طلبت من الموقع من الاغراض الي حطيتي وصلتهم .. عجبوني اطقم الاكل خذيت 2 لولدي للروضة

بالتوفيق لج وابي دسكااونت ها هههه

صبغ الاظافر وعلاقته بتشوه الاجنة؟؟؟؟؟؟؟؟؟؟؟؟

الثلاث الاشهر الاولى في فترة الحمل تعتبر فترة حرجة وشديدة الخطورة لانه الفترة التي يتكون فيها الجنين وتتكون فيها اجهزته واعضائة الداخلية التي يحتاجة لعيش بها..
التغذية السيئة او الضعيفةوالتعرض لمواد كيمائية سواء من البيئة المحيطة والكحول والتدخين او لمعادن السامة قد تسبب الاجهاض المبكر اوالضرر الدائم لاجنة
اكتشف العلماء ان المرأة في سن الانجاب يجب ان تتجنب استخدام صبغ الاظافر (المنكير) الذي يحتوي علىdibutyl phthalate(DBP( لاحظوانهاتسبب تشوهات في حيوانات المختبرات ,هذه المادة تساعد على مرونة الاظافروتساعدعلى امتصاص اللوشن عبرالجلد القريب من الاظافر لابقائها رطبه ومرنة,
ولسوء الحظ انهم لايكتبونها على المستحضرات او لايذكرون احتوائها في المستحضر غالبا...
دراسةمن مركزالبحوث لمكافحةوالسيطرة على الامراض اثبتت انهم اكتشفوا وجود بقايا ومخلفات ت**رهذه المادة(DBP(في دم اغلبية النساء في سن الانجاب التي تستخدمها ولاتكون هذا المادة فقط في صبغ الاظافر فقط بل في بعض المواد التجميلية ايضا.
لذلك نصح العلماء بتجنب المرأة في سن الانجاب والحامل والمرضعة
هذه المادة قدر المستطاع.

حبوبه
الله يعوض بنت خالج ان شاء الله

الحمد لله الله اكتبلها حمل ... وان ان شاء قريب تحمل مره ثانيه وربي يكتبها الولد او البنت السليم المعافى

ام فاطمه
ماتشوفين شر حبيبتي

ولا تحاتين بس بعض الدكتورات عندهم بروود او تشتغل من غير نفس ... واحيانا نفسها الدكتوره تحسينها باحسن حالاتها

ان شاء الله كل شي تمام

ثلج وناااار
مبرووووك ياحلوه على معرفه جنس البيبي

وعقباااالنا

رحت موعدي بعد المغرب
وكانت المفاجأه












ما دخلت الاتراساوند هئ هئ هئ

وعطنتي موعد السبت الصبح
وبس سمعتني نبض اليبي الحمد لله
وسألتني عن الحركه قلت لها عن الرفه قالت ايوه هذي حركه البيبي
وكتبت لي الكالسيوم و الحديد مره ثانيه لانهم خلصوا

حبوبة زماني مشكورة على الرد العلمي.. طلعت امي صاجة ظلمتها مسكينة:lol:

بسألكم

قالت لي ان نسبه الهيموجلوبين ٩ من ١٠ ممتازه

هذا اللي تتكلمون عنه دمي صاعد نازل ؟

الله يبارك فيج روزة

شخبارج انتي

هلا ثلج ونار

الحمد لله انا بخير

هلا هاجر انا بخير الحمد لله الحين خفت اللوعه شوي
والكرش ان شاء الله بس نولد نقدر ندخلها :) اما الورك والمه تاكدي انا يوم سالتها قالت نقص كالسيوم
توما الله يوفقك باختبارتك ولاتوجعين راسك طنش تعش

هلا نوار شخبارك ان شاء الله دوم نشوف طلتك
هلا بنت الروضه شخبارج اي صبحي على النونو وكلميه يقولون يصيرذكي اذا تكلميه دايما
هلا نسمة حب شخبارج يالغلا كيفك والكرش بتظهر زوجي يقول بطنك صغير مع اني احسه مبين
غير ببنتي يقول شكلك بتجيبين عصقول نفس فطومه قلت لها فطوم مو مكمله وهذا شيء والحين تو الناس
ههههههههه بيحكم من الحين وان شاء الله تعرفين جنس البيبي
العهد شخبارج ان شاء الله مافيج الا العافيه وماتشوفين شر يمكن توسع او من اكل معين
ام لنوني شخبارش يالغاليه ؟ شر مايجيك
هلا حبوبه شخبارج شر مايجيك
والله يعوض على بنت خالتش وان شاء الله تحمل بسرعه حمل سريع وثابت ان شاء الله
هلا طفوف كيفك والجو متقلب مره يكون حلو مرات بررررد
هلا نيغار هلا وغلا فيج وصبحك الله بالخير
هلا روبي شر مايجيك يارب شخبارك تشوقتي صبري احسن اهيء كاني رحت ولا استفدت

هلا ثلج ونار ههههههه ماعليه شوقينا وخلينا بفضولنا هههه في انتظار اليوم اللي تعترفين لوووووول
وبالنسبه للحبوب اي اسمهم نفس ماقلتي وقالت هذولي حديد وفوليك اسد يعني لا تشترين فوليك اسد وقفيه
هلا زهرة الرمال لاتخوفين روحك ان شاء الله مافيه شيء يمكن بارد مع هالجو وماله نفس يتحرك يبي يدفى
انا اقول ودي ادخل اسوطره اخليه يصحصح المشكله اني احس بزي التكور يعني حركه غريبه
لان دايم اسمع اول الاشهر يكون الحركه رفات او رفس خفيف مو تكور دايم يتكور تحت عند المثانه بالوسط
واحس انه يصير خشن وبس احط ايدي الاقيه زي اللي يفرش نفسه ويروح التصلب
فهذا خلاني اشك ان يمكن فيه شيء وهي ماتطمن خاصه اني اخر وحده عنده بتمشي فالظاهر مالها خلقي خلاص
موصله معاها تبي اطلع وتفتك
هلا روز لا ماتوقع لان الدم اذا بيحسبونه يكون من 15 مو من 10
يعني انا اول شيء كان 13ونص بعدين نزل بسرعه 11 وبسوي تحالليل بكرا بشوف اذا نزل او شيء
اما بالنسبه للجنس ان شاء الله السبت تعرفين
وبالنسبه لي الدكتوره كانت اول مره مو زي كذا بس يمكن لان رحت لها وهي خلاص اخر دوامها بتمشي وشكله حدها
تبي تمشي مالها خلق حتى تكلم سواقها تقول خلك جاهز ان شويه وحكون بره اخر مريضه عندي
ويمكن من جذي ماطمنتني يالله نصبر شورانا