ارجو مساعدتي

السلام عليكم ..

كيف حالكم ..؟

احببت ان اطرح مشكلتي و لكنني اريد نصيحة ولا اريد طرحها امام الاعضاء لكي لا تكون

احدى من اخواتي والاقرباء لي من ضمن المشاركين في المنتدى و يقرونها ..

بسم الله

انا بنت و عمري 24 سنة و غير متزوجة .. تعرضت من صغري للتحرش الجنسي

على يد احد من اصدقاء امي لان كانت تتركني في بيت اصدقائها و تروح وانا اظل العب

وياهم و صارت هالمشكلة .. بس فقط تحرش مو اعتداء ..

مرت الايام و كبرت و صار تجيني طلبات للزواج

وطبعا ماكنت ارفض عادي نسيت سالفة التحرش و تقريبا سويت 4 مقابلات للزواج

وكانت الرفض يجي من عندهم او من عندي لان ما يعجبني شي بشخصيتهم ..


في مره من المرات صديقة امي دعتني عشان اصور لها مؤتمر ديني و رحت صورت لها

ومر على هالكلام تقريبا سنة و صارت السنة الثانية و دعتني مره ثانية عشان اصور

لها نفس المؤتمر بحضور هذا الشيخ الديني الي يعطي محاضرات ..

وطلب من صديقة امي ان يكلمني في حجة ان عنده موقع في النت و يبيني اشرف عليه

صار بيننا تواصل عن طريق التلفون و الايميل وعلى المسنجر وكله كان بخصوص العمل

و كانت صديقة امي تتصل من وقت الى الثاني عشان تشوفني شنو اقول و شنو اتكلم

مع هذا الشيخ و شنو هو طبيعة العمل و يوم عرف هذا الشيخ بسالفتها قال لي لا تعطينها

التفاصيل الي بشغلنا ولا شنو انا اقول وياج .. ويوم قطعتها فترة استغربت انها اتصلت في

هذا الشيخ و قالت له انا عرفتك عليها و هذي الانسانة مو زينه و انا اعرفها وووووو

يعني كثر ما تقدر حاولت تشوه صورتي قدامه بس هو يدري هالكلام مو صحيح

تفاجئت مره من المرات انه يطلبني للزواج وبالفعل جا مكان اقامتنا و طلبني رسمي للزواج

وكانوا اهلي طايرين من الفرحه فيه لان يقولون لي نشوفه احنا الانسان الكفوء لج ..

مع العلم ان كان متزوج وعنده بنتين صغار بس صار له منفصل عنها 6 سنين و يقول لي

اهي شبيهه بالمطلقه لان احنا الشيخ ما نطلق وعشان اولادي بعد ..

ما اهتميت حق هذا الشي .. المهم عرفت صديقة امي بموضوع هالزواج و قامت تهدده

و قالت له مستحيل اخليك تتزوجها .. و راحت سافرت لأحدى الدول و سوت لي سحر مثل

ما يقولون .. طرشت له مسج قال له الحين بشوف شلون بتاخذها قبل هالمسج بساعه

هو جاي بيتنا جايب فلوس التجهيزات و جايب باقات الورد و الهدايا وانا شصار فيني ساعتها

قمت اصرخ بحاله هستيرية و اصيح ما ابيه ما ابي حتى اشوف وجهه ولا اسمع اسمه

و كسرت كل هالورد و ظليت مثل المجنونة و ما هديت الا يوم رجعوا له الفلوس ..

ظل سنتين ينتظرني على امل اني اغير رايي و ارجع اوافق عليه و امي كانت تضغط علي

وكله تحاول تتكلم عنه قدامي باي وقت اقعد وياها و باي حديث نفتحه وانا كنت اسكر اذني

واصرخ بشكل هستيري ! رحت لبعض الشيوخ الي يقرون بالقران و قال لي طبيعة هالسحر

ما ينفك الا لين هو تزوج

وان ما اتوفق بشي و قال لي ظلي اقري من القران الكريم لين الله يفرجها

وببداية السنة الثالثة في موسم الحج عقد هالشيخ على وحده من طرف امه

و وقتها حسيت بشي غريب ذاك الي ما كنت احب اسمع اسمه ولا صوته و لا اشوفه

بالتلفزيون رجع كل الحب الي بداخلي له معقوله يصدق هالشيخ و ينفك هالعمل ؟!

رجعت اكلمه و طرشت لج مسج باركت له بالزواج و قلت له الله يوفقك بحياتك

اتصل لي و كلمني وكان يبكي بشكل هستيري بس فات الاوااااااااااااااااان

بعدها فترة ظلينا نكلم بعض بس شنو النتيجة الي توصلنا لها

هو يقول البنت الجديدة الي خطبها قلبها تعلق فيه وما يقدر يحطم قلبها

وبنفس الوقت هو ما يحبها ولا يبيها بس بعد الشيوخ ما يطلقون !! وما يصير يتركها

مرت سنة و كان التواصل الي بيننا عن طريق المسجات فقط في يوم الجمعة

نقول جمعة مباركه و جذي و بالعيد ..

و بعيد الاضحى استغربت اشوفه رجع يكلمني و وايد .. ويقول وحشتيني و مشتاق لج من

هالكلام ..!

وانا كنت ارد عليه بعد .. و رجع تعلق فيني و تعلق فيه ... و رجعت حليمة لعادتها القديمة

انا ابي حل ...

احلامي كانت غير ! اني احب شخص اكون الوحيدة بحياته و يكون قريب لعمري اروح

واطلع وياه واستانس ..

بس هذا كان عكس احلامي ومادري الي بداخلي له حب او لا ..

اذا ما يطرش اوله عليه و اوقات اقول اريح هو مشغول شوي عشان ما اكلمه ..

اشوف امي و ابوي و اخواني طايرين فيه و يتمنوه لي ..

وانا اخذ واحد اكبر مني ب 18 سنة و 2 على ذمته و انا بكون الثالثة !!!

يعني انسان يتهاوشون عليه جم مراه !

وبنفس الوقت ابيه ..

بس شقول يا اخصائية انا في اثناء التجهيز للعقد كان من النوع الي يحب يتكلم

هالكلام تضميني و انا تعبان ومشتاق لج وانا عندي من هالشي ردة فعل من هالتحرش

الي كان فيني من اي انسان يتكلم بهالمواضيع اكرهه بشكل مو طبيعي وهو الظاهر

عشقه هالمواضيع و ما يذكرني طول اليوم بكم اتصال و اكثر اتصالاته و انه يذكرني حزة نومته

ماني فاهمه بالضبط هل انا انسانه طبيعية ؟ او مو طبيعية لاني ما احب هالاشياء

يعني لو كان هالشخص هو خطيبي او زوجي بكون مضطره لاني اتكلم وياه بهالاشياء

بس واحد كان بيني وبينه شي والحين ولا شي مجرد حب بصراحه ماقدر هالشي

يخالف مبادئي !

وكلمت صديقتي بهالشي تسوي لي حبيبتي الرجال عشقهم هالاشياء ولازم تتعودين !

الحين هو مسافر وقال بيرجع لمكان اقامتي بعد شهر واظنه ناوي يتقدم لي للزواج

شسوي لو تقدم لي ؟ هل اوافق عليه و ارضي امي و ابوي ؟ وانا بعد يمكن اكون راضيه ؟

والبنت الي ماخذها مو حرام يتزوج عليها ؟؟؟؟


سوري عورت راسج بس انتظر رايج بهالموضوع والحل

جزاج الله خير