والله تعبت نفسيتي تعبانه لا نوم ولا راحه ولا وناسه ودي اصرخ؟؟؟

انا اقولك نصيحتي ..,,


اولا الطفل يكون عنيد طبعا بالنوم وانا مريييييت بهذي الشي لين اكتشفت ان بنتي مريضه وقطعت الحليب عنها قبل النوم لانه يعمل لها حموضه واعطيها عصاير وثاني شي انتي السبب في هذي الشي الاطفال من يولدون الام لااااااااااااااااااااااااااااااازم تعوده عالنوم لوحده بدوووون هز ومن اليوووووووم ورايح خليها تنام لوحدها بدووون هز ولازم بتنام ولا تقولي مابتنام وانتي نامي بجنبها وطنشيها ..,,

ثالث شي اكليها قبل النوم بساعه او ساعتين وقبل النوم بساعه خلي الاجواء هاديه طفي الانوار وسكري التلفزيون وخليها لوحدها لين تحس بالنوم وحطيها بالسرير لوحدها وادري راح تقولي ماراح تنام بس صدقيني مع مرور الوقت بتنام وراح تتعود وبترتاحين وتريحي ابوها ..,,

ورابع شي طنشيييييييي وهدي اعصابك لان العصبيه ماراااااااااح تنفع ابدااا وطنشي لين تنام ..,,

وهذي الاشياء سويتها لبنتي ونجحت الحمدلله وتذكري ان الطفل عن طفل يتغير ..,,

الله يخليها لك يااارب ..,,

الله يطيكم العافيه بس كل تصيح كل شئ تبيه واذا ما عطيتها تصيح تطلب اشياء خطره

الاطفال اغلبهم بهالعمر نومهم متقطع وقليل

بنتي مثل الشي مستحيل تنام 4 او 5 ساعات متواصله

في الليل صياحها كل اللي في البيت يسمعونه

ان شاء الله يكبرون ونرتاح ويريحونا بعدين

الله يساعدش تحمليها بتكبر

نصيحتي لج اول شي تاخذينها لاخصائي اطفال يشوف اشفيها إذا مافيها شي فتحملي هذا طبعها انه عيالي يصيحون وايد واهم صغار وقليلين نوم ومن يكملون سنتين الحمدلله يبدا يتعدل طبعهم ونومهم الحمدلله بس شويه صبر والله كنت اداوم وانه سهرانه

الحـــال من بعضه خيتو الله يعينك ويعينا معاك

بس قري عليها وحصنيها والله يكون بالعون

Haifa..;14124131:

انا رايي من راي اختي الغائبة الحاظره


اول شي ما شاء الله تبارك الله ولدي من يوم ولدته وانا انام بسريري وهو بسريره
يبكي .. ايبونه لي ارضعه يرد سريره
بينام بسريره
الا وقت اللي تكون امي مب موجوده ايام النفاس اخلي يمي لان السرير رفيع وما اقدر انزل واركب من الجراحه ..

بعدها بعد الاربعين خلاص ولدي تعود
لما احد اييني وقت النفاس ما اخليهم يشيلونه
اقول لهم ما ينام فالليل
ما كنت اهزه وما كنت ارضى احد يهزه عشان ما اتغربل
الحمد لله كنت صارمه بهذي الامور وارتحت
بس صارت عندي مشكله !
انه يسهر معانا ..
لين الفجر الساعه او 5
احيان اكون انا تعبانه خلاص طيب نام ما ينام
لين عمره 6 شهور
قلت ابي حل
اصحيه الصبح ..
ما اخليه ينام المغرب
ما في فايده الياهل تعود ينام الساعه 4
لين ما رحت للدكتور كان ولدي مزكم
قلت له ولدي ما ينام لهالوقت عيزانه وياه مافي فايده
كل الطرق سويته
لين قمت انوم ساعه اخليه بالبانيو ماي دافي
ورغوة ما قبل النوم من جونسون
وادلكه ومساج واشبعه وينام
بس لو نومته 2
بيكون 3 قام من النوم
قال لي الدكتور .. / انتي عودتيه على كذا
الولد ماعنده مشكله ابدا المفروض انه ينام بدري

قلت طيب يا رشود بشوف انا ولا انت هههههه
سويت له حمام دافي
وكان متعشي قبلها
وحطيته بالسرير الساعه 2 ونص ] كبدايه ..
وعطيته المرضاعه ورحت
قال زوجي حرام عليج وما ادري شنو
وخليت اللمبات مسكره عليه
كان الوضع هادي جداً
بعدين قام يصيح ..
خليته قلت لزوجي ما تروح له
خله يعرف ان هذا وقت النوم !
خليته شوي لين 3 او 3 وربع نام
وبعدها بكم يوم تقريبا اسبوع قمت انومه 2
وبعدين و 1 ونص
الحين الساعه 12 الا ربع يكون دايخ يبي ينام
ونومه مب متواصل ..
يقوم عال 8 ونص يشرب رضعه
وينام لين 11 او 12

انا راعية سهر .. بس ولدي لما يكون صاحي انا ما ارتاح
ابي هالوقت يكون لي انا ارتاح فيه
اخذ راحتي مع زوجي
والله ما ارتحت الا لما صرت صارمه مع ولدي بأوقات النوم ومكان النوم

حطيها بسريرها وعطيها رضعتها وقولي لها نوم
خليها لو بكت شو بيصير ..!
اليهال طول اليوم يبكون بتكون صعبه على وقت النوم !!
سوي لها ششور دافي
وشبعيها وعطيها الحليب وبسريرها
ولاتعورين راسج
لين ما تنام
كل يوم بتتعود عالوضع
وارتاحي وفكري ان زوجج له وعليه
مب معقوله تنام وسطكم ..
احسن ما يطفش منكم ويقول لج روحي انتي وياها الصاله

مثل الي اسويه لعيالي بالضبط ..

وألحين مرتاحة قبل النوم عشيهم وبعدين سبحيهم ودليكي جسمهم بالزيت ولبسيهم لبس داي واعطيهم الرضعه وعلى السرير .. ولاتنسي تطفي الانوار ..

ترى بالبداية صعب بس بعدين بيتعودون ..

بس مشكلتي الوحيدة لمن اروح بيت ابويي يخترب النوم عدل مايعرفون ينامون الا بمكانهم يعني من اجي البيت ينسدح مكانه وينام ..

..
..

يلا عوديهم من ألحين وخليهم يصيحون لين مايشبعون ..

وفي الليل لا تعطيهم اكلات تجيب لهم الطاقة حلويات وحليب فراولة ...


وبالتوفيق

قطرة مطر ..