بغيت مساعدة في ضيافتي

بالأول تولدين بالسلامة يا رب و عقبالنا و عقبال كل الحوامل يتممون حملهم على خير

بالاتاجمنت خليت لج لستة ابديت مسويتها لجميع محلات الضيافة و التوزيعات بالبحرين

طبعا من ولادتي الاولى ومن افكار البنات اللي ولدوا بالفترة اللي راحت، بخلي لج جم صنف ذكروه

1. جوكليت من المكان اللي تحبينه (ليلوز ، جناحي ، ديلمون، ليفز ، ندى ، مصنع بالحد )
2. سكر من سو سويت ، يجي لج على اشكال متنوعة و حلوة
3. موالح من جست بيرفكت او محمصة الجزيرة أو ليلوز
4. خبز رقاق حلو و مالح (مااتذكر من اللي ذكرت انها خلته بالقدوع)
5. بسكوت على شوكليت من عندى ندى
6. معجنات (ليلوز ، سندويشات فرح ، امبرس)
7. كب كيك (بسكاتو، سو سويت )
8. مقليات ميني (اختاري من المحلات اللي باللستة)
9. بيض صعو و مكسرات فناتق وغريبة مثل المعتادة و تسوين فيها حركة أو فواكهة مجففة
10. بسكويت مالح ميني أو كوكيز
11. ميني عقيلي أو كيك عقيلي من الصافي ، اعتقد من موضوع الاخت دهن العود
12. أي شي ميني تحصلينه بالمحلات ذوقيه ، لان المستشفى حلاته كل شي ميني
13. مارشميلو

هذا اللي في بالي الحين