شلون أرد عليها؟

اذا قالت لك كذا قولي لها مشغوله هي يمكن تبيك تخلصين شغلها
ومبين هي اعتماديه اللي كانت تخلي البيت وماعندها الا بنت على الخدامه ويمكن هي تغار منك لان اللي ماتحب بيتها وتعشق ترتبيه والاهتمام فيه ماتحب حياتها وزوجها فيه اذا حبيتي بتبدعين فيه فهي تقارن وتغار يمكن

انتي لاتعطينها بال ولاتحكين عن شي بينك وبين زوجك وخلي مواضيعك عامه واذا زادت بيوم كلميها بغيض وعصبيه حسسيها انها غلطانه بشكل كبير

الله يوفقك

الله يعينج ياقلبي ذكرتيني بوحده الله يستر عليها


لو انا منج بقولها الغلط منج انتي خليتي كل شي عالخدامه والحين مب قادره
وترى انا نفسج والبيبي مابيزيد من شغل البيت والسهر الا شويات

اذا قالت ليش جذي مرة ثانية بسيطة

قولي ليها والله الحمدلله عارفة شلون ادبر حياتي واهتم في زوجي ودراستي !!

واذا هي قصدها عن الاطفال قبل ما تقول ليش الكلام وصلي ليها انتين المعلومة ان انتين الحين مركزة على الدراسة وان شاء الله بعد التخرج مخططين تجيبون جاهل

مثلا قولي اني مستغربة من الناس الي تجيب جهال وهي تدرس !! اكيييد ما بيقدرون يوفقون بين الدراسة والبيت والجاهل ..

بختصار وصلي ليها معلومتين

- مو فاضية الحين لجهال و اني عارفة شلون ادبر اموري
- ان شاء الله بعد التخرج اجيب البيبي لأن مو وقته الحين

لازم تقولي لها عن كل الى فى قلبك

فدياج طنشيها واحتسبي الاجر عند رب العالمين

نفس كلام البنات