عروسة غير;14085114:
كلنا في البحرينـــ شفنا بعيونا أيام المدارس الاعدادية والثانوية مخطوبات يا كثرهم
بس كانوا أكســـل الأوادم بالصف ... مهملات ... مالهم شي بالدراسة وفوق ذي كله ....
يوم يومين تلاقينهم يحملون وينطردون من المدرسة
يعني الخطوبة ( العقد الشرعي ) في البحرين تتختلف عن باقي الدول ( دايما عندنا الخطوبة جنها عرس وأكثر بعد )))
والبحرينيات كلهم يعرفون ذي الشي يعني مب قاعده اقول كلام من عندي
يعني بالله عليج ::: مب حرام تخربين مستقبلج ؟؟؟
ماتفكرين بدراستج ؟؟8o|
شنو تحبين ؟؟؟ شنو هالخرابيط !!!
الحـــب أكبر من حب المراهقة وخرابيطه!!
اسمحيلي معصبة !!!
بس لان حرام عليكم يا بنات تاركين دراستكم وتركضون ورا العرس جنه بطير !!
بطير العرس؟؟؟ فهميني !! إذا الريال ذي يحبج خل ين ع الأقل ينطرج تكملين ثانوي
صغيرة والله حرام الي بعمرج يفكرون بدراستهم شنو لازم يكون معدلهم ولازم ايبون ممتاز واي كليه بدخلون
وانتي تفكرين بالعرس
وعبالج العرس فستان أبيض ... وزفة وطلعات وهدايا ووناسة؟؟؟
لا العرس مسؤولية ويبيله وحدة ناضجة وكبيرة
وعمرج ذي مؤشر على عدم نضوجج ...
صدقيني الإنسان ليمن يتذكر مراهقته يضحك ع نفسه وشلون كانت مشاعره وتفكيره كله خرابيط !!
الحين كبرنا : انا يوم اتذكر مراهقتي والله ان اضحك ع نفسي !!!
والله أقولج مالج إلا تسمعين كلام أمج وابوج ولاتركضين ورا الحب
خلج بدراستج وبعدين فكري تعرسين ترا صدقينيييييييييييييي راح تندمين
وسوري عصبت عليج ( حسيتج اختي والله قاعده انصح لوجه الله ) ماحب اشوف بنات ديرتي هلون
يلا حبيبتي بالتوفيق
انا مع عرووسة بااليي قالته حرفيا ..
توووج صغييره 15 بدشين 16 ؟؟ هاي سن وحده تفكر فيه بالزوااج ..
هالسن .. الوحده تفكر بمستقبلها شنو تبي تصير ..
شنو تبي تتخصص بالثانوي حق بعدين بالجامعه تحقق طموحها و تدرس التخصص الفلاني ..
ليش انتي ما عندج هدف ؟؟ لو مستواج نازل بالدراسة فقلتي خلني اعرس ما مني فايده .. :thumbs_down:
تووج في بداية حياتج .. و هالسن المشاعر متقلبه تصير فيه .. تقولين حب .. زين الحب شبيسويلج عقب ..؟؟
لو لا سامح الله صادتكم مشاكل و احتجتي انج تشتغلين وانتي لا شهاده و لا شي ..
بتقولين ها بكمل ثانوي و بعدين بنعرس و منها بكمل جامعه ؟؟
ضامنه انتي ان انخطبتي بتكملين دراسة ثانوي و عقبها بتعرسين ..
ياااااا كثر الي كانو معانا بالثانوي مخطووبات و ااتزوجوو و حملو ما كملو دراستهم لا ثانويه ولا جامعيه و ان كملو ثانوي ما قدرو يكملون الجامعه ..
لانه صارت عليهم التزامات زوج و اسره ..
و احين ندمانييين انهم ارتبطوو بهالفترة و لا عاشوو حياتهم ولا حققو طموحاتهم ..
بعدين عقب 5 سنين بتقولين يا لييييت ما ارتبطت و توني بعز شبابي ..
و بتجوفين ربعج كلهم مخلصين دراستهم و كل وحده سوت الي تطمح له ..
انا 22 سنة و احس روحي توي صغيرة على الارتباط .. و الزواج ..
لان لحين عندي هدف و طموح اكثر من الوظيفه .. تخرجت جامعه و توي متوظفه و احس ان لي هدف ان اواصل دراسات عليا .. و طبعا الكل يشجعني لان الحياة لحين جدامي ..
و انتي تبين بهالسن و انتي تووج في بسم الله ..
الحب ما بيفيدج بشي و هاي نصيحه و امج و ابووج لو ما يخافون ع مصلحتج جان ما رفضو انج ترتبطين بهالسن ..
لانهم يعرفوون متطلبات الحياه احين .. البنت لازم تكون متعلمه و مثقفه ..
و عقب ان صرتي ام .. تقدرين تدرسين عيالج و منها ياخذوونج قدووه كونج كملتي و تعبتي بمجهوودج ..
ليش تبين عقب عيالج يجوفونج مو مكمله يمشون على نفس الطريج ..
حتى لوقلتي بكمل و بكمل بس انتي ضامنه ؟؟
و انتي تووج بمرحله المراهقه و المشاعر متقلبه تكوون فيه اليوم تحبينه باجر بتحسين غيير ..
فكري بعقلج و شيلي العواطف منج .. لانها ما راح تفيدج بشي ..
و سؤال الي بترتبطين فيه جم عمره ؟؟ مكمل دراسة ؟؟
لو مكمل جان في احتمالا 50% ان يشجعج ان تكملين دراسة ..
بس هالشي ما يعني ان مكمل يعني بيشجعني يا ما بنات يشرطون بعقد الزواج ان يكملوون ..
بعدين من يحملون خلاص ينحطوون بالامر الوااقع لا دراسة ولا مستقبل ..
و خل تفكيرج بدراستج و مستقبلج و العرس لاااحقه عليه ..
الزواج مو فستان ابيض و طلعات و هدايا و كلام حلوو ..
الزواج مسئوولية ..و انتي توج عليها .. توج صغيييرة على ان تتحملين هالمسئوولية
ع العموووم الله يووقفج ان شاء الله حبوووبه :)
و اعيد و اكرر شيلي العاطفة منج و فكري بعقلج ..
و هل انتي هدفج بالحياه زوج و اسره بس .. مو مهم العيشة الي بعدين مع عيالج ان كنتي مو متعلمه ؟؟
و الا هدفج اسمى من هالشي ..