اختكم بكرية

اعتقد بعدك في الثاني صح

تو الناس على التجهيزات

انطري على الاقل لين دخلتي الخامس او نهاية الرايع


ولين بتبدي تجهزين او بدي اغراض البيبي وخلصي منها وبعدين حقج وآخر شي التوزيعات طبعا التوزيعات اذا انتي حابة تسوينها لازم عندك فكرة عن شنو

حبيبتي
ممكن تزوري التنزيلات ف سنتر بوينت
وممكن تشتري كل شهر شي
وحطي الاشياء الثقيلة مثل السرير
آخر شهر

وبالنسبة للسرير
لازم تشتري له سرير بروحه

انا بعد بكريه وللحين ما مشتريه شي
وبدأت أتثاقل :(
وتو داخله السادس

وما أنصح اي وحده تتأخر:thumbs_down:

انا بالثالث ان شاءالله
بس اتمني اعرف شو هي اغراض النفاس

هلا والله نرجس الشرق ، منورة الموضوع والتجمع بشهر يوليو


مع ان فيه تخفيضات هالايام ممكن انج تاخذين لج فرة و تاخذين اشياء بسيطة واللي تعجبش لان عندنا بالبحرين التخفيضات اعتقد يسوونها مرة ثانية بشهر 1 نهايته والبعض بشهر 2 او 3


سنتر بوينت لا تستعجلين من الحين لان عندهم تخفيضات بصفة مستمرة من فترة للثانية وخاصة لما يكون عندهم تخفيض على كل شي ب 25 % ومرات 50% على الاشياء الكبيرة اللي تسوى مثل السرير و كرسي السيارة والخ

طبعا طالما انج الحين بالثالث ، جمعي كل شهر شوية و خلي لج مبلغ حلو للتجهيزات لانها تكلف شوية و خاصة لو كنتي حابة شي مميز

ابتدي التجهيزات الفعلية بالخامس و حاولي تخلصينها بالسابع

التوزيعات و أغراض المستشفى من اوردرات و شغلات ، خلصيها بالثامن
و ادوات النظافة لج و للبيبي تقدرين تاخذينها لبداية التاسع او حتى نهاية الثامن

بالشهر التاسع حاولي ترتاحين و تخلصين الكماليات والشغلات البسيطة

طبعا بالفترة هذي ممكن مثل ما قلت لج تاخذين لج فرة على المحلات وخاصة المفارش والقمطة والبسطة و تستغلين التخفيضات بشكل معقول لان كل ما تروحين السوق بعدين تبغين تاخذين اشياء ثانية

وأي سؤال اني حاضرة لج حبوبة