تطبيقي لعقد الخبز بالثوم و يخنة اللحم البقري مع البطاطس و البسلة :)

شكرا لك

Miss D;14793211:
دايزي انا وااايد معجبة بـ طبخج و افكارج واايد راقية ماشاءالله بكل شي !

بس طلب صغيرووون :$ ممكن طريقة الشوربة ؟!

يا هلا غاليتي... تسلمين على كلامج الطيب...

بالنسبة للشوربة هذي شوربة عدس :)

* حمسي بصلة صغيرة و فص ثوم مفرومين، و بعد ما يتحمرون أضيفي هذي الخضار (حبة بطاطس صغيرة، حبة جزر صغيرة، حبة كوسا صغيرة، حبة طماطة صغيرة مقشرة) طبعاً قطعيهم قطع متوسطة الحجم...

* أغمري الخضار بماي مغلي، لا تكثرين ماي، يعني يكفي يغطي الخضار بشوي، و حطي لهم حبة ماجي... غطي القدر و خلي الخضار تستوي على نار متوسطة، تقريباً تاخذ ربع ساعة...
و انتي تأكدي إن الخضار مستوية عدل، عشان إذا طحنتي الشوربة ما يصير فيها قطع مبينة من الخضار!

* خلي الشوربة تبرد شوي، بعدين طحنيها بالخلاط مع شوية بقدونس طازج، و ضيفي لها ملح و فلفل أسود و نص ملعقة صغيرة كمون...

* رجعي الشوربة للقدر و رفعيها على نار هادية و ضيفي شوية شعيرية، مو كثير، يعني قد ملعقة كبيرة... و حركي لين تستوي الشعيرية و تتجانس الشوربة!

و قدميها مع الليمون و تطلع حلوة بعد لو قدمتي معاها مكعبات خبز محمص!

و بالعافية إن شاء الله F:

تطبيق راااائع
تسلم الأيادي

ماشالله تطبيق ولا اروع

تسلم ايدك ياام راشد وشجعتينا على التجربه

بألف عااااااااااافيه

ما شاء الله تطبيق مميز
بالصحه والهنا

رررررائع ماشاء الله تسلم ايديك