شخباركم عروسااااااات؟
اليوم حابه اشاركم في فكره استفدت منها في اشياء مثيره<< بكتب كثيره طلعت مثيره وبالفعل هي اشياء مثيره:)
لما انقطعت عن الدراسة فتره صرت انسى الايام والتواريخ
فاحتجت شي يذكرني بهالاشياء مثل:
اليوم التاريخ
مواعيد مهمه ( للمستشفى... عزومات...عرس..امتحان الخ الخ
طبخه ابي اسوي ومقاديرها
فكره خطرت في بالي وابي اسجلها
غريضات البيت ناقصه واقصد اليوميه( حليب.. خبز ..
تذكير لاي شي
فخطرت في بالي .....السبوووووورة:I:
لكن حزتها ما كان عندي سبوره صغيره حلو تناسب:01:
فاخذت غلاف دفتر شفاف وزينته بطريقه حلوه
و ويييييين؟؟ وييييييين ؟؟^o) ^o)نحطتج ياالسبوره
الثلااااجه
حطيته على الثلاجه وثبتها بمغناطيسات صغيره
والثلاجه هي مكان جدا مناسب لان على طول نمر عليها فبكدا انا اشوفي وزوجي بعد يشوفها
وحطيت لي اقلام سبوره على الثلاجه
فكنت كل يوم اكتب التاريخ واليوم
واذا كان عندي موعد مهم حتى لو ما كان اليوم احط تذكير عشان اتهيء
واذا نقص شي مثل حليب ولا خبز او اي شي ضروري
وقلت لزوجي فهو يمكن >> الا اكيد بينسى
فاكتب ليه (جيب كذا وكذا..)
واذا نسيت اقول له شي وانا بطلع وهو نايم او انا بنام وهو لحين ما رجع
( انا بتاخر .. العشاء في الفرن .. وهالسوالف
ومن الاشياء الي كتبتها
دعاء الايام الصغير البسيط اكتبه عشان اقرا وزوجي بعد يقراه
وتطور الموضوع حتى زوجي عجبته السالفه
فمثلا اذا جاب الحليب يمسح او يشخط عليه<< يعني تمت المهمه
وقام هو بدوره يكتب لي اشياء<<<< احم احم:adore:
يكتب لي صباح الخير
يهني بشي صار
وقام يكتب كلام حلو :o
وانا ارد عليه
وبعدين حصلت لي سبوره حلوه خفيف صغيره تناسب الثلاجه على سفنج بوب
ولصقتها على الثلاجه
وتستمر الحكايه
ملاحظه جهنميه: اذا مثلا متزاعله ويا زوجك وتبين تعتذرين ومستحيه فالسبورره هي حل مناسب للاعتذار او للتوبيخ و العتاب
فانشالله تستفيدون من هالتجربه
وتحطون لكم سبوره صغير وانتو وافكاركم وحركاتكم
والمكان الي تبون مو شرط الثلاجه
اي مكان الكل يشوفه
وادعوا بالتوفيق في الدارسه ومع زوجي وولدي
واذا استاهل التقييم قيموني
واسفه على الاطاله