افكاااااااااااار حلوة من المتزوجات

انا بالهدوء والرقه :)
وتركت عني العصيبه والصراخ :mad: الي ماجبت لي الا الهم...
وطبعا اللبس والزينه والتجدد مطلوب
ام كريمه فكره حلوه وايد...وان شاء الله الكل يستفيد من الي بيتزوجن بس حتى المتزوجات
يعطيج الف عافيه
اختج

دايما بيني له انه انيق ووسيم وخصوصا كل ما لبس لبس يديد،،، عن طريق نظرات الاعجاب او ردة الفعل الاولي او المدح الزايد:up:،،، طبعا لا تمدحينه اذا كان ذوقه مب حلو وتخلينه ياخذ مقلب في عمره وحليله ،،، "حتى عجب بتلاحظين انه قام اييج بس عشان ياخذ رايج او حتى يشوف ردة فعلج"

ودايما دايما اشكريه :z_thanks: على كل مبادرة منه لصالحج او تصرف حلو او خدمه،،، ها الشي وايد مهم ،،، عشان تبين له انج تقدرينه وايد،،،

ويوم يدخل البيت دايما استقبليه بابتسامة حلوة منج ومبادرة:y_hi: كأنج ما شفتيه من زمان وخصوصا اذا كان راجع من الشغل تعبان،،، "ويوم بيدخل عليج نشي من مكانج وسلمي عليه،، مب تسلمين عليه وانتي يالسه،،، مب قصدي على القبله بس بيني له من وقفتج انج محترمه وجوده،،، وبيني له انج كنت ياسه تترينه،،، واكيد لازم يكون شكلج حلو ومرتب يوم يشوفج،،،،

اهتمي وايد باهتماماته واسأليه دايما عنها حتى لو كانت ما تعنيلج شي،،، ودايما كلميه عن آخر الاخبار والاحداث اللي استوت لج خلال اليوم وخصوصا المواقف الطريفة،،، عوديه انج دايما تخبرينه وتشاركينه في كل شي يمر بحياتج اليومية،،، عشان تولدين نوع من الحوار اليومي الايجابي،،،

لا تخبرينه عن الاشياء اللي تعرفين انها تزعجه "طبعا اكيد حاولي ما تسوينها" ولكن اذا استوت عن غير قصد لا تخبرينه عنها،،، خصوصا اذا ما كانت في فرصة انه يعرفها من مكان ثاني،،، لانه ممكن انها تعكر صفو العلاقة اللي بينكم وممكن انها تولد خلافات،،، على قولتهم "الريال ما يقولوله كل شي"،،، وانا الغبية ما اخلي شي ما اقوله واتجاشر على عمري في النهاية،،، :cry:

تحيني المزاج الحلو يوم تبين شي منه وعندج مصلحة :D2:D2:D2،،، هذا اذا بغيتي ينفذلج طلباتج والا بتكونين انتي الخسرانه ها :cool2:،،،،،
وايضا يوم بيكون عندج خبر مش ولابد مضطرة انج تقولينه:pain:،،،، كلميه وهو في ها المزاج ومب يوم هو معصب ،، عشان تكون ردة فعله اخف شوي عن يوم هو معصب،،،،


دايما دايما بيني له انج مرتاحه وياه وانج مب محتاجة لشي لانه موفر لج كل شي حتى لو ماكان لانه ها الشي بيولد عنده نوع من الرضى النفسي من ناحيته هو وتلقائي بتلاحظين انه يسعى انه يكون كذلك بدون ما يحس،،،والله والله بنات صدقوني انه ها الشي يأثر،،، يعني كل ما كنتي ايجابية وياه كل ما كانت النتايج في صالحج وطول ما انتي مب راضية وتتذمرين طول الوقت والله ما بتحصلين شي في النهاية،،،

اذا كانت امكانياته المادية ما تسمح انه يكون كريم وايد وياج،،، اصبري عليه ولا تغثينه بالطلب المستمر،،، والاجر لج عند رب العالمين

الظاهر وايد خذت راحتي ،،، بكمل لكم بعدين وخصوصا عجب ما نسمع آراء الاخوات عشان نستفيد كلنا،،،، وانا اولكم

والله ان زوجي يموت من الوناسه كل ماقلت له انه أحلى شي في حياتي واني من دونه ماكنت أدري اشلون بعيش ...ويعني من هالكلام الطيب ..ترى الريال مثل الطفل الكلمه الحلوة تجيبه وتخليه مافي أحسن منه حتى لو كان في قمة عصبيته..

:confused::confused::confused::confused::confused:



ماهقيتها من المتزوجات




كذا اتفشلوني ماعندكم افكار تعاملتوا بها مع



ازواجكم




يا متزوجات نبي الفايدة تعم على الجميع



وخاصة اخواتنا المقبلات على الزواج



خلونا نستفيد ونفيد





انتظركم



تحياتي (u)(u)(u)

[c]السلام عليكم..


انا بعدني يديده على عالم الزواج.. بس لاحظت انه الدلع مفيد شوي.. بس مب زياده عن اللزوم.. يعني شوية دلع.. على حب.. على حنان.. يقضون الغرض.. :)

عوديه على شي.. بحيث انه اذا ما سويتله هالشي مره وحده يحس انج بالفعل مهمة بالنسبة له.. يعني مثلا. عوديه يوم يرجع البيت يحصل الغدا زاهب والحمام والفوطة .. ولبسه.. والبيت معطر ومدخن.. ويوم بتغيبين عن البيت.. بتشوفين كيف بيتوله عليج وعلى ريحتج في البيت..

وسلامتكم
واذا في شي يديد بخبركم ان شاء الله..
.. [/c]

زوجي عنده اهم شي اني ما اعصي كلامه ولا اني ابين له عنادي (اكره شي عنده)

وبعدين يبغيني على طول حلوة في عينه واخر شي يستانس اذا اهتميت بشكله واخترت له ثيابه.:cool: :D

انا اكتشفت ان طريق لقلب زوجي هو معدته..فقمت اتفنن في الطبيخ...

طبعا غير اني من فتره لثانيه اسويلي حركه رومانسيه تجدد الحب...مثل اترك له ورقه مثلا فيها كلام حلو...او مسج...

هالمره ان شالله ناويه اعلق له صوره من شهر العسل والبطايق اللي كنت اهديها له في الكبت ..وبشوف ردة فعله...لكن شو رايكم بالحركه؟؟؟

شو رايكم نسويها مع بعض؟

فكرة ممتازة و حلوة...و بنطبقها وياج....و مشكورة...


;) ;) ;) ;) ;) ;) ;) ;) ;)


...............فوانيس...............

فكرة حلوة (عروس قديمة)


وانا معك ;) ;) ;) ;) ;)

حبيت اشارك ..... واستفيد منكم
انا معرسه ما صار لى شهر بس ...
في طبع في ريلى من الملجه ما يحب يمدح موووووووووووووول ولا يعبر عن الا بداخله ..... الشي الحلووو ما يمدحه والشي الا مب زين يذمه
وما يحب شي اسمه مكياج موووووووووول :(
ومب رومانسي مول
انصحوني اخاف اصير مثله بارده وما اعبر على الا بداخلى :(


والسموحه

:( :( :(


كان الله في عونك miss AnGel


لاتياسين :) :)

ايقولون الحرمه اذا تمت تمدح شكل الزوج وجماله وذوقه في اللبس يتكبر ويصدق عمره cool: يعني تمدحه بس بحدود والهم انها تمدح الاشياء الاهم مثل اخلاقه الزينه الاشياء الطيبه اللي يسويها مثلا اذا ياب اغراض البيت تمدحه يعني اي سلوك ايجابي اشوفه ايسويه تمدحه وتتجنب تمدح المظهر...:::

MissAnGeL


اسمعي مني يا عزيزتي...

سمعيه انتي الكلام الحلو..ولا تبخلين عليه..وطبعا لا تنسين الحركات...صدقيني اغلب الرياييل عندنا من هالنوع...لكن الكلام الحلو يوم يصير دايما على مسمعه..يصير هو يقوله لا ارادي..واذا انتي توقفتي عن هالشي بيفتقد شي كبييير....


ترى الريال مثل الياهل...المسأله يبالها شويه طولة بال

هفووف،،،

صح لسانج بالنسبة لمدح الاخلاق،،، بالفعل وايد مهم،،، بس بعد بالنسبة للشكل،،، لانه اذا الزوجة مب هيه الشخص المناسب لمدح الزوج،،، منو عيل المفروض انه يمدحه ويهتم بشكله،،، وها الشي وايد مهم عنده لانه ما بيحس انه متميز وعلى درجة من التقدير الا في نظر زوجته،،، والريال يعيبه حد يمدحه لو حتى ما يبين ويحط الشخص في باله،،، وها الشي ييي من حرمته احسن مما يلمسه او يدور عليه برع "صدقيني انا شايفة"،،، والحرمة كم تراها بتمدح،،، اكيد مب كل يوم والا السالفة استوت ماصخة ،،،،


MissAnGeL

الله يكون في عونج،،، بس حذار انج تتأثرين بطبعه وتستوين متلبدة المشاعر،،، ويكون بروده سبب في انج تكونين مثله،،، المفروض انج انتي تغيرينه،،،وها الشي بيكون وايد صعب ويباله وقت خصوصا لان الريال عموما صعب انه يعبر عن اللي داخله "مب كلهم" وخصوصا اللي نشأ في بيئة مماثله بحيث انه المشاعر هي مدعاة للخجل وعيب التحدث فيها او اظهارها،،،

لكن،،،،،

حسسيه دوم انج تعزينه وتقدرينه وايد وعوديه على الكلام الحلو حتى لو ما يتجاوب وياج،،، وصارحيه انج محتايه نفس الشي منه واطلبي منه انه يسمعج ها الشي "حتى لو في نفس الوقت" وانج اذا ما بتحصلين الكلام الحلو والطيب منه وين بتسمعينه؟ صديقيني والله اعرف ناس حياتهم ما لها طعم ولا معني بس لانه انعدمت بينهم المشاعر واستوى كل واحد منهم ما يتنزل يبدأ بالكلام الحلو والطيب لدرجة انه ها الشي صار بينهم عيب مع انهم متزوجين،،،وعلاقتهم تقولين اخو واخته،،،، صار كل الكلام اللي بينهم مجرد كلام روتيني عادي متعلق بالحوايج اليومية وتأدية احتياجات الابناء والمنزل،،، وصار الزواج متجرد من كل عناصر الطمأنينة والسكون اللي الله جعله هدف للنفس البشرية يو شرع الزواج ،،،،

يعني شو خانة الزواج يوم يقوم على الاحتياجات الجسدية فقط ومتجرد من الاحتياجات النفسية،،، صدقيني اذا ما اداركتي ها الشي الحينه بيكون وايد صعب اننج تغيرينه في النهاية،،،

وانا ما شاء الله عليه مصدقة عمري وهات يانصايح واتحرى عمري ام خليفة وانا مناك ما اعرف شي :D2:D2:D2

الله يسهلج امورج ويوفقج يارب العالمين

عروس قديمه،،،،

صح لسانج بالنسبة لمدح الاخلاق،،، بالفعل وايد مهم،،، بس بعد بالنسبة للشكل،،، لانه اذا الزوجة مب هيه الشخص المناسب لمدح الزوج،،، منو عيل المفروض انه يمدحه ويهتم بشكله،،، وها الشي وايد مهم عنده لانه ما بيحس انه متميز وعلى درجة من التقدير الا في نظر زوجته،،، والريال يعيبه حد يمدحه لو حتى ما يبين ويحط الشخص في باله على فكرة،،، وها الشي ييي من حرمته احسن مما يلمس ها الشي من برع "صدقيني انا شايفة"،،، والحرمة كم تراها بتمدح،،، اكيد مب كل يوم والا السالفة استوت ماصخة ،،،،


MissAnGeL

الله يكون في عونج،،، بس حذار انج تتأثرين بطبعه وتستوين متلبدة المشاعر،،، ويكون بروده سبب في انج تكونين مثله،،، المفروض انج انتي تغيرينه،،، حسسيه دوم انج تقدرينه وتعزينه وايد وعوديه على الكلام الطيب والحلو حتى لو ما يتجاوب وياج،،، وصارحيه انج محتايه نفس الشي منه واطلبي منه انه يسمعج ها الشي "حتى لو في نفس الوقت" وانج اذا ما بتحصلين الكلام الحلو والطيب منه وين بتسمعينه؟ صارحيه حتى لو تطلب انج تصيحين جدامه بس عشان يعرف انه ها الشي وايد مضايجنج،،، "اعرف وحده سوت نفس الشي والحمدلله من هذاك اليوم قام يراعيها شويه" صديقيني والله اعرف ناس حياتهم ما لها طعم ولا معني بس لانه انعدمت بينهم المشاعر واستوى كل واحد منهم ما يتنزل يبدأ بالكلام الحلو والطيب لدرجة انه ها الشي صار بينهم عيب مع انهم متزوجين،،،وعلاقتهم تقولين اخو واخته،،،، صار كل الكلام اللي بينهم مجرد كلام روتيني عادي متعلق بالحوايج اليومية وتأدية احتياجات الابناء والمنزل،،، وصار الزواج متجرد من كل عناصر الطمأنينة والسكون النفسي اللي الله جعله هدف للنفس البشرية عندما شرع الزواج،،،،

يعني شو خانة الزواج يوم يقوم على الاحتياجات الجسدية فقط ومتجرد من الاحتياجات النفسية،،، صدقيني اذا ما اداركتي ها الشي الحينه بيكون وايد صعب اننج تغيرينه في النهاية،،،

وانا ما شاء الله عليه مصدقة عمرى وهات نصايح ومسويه عمري ام خليفة وانا مناك ما اعرف شي :D2:D2:D2،،،

الله يسهلج امورج ويوفقج يارب العالمين وعذرا على الاطالة

بسم الله الرحمن الرحيم


ما شـــاء الله أختي أوركيـــــــــد...كلامك روعـــة و نصايحك تحفة...


الحمد لله...أنا تزوجت من شهرين و نصف تقريبا و اكتشفت فعلا إن الموضوع مش حرب...الموضوع بالهدوء و الحب و الإصرار و عدم اليأس...


و لو كنت عايزاه يعمل شيء معين إبدأي إنت الأول و اعمليه...و هو لا شعوريا راح يعمله...بدل الصراخ و الصوت العالي...



خليه دايما يحس إنو نفسه يرجع بيته علشان يحس بالراحة و الأمان و الحنان و الصوت الرقيق الهادي و الأكل اللذيذ و الإهتمام و الرعاية....



يعني من الآخر....اعمليله البيت جنة على قد ما تقدري...و كل واحدة و طريقتها و طبع زوجها...



وفقكم الله جميعا إن شاء الله...


تحياتي...

ما شاء الله عليج يا مرموم،،،
كلامج هو الاروع،،، الصراحة مختصر ومفيد ويفتح النفس ويدل على فهامتج ماشاء الله عليج،،، بالفعل الوحدة فينا لو طبقت ها الشي والله الحياة بتكون ما في اسهل عنها،،،

تسلمين عزيزتي واخص بالذكر صاحبة الموضوع الاخت "ام كريمة" وتعم الفايدة ونستفيد كلنا

وااو ما شا الله كلامكم حلو و مفيييييييييييييييد :clap::clap:

تسلمي أختي العزيزة أوركيـــــــــد...


و الله أخجلتيني بكلامك الحلو هدا...:o


الله يجعل بيوت المسلمين كلها مليانة حب و ألفة و سعادة...(u)


و ألف شكر لصاحبة الموضوع و كل من ساهم بأفكار حلوة..



تحياتي...