تقرير خطوبتي

سلام عليكم
شخباركم عرووسااات
اليوم حبيت انزل تقرير خطوبتي لي صار لها 6 اشهر تقريبا
كل مرة اقوول بنزلها او انشغل
المهم اليوم قلت اسوي التقرير او افيد كل العروسات لي في المنتدى

خطوبتي صارت تاريخ 25-6-2010
كانت في صالة المملكة - الهملة
في هذا اليوم المشهود :lol: قعدت الساعه 9 الصبح لانه كان موعدي حق الصالون الساعه 12 وفي هاليوم كنت بسوي توزيعات في الصالة او ماكانو جاهزين فضريت اروح سوق واقف اكمل الاغراض عقب وديتهم حق بنات خالتي يسوونهم او من عقب انطلقت حق الصالون رحت صالون الرونق كان عند بدرية اول مادشيت الصالون كان هادئ نوعا ما بس استشورت شعري الا بدرية وصلت او بدت اتسوي في شعري او في نفس الوقت سويت ليي فرنج عند فلبينية هناك سوت لي شغل عدل بس القلو الظاهر كان جيب لانه طاح جم من واحد عقب :p او تمت بدرية اتسولف ويايي معظم الوقت وكانت حبوبة حدها سوت لي تسريحة عجيبة كانت كلها مرفوعه او حطيت ليي اكسسوار كنت شارته من السعودية او حده عجبها بعد عقب خلصت من وقت او كان عندي وقت بعد عشان اروح حق صالون المكياج كان في ايلاف عند فردوس الحلواجي فرحت جسميز خذيت ليي غدى عقب رحت البيت او اتغديت او ارتحت شووي او عقب اخوي وصلني صالون ايلاف تميت انتظر دوري تقريبن 3 ساعات لان كان قدامي 3 عرايس وقت لي كانت فردوس اتحط لي ميك اب كانت اتسولف وتمزح او حدها كانت فن قامت تسولف عن بناتها او ولادها وشلون اتعاني وياهم او عقب ماخلصت حدي حبيت روحي طلعت ماشاءالله حليوة بس تسرحتي اتبطلت كامل من قدام او كنت حدي مضايقة على روحي لانه صارت مأساه حدها عقب هناك تيجي عدلتها لي او غيرت التسريحة لي من قدام حتى فردوس سألتني من مسوي شعرج قلت لها بدرية استغربت قالت ليش جذي شغلها بسرعه اخترب .. عقب ع الساعه 7 اتصلت حق خطيبي قلت له يجيب الباقة من نوال فلورز او عقب يمرني الصالون وصل وركبت السيارة عقب رحت الاستديو كان في صحاري
صورت عندهم 30 صورة عقب رحنا الصالة
وصلت الصالة من وقت تقريبا قبل العرايس يمكن جذي على الساعه 8 ونص
قعدنا في غرفه العرسان حدها حلوة الغرفه لين ما صار وقت الزفة
دشيت على الساعه 10 ونص وكانت زفة حسين الجسمي
صار المبارك او الناس جت اتسلم عليي والفلبينات ضرب تصوير فيني لين ماقلت بس
او مادري ماحسيت الا الوقت مشى بسرعه والحفلة خلصت :D
وبعرض لكم صوور من فستاني او باقتي او شكل الصالة :L: