سويت سونااااار وكانت المفاجئه!!!!!!!!!!!!!!

مرحبا كروشات شخباركم بعطيكم نبذه عن وضعي بالبدايه انا عندي بنتين الله يباركلي فيهم وحامل الحين لي اسبوع بالخامس طبعا بحمل البنات تعب لوعه ترجيع تغير شكلي للاسؤا الحمدلله علشان كذا انا كاررهه الحمل بشكل عام بس بنتي كملت 3 سنين وحملت وانا بنفسي تشعت علشان الولد يكون سند لخواته



حملي الثالث مختلف
مافي وحم مافي ترجيع النفسيه حلوه صرت احلا بالحمل اكل انواع الطعام حامض حلو مالح حار على كيف كيفي والله العظيم ولا كاني حامل اللهم لك الحمد ماشاء الله وهذا الشي حسسني ان فيني ولد واحلامي تدل علا الولد وانا شخصيا احس باحساس غريب ما حسيته في حمل بناتي ان حامل بولد ورحت الثلثاء الي طاف وقالت موباين ابد وحاولت قد ماتقدر وقالت موباين

المهم ماصبرت رحت لها اليوم عندي تحليل وطلبت تعيد السونار واول ماحطت السونار علا بطني قالت بنت قلت متاكده قالت 100با100انا تفاجات وانصدمت وطلعت من عندها متوتره وماقدرت ماابكي والله بكيت من قلب استغفر الله وانا قاعده ابكي استغفر الله اخاف الله يعاقبني واقول الحمدلله بس موقادره للحين عيوني منتفخه وحمرا حتى اهلي جو لعندي يخففو عني بس والله كنت متامله بالولد والله يشهد علي مو علشان انه ولد بس لا والله انا اكره شي عندي الحمل يعني يمكن لو الله عطاني الولد مااحمل 5 او6 سنين طبعي مااحب كثره الاطفال بس قلت اخو لبناتي

طبعا يبنات نسيت اقولكم اني عايشه بمجتمع ومحيط يعتبر الولد كل شي والبنت استغفر الله ولا شي وقبل كان سلفتي حامل وسقطت قالو احسن يمكن بنت الي سقطت اكيد لو انه ولد مايسقط هي كانت طبيعه حملها ضعيفه بالبنت ينزل دم واما يعيش ضعيف او يسقط اما حملها بالولد كان ماينزل معاها شي فتخيلو فرحو لما سقطت وانا يرمو علي نغزات الله لا يوريكم والشماته شي ثاني لن زوجي يحبني يقولو هي جابت بنات ويحبها ولما تجيب الولد كيف وغير قرايبي الي حادسني ويتمنون لي الشر وعندهم البنت كسره وضعف وبيفرحو والله اني عمري مافرحت عليهم بالبنت والولد علشان كذا حزنت ويارب يكون حملي الي يجي بعد بنوووتي ولد يارب


هذي قصتي من طقطق الى سلام عليكم