نور الموالي;14114240:
سلام مامات
اجازة سعيدة
بقول ليكم نيابة عن قلبي عن غيره مخطوبة وتتكلم وتشارك معنا عن بنت اختها الي تعتبرها بتها
عني اليوم ابو علاوي راح له المدرسة لانه امس راح ولاحصل استاذه فراح له اليوم وسأله ليش يحقر الولد
قال له انه تارك ولدي يصحح اجابات الطلاب يعني حاطنه على الاخر لو طلعت اجابات الطلاب خاطأ يقومه يصححها
فهمه ابوه انه مايرضى يذاكر على اساس انه مايقومه وانه المفروض يحفزه مو يعطيه ثقة عالية بنفسه ويخليه يشوف حاله ويهمل ..............................
والله يستر ويهدي هالعيال
زين ما سوى ، ولو أني أشوف بعد ان تصرف الأستاذ مو خاطيء بالمطلق بالعكس هذا يقوي ثقة الولد بنفسه ويحفزه على العطاء للحصول على المزيد من الامتيازات من الاستاذ ، وبالعكس حلو انه يحسس الولد انه استاذ صغنون ، الخطأ في انه يهمله بالنسبة للمشاركة الصفية لأن الولد بيحس بالملل ووممكن يلهي نفسه بأي شي في هذي الأثناء اللي المدرس تاركنه فيها على جنب ولا تنسين يانور ان تصحيح ولدش للطلاب أخطاءهم يعتبر مراجعة وتثبيت للمعلومات اللي في ذهنه بشكل أو بآخر . وانشالله بعد ما وصلتون فكرتكم للأستاذ ما يحرمه من المشاركة الصفية .
* * * *
طرحت موضوع بس ما أشوف ولا وحدة من اللي دخلوا بعدي علقت عليه : الموقف ياجماعة اني أمس كنت في بيت عمي وولد حماتي سوى حركة مو حلوة يعني فيها قلة تهذيب شوي وكان رد فعل زوجي انه ضربه بقسوة وبقوة قدام كل الموجودين اللي هم جدة الولد وخالاته وخيلانه وأني مرت خاله ، شنو رايكم ؟ ؟ ؟ ؟
مو في موقفي على وجه التحديد انما : هل من الصائب أن لو تصرف الطفل تصرف خاطيء يعاقب بهذه الطريقة أمام الموجودين ؟ ؟
الأهم في الموضوع ذكر الأسباب المعارضة للتصرف :study: عني أشوف ان تصرف الطفل لازم ما يمر مرور الكرام عشان ما يتركز السلوك الخاطيء عند الطفل والتصرف السليم من وجهة نظري نظرة حازمة جدا في البداية وتوجيه الملاحظة باسلوب حازم ولكن بنبرة هادئة أول شي لأن الطفل يحس بالاحراج وممكن انه يكره الشخص اللي قام بعقابه امام الآخرين لأنه صغير وما يفهم ان تصرف الشخص الراشد كان لمصلحته ولكن الاسلوب المتبع كان خطأ وغير هذا مع الوقت بتضعف ثقته في نفسه وبيخاف من مواجهة الآخرين لأنهم بيكونون في نظره الأكبر سنا والذين يملكون سلطة وصلاحيات هو في نظره لايملكها .
يلااااا أدلوا بدلوكم بلييز لأن النقاشات اللي نطرحها من ضمن أهداف التجمع اللي أتمنى ان يكون فيه فائدة للجميع .