أسيرة البدر;14074168:
بتات ادعوا لبنوتة تقوم بالسلامة
للحين في المستشفى ومازال عندها النزيف
ربي يقومها بالسلامة .... ما دخلت الان الا علشان اطمئن عليها
بس انا بعرف النزييييف الشديد هذا ما يجي وقت الولادة الا لو في شي كبير اما مشكلة في المشيمة او شي
ربي يستر بس
طفلة خانها التعبير;14075264:
مساء الخير
كيفكم
دخول بكرشة للحين مافي اي بوادر ولادة
خير حبيبتي .. يمكن البيبي يريد يطلع في السنة الجديدة :D
دهن عود مركز;14076220:
تقرير اليوم لزيارتي لمستشفى السلمانية
رحت من الصبح و الحمد الله ما اتاخرت واايد بسرعة دخلت على الدكتورة
اول ما رحت غرفة الكشف الدكتورة اتقول اول ولادة ليش كانت عملية و السبب ان الراس فوق قلت ليها اي الا اتقول هذا بعد الراس فووق اقول ليها اشلون و اني كل زيارة للمركز الصحي اسالهم يقولون الراس تحت و شغلت الالتراساوند و راوتني الراس فوق و الموخرة تحت عطوني تاريخ 30\12 موعد للالتراساوند و حجزت لي موعد لعملية قيصرية تاريخ 13\1 في مستشفى جد حفص السلمانية فل ما في مكان و قالت لي الاسبوع الجاي اذا جيتين الموعد و شفنا ان الراس نزل بنكسل العملية و اذا ما زال فوق خلاص عملية بنات ادعو لي الراس ينزل اني صج اقول ما تفرق وياي اهم شي اقوم بالسلامة اني و البيبي و اللي الله كاتبة بيصير بس اسالكم الدعاء يمكن يغير وضعه و اجرب الولادة الطبيعية
ان شاء الله ينزل ...عندي صاحبتي راس البيبي نزل عندها قبل 3 ايام من الولادة
فخير باذن الله
دهن عود مركز;14076349:
وش دراني فيهم المركز كل مرة يقولون نزل شكلهم ما يعرفون شي و مما يسون الترساوند يتاكدون من كلامهم بس تلمس البطن و اتقول كل شي اوكي و هي اخرتها لان هالدكتورة من لمست بطني عرفت الراس فوق و عقبها شغلت الالترساوند راوتني ان الراس فوق و الموخرة تحت
ما اعرفها هالمرة بس زوجي ايقول ان زوجته صديقة قبل شهر قالو ليها نفس الشي ان الراس فوق و راحت لوحدة في السنابس و عدلته و ولدت طبيعي زوجي ايقول لي بوديش ليها اني في البداية رفضت خفت على البيبي يتعور قالو لي عادي اذا وحدة تعرف قلت بتوكل على الله و بشوف
الدايات احس من يعرف في هذه الامور واطمئني ما بيصيب البيبي شر ... هم ادرى بشغلهم
*بيبي فيس*;14077004:
الحلقــــــــــــــة الثالثـــــــــــــة
طول الطريج أفكار توديني وتييبني مب مصدقة ومب مقتنعة بتشخيص الهلال خصوصاً إن في ولادة عيالي ماجدمت هالكثر وكانت بداية الطلق عندي إنفجار جيس الماي
هالمرة لا جفت ماي ولا دم ولا حتى إفرازات وفي المستشفى رحت الجناح وفحصتني الدكتورة المقيمة بعد جهد وعناء ومحاولات عشان تقنعني :D
وصدمتني يوم قالت مفتوحة 4 سم بس أنا ماجوف راس البيبي وهني رجعت أصيح مقهورة وبعد دكتورتي محد قلت لها رحميني بإبرة الظهر قالت مايصير
شلوووووووون مايصير أنا مستحيل أولد من غيرها ماااااااااااااابي قالت لي دكتورتج على وصول وسأليها أحسن وإرتحت شوي لأنهم كلموها وياتني ماقصرت
وفعلاً ياتني بثياب البيت مسكينة وفحصتني بنفسها وقالت يالهوي 5 سم وتوج ياية وتبين بعد إبرة الظهر مايصير شلون تحملتي من الصبح وماييتي :-o
وسوت لي ألتراساوند وأكدت كلام الدكتورة اللي قبلها إن الرحم مفتوح بس مب مبين راس البيبي يعني معترضة وبتولدين بعملية قيصرية وهني بققت عيوني
شلووووووووون قيصرية مابي عطيني فرصة خل أكلم ريلي أمي أهلي قالت لي جوفي الراس ممكن ينزل لكن في حالتج الحين لا يمكن أنتظر
بس ليش ليييييييييييييش يادكتورة شفيني أنا ليش مايصير تنتظرين :woo:
باجر باكمل لكم الحلقة الأخيرة
هذا اللي انا خايفة من بعد وبجري بكل ما لدي من قوة علشان اخلص تجهيزاتي
ما تعرفي متى مممكن اولد.. بس طمنتيني في موضوع الماء اللي يكسر بداية الولادة
انا في وسام حصلي كدة ... بس شي محرج لو حصلي في العمل :woo:
واتمنى يبدا بطلق عادي
*بيبي فيس*;14077543:
الحلقــــــــــــة الرابعـــــــــــة
قالت الدكتورة وهي تراويني الألتراساوند جوفي راس البيبي على صوب وماجذب عليج يصير إن راس البيبي ينزل في الولادة لكن إنتي طلقج حامي ويرتفع بقوة والبيبي ماتقدر تدفع أخاف أصبر عليج وينفجر الرحم
لي هني وأنا أعيط خليني أجوف ريلي وأمي وخواتي قبل قالت مافي وقت وإن شاء الله يلحقون عليج قبل ماتدخلين العمليات لأن ريلج كلمته وراح يخلص الإجراءات
ووصلت أمي وخواتي وأم ريلي وأخته ورفيجة عمري اللي كانت تصيح طول الوقت سلمت عليهم وقلت لهم بادخل العمليات وإذا ماطلعت حية أمانتكم عيالي حطوهم في عيونكم وغمضو عليهم
ودعوني بدموع وفي العمليات حطو لي الكمام وركبو المغذي وإخصائية التخدير واقفة تطبطب علي وتهديني وتطمني ولادريت بعمري إلا وهمه يوعوني ويباركون لي ويصيحون وأنا لا راقدة ولا قاعدة
بس ميزت الموجودين لكني دايخة ومانطقت إلا بأمي وجفت ريلي يصورني عشان يتطمش علي بعدين ونقلوني غرفتي وكل شوي أحاول أصحى أبي أجوف بنتي مب قادرة
*بيبي فيس*;14077663:
وأخيــــــــــــــــراً
وياني أبوي حبيبي وولدي نص الليل ونفس الشي جفتهم بس مافجني البنج عدل وماقدرت أكلمهم لكن طول الوقت كنت أسأل عن أمي
لين وعيت جريب الصبح عقب ماكلهم راحو إلا وريلي طالع دايخ وأمي باتت معاي هالليلة وقلت لها خليهم ييبون بنتي باجوفها
ويابوها نور عيون أمها وكانت شيخة الحلوين تيننننننن الله يحفظها صغنونة وناعمة بشكل والأهم إنها تشبهني أنا :adore:
وطرشت هالمسج في البي بي والتلفون بشارة ولادتي لأن تلفوناتي إحترقت من الإتصالات
أبشركم ياهلي وربعي وأرسل الخبر بسرور
بفضل الله (وجــــــــــــــدان) أقبلت هلا بالزين وأنواره
بالبحرين التخصصي للي وده يزور
أنا بالطابق الثالث وبغرفة TL2 الزيارة
الف مبروووووووك والحمد لله قومتك بالسلامة .. وتشوفيها عروسة منورة الكوشة
فراشه بين الزهور;14077711:
الله يسهله عليها يارب والله مشكله النزيف
وهي طول امس في المستشفي حتى دمها نزل
المفروض يركبون لها دم والله يكون في عونها الله يقومه بي السلامه هي البنوته
شكه بنتها مستعجله اذا لسه تكلمينها قولي لها تقراء اللي قلت لها
او تخلي اهله يقرون عليها وان شاء الله تكون بخير يارب
صح وحتى انا قلقة عليها
*بيبي فيس*;14077783:
أسور
دهن عود
فراشة
أخت القمر
تسلمون يارب والفال لكم جميعاً
لكن الله لا يكتب لكم ولادة قيصرية
عذاااااااااااااااب والله عذاب حالتي النفسية والجسدية كانت زيرو
وغربلتهم في المستشفى من الصياح والحنة مب مصدقة إني ولدت قيصري
كنت أثقل من وأنا حامل وبطني ثقييييييييييل كأنه رصاص وماقدر أقوم وأقعد مثل الناس
حتى الحمام كرمكم الله ماقدر أروح بروحي وأحس بألم وتحجر في بطني وألم جبار لو فكرت أنقلب
كله منسدحة وأفكار توديني وتييبني وماكل ولاشرب والدكتورة طلعت لها قرون مني وودتني حق الألتراساوند ويابت لي جراح يفحص العملية ويطمني
والحين تحسنت شوي بس الجرح مأثر في نفسي وايد أحس حياتي كلها بتتغير بسببه
صحيح كلنا بنعرف قدر كيف متعبة القيصرية بس لا تكبري الموضوع ناس كثييييييير ولدو بقيصرية ومشي حالهم اهم شي سلامتك وسلامة البيبي