رحتى كوافير اية ياعروسة --- مخصص لبنات مصر

انا في الخطوبة وكتب الكتاب عملت رسمة عين فقط مش ميكب كامل ولفة طرحة عند عادل المصري وركبت ضوافر رسمة العين كانت ب35ولفة الطرحة مرة ب35 ومرة كانت ب50حسب شكل اللفه والضوافر ب25برده بالمانكيير وكان كويس والناس هناك مريحين بس لما جيت اشوف باكدجات العروسه لقيتها تبدا من 650 او 700 لف طرحة وميكب وسشوار ومانكير وباديكير ووش وحواجب ولما سالتها على الضوافر قالتلي بره الباكدج والرموش بره الباكدج والماسك على الوش بره والباديكير بتاع الرجل كل ده بره بسعر لوحده طبعا انا استغربت وقلت اروح مجدي وسيد علشان اتنين قرايبنا راحوه وكانوا حلويين ورحت دفعت 600جنيه لف طرحه وميكب وسيشوار وحمام كريم على الشعر وضوافر ومانيكير وباديكير والحمد لله الميكب كان حلو والطرحه تحفه وماتتزحلقش ابدا في راجل عجوز كده هناك رايحاله مخصوص بيربط طرح فنان مش فاكرة اسمه ايه كل ده كويس بس المعامله زفت زفت زفت وقعدت اعيط من اول ماروحت لغاية مامشييت وحرقوا دمي واخروني وخرجوني اخر عروسه من الكوافير مع اني اول واحده رايحه ولبسوني الفستان من الساعه 2الضهر للساعه 9 لما اتحنطت كل ده علشان ماديتش الست اللي هتمكيجني فلوس رشوة يعني وانا ماكنتش اعرف النظام ده هبلة لطعوني وكمان حاسبتني على الرموش ب50جنيه لوحدها مع انها حطت للعرايس كلهم وجوزي اتخانق معاهم علشان اتاخرت جدا وانا متجوزة بقالي سنتين وكل ما افتكر لحد دلوقتي اليوم ده اعيط فعلا ماديين جدا وطماعين معاملتهم زبالة ومابيحترموش الزباين حسبي الله ونعم الوكيل معلش طولت عليكم بس اصلي مفروسه منهم اوي

الاسم: مسيو شريف (شريف فهمى)
العنوان: عمارات اغاخان، شبرا ،الدور الارضى امام لابوار و فى نفس برج البيلى
السعر: بالنسبة للخطوبى 450 لو بنت و لو مسيو شريف بنفسه هيبقى الضعف تقريبا

الاسم: ايمى الكاشف
العنوان: مصر الجديدة، شارع كليوبترا، سنتر حورس الدور الثانى
السعر:1000 جنية

بصوا بقى انا رحت حمام التلات للسونه والبخار والحمام المغربى وبجد طلع تحفه وهناك الباكيدج كامل ب200جنيه اما الكوافير رحت البيللى اللى ابراج اغاغان اللى هو فوق فى الدور التالت وكنت حجزت الباكديج ب500اللى هو بادكير ومناكير وتركيب اظافر ورموش وميكب ومسكات للوش قبل الفرح بيوم ومكواه وسشوار للشعر ولفه الطرحه واللى عمل كل دا بنت وكنت قصيت شعرى وصبغته فى مكان تانى لانى الصبغه عندهم غاليه اوى ورسمت حنه فى حمام التلات والاستوديو كان كادو اللى فى شارع شبرا وحجزه كان 250جنيه وربنا يتمم لكل البنات ادعولى بقى ربنا يسهل ساعه ولادتى

سمسمه23;14063296:
يعنى احمد البيلى مش حلو للمحجبات ياريت الى عنده تجربة يقووووووول

بصى انا محجبه وخرجت من عنده انا وسلفتى فى يوم واحد والميكب كان حلو جد ولفه الطرح كمان وعجبت الكل

miromaro;14734530:

السلام عليكم يا بنات .. انا هكتبلكم الكوافيرات اللى تعاملت معاها لكل العرايس ربنا يسعد كل البنات

الاسم: مسيو شريف (شريف فهمى)
العنوان: عمارات اغاخان، شبرا ،الدور الارضى امام لابوار و فى نفس برج البيلى
السعر: بالنسبة للخطوبى 450 لو بنت و لو مسيو شريف بنفسه هيبقى الضعف تقريبا

الاسم: ايمى الكاشف
العنوان: مصر الجديدة، شارع كليوبترا، سنتر حورس الدور الثانى
السعر:1000 جنية

ايمى الكاشف ب1000؟ ده ايه ميك اب وطرحة؟

طب سنتر اجمل ايه رايكوا فيه وياريت العنوان

كل سنة وانتم طيبين