تعبت ومالقيت الحل.

مرحبا خواتي عساكم بخير يارب
وحشتوني لي فتره مادخلت بس دايم انتوا ببالي
رجعت وكلي حزن:'(لان مافي شيء تغير بحياتي اجر لي الشقة بس ماعنده يفرشها لان العرس كلفه كثير وانا على قولته صبرت الكثير فعادي اصبر ازياده بس هذا ظلم بحقي كافي الهجر وظلم اهله ولمهم اغراضي وخذوا غرفتي وزواجه وبعد اصبر لين متى خلاص بكمل السنة وانا عند اهلي بصراحة بديت اكرها وايأس منه لانه مافيه رحمه بس انا ذليت عمري زياده عن اللزوم وهو واهله ماكلين حقي وزياده اخر مسج كان بينا اني خلاص ما ابغيه قتله ما ابغي احس بوجودك بحياتي نهائيا قالي حتى انا لان انقهرت عطيته ولدي من الظهر لين الساعة 1 بالليل وانا ما اعرف شيء عن ولدي ومن كثر ما انا خايفه عليه كنت اتصل غلط على زوجي لدرجة من كثر الخوف قعدت اصيح ابغي ولدي خفت انه صار له شيء لانه تلفونه مغلق والثاني مايرد واخر شيء لما جابه لي اتصل ويضحك وانا ابكي :'(من كثر قهري وخوفي على ولدي سبيته زعل قالي مريضه ماقدر اني ام وخفت على ولدي بنات تعبت كاني مطلقه يجي يشل ولده ولا يعبرني ماكأني زوجتة موا عيشه هذي بس ولدي متعلق بأبوه وانا اقول يمكن بعد كل هذا الصبر الله يفرجها عند ايمان بان رب العالمين بيجزيني خير على هذا الصبر وانه زوجي بينعدل بس لين متى خلاص مخنوقه وهذا الرجال مايحس اهله مسويله غسيل مخل متحكمين فيه واكيد زوجته الثانية تبغي تشبع منه ما تبغي يفرش لنا لان الاتفاق ليله عندي وليله عندها والله بنات تنازلت عن كل شيء بس علشان ولدي وعلشان ان الطلاق ابغض الحلال عند رب العالمين بس هنت نفسي كثير واهلي خلاص يأسوا منه ولا أبغيهم يذلون نفسهم له ذلوني شو الحل خلاص تعبت:'(