الحلاوة للعرايس

عزيزتي اوبرا انا سويته في ابوظبي عند مركزتجميلي وكذا مركز في ابوظبي يستخدمون الايلبس اذا تبين اسم المركز بطرشه لج على الخاص:smile: عشان ماحد يفتكر اني اسويلهم دعايه....
واي شي انا فالخدمه:shy:

خبرينا كيف؟؟؟

مرحبا


بغيت اعرف اذا فيه ليزر " للسمر "بالمنطقه الشرقيه اكيد بيكون يا بالدمام ولا الخبر

اللي تعرفه تقولنا عليه خصوصا اذا كان كويس



والاخت newlook بغيت منك رقم الدكتور وعنوانه وسؤالي اذا كان عنده نفس اللي قالت عنه عنود الصيدEleps



وبغيت اعرف تقريبا العمليات اللي مثل ذي كم تكلف للجسم كله


وجزاكم الله خير

الماكينة تسود!!!!!؟؟؟ :eek2:

أول مرة أسمع جيه ...وليش تسود حبيبتي ، تراج ما تستخدمين كريمات أو تدهنيني جسمج بشي عشان تسود المنطقة ؟؟؟!!!!!!!!!!!!

لا يا نظر عيني ، فكري فيها وبعدين أنا عندي الماكينة وأستخدمتها فترة صح اني ما أستخدمها بشكل دوري بس لا سودت ولا يحزنون!

صراحه موضوع حلو
نفسي اسوي الليزر بس مررررررره خايفه منه

انا اللي اعرفه عن المكينة انها تخلي الشعر سميك و هالشي انا شفته بعيني و الحين متحسفة كثر شعر راسي اني ما كنت اطيع امي يوم تقولي لا تستخدمين المكينة ..


الشيرة ماكو عليها حجي .. وبالذات لو استخدمتوها بطريقة الأخت ميكي اللي بهالموضوع .. انا سويت مثل ما قالت والله العظيم اني استفدت بشكل مو طبيعي ..

تأخير نمو الشعر باستخدام العد الفلكي .. مجرب موضوع للأخت الفاضلة ميكي

اي والله انا من زمان يدور هذا السؤال ببالي

يعني لو كانت الحرمه من النوع اللي لما يطلع شعر جسمها او رجلها

يطلع بالأول تحت الجلد

ايش بتسوي بهالحاله

والله فشـــــــــله

والله أنها فشيلة أختي وبعد بتنحرجي من زوجك لكن شو بتعملي .

الوحدة لمن تشيل الشعر بعد أسبوع يبتدي المكان ينبت مرة ثانية عاد هذيك الساعة لا تفيد حلاوة ولا مكيتة ليش لأن الشعرة بعدها مو طالعة يعن ناقزة شوي عن البشرة يعني لازم تنتظري بعد أسبوع ثاني ويمكن ثالث لين ما تقدري تشيلي .

أنا يوم شهر عسلي خذيت معاي مكينة براون وتحايلت على زوجي يطلع شوي من الغرفة قلت له جيب لي الأكل الفلاني عشان يطلع بس من الغرفة:D2:D2 من طلع بسرعة بسرعة رحت وطلعت المكينة وتميت أشيل من كل مكان لحد المكان ما صفى شوي لكن في بعض الأماكن ما تقدري تشيليها لأن الشعرة بعدها مو ظاهرة لكنه تفشل وتخشن المكان يعني جلد الرجل أو اليد تصير خشنة شوي مو ملساء هذا غير الشعر اللي تحت الجلد. يعني بصراحة الله يعين كل عروس تنحط بمثل هذي المواقف .


وبعدين نصيحة لكل عروس ما تشيل معاها ملابس عريانه بس لا تشيل بعد معاها ملابس نوم تكون بأكمام أو على الأقل نص كم مش عرياني كثير تحسبا لمثل هذي المواقف المحرجة يعني وقت طلوع الشعرة :o

مرحبا حبيباتي
انا مسوية ليزر هو كتير منيح بس بصراحه يلزم متابعة كل شهر او شهرين لأن الشهر يعاود يطلع بس طبعا بشكل اخف بكتييييير و لون اشقر يعني يادوب ، انا شفته مريح بس ما بعرف شو تأثيره على المدى البعيد بس بصراحه مريح كتير كتير كتير
و الشغلة كلها ما تاخذ عند الدكتور نصف ساعة.
بس من ناحية الالم هو بوجع شوي ساعتها طبعا حسب درجة الليزر و قوة الشعر بعدين بتستعملي دهون و بخف الاحمرار .و بعد اسبوع بيصير الجلد يتخلص من جذور الشعر الميته و بيرجع طبيعي و ناعم كتير .

عنود الصيد ..... حبيت انج اطرشين لي العنوان اللي سويتي فيه eleps

و ياريت اتقولين لي كم كلفج

وانا بعد بالانتظار يا عنود الصيد....كم التكلفه ؟؟؟

السلام عليكم ورحمة الله وبركاته

:s2

مسالورد يابنات ...

رد على اللي طلبت مركز يشيل الشعر بالليزر بالمنطقه الشرقيه

في مركز اوباجي بالخبر

شغلهم نظيف وممتاز

:up::up::up:

والجسم كامل يكلفك 5000 ريال سعودي ....

والله هالشعر مشكله :down:

بصرااحه انا مستحيل اشل شعري بالليزر :eek2:

بس ان شاااء الله يخترعون لنا شي حلو جي لحف الشعر

وما انصحكم إلا بالحلاوه ..... والله يعين الحريم على بلواهم :D2

انا بصراحه سألت عن مراكز الليزر والتكاليف

بس ماسوويت للحين

وودي اسأل اللي سوو سؤال بايخ شووي بس شاغل بالي

شلون تكشفون المنطقه للدكتوره :o

حتى لو انها مره حالها حالك .. احس الوضع محرج شوي والا ؟

:clap::up:

بنات أنا شلت شعر ريولي بالليزر

سويت جلسة وحده

تصدقون...إشصار؟؟؟؟؟؟؟؟؟

صار الشعر يقوم لحاله يعني مجرد أني أسحب الشعره بيدي تقوم!!!!

بصراحه فرحت وايد وايد بالنتيجه

إنشالله لما أسوي الجلسة الثانية أتخلص تماماً من الشعر

قولوا إنشالله