ولدي مطلع لي قرون

سقاني من قربه الالم;14024015:
مرحبا بنات شخباركم


انا عندي مشكله في ولدي اللي عمره سنه و6 شهور

ماشاء الله عليه صتير شيطان مايقعد

كل يراكض في كل مكان متعبني معاه

كل يوم يا داعم طوفه ولا طاوله ولا ولا

من ايام ضرب الطوفه وخيطو راسه

وانا الحين وايبد خايفه عليه حاولت معاه شريت له العاب قلت بتقعده مافي فايده

اشغله التلفزيون يقعد دقيقه ويقوم

يتعبث في كل شي

حتى لما اطلع معاه مكان امسك يده يفلت يده من يدي ويتم يركض مايخاف انه يضيع او يتعور

ولما احطه في العربه مايرضى يقعد ويتم يصيح

خاطري بس لما اطلع معاه يمشي حذاي

يبي يركض ويركضنا وراه

شورو علي شسوي معاه وشلون اقدر اهديه واقعده الله يحفظه

ادري بتقولون ان اغلب اليهال جي

بس انا وايد خايفه عليه لا يضيع ولا يتعور

وادعوله ان الله يهديه ويخليه لي