تعبانه موتتت بنات شوروا علي الله يخليكم

عبق الرحيل;14011945:

واااااااااااااااااااااي ..

هذا انسان متوحش انت اشلون قدرتي تعيشين معاه اربع سنين .. والله هذا يوم واحد خســار فيه ..

والله يا بنات انكم تكسرون الخاطر وفي نفس الوقت تستاهلون اللى يجيكـــم .. تدرون ليش ؟

بـــس كـــــــــــــــــــافي كـــــــــــــــــــافي ترضون في الذل والاهانه .. كــــــــافي ضعف في الشخصية ..

بـــس تدرين يا اختي أنا عرفت ايش المشكلة بالضبط :

صدقيني وافتحي قلبك وحطي هذا الكلام فيه وبتشوفينه ان شاء الله في كل حياتك لو ركزتي عليه .

أنت قلت جملة في كلامك كشفت عوار وأصل المشاكل اللى بينكم :-
قلت : كان يحب يذلني ويستضعفني لانه يعرف اني احبه وماقدر اخليه
جلست عند رجله ابكي واترجاه ماراح اعيدها وانا اسفه وحقك على راسي
بكل بساطه قالي تعرفي انتي شنو انتي انسانه نفسيتها نفسيت عبده لازم تنهان وتنضرب على راسها عشان تعتدل
قالي خلاص هداي فرصه لك بشوفك تتعدلين ولا لا

شوفي يا حبيبتي .. الكلام لك وكل البنات .. لا تنزلون لمستوى قدم ازواجكم .. لا تترجون بشر .. لا تنذلون لبشر .. لا تقفون عند باب بشــر .

كـــافي .. والله ربي ما جعله مصدر لعذابك الا لانك رحت لقدمة .. وكان المفروض وقتها ما تنزلين دمعتك ولا وجهك الا لله .

شوفي الله ما يبينا نكون ذليلين الا له .. الذل عبادة فقط لله .. فلما تنصرف للزوج او لغيرة .. مــاذا يفعل الله بنا ؟ يسلطهم علينا ويجعلهم مصدر لعذابنا .

الترجي .. والبكاء .. والذل .. والامل .. لا تمارسينه مع البشر ابدا ابدا ابدا .. هذا بس لله وحده لا شريك له .

قهرك الزوج ؟ عندك الواحد القهار يقهر قلبه ويجيبه الى حدك وانت معززه مكرمة .

قلبه منصرف عنك ؟ لا تتعبين نفسك بكل ما تفعلين من اجل ان تجذبينه .. روحي لمالك قلبه واسالي ان يأت بقلبه .

رأيت أن زوجك انسان مسلط عليك ؟ على طووول اهربي عند باب الله وتوسلي اليه وابكي وابكي وناجي رب العالمين انه انا يا رب ضعفية لا تسلط علي من لا يرحمني .

كســرك الزوج وجرح شعورك؟ لا تنتظرين منه هو ان يجبرك .. روحي للجبار مالك الملك واسألي ان يجبر كسرك .

قـــــــــولولي بالله .. اي مرأة تعيش مع الله بهذه الصورة وبعدها ما تنصلح حياتها ؟!!

والله يا بنات لو تبون الحقيقة احنا ما نعرف اشلون نعطي العباد حجمهم .. دايما نعطيهم فوق حجمهم وننتظر منهم كل شيء .. تعاملي مع الناس من خلال تعاملك مع الله .. لان البشر مثل الآله ما يحركهم الا الله .

مافي حل : إلا التوحيد .. بأن تكون واحد لواحد .. ما تعبنا وحرق اعصابنا غير اننا مشتتتين بين فلان وعلان .. خلاص المسأله سهله خليك واحد لواحد كوني متعقله بالله فقط وايأسي من كل البشر ولا تنتظرين منهم شيء .. إن أعطوك فما اعطاك على الحقيقة الا الله وإن منعوك فما معنك على الحقيقة إلا الله .

عيشوا الحياة بنظرة التوحيد ترتاحون ..

لكــن ما اقول غير اننا بالفعل في جهل .. والجهل تعبنا في حياتنا الاسرية الاجتماعية .


مــا أقدر ألحين أقولك .. ما دام كنت تعرفين انه خاين من بداية الطريق ليش كملتي معاه .. يا بنات كل شيء ربي يكشفه لكم في بداية الزواج عن حقيقة من تتعاملون معه .. احمدوا الله .. ولا تجعلون انفسكم اعمياء عن نظر الحقيقة ولا تخاطرون بحياتكم مع اشخاص كشف الله عوارهم لكم وانتم في بر الامان ..

كل بنت عاملي نفسك بأنك غاليه ما يستحقك اي احد .. لا تخافون من المستقبل انه ألحين هذا تقدم ما ادري راح يتقدم لي أحد او لا ..

فكروا بنفسكم وراحتكم في قبل أي شيء .. أنت بشر .. لك مشاعرك واحساسك .. ورب العالمين كفل لنا حياة كريمة واحنا بني البشر سواء رجل او امرأة قبل لا ينزلنا الله إلى الأرض كرمنا عنده في السماء وأسجد الملائكة لابونا آدم عليه السلام ..

فاحنا أساسا قبل النزول الى الارض مكرمين فكيف لما نتعرض لمن يهين كرامتنا .. يختل توازن الانسان .. وما يقبل .


لا تقبلون بالاهانه والذل لغير الله .. والله ربي ما يضيع أحد .. يعني لازم أعيش حياتي مثل كل العالم لازم اعيش مع زوج واولاد ولا ما يصير اعيش .. ايش بينفعني هذا الاطار ما دام داخلة دمار .

أختــي أنا ما أعرف أنت ايش ناوية تسوين ؟
لكـــن أنا أقولك : أنت الحين اتركي كل شيء عنك .. وروحي عند باب الله واسأليه باسمه الهادي أن يهديك للصواب ولا تنسين ان تسألينه أنه ما يجعلك ذليله الا لله ولا تنسي ان تسألين الله باسمه الوكيل أن يتكفل في أمركــ ..

ما عليه ترى الله يعلم واحنا ما نعلم .. ومهما يكون اختيار الله لنا هو الافضل والاكمل .

لكن ايضا أنت اعتذري من الله .. على الذل لصرفتيه لمثل هذا الانسان .. وعاهدي الله أنك ما تصرفين ذلك وانكسارك الا له .. ترى إلا الذل بس تصرفينه لاحد غير الله على طول تجيك العقوبة .. لأن الذل لله فقط ..

وأيضا اسألي الله ان لا يسلط عليك من لا يخافك فيه ولا يرحمك .

وشوفي بعد وضع الأهل عنده .. لأن الله قال ( حكما من أهله وحكما من أهلها ) إذا أردتم الاصلاح .. ولو ان اسمحيلي مثل زوجك هذا انسان لا يتعاشر .. والله لو صار فيك شيء او عمل فيك عاهه محد راح ينفعك .. اشلون تعيشين مع انسان وانت خايفة على نفسك منه .. وهو يضرب .. والادهى والامر انه فيه نزعة فرعونيه يبي يعاملك مثل الحمارة ويبي يذلك مذله له .. نعوذ بالله من هذا .. هذا مرض في القلب والعياذ بالله .

هذا زوجك ما تقدرين تعيشين معاه إلا إذا رب العالمين هداه وتغير .. أما تبني أقولك عيشي واصبري وانهاني فهذا الكلام ما ينفع .. لا الله يرضاها لنا ولا نحن نرضاها لانفسنا .

زوجك لازم يبطل معاصي ولعب مع البنات .. لان المعاصي تقسي القلب .. فعلشان جذيه هو قاسي معاك .. لان المعاصي تعمل ران على القلب والعياذ بالله .. عكس الطاعات ترقق القلب .

الله يعينك ويفرج عنك .. لا تيأسين من رحمة الله .. لكن مشكلتك أن قلبك متعلق فيه وصرفتي له الذل .. فهذا رحمة من الله ان سلطه عليك حتى تعرفين أنه ما يستحق التعلق ولا الذل الا الله .

يمكن تتصورين ردي بعيد عن موضوعك .. بس هو سر كل ما يحصل لنا من مشاكل مع ازواج وتسليط غير طبيعي .. المشكله إذا عالجتيها من الأصل فهذا هو سبيل صلاحهاا .. اما اذا عالجناها ظاهريا فتأكدي انها راح تعود وتتكرر .

اسال الله ان يفرج عنك .. ولا يعلق قلبك الا فيه .

عُمـانية وأفتخر;14012320:
لا إله إلا الله هذا مو إنسان هذا وحش

إسمحيلي بس قهرني أسلوبك الهادي معاه ليه تسكتي عليه

ليه ما تبلغي عليه الشرطة وفي امريكا يندم على اليوم اللي جبتة فيه امة عندهم
والله ما راح يرجع يمد إيده عليش

أو إرجعي إلى ديرتش بين أحبابك على الأقل بتكوني متطمنة محد يمد يده عليش أو يهينش

أنا من رائي لا تجلسي ولا دقيقة وحدة معاه وعلى أول طيارة خليه

حبيبتي إلي باعك بيعيه والظاهر هذا باعك

آسفة بس بصراحة واجد قهرني الموضوع ونرفزني