ابني رافض الاكل الي مش طعمه حلووو

مدري والله انا اول بيبي ليا ومدري ايش تسوي
بانتظر معاك راي العرايس ان شاء الله يفيدونا بس ما حبيت اطلع بدون رد:o

طيب .. جربي ضيفي رشة بسيطة من الملح .. او اطحني سكر نبات وحلّي له الأكل فيه

الله يخليه لك

:)

جربي وياه خلطات الخضار الجاهزة الخاصة بالأطفال لأن بعضها طعمه حلو شوي بس في كل الأحوال مو فواكه ، وبعدين ابتدي كل مرة بنوع من الخضار عشان تعرفين لو تحسست من شي انا احس الكوسة خفيف وفي نفس الوقت غني بالألياف يعني ما دام بديتي في مرحلة الأكل توقعي سالفة الامساك وفي هذي الحالة استخدمي اي نوع خضار الجزر مثلا طعمه حلو شوي وضيفي ليه شوية كوسة اخلطي وياهم يعد شوفان مفيد كثير ، انا في فترة من الفترات عانيت من نفس المشكلة مع بنتي ما كانت تتقبل بعض انواع الخضار ، قمت اضيف نص حبة طماطم لأي نوع خضرة اسويها وتقبلته .

لازم تضيفين على الخضار اي نوع من النشويات و لازم تجربين نوع واحد عشان تعرفين اذا يتحسس منه ولا لا اني ابتديت مع بنتي بالبطاطس المهروسة مع المعكرونة بعدين جربت لها الجزر مع الرز و و شوي شوي صرت اسوي لها شوربة و صارت تتقبل تقدرين تسوين له مثلا شوفان مع الشعيرية و البطاطس او الجزر

انتي غلطتي لانك اول شي ياكله فواكه وطعمها اكيد حلو وخلاص ماعاد يتقبل الطعم المر او اللي مو حلو حاولي تحلينها بشي حلو وان شاء مايتعبك بالاكل

اختي سوي له كوسه مع اشوي بوبر ( اليقطين ) هاي طعمها حلو وراح يتقبلها
او دخلي معاها بطاطا حلوه ( الفندال )
او بطاطا مع جزر بس المفروض مثل ما قالت لك احدى العضوات المفروض تبداين بالخضار قبل الفواكة

.. أمــ عــلــيــ ..;14004959:
طيب .. جربي ضيفي رشة بسيطة من الملح .. او اطحني سكر نبات وحلّي له الأكل فيه

الله يخليه لك

:)

بس حبيبتي انا اكثر من موضوع اقراه انه غلط نضيف سكر او ملح او اي بهار للطفل في البدايه
:confused: يستحسن كل شي طبيعي بدون مواد مضافه:!!:


آآآآآآآآآآآمين يارب ويخلي لك علي

بوح الكلمات;14004975:
جربي وياه خلطات الخضار الجاهزة الخاصة بالأطفال لأن بعضها طعمه حلو شوي بس في كل الأحوال مو فواكه ، وبعدين ابتدي كل مرة بنوع من الخضار عشان تعرفين لو تحسست من شي انا احس الكوسة خفيف وفي نفس الوقت غني بالألياف يعني ما دام بديتي في مرحلة الأكل توقعي سالفة الامساك وفي هذي الحالة استخدمي اي نوع خضار الجزر مثلا طعمه حلو شوي وضيفي ليه شوية كوسة اخلطي وياهم يعد شوفان مفيد كثير ، انا في فترة من الفترات عانيت من نفس المشكلة مع بنتي ما كانت تتقبل بعض انواع الخضار ، قمت اضيف نص حبة طماطم لأي نوع خضرة اسويها وتقبلته .

من وين احصل خلطات خضار جاهزة انا من عمان:o
امس مشيت اللولو متعنيه عشان اشوف له شي
بس ما حصلت خضروات جاهزه كل الي احصله فواكه او موز
وحصلت كاسترد بالفانيلا وخذيت له واحد من الباب التجربه
عشان فترة العصر

deiaa alnjoom;14005647:
لازم تضيفين على الخضار اي نوع من النشويات و لازم تجربين نوع واحد عشان تعرفين اذا يتحسس منه ولا لا اني ابتديت مع بنتي بالبطاطس المهروسة مع المعكرونة بعدين جربت لها الجزر مع الرز و و شوي شوي صرت اسوي لها شوربة و صارت تتقبل تقدرين تسوين له مثلا شوفان مع الشعيرية و البطاطس او الجزر

ضيا النجوم لما عطيتيها المعكرونه بالبطاطا ما حسيتي انه شوي قوامها متماسك
وهل اغلي الاثنين نفس المكان او افصلهم قبل:| وبعد كذا اخلطهم بالخلاط

عروس جنان;14004248:

لا تيأسي أختي

حاولي معاه
ضيفي الرز مع الخضروات يمكن بيحبه
اخلطي على الاقل 3 نوع من الخضروات مع بعض
يمكن يتغير الطعم ويتقبله

فديتك بس انا نصحوني اجرب معه في البدايه كل صنف منفصل عشان ما يتحسس
سويت الكوسه رفضها والزهره رفضها بعد:(

سندريلا الكون;14005728:
انتي غلطتي لانك اول شي ياكله فواكه وطعمها اكيد حلو وخلاص ماعاد يتقبل الطعم المر او اللي مو حلو حاولي تحلينها بشي حلو وان شاء مايتعبك بالاكل

تراني الحين بس ادركت الغلط
تعود على الطعم الحلو بس نفس الوقت اعطي زبادي العادي بدون نكهات ويتقبله شوي شوي
الحمدلله بس الخضار مدوخني السبع دوخات:confused:

ألم الزمان;14005873:
اختي سوي له كوسه مع اشوي بوبر ( اليقطين ) هاي طعمها حلو وراح يتقبلها
او دخلي معاها بطاطا حلوه ( الفندال )
او بطاطا مع جزر بس المفروض مثل ما قالت لك احدى العضوات المفروض تبداين بالخضار قبل الفواكة

يعني يصير مثلا شوية رز مع فندال

ايش اسوي امبونه الطفل الاول ياحليله يكون حقل تجارب :D عاد شكلي بأوقف عنه الفواكه فتره عشان يضطر ياخذ الخضار او اسوي بنصايحكن فديتكن اخلط الحلو بالمالح:thumbs_up: