فتاه محبوسه في زمن الحريه

اميلي;14003811:
شوفي ياأختي العزيزة اتركي عنك الدلع اللي مال امه داعي قالت ابغى انزل السوق من غير اخي.شكلك نسيتي دينك ؟؟اذا مانتي عارفة انا اقولك؟ كيف تبين تخرجين من غير محرم بالله عليك يرضيك تغضبين الله؟! وكمان يرضيك تكلمي البايع وتسددين انتي؟! وكيف تبين تروحين الحديقة من غير اخوك او ابوك ؟! لو تعرض لك المعاكسين من اللي بيوقفه عند حده؟! بصراحه انتي انسانه ما ادري اش اقول فيك؟؟ الله لايبتلينا عالعموم اختي احمدي ربك لقيتي من يخاف عليك ؟؟:mad:

عبق الرحيل;14004490:

صلي على النبي يا اختي ..

شنو الوحدة إذا طلعت السوق من غير محرم نست دينها هههههه

بالهون اخذوا الدين تمام ..

الحمد لله رب العالمين ما زالت الدنيا بخير الحمد لله .. احنا مو عايشين بين وحوووش .. والله من فضل الله .. طول عمرنا نطلع السوق من غير محارم ما صار فينا شيء .. وانا استغرب بصراحة اشلون الرجل يكون في السوق مع المرأة اشلون الوحدة تاخذ راحتها عاد اهما بسرعة يتمللون ..

والله نطلع ونروح ونرجع بسيارتنا ومن غير محرم .. خو المحرم للسفر مو للسوق والحديقة ..

يا أمي احنا مسلمين .. عايشين في بلاد المسلمين .. والله ما أن يصير فيك شيء حتى لو كنت بروحك شوفي الفزعة وأهل الخير كل مكان ..
كنا في بلاد الكفر في بريطانايا .. نخرج انا واختي لسوبر ماركت مشي وبروحنا وبكل أمان .. فكيف لما نكون في بلاد المسلمين ..

اخذوا الحياة بصورة أسهل .. المهم معاها امها اختها بنت خالتها .. بعد الونيس في السوق احلى بس المهم ما يكون رجل .

mrs.7la;14004500:
حبيبتي مافيها شي ومو مشكله اذا خنقوكي شويه ان شاء الله بكره تتزوجي وتعيشي بحريه اكبر .......انتي صارحي اخوكي كلميه مثلا او كلمي مامتك ومافيها شي لو يروح معاكي للسوق وانا ترا كنت زيك كانوا كدا معايا بس كبرت شويه وصرت بالعشرين وبطلو خلاص صرت اروح مع اختي او خالتي او الشغاله ولا تاخدي الموضوع بحساسيه عادي يعني خليكي

أم هـادي;14004997:
اتهوون حبابة هم لو ما يخافوون عليج كان ما طلعو معاج بالروحه و الرده الزمن احين يخووف ..
بس خوفهم مباالغ ان ما كانو يعطونج الحرية بالتسوق او بالطلعات و الجيات ..
ان مثلا ما يخلونج تروحين لربعج خليهم هم يجوونج البيت منها تغيرين الروتين الي عايشته ..
و حاولي تتفاهمي معاهم بسياسة حتى تروحي المكان الي تبينه و تقضين اموورج ..
وو الله يوفقج ان شاء الله و يرزقج الزوج الصالح ان شاء الله :) ..

دانة وسط البحر;14004553:
يمكن من خوفهم عليج يسون لج جذي
وهم يحسون حالهم امر طبيعي يعني مافية شي ان اخوج يجي معاج او شي
يعني احنا مرات وايد نروح ملاهي بس نشوف زحمة بحيث البنت تلصق بالولد هنا احنا نقول لهم مانبي ننزل نرجع البيت احسن
فهذا اكيد خوف حبيبتي
وربي يوفقك

كرستاله حمرا;14007008:
البنات اللي ينصحونها تبلغ عن أهلها بليز بنات.. شو تبلغ ؟ هذولي أهلها ما سوا شيء
وبعدين يعني هم حابسينج بس مو ضاربينج أو معتدين عليج أو ماكلين حقوووقج أو مانعينج من الدراسة
هم بس خايفيين علييج لا أكثر ولا أقل وهذا اللي يخليهم يتصرفون بالهطريقه..
حاولي تقنعينهم أنج بتكونين بخير وأنج قد الثقة لو تركوج لوحدج وبس وأدعي ربج يسهل أمرج .
على فكره أنا بنت نفس ما كتبتي احب الحياه واتسوق لحالي ومافي أحد فوق راسي يوم أظهر مكان بس ما كل هذا ما أحس ان هذي راحة أو حرية بالعكس أنا أتمنى أروح مرة للمول ويا أحد من أخواني الشباب ..

دانة المنامة;14007301:
حرام عليج. اهلج يخافون عليج, بس يمكن بالغوا شوي. البحرن الان مو امان مثل قبل و الناس ما ترحم. يبون يحمونج و انهم يكونوا قريبين منج لو احتجتي لهم. لازم تجلسي مع اخوج و تفهمي بالهدوء و اللين عن زوج المستقبل و شنو المواصفات اللي تبيغينها و تفهميهم ان هذا شانك و خيارك انت و دورهم محدود بس بالسؤال عنه و الله يوفقج

choco candy;14007380:
الله يعينيج يارب هذا حبس والله حرام الانسان له قدره على التحمل ما يصير جذيه نحنا اودام ولنا احساس الله يعينيح يارب ويساعدج