اولادي يمرضون كثير ، هل أنا السبب ؟ ؟

بنت شرف;14002514:
هالشهر كل الجهال مرضى ,,,,, اني ولدي عمرة سنة و9 اشهر ومن جبتة للحين اخذ 14 مضااد ... وترى ما اعطية المضاد ال اذا حسيت الصخوونة ما بتروح .. احاول وياة في كلشي بس اضطر للمضاد ... دايما بلاعيمة ملتهبة ... والكحة ال ملوعةة جبدي.... انه احاسب له عدل عدل ... بس بعد لازم يمرض.... ما اعطية اسكريم كلش... ومن جبتة للحين .... ما عمرة شرب ماي بارد او عصير او شي... وعلى طوول مدفتنة عدل... واذا بروح وياة محل او شي .. واشووف جاهل مريض بسرعة اباعدة عنه .. وبعد يمرض....


بالنسبة لدواء ايزبيكت مذيب البلغم ... استخدمة لولدي.. والدكتور قالي 3 مل .... و3 مرات في اليوم

وما عليهم شر انشالله

هذا نفس رايي ابذل جهدي عشان ما يمرضون وبعد لابد من هالشي ومن كثر ما سمعت عن المضاد حابة اني ابتعد عنه بس الحالة ماتساعد اوقات اقول : الكحة مو شديدة وبتجاهلها يمكن كحة عارضة مو مطولة بس يتبعها زكام واضراب عن الطعام وخمول شديد وفوق هذا يعزمون على بعض في الأكل والصغيرة لو غفلت عنها تشرب من أي شي قدامها :badly: وفي البداية اجرب الفكس والعسل بس اوقات كثيرة ما استفيد لا ينامون ولا يخلوني أنام ، شنو الحل في هالحالة وصادف بعض المرات ان ما يعطونهم مضاد واخلص فترة العلاج المطلوبة من غير تحسن أو تحسن بسيط لا يذكر ووقتها تكون العدوى انتقلت للطفل الثاني فوقتها يصير المضاد شر لابد منه .

جنان الآئمة;14006477:

ما يشوفون شر الحلوووين ...

هذي الفترة - فترة اضطراب الجو - لازم هالمرض يحط رحاله .. و الأطفال هم اللي لهم النصيب الأكبر منه ..

و نحن الأمهات مهما حاسبنا لأطفالنا عن المرض هم يمرضون !!!

صغيري صار له 4 أيام من راح عنه الزكام و الكحة و لأن انتقلت لي العدوى اشوفه أمس ردوا له مرة ثانية !!!

و هو من النوع اللي يرفض الأدوية رفضاً باتاً و اذا شربناه بالتحايل يستفرغ !! و يميّز طعم الدواء - حتى لو كان طعمه حلووو - اذا خلطناه مع العصير و هم يستفرغه !! و حتى قطرات الأنف اللي ممكن تخفف عنه الزكام هم يرفضها !!! يعني كل الأدوية اللي توصفها لنا الدكتورة مصيرها انها ترمى بالزبالة - الله يكرمكم - بدون استخدااام !!!!

هذي المرة لمّا مرض ما تعبت نفسي بالأدوية استخدمنا معاه البخار و تحسنت حالته ..

و في وصفة طبيعية قريت عنها تنفع لعلاج الكحة و بلغم الصدر و هي فعّالة للصغار و الكبار عن تجربة ..

جربتها من فترة لصغيري لكنه كلش ما تقبلها لأنه أكله صعب و ما كل شي يتقبله ..بس انتي جربيها للحلوين و ان شاء الله تنفع معاهم ..

اغلي حليب و ضيفي له زنجبيل - أما طبيعي تبشرينه أو مطحون - ربع ملعقة صغيرة تقريباً و تأكدي من ذوبانه .. ثم حليه بالسكر أو العسل ..

و اعطيهم كاسين في اليوم مرة في الصباح و مرة قبل النوم و إن شاء الله راح تلاقي ان حالتهم راح تتحسن ..

و نسيت اقول إنها تعطى للأطفال فوق السنة ..

و إن شاء الله ما عليهم شر ..

شكرا جنان الأئمة على الوصفة انا سامعة عنها من قبل انها مفيدة كثير بس اولادي ما يشربون الحليب نهائيا حتى حليب الفراولة اللي هو يعتبر خيار مفضل عند كثير من الأطفال اولادي ملوا منه وما قاموا يشربونه وعن البخار انا احس انه لو كان في صوت عند الطفل يخلي تنفسه طبيعي بس عن الكحة ماألاحظ ان اولادي يستفيدون منه واجد ، مشكووورة على عرض تجربتش ويااااااااريت باقي الأمهات اللي ما يستخدمون المضادات الحيوية وما يأيدون أدوية الكحة يفيدونا اشلون يتشافون أطفالهم وما تطول عندهم فترة العلاج بهذي الطريقة ؟ ؟ :!!::!!: ، راجعة للتعليق على باقي الردود :clock:

الله يساعد يا بوح

وهذا حال الشتا والأمراض الي فيه

وكل الي ذكرتيه ما شاء الله شي جيد وله مبالغه فيه بالعكس

الحمد لله بنتي تمرض بس ما ادري احسها يعني عادي على الرغم من اني من يشتى الجو البسها والكل يقول لي ماله داعي واشوف عيال العائله مب ملبسين عدل وكل على راحته

جربي تبخري البيت بعلك البان كل يوم وخلي يبخر بالمكان يعني عادي وله تخافيه على العيال لانه هذا دواء ونافع

لاني احبه فالحمد لله بشكل يومي ابخر البيت به

وهو مفيد حتى لمجرى تنفس لانه يعتبر معقم

بغض النظر عن اني وللأمانة أفضل استخدام المضاد الحيوي لأن نتيجته فعالة وسريعة على الرغم من انه يتعبني جدا لأني استخدم مضاد أبو ثلاث مرات وخاصة اذا صادف ان ثلاثتهم مرضى احدد اوقات الجرعات بأوقات مختلفة عشان لو واحد فيهم تعبني في أخذ الدواء ما يخرب التوقيت بالنسبة للثاني غير اني احتفظ بالمضاد في الثلاجة ولازم قبل بساعة اطلعه من الثلاجة يعني لما اكون نايمة اقوم مرتين مرة عشان اطلع المضاد ومرة عشان أعطيهم اياه :badly: الا انني عرفت مؤخرا ان كثرة الاعتماد على المضادات تضعف المناعة الا ان هناك فكرة لم تصل بعد * * * * * * وهي . . . .
هل اساليبي في وقاية اطفالي من المرض هي السبب في تكرار اصابة بالمرض ( الملابس كثيرة ؟ هل استخدام الفكس في حال كانت الكحة خفيفة يؤدي الى سؤء الحالة ؟ اكثر من مرة لاحظت هالشي وبعد عندي سؤال لما تكونون ملبسين أولادكم ثياب ثقيلة هل تتركون جزء صغيير من نافذة السيارة مفتوح عشان ما يكونون في مكان دافي وعند النزول يتعرضون للهواء البارد هذا اللي قمت أسويه مؤخرا ياترى تصرفي صح أو خطأ ؟ :confused::confused:

همــسات;14002948:
ما عليهم شر الحلوين

مو بس انتين اني بعد علوي واجد يمرض المشكله التهاب بلاعيم التهاب في الشعب الهوائيه ضيقه الزكام قليل لين اصيده
اقول يمكن لاني اطلعه من الصبخ لين اروح الشغل بس اكون امغطتنه عدل بس بعد ما ينفع
ايام كنت في الحج كان عند امي ولا اطلعونه الصباحي بالمره لكن بعد مرض وصادته الالتهابات

مشكووورة همسات على المشاركة ، بس بغيت األش بالنسبة حق ولدش قالوايش عنده تقلص في الشعب الهوائية او التهاب ؟ اني بنتي مرة صادتها كحة شديدة وكان صدرها يطلع صوت قالو ليي تقلص في الشعب الهوائية وعطوني دواء واجد استفادت عليه بس ما اّكر اسمه للأسف هي عموما ماتعاني من المشكلة باستمرار يعني لما تصيدها كحة الحين ما يجيبون ليي سالفة التقلص ، يمكن بعد حالة ولدش مختلفة . ومشكلة ان الوحدة تظطر طلع بالطفل الصبح مهما تغطى يكون معرض أكثر من غيره للمرض ، الله يساعدكم يا الأمهات العاملات .

ام جاسم ويوسف;14003756:
بوح ما عليهم شر ان شاء الله ’’ هالمرض استغفر الله ما يوقف بالشتاء او بالصيف ’ والصغار ما عندهم مناعة كفاية حتى لما يكونون فى المدرسة او الروضة , ولدى الكبير صار له 3 ايام كله صداع وكحة وصدرة يعورة رحت الصيدلية وعطاني ( تيديلور ) شراب لانه ولدى ما يعرف للحين ياكل حبوب عمرة الحين 11 سنة ونصف :p وعطاني حبوب مصاص ( Anginova ) وبندول شراب وعلى طول كل ليلة احط له فيكس وايد احسه مرتاح عليهم , يالله اجر وعافية على كل الاولاد والبنات والله يعين الامهات ويعطيهم الف عافية .

مايشوف شر والله يساعدنا ، لأسف اولادي صغار وما أقدر أعطيهم حبوب المصاص مع انها يمكن تكون مقبولة ليهم اكثر من غيرها لأنهم بيفكرونها حلاوة .

! ظل الياسمين !;14003847:
:thumbs_up:كلام مضبوط

تسلمين مشكوورة ياريت صدق مااستخدم المضادات للأسف ادوية المركز كذا نوع جربت هستان اللي دائما يعطونا منه وهستور وغيرهم كثير و غالبا ما أحس بأي تحسن يذكر ، صرت أفض التحاميل ان وجدت ولو ان حتى مع الصغيرة صرت أعاني في سالفة التحميلات ، بس جربت تحميلات بروسبان ممتااازة ولو ان المركز بعد اوقات كثيرة يوصفون بروسبان القطرات او الشراب وما اشوف منه أي فايدة .

لوووووووودي;14004091:
الله يشفيهم
والله حتى ولدي قبل اسبوعين كان تعبان
والحين كمان تعبان

ما يشوف شر والله يعين .

احلام مبعثرة;14004540:

سلامات ما يشوفون شر الحلوين

والحال من بعضه كل يوم والثاني في المستشفى
وتوي الامس رايحه لولدي المستشفى والكتور عطاني مضاد وقال لي لا تستخدمينه
الا بعد يوم لين شفتي الولد ما تحسن , ومن رجعت قام يرجع وحرارته ما تنزل حتى
الدواء رجعه . وزوجي بعد مرض هههه وضل 4 ايام في البيت وكله من الجو , وكل واحد

يعدي الثاني . الخلاصة اكيد مو انتي السبب احنا علينا الحذر لكن المرض مو بيدنا

مايشوف شر وهذي مشكلة الترجيع بعد مشكلة ، الله يحمي أطفالنا ويبعد عنهم المرض .

ما عليهم شر خيو والبنات كفوا ووفوا

عنوني;14006684:
الله يساعد يا بوح

وهذا حال الشتا والأمراض الي فيه

وكل الي ذكرتيه ما شاء الله شي جيد وله مبالغه فيه بالعكس

الحمد لله بنتي تمرض بس ما ادري احسها يعني عادي على الرغم من اني من يشتى الجو البسها والكل يقول لي ماله داعي واشوف عيال العائله مب ملبسين عدل وكل على راحته

جربي تبخري البيت بعلك البان كل يوم وخلي يبخر بالمكان يعني عادي وله تخافيه على العيال لانه هذا دواء ونافع

لاني احبه فالحمد لله بشكل يومي ابخر البيت به

وهو مفيد حتى لمجرى تنفس لانه يعتبر معقم

مشكوورة عنوني على المشاركة الحلووة ، الناس تنتظر الشتا حق البراد والمطر وانا انتظر متى يخلص الشتا لأني اسوي حالة اعتكاف في البيت غير انه عدو لدود لأطفالي بالنسبة لنوبات الكحة والزكام المتلاحقة :sick: انا بعد احس ان لبس اولادي مافيه مبالغة بس خواتي عقدوني من زود ما يقولون ليي كله معيشة اولادش في الاسكيمو وماليه داعي كل هالتحصين :confused: الجو صدق برد وللحين في اوقات اطلع اشوف بعض الأطفال ابو 10 او 8 سنوات لابسين فانيلات بكم قصير :confused::!!: ، من قبل يومين بس شفت شاب في البرادة اللي جنبنا لابس شورت :!!::!!: ، مايحسون بالبرد ؟ ؟ شكله ان اللي يخاف من العفريت يطلع له على قولتهم يعني احنا اللي نخاف بزيادة يمرضون أطفالنا أكثر من غيرهم .

** ماعرفت شنو علك اللبان وشلون طريقة استخدامه ووين ألاقيه ؟ ؟

ام حمود 2005;14011592:
ما عليهم شر خيو والبنات كفوا ووفوا

شكرا ام حمود على المرور الحلو وماشاء الله البنات فيهم الخير والبركة ربي يسلمهم F:

بوح

علك البان تلاقينه في الحواج

وهو بعد يجي في الشبه بس صغار وفيه للأكل بعد

بس إذا رحتين الحوج قولي له ابي علك البان حق بخوره بروحه يعطيش اياه

وطريقته عاديه كلش

تسوين فحمه كأنش بتسوين بخوره وعطيه ولو قعطعه صغيره شوفي البخره بس من تحترق شيليها ولو بتحطين غيرها على كيفش والحين يناسب عن الروائح بدل ما تسوين بخوره خخخ

وشوفي اذا في ذبان وحطي ليش علج بان وشوفي اذا ما تشاردو لو لا وقولي عنوني قالت لانه من خبره امي وحتى لو قلتي للكبار بعد بتشوفين وش يقولون لش

وحتى الرسول صلى الله عليه وآله الكرام كان في زمن الطاعون يخليه والحمد لله لانه يبعد الأمراض

ويوم صارت سالفه انفلونزا الخنازير على طول كنت اسويه في شقتي للين ما يوصل لبيت عمي تحت خخخخ

و الله يا اختي كلنا بالهوا سوا

انا هم اطفالي كل فترة يتمرض واحد منهم و بس يطيب يكون الثاني انعدى
و احنا الشتا عندنا 9 او 10 شهور

حبيبتي حاولي تدفين شقتك يمكن هيه السبب

الله يعينا و يعدي هالشتا على خير

مايشوفوا شر الحلوين الأجواء المتقلبة هي السبب وراء مرض اطفالنا وبعض الأطفال مثل ماذكرت سابقا تكون مناعتهم ضعيفة حتى يكملوا 5 او 6 سنوات وبعدها يتحسن وضعهم بالتدريج دائما كثروا من السوائل الساخنة والعسل الطبيعي
ومن ناحية المضاد اطلبي ان يكون فتراته على مرتين من الطبيب اسهل لك وللحلوين انا دائما اطلب هالطلب واغلب اطبائنا من نفسهم يقسموه على جرعتين لسهولة اعطائه للطفل

ما يشوفون شر الحلوين إن شاء الله

الله يساعدش بوح الجهال وي هالجو يدوخون كل مرض
اني واحد ودايخ تخيلي طول الليل بس يتقلب ويصيح
ما عليه شر

اووووووووه جيتي على العوق ام محمد ...

بنتي مو بس من بداية الشتا مرضانه !! الا من ولدتها لدرجه اني تعبت واني اعطيها ادوية وملفها صار في المركز والعيادة وش كبره :(

مع اني اتحمل فيهم عدل .. بس احس مناعتهم ضعيفه وايد على الرغم من الرضاعه الطبيعية .. :(

والدكتور قال وايد اخذت مضادات على الرغم من سنها ...

بس حبيت اسال ؟؟؟؟ اذا الطفل فيه التهاب اذن او حنجرة شلون نعالجه من غير المضاااااد !!!!! ..؟؟؟؟؟

ايسمار;14013942:
مايشوفوا شر الحلوين الأجواء المتقلبة هي السبب وراء مرض اطفالنا وبعض الأطفال مثل ماذكرت سابقا تكون مناعتهم ضعيفة حتى يكملوا 5 او 6 سنوات وبعدها يتحسن وضعهم بالتدريج دائما كثروا من السوائل الساخنة والعسل الطبيعي
ومن ناحية المضاد اطلبي ان يكون فتراته على مرتين من الطبيب اسهل لك وللحلوين انا دائما اطلب هالطلب واغلب اطبائنا من نفسهم يقسموه على جرعتين لسهولة اعطائه للطفل

شكرااا لمرورك ايسمار بالنسبة للمضاد كذا مرة طلبت مضاد ابو مرة او مرتين ومرات كثيرة ما يكون متوفر في المركز واشتريه من برى بس :worn_out: النتيجة ترجيع من اول جرعة او قبل ما اكمل الجرعة حتى ، ما أدري ويش السر في ريحة المضادات اللوعة :confused: ولهذا السبب ما صرت اغير من يقرر لي الدكتور مضاد اني اقول ليه عن اللي يرتاحون ليه اولادي ويكتبه لي .

مسك أبيض;14014211:
ما يشوفون شر الحلوين إن شاء الله

الشر ما يجيك والله يبعد المرض عن أطفالكم .

شط الفرات;14014354:
الله يساعدش بوح الجهال وي هالجو يدوخون كل مرض
اني واحد ودايخ تخيلي طول الليل بس يتقلب ويصيح
ما عليه شر

الله يعينش ومايشوف شر ، الحمدلله ما أترك اولادي يوصلون لهدي المرحلة اول ما أشوفهم يكحون في الليل وما يقدرون ينامون على طول المستشفى .

ياسمينة الفريج;14014742:
اووووووووه جيتي على العوق ام محمد ...

بنتي مو بس من بداية الشتا مرضانه !! الا من ولدتها لدرجه اني تعبت واني اعطيها ادوية وملفها صار في المركز والعيادة وش كبره :(

مع اني اتحمل فيهم عدل .. بس احس مناعتهم ضعيفه وايد على الرغم من الرضاعه الطبيعية .. :(

والدكتور قال وايد اخذت مضادات على الرغم من سنها ...

بس حبيت اسال ؟؟؟؟ اذا الطفل فيه التهاب اذن او حنجرة شلون نعالجه من غير المضاااااد !!!!! ..؟؟؟؟؟

عورتين قلبي عليها وعليش :( ، بس اللي اعرفه ان اذا في التهاب وخاصة اذا صاحبته صخونة لازم مضاد .

وتسلمى حبيبتى والله يعطيك العافية وان شاء الله اطفالنا ما يشوفون شر

واااي يابووح جبتينها على الجررررررررح والله

شقوول وشخلي علوووي من عمره جم يوم زار المستشفيات ولازاااااال عمره شهرين

سوو له اشعه على بطنه عور قلبي تمت اصيح وحتى دم اخذو منه كان ترجيعه مايوووقف

ادويه الدنياااا يعطوووني وكل دكتور يقولوون لي زين اركض فيه وتعرفين الناس كل يوم

يقوولون هالدكتور افضل واحسن وليش رايحة اهني يتعبووونج اكثرر من مرض ولدج !!

وكبر شووي وابتدت وياه التهاب الاذوون والبلاعيم والكحه تم صدره يطلع صوووت قووي

وغريب وديته كذا دكتور قالي يعاني من ضيق القصبة الهوائية بس بروح اذا كبر وهو يروح

الحين ويرجع على طول زكاااااام وبلاعيمه ومشكلة ولدي ماياكل كلشش كفاية على

الحليب فقط واذا جت بلاعيمه مايرضى يشررب ونفسيتيي معدومة منه طبعاا ناس

قالو لي خلج على المراخ احسن من المضادات وناس قالو لي المضادات احسن

اول شي واجد ولدي اخذ مضادااات كل شهر واحد ياخذ والحين عمره حتى ماصار سنه

تميت امرخ بلاعيمه يصيروون زينين ويرجعوون مثل الشي فعرفت ان ولدي مناعته جدا

ضعيفه وعارفة ان كل اسبوعين يمرض خصوصا الترجيع اذا بلاعيمه لاززم يررجع ويبهذلنييي

وينززل وزنه بشكل :'(:'( وحاليا استخدم له المضاد الثاني في الاسبوع الثاني لان

الاسبوع القبلي استخدمت له مضاد كل 3 مرات ماجاب نتيجة وكتبو لي هالاسبوع اقوى

كل مرة وحدة بس حسيته ممتااااااز اليوم ثالث وحسين ان تحسن الحمدلله وطبعا

البخار من جبته استخدم له ماحس فيه نتيجة ابد !!!


الله يشااااااااااااااااااافي عيالنااااااا ياااارب


ايزيبكت ولدي استخدم له حسيته ززين لان علوي يرجع البلغم منه بس انتي مو مبالغه في

لبسهم وهذا كل من الجوو ومناعة عيالج انا بعد بناات ياريت تقولون لي اششياء تقوي

منااعته

والله يشافي ويخلي الحلووين ياااااااااااااارب

الظاهر كل عيالنا مراضى من هالجو

ولدي الكبير مسكين على طول ملتهبة بلاعيمه بس أبوه من كثر ما يخاف عليه

بس يترس له أدوية ويخاف يشيلون له البلاعيم !

الله يحفظه يكسر خاطري معنه ما ياكل ايس كريم ولا يشرب بارد


وعن أولادش تقولين انهم ما يمدي يشفون يردون يمرضون ؟

انتين تكملين لهم المضاد ؟؟؟

لنه يصير جذي أكثر شي اذا ما تعالجو زين من المرض أول مرة

يعني لازم تعطيهم المضاد على وصف الدكتور يعني المدة اللي يكتبها الدكتور

مو تشوفيهم شفو وتقطعين !

وثاني شي لازم تتقيدين بالوقت

ويمكن بعد مناعتهم ضعيفة وبس يكبرون تقوى مناعتهم ...

ياربي يحفظهم وما عليهم شر ...

مايشوفون شر عيالكم