ماهو السؤال الذي لا تحبي أن يسألك به أحد؟؟؟؟

نفس البنات ما احب اللقافة
والأسئلة الشخصية حيل تنرفزني
اذكر زفيت بنت عشان سالت رفيجتي ليش تطلقتي حرام
توج متزوجة<<<<<يعني أكيد ماكو. نصيب شهالغباء

{ من تحبين؟.....~
أو كنتي تحبي احد؟

هالسؤالين بالذات محب حد يسالني عنهم
محد له دخل احب الي احب وقت ماحب ههههههه محد له شغل ياخي

ومحب احد يسالني ... عن وزني
يقولون مثلا ضعيفة كم وزنك؟

{ نور آلـ ع ـرب..~;14229321:
{ من تحبين؟.....~
أو كنتي تحبي احد؟

هالسؤالين بالذات محب حد يسالني عنهم
محد له دخل احب الي احب وقت ماحب ههههههه محد له شغل ياخي

ومحب احد يسالني ... عن وزني
يقولون مثلا ضعيفة كم وزنك؟

نفسج بالضبط
:worn_out:

انا ما بحب حدا يسالني ليش ما تغيري عفش بيتك ؟؟ او ليش ما تشتري فستان للمناسبة اللي عندي؟؟ 8o|

مااحب الاسئلة الشخصية والتدخل في الشئون اللي مايعرف جوابها الا الله


ولا أحب الأسئلة اللي جوابها ماينفع ولايضر حد انما يسألونها لمجرد الفضول


يسلموو ع الموضوع :)

ليتنا وليت من حولنا يطبق: (من حســن إسـلام المرء تركه ما لا يعنيه)!!

ولكن الفضول وحب معرفة كل شاردة وواردة مهووس به بعض الناس -عافانا الله-
أكره أن أسأل عن أموري الشخصية التي لا تنفع أحدا ولا تضره؛لاختصاصي بها دون غيري!!

تشكري ع السوال\\
اكره حد يسالني ليش مادخلتي الجامعة وقبلوك كلية مع انك متفوقة

ما احب حد يسئلني كم وزنك
زكمان ليش امك وابوك تطلقوا
مشكورة على الموضوع النايس

أحس الكل اجمع على الأسئلة الشخصية
وأكيد أنا مثلهم بعد..8o|ما أحب اللقافة
خصوصا من ناس معينين ..وعلى كثر ما اعطي طبخاتي
وبالتفصيل الممل ..احصل إن في ناس تعكس الصورة ..
اني حسودة وما بعطيهم شي ..
عاد أنا اموت قهر ..من سؤال كيف تسوين هالطبخة ..والا انتي ماتبغي تعطينا ؟؟
يعني باستفزازوتحدي عساس اعطيهم الطريقة..
فيكون ردي مادري اخربط وتطلع معاي او صح مابغي اعطيكم هذي اسراري :D:lol:

ما حب حده يسألني كم معدلك التراكمي وئديش ضايلك

مثل ماقالوا البنات الأسئلةالشخصية ماأحبها باللأضافة الى الأسئلة الغريبة اللي
تسألني اياهاأم زوجي لما احدمن عيالي يتعب: ماعطيتيه دوا..ماسويتي ..مافعلتي..
اكيدمن حبهابس ذولي عيالي وماحدبيخاف عليهم قدي ومومعقولة بهملهم
يعطيكي العافيةعلى الموضوع

مشكور حبيباتي ع التفاعل الحلو نورتو الصفحه

ما أحب أحد يسألني عن حياااتي الخاصه ... وأموووري الشخصيه ...

خصوووصاً إذاا كانووو من الناااس اللي يمشووون ويتكلموون مع هذااا وذاااك ...

لييش انتي ساكته وهادئة ماتتكلمين؟؟؟
هالسؤال مااحبه ينرفزني لان ماعندي اجابة

ما احب احد يسالني كم وزني؟ ولا ليش ماحملتي للحين؟ ولا كم راتب زوجك؟ وحاجات كثيرة مشكورة عالموضوع

أنا بصراحة ما أحب حد يسألني هاي الأسئلة
1- وين انتي الحين بالظبط ؟
2- شوعلاقتج بريلج ؟
3- كم راتب ريلج وشو يشتغل ؟

أشكرج يالغلا على الطرحــ ..
تقبلي مروريــ ..

مااحب احد يسالني عن حمولتي