بنتي طلعت حاملة الفااا ثلاسميااا

ما عليها شر البنوووته والله يطمنش عليها

ام عبادي هذا مرض وراثي يعني لازم انتين او ابوها تكونون حاملين هالمرض
يعني ما يجي وراثة من جدتها او عمها او خالها لازم الام او الاب

واحتمال يكون غلط لانها وااجد صغيررة ويارب عقب سنة يكون الفحص سليم وما فيها شيي
ولا تخافين اذا طلعت حامل المرض دمها يكون ناقص اشوي ولازم تهتمين في اكلها عشان دمها ما ينزل اكثرر مو ان تهتمين باكلها والمرض يختفي منها لاا القصد من اهتمامش باكلها عشان دمها ما ينقص اكثرر لانة هو اوردي ما يرتفع ويصير طبيعي
والشي الاكيد ان اذا كبرت تاخذ واحد سليم وبسسس

وما عندي فكرة عن دكاترة للحالة بس تقدرين تروحين المركز وتطلبين دكتورة زينة وبشوشة وتدخلين عليها وتسالين كل الي خاطرش فيه وهي بتفهمش كل شيي ان شاء الله

نفس بنتي

إذا كانت حامل للمرض ما راح يكون فيها اي شيء سوى نقص الدم الدائم

أم عبادي حبووبة لا تخااافين
وان شاااء الله مثل ماقالوا لج البنات بعد
سنة تسوين لها وما يكون فيها الا العااافية يارب

واذا تبين تطمنين وديها لدكتور اطفال واذا في اي شي اهو يحولج
يعني انا اودي بنتي لدكتور عبد الهادي في ابن النفيس واذا تحتاج لدكتور متخصص
ياخذ لي موعد للتحويل

أختي أم عبادي لا تحاتين اللي عليش تروحين مرة ثانيه المركز الصحي التابع ليكم وتخبرينهم ان لا انتي ولا أبوها عدكم المرض وانج تبين تعيدين الفحص عشان تتأكدين لأن نفس الموضوع صار لبنت أختي وعادوا التحليل وطلع مافيها

بنتك مافيها الا العافية

انا حامل الفاثلاسيميا بعد.. ترا مافيه اي مشكلة غير مثل ماقالت احدى الاخوات ماترتفع النسبة عن 10، وفعلا المرض مايروح لانه وراثي، واذا قالوا راح معناها اول تحليل غلط، لان الامراض الوراثية ماتروح ابدا، او محتاج الشخص تحليل خاص لأن قريت مرة ان الالفا اذا كان النقص في مورث واحد يظهر في التحليل في اول الاشهر في الحياة بعدين لما يكبر الشخص ما يبان في التحليل العادي مع انه موجود، ويحتاج تحليل خاص حتى يكتشفوه

عموما ترا مافيه مشكلة ابدا خليها عايشة حياتها وانتي عيشي حياتك ولاتشيلين هم لان عادي جدا كان مافيها شي

حتى لما الله يبلغك وتبلغي فيها عروس، ممكن تاخذ حامل نفس المرض ولايصير شي في اولادهم شي حسب توزيع النقص
يعني يشوفوا هي حامل بنقص كم وعلى اي جهة، وهو حامل بنقص كم وعلى اي جهة، واذا كانوا الجهات مايسووا مشكلة تقدر تاخذه وماتخاف على اولادها ماتجيب مصابين
هو مو مثل السكلر حامل وحامل يساوي مصاب.. هذا في اغلب الحالات حامل وحامل = حامل أوسليم بعد، الاصابة جدا صعبة ونادرة.

والحمد لله جات على الالفا لانه مايسبب مشاكل، مو مثل البيتا، البيتا هو الصعب

والله يحفظها ويبلغك فيها

ما عليها شر الكتكوتة

هلا بأختي الغالية

مثل ما قالوا البنات من قبل لا تخافين اختي ترى المرض عادي

الفا ثلاسيميا ما يخوف كلش
البيتا هو الي خطير

ترى اكثر من نص البحرين فيهم الفا عادي كلش بس يكون الهيموجلوبين نازل شوي

يعني ما فيه اي اعراض ولا اي آلام للمرض
وحتى في سالفة الزواج مستقبلا ان شاء الله تقدر تتزوج عادي حتى الي عنده نفس المرض
المرض وراثي 100 % واكيد اخدته من الام او من الاب او حتى من الاثنين

اختي الجينات المسئولة عن الفا متكونة من 4 اجزاء
ثنين يكونون جايين من الام واثنين من الاب

وطبعا يعتمد حدة المرض على الخلل في هالاربعه
يعني ادا الخلل في 1 بس يكون المرض اخف
وادا في 2 يكون شوي اكثر وطبعا ادا في 4 يكون اسوء شي

وقد يكون انها تاخد جين مريض واحد من الاب وجين مريض واحد من الام ويضل عندها 2 سليمين

اختي مثل ما قلت قبل عادي المرض بس اهتمي بالتغذية والاكل الصحي المفيد عشان ما ينزل الدم واجد

بس عندي سؤال اختي الفاضلة

شلون عرفت الدكتورة انه بنتك عندها الفا ؟؟؟

ترى التحليل ما يمكن التأكد منه الا فقط بالفحص الجيني
الي يسوونه عندنا في مختبرات الامراض الوراثية الي في مركز الفاتح
يعني ادا ما سويتينه هناك احتمال ما يكون عندها الفا

وعادة هناك يسوون فحص للام والاب بعد مع الطفل المريض

يعني المفروض انك تعرفين نوع الجين وحدته ومن وين مصدره والنتايج تطلع مع بعض

الله يعطيها الصحة والعافية ويطمنك عليها

اختي بعيد وبكرر عليك

ترى دكاترتنا ما يعرفون شي لا تاخدين اي كلمة الا من دكتور مختص بالامراض الوراثية

يعني الحين هي بس من تحليل الهيموجلوبين عرفت انه عندها الفا ؟؟

قمة الفهامة !! اسمعي اختي احتمال كبير ما يكون عندها الفا ويكون بس عندها نقص حديد عادي مثل اغلب الاطفال الي في هالعمر
لان اعتماد اغلب الاطفال يكون على الحليب والي يكون نسبة الحديد فيه قليلة ولازم يكون اتدخلين الاكل المحتوى على الحديد من فترة مثل الفواكة والخضروات

وطبعا على طول بدون ما تتأكد الدكتورة على طول عطتك حديد بالضبط مثل الي صادني مع بنتي

اختي قبل تعطينها الحديد اول اتأكدي من نسبة الحديد في الجسم وهذا تحليل عادي يعني قبل ما يسوون الها الفحص الجيني الالفا لازم يسوون اليها فحص الحديد

ادا نسبة الحديد ناقصه معناها انه المرض من الحديد وادا نسبة الحديد طبيعية فمعناه انه احتمال من الالفا ثلاسيميا وبعدين يقبلون يسوون اليك التحليل لان تحليل الالفا مكلف جدا وما يسوونه الا الى الي عندهم الحديد نازل وهذا طبعا من خبرتي معاهم اعرف هالشي

بس معلومة بسيطة خواتي بين قوسين

(( الي عندهم خلل جيني في الالفا جين لا يستفيدون من الحديد المعطى كمكمل غذائي لان الخلل في مكان غير وليس للحديد علاقة فيه ))

بل قد يكون بالعكس زيادة الحديد مضرة لان الجسم يضطر انه يخزنه في الجسم وهو في غير حاجه اليه

وطبعا مثل ما قالوا الاخوات المرض ادا فعلا الفا ثلاسيميا ما يمكن اصلاح الجين لان مرض وراثي ليس له علاج
ولكن نقدر نخفف منه بالغذاء الصحي مثل ما قلت سابقا

يعني اتطمني ان شاء الله وما فيها الا العافية
مدام ما سويتين الفحص للطفلة للالفا فأحتمال ما يكون عندها اصلا المرض

الله يشفيهاااا
و الله ما عندي فكره
انشاءالله الامهات ما يقصرون وياج

بنتي عندها افا ثلاسيميا واتابع في السلمانية عيادة الاطفال عند

دكتورة خلود السعد

وان شاء الله خير ودمها داائمااااا نازل ونسبة الحديد في الدم بعد قليلة جدااااا

ما عليها شر ان شاء الله

ماتشوف شر كوثوووره

ولاتخافين خيووو ناس واجد في هالمرض .. مثل الا فيهم نقص خميرة .. ناس واجد

لاتحاتين واكو قالت ليش بنت شرف

ما تشوف شر الكتكوتة
ولا تحاتين ترى إذا حامل يعني سليمة

مشكورين خواتي على الردرود والله لايشغل بالكم على اولادكم يارب
قراة كل ردوكم مسامحة مااقدر ارد عليكم كلكم
حبيبة جيمي خيوو اي اني قريتة انه وراثي لكن لااني ولا ابوها فينا هالمرض ولا احد من العائلة اصلا
ويارب يكون فعلا غلط يارب

ام عبادي اذا محد فيكم فيه هالمرض يمكن احد فيكم فيه نقص الخميرة والثاني مريض سكلر فيطلع البيبي حامل هالمرض والله اعلم لاني كاني سمعت مثل هالمعلومة

الله يحفظ لكم البنوته

عروس ديرتي;13983883:
ام عبادي اذا محد فيكم فيه هالمرض يمكن احد فيكم فيه نقص الخميرة والثاني مريض سكلر فيطلع البيبي حامل هالمرض والله اعلم لاني كاني سمعت مثل هالمعلومة

عفوا اختي
موصحيح هالكلام

التحليل حق الالفا ثلاسيميا مو سهل ، بمكن اهم فيهم بس مايدرون مو باين يعني
يحتاجوا تحليل غير و خاص حتى يتأكدوا

لا تخافين خيووو ما عليها الا العافية

اني اولاد عم زوجي مصابين بثلاسيميا و الحمد لله عايشين حياتهم الله يخليهم الى اهاليهم و يبعد عنهم الشر و المرض هذا ما يخوف اني حاملة سكلر بس في الحمل اكتشفو ان دمي ناقص و ما يزيد حتى مع الحديد و الدكتورة كانت تغير ليي نوع الحديد ولا يفيد ويايي و لما سوو لي فحص طلعت حاملة ثلاسيميا الفا رغم اني مسوية فحص زواج بس قالو حامل سكلر فقط و في الحمل طلع عندي ثلاسيميا الفا فلا تخافين اهم شي تهتمين فيها و تغذينها اوكي و ماعليها الا العافية