عروس محتاره - منتديات عروس

د

دلوعة حبيبهاا

عروس مشاركة

16-12-2010 | 09:36 PM

السلام عليكم ورحمة الله وبركاته

×شلوونكم بنات×

:o

احب ابتدي بالموضوع على طول

انا عرسي شهر "11" الجاي

ادري وقت طويل شووي
بس الايام تركض
وانا ابي اجهز على راحتي يعني شوي شوي
<حبه [COLOR=mediumturquoise]حبه على قلبي حبه حبه> :worn_out:[/COLOR]

؟؟ شنو اجهز أول شي الي اخر شي ؟؟

استناكم ...
:rolleyes:

د

دلوعة حبيبهاا

عروس مشاركة

16-12-2010 | 09:58 PM

اين انتم يا صبايا

(

((حلاوتي بشقاوتي))

عروس ماسية

16-12-2010 | 11:04 PM

هلا بك حبيبتي اولا الف الف الف الف الف مبروك ثانيا جهزي بالاول الذهب عشان ترتاحين ثالثا مشتريايتك الخاصه اللبس الداخلي عاد انتي تعرفي ايش اقصد والشامبوهات وماالى ذلك واخر شي اللبس ليش لانه اكيد بتتغير الموضه ويجي شي جديد واخيرا الله يوفقك ويسعدك 000 انا هذا رايي مع اني مومتزوجه بس جهزت لاختي ايام زواجها

f

fo0ofy

عروس مبدعة

16-12-2010 | 11:17 PM

نفس كلام الاخت الي فوقي وسوي خلطات هالايام اهتمي بنفسك والله يوفقك ويتمم زواجك ع خير وربي يحفك من كل شر اتمنى لك حياة سعيده

ا

الجمهرهـ

عروس مشاركة

18-12-2010 | 05:45 AM

أولا : الله يوفقج و ييسر امرج

ثانيا :

ابتدي بالاشياء الي تحتاج الى حجوزات + اشتري الشبكه

و بما انماا باقي وقت كثير .. انا في رايي .. استقلي فتره التنزيلات الي بتصير على السنه الجديده و الكريسماس و اشتري ملابس البيت و البجايم و القطنيات بشكل عام و الاكسسواراات + الالكترونيات ( استشوار .. فير .. ماكينه براون .. استريتنر ....)

و بعدها ارتاحي و لا تشيلين هم و اهتمي في روحج و بشرتج و جسمج .. و من قبل لا يجي الصيف ابتدي لأنه شهر 8 رمضان .. يعني حاولي تبتدين على شهر 5 او 6
ابتدي في جهازك من ملابس و فساتين و عبي .. ملابس دخليه ..لانجري ... الخ

عشان لو شريتيهم من وقت .. احتمال اما تضعفين ولا تسمنين .. ولا تروح موضتهم .. ولا تشترين الملابس بالهبل .. حسبي حساب شهرين بس
و بعدها ربي بيسر لج اما زوجج بيشتري لج .. و اما اذا الله كتب تحملين .. و بيتغير جسمج

و قبل العرس بشهر ولا شهر و نص .. اشتري المكياج .. و اخذي الاشياء المهمه و الي تعرفين روحج بتستعملينهااا

ملاحظه : بطرش لج ملف تجهيز على الرسايل الخاصه و ان شاء الله تستفيدين منه

ر

رزان الفلة

عروس متألقة

18-12-2010 | 12:26 PM

لو تبغي زفة راقية

اكتبي في جوجل زفات المدينة

ابداع

c

chocolate baby

عروس ماسية

19-12-2010 | 12:49 AM

هلا اختي
شخبارج؟ ان شاء الله بخير
ما حبيت ادخل وما ارد عليج مع اني من البحرين
حبيت اقولج اهم الاشياء المفروض اتوسينها وتحجزينها قبل العرس

1- حجزي صالون حق الشعر علشان اتسوين لج تسريحة للعرس
2- حجزي صالون او ماكيرة للمكياج حق العرس
3- حجزي حناية علشان اتحنيج لعرسج
4- حجزي صالون للمانيكير والبادييكير للعرس
5- اذا تبين اتسوين توزيعات للعرس لازم اتفكرين في فكرة او اتروحين لمحل وتحجزين عنده
6- تحجزين الكيكه للعرس
7- تحجزين لعشا العرس
8- تحجزين حق محل يسوي باقات ورد للعروس
9- اتسوين لج فستان للعرس او تشترينه جاهز
10- تشترين لج الاكسسوارات لشعرج للعرس
11- تشترين لج الحذاء للعرس
12- تجزين لج DJ للعرس
13- تحجزين محل علشان يسوي لج بطاقات الدعوة للعرس
14- تحجزين محل للتصوير ليوم العرس
15- تحجزين صالون علشان اتسوين حمام مغربي اذا تبين
16- تحجزين صالون للحفاف
17- تحجزين صالون حق العناية بالبشرة او الفيشل
18- تحجزين محل علشان يصمم لج كوشة العرس
19- تحجزين حق محل يزين لج السيارة اللي بتوصلج فيها مع المعرس

وان شاء الله قدرت اساعدج وافيدج لو بشيء بسيط
وسامحيني على القصور
والله يعطيج العافية

د

دلوعة حبيبهاا

عروس مشاركة

19-01-2011 | 10:17 AM

مشكووووورين علي المعلومات حبايبي والله

بس ماكينه بروان هذي زينه رفيجتي تقول يطلع الشعر محبب لي داخل الجلد ؟؟
هل ماكينة بروان تشيل الشعر من الجذور مثل الحلاوه ؟
وفي عوار ولا عادي لان احم احم ابيها حق استعمال خاص جدا تعرفوون وين :$

c

chocolate baby

عروس ماسية

19-01-2011 | 11:10 AM

لا شكر على واجب حبوبة
والله يعطيج العافية

M

MARMORA_A

عروس برونزية

21-01-2011 | 08:01 PM

الله يوفقك ياحبيبتى
ربنا يسعدك