بليززززز ساعدوني مليت من طفلي ومن حياتي

حبيبتي كثري من قرائه القران
والادعيه وممكن هو الان بفتره
التسنين فمن شان هيك يرفض
الرضاعه والاكل وربي يساعدك ..

الله يكون في عونش حبيبتي ويهدي طفلش ويريح بالش ان شاء الله

مثل ما قالوا لش البنات في واجد اسباب لبكاء الطفل المتواصل بس اللي عليش تسوينه انش تصبرين وتهدئين نفسيتش قبل لا تحاولين تتعاملين معاه

اول شي لازم تعرفينه ان الصياح ما بيقتله
يعني اذا حسيتينه قاعد يصيح يصيح وهو شارب وماكل ومغير له ومو ناقصه شي وموراضي يسكت خليه في مكان امن بحيث ما يطيح او يأذي نفسه وروحي اقعدي في زاوية ثانية بروحش او حتى اطلعي من الغرفة اللي هو فيها لدقيقة او دقيقتين على ما تهدأ نفسيتش واعصابش

في اطفال يصيرون لحوحين ومزعجين لما نحاول نسكتهم ونخفف صياحهم فاذا كانت عندش الطاقة انش تسمعينه يصيح 3 او اربع دقايق اتركيه ولاتحاولين تسكتينه يمكن يكون متضايق منزعج ولما تحاولين تسكتينه تزيدين ازعاجه فخليه يهدأ بروحه شوي وبعدين روحي ليه بدون ما تتكلمين ولا حرف وشيليه في صدرش وانتي ساكته وطبطبي عليه على خفيف وصلي على النبي واقري عليه آيات وخليه يسمع صوتش وانتين تقرين له القران

ثانيا اذا الطفل مو قاعد يستجيب لمحاولاتش وماقاعد يفيد وياه اي شي فأكيد أكيد انه قاعد يتألم وفي شي زاعجه وموعارف يوصل لش المعلومة.. الحين هو في مرحلة تسنين والجو بارد يمكن الولد ماخذ برد ويمكن لاسمح الله عنده مشكلة مالها علاقة بالعمر ولا بالجو يمكن عنده مشكلة تاعبتنه من اول ما انولد فالأفضل تعرضينه على دكتور وهو يسوي له الفحوصات والتحاليل اللازمة عشان يتأكد ان هل سبب البكاء شي عضوي او مزاجي

شغلة ثانية لازم تخلينها في بالش ان الطفل يفهم ويستوعب.. يعني اذا كان مزاجش من البداية مو عدل فمباشرة بتنعكس عليه المشاعر السلبية وبيبدي يصيح ويتضايق واذا انتين نفسش خليتين في بالش ان الولد بيصيح وبيعذبني وبيضايقني فهالافكار والاحاسيس بتوصل له وبتأثر عليه لأن الأفكار الايجابية والسلبية تنتقل من شخص للثاني وحتى بدون ما تنتقل بين الاشخاص فهي تأثر على الجو العام فلازم توحين لنفسش انه الولد زين ومافيه الا العافية وما بيصيح وما بيتعبش عشان هو يلتقط هذي الاشارات من المحيط وتصير عنده طاقات ايجابية

واهم نقطة بالنسبة لي هي الايمان بالله والقران
خلي نفسش دايما على وضوء وداومي على الصلاة وتلاوة القران وصلي على النبي لما تتعاملين مع طفلش
اي شي تعطينه الولد اقري عليه سمي بالرحمن واقري المعوذات واعطيه اياه
خلي البيت فيه صوت القران على طول واذا كان نايم خلي القران يشتغل على خفيف في المكان اللي هو نايم فيه عشان يغذي ذهنه ويصفي نفسه من الشوائب ومن الضيق وحتى من الألم لو كان يتألم من اي شغلة

ووقت اللي تفضين اخذي ماي وبعد الصلاة اقعدي اقري على الماي سورة ق ومحمد والنور ويس والمسد والقارعة والزلزلة وشربيه منه او سوي منه المرضعة واذا بعده يشرب من صدرش فانتين اشربي من هذا الماي وان شاء الله بيفيد الولد

سورة ق تهديء ألم السن
وسورة محمد تجعل الولد صبور
وسورة النور ويس تشفي من كل داء
وسورة المسد والقارعة والزلزلة تهديء بكاء الطفل

والله يهديه ان شاء الله ويخفف عنش ضيقش وتتهنين مع ولدش وتفرحين فيه :)

وسامحيني على الاطالة

السلام عليكم هلا اختي
ابقى اعلمك شي انه مستحيل اهلك يكرهون طفلك مثل ماقلتي
واكيد انه يحبونه ويحبون يشفونه

لكن واضح انه طفلك كثير البكاء لدرجة انك انتي قلتي ملتي من حياتك وانتي امه

والام تتحمل كل شي ويمكن اهلك نفس الشي دخلهم الملل بس مستحيل يكرهونه


انصحك يااختي حاولي تقرين عليه سورة يس وسور القران وادعيله في الصلاة دعاء الام مستجاب واطلبي من اهلك يدعوله وحصنيه وربي يحفظه لك

ونفس الشي حاولي تهدين نفسك وتعامليه بحنيه قد ماتقدري وان شاء الله يتغير وتجين تبشرينا

والله انك صادقه ياحبيبتي
الطفل الاول دايم بيكون كده ممل ومتعب
والبنات ما قصرو اتبعي نصائحهم
وحاولي تغيري عليه الجو خرجيه اشتريلو الالعاب بالاصوات الطفل ينجذب لهده الالعاب
حاولي دائما تقري عليه الاذكاروالله يعينك ويصبرك
وبعدين لو ما فيه شي يعني مو تعبان ومغيره لو الحفاظه وشبعان خليه يبكي وتشيليه عمر الصياح ما يضر راح يسكت
تشوفو كيف اهلنا تعبو علينا وعلى تربيتنا